පාරා 29

තබාරකල්ලසි

137 පද්‍ය
📖පාරා

පාරා 29

තබාරකල්ලසි — 137 පද්‍ය

المجادلة1-22الحشر1-24الممتحنة1-13الصف1-14الجمعة1-11المنافقون1-11التغابن1-18الطلاق1-12التحريم1-12
المجادلةමදීනී
1

قَدْ سَمِعَ اللَّهُ قَوْلَ الَّتِي تُجَادِلُكَ فِي زَوْجِهَا وَتَشْتَكِي إِلَى اللَّهِ وَاللَّهُ يَسْمَعُ تَحَاوُرَكُمَا ۚ إِنَّ اللَّهَ سَمِيعٌ بَصِيرٌ

(නබිවරය,) තම ස්වාමි පුරුෂයා පිළිබඳව නුඹ සමග තර්ක කරමින් අල්ලාහ්ට පැමිණිලි කළ කාන්තාවකගේ කතාව අල්ලාහ්ට ඇසුනි. තවද අල්ලාහ් නුඹලා දෙදෙනාගේ දෙබසට සවන් දෙන්නේය. සැබැවින්ම අල්ලාහ් සර්ව ශ්රාවකය සර්ව නිරීක්ෂකය.
2

الَّذِينَ يُظَاهِرُونَ مِنكُم مِّن نِّسَائِهِم مَّا هُنَّ أُمَّهَاتِهِمْ ۖ إِنْ أُمَّهَاتُهُمْ إِلَّا اللَّائِي وَلَدْنَهُمْ ۚ وَإِنَّهُمْ لَيَقُولُونَ مُنكَرًا مِّنَ الْقَوْلِ وَزُورًا ۚ وَإِنَّ اللَّهَ لَعَفُوٌّ غَفُورٌ

නුඹලාගෙන් කවරෙකු තම භාර්යාවට (නුඹ මාගේ මව මෙන් වන්නේ යැයි පවසා) ළිහාර් 1 කරන්නේ ද ඔවුහු ඔවුන්ගේ මව්වරුන් නොවෙති. ඔවුන්ව ප්රසූත කළවුන් මිස (අන් කිසිවෙක්) ඔවුන්ගේ මව්වරුන් නොවෙති. සැබැවින්ම ඔවුහු පිළිකුල් සහගත ප්රකාශයක් ද අසත්යය ද පවසන්නෝය. තවද සැබැවින්ම අල්ලාහ් ක්ෂමාව පිරිනමන්නාය අති ක්ෂමාශීලීය.
1‘ළිහාර්’ යනු එකල අරාබිවරුන් අතර තම බිරියගෙන් වෙන්වීම පිණිස “ඔබ මාගේ මවගේ පිට මෙන් සමාන” යැයි පවසා ඇයව මවගේ ස්ථානයේ තබා පවුල් ජීවිතයෙන් වෙන් කර තැබීමේ වැරදි සිරිතක් පැවතුණි. මෙවැනි සිදුවීමක් හව්ලා බින්ත් සඃලබා හා ඇගේ ස්වාමි පුරුෂයා වන අවුස් බින් සාමිත් අතර සිදු විය. පසුව ඇය මෙම කාරණාව නබි මුහම්මද් තුමාණන්ට පැමිණිලි කරමින් තර්ක කළ අතරම ඒ පිළිබඳව අල්ලාහ්ට ද කන්නලව් කර සිටියාය. මෙම සිදුවීම මුල් කර ගෙන මෙම වදන් පහළ විය.
3

وَالَّذِينَ يُظَاهِرُونَ مِن نِّسَائِهِمْ ثُمَّ يَعُودُونَ لِمَا قَالُوا فَتَحْرِيرُ رَقَبَةٍ مِّن قَبْلِ أَن يَتَمَاسَّا ۚ ذَٰلِكُمْ تُوعَظُونَ بِهِ ۚ وَاللَّهُ بِمَا تَعْمَلُونَ خَبِيرٌ

කවරෙකු තම භාර්යාවට (නුඹ මාගේ මව මෙන් වන්නේ යැයි පවසා) ළිහාර් කර පසුව තමන් කළ ප්රකාශයෙන් මිදීමට ඉදිරිපත් වන්නේ නම් ඔවුන් දෙදෙනා (ලිංගික වශයෙන්) ස්පර්ශ කිරීමට පෙර එක් වහලෙකු නිදහස් කළ යුතුය. 2 නුඹලාට දෙනු ලබන උපදේශය එයයි. නුඹලා කරන දෑ පිළිබඳව අල්ලාහ් අභිඥාන වන්තය.
2වැඩි විස්තර සඳහා අල් කුර්ආන් 47:4 පාද සටහන් සමග බලන්න.
4

فَمَن لَّمْ يَجِدْ فَصِيَامُ شَهْرَيْنِ مُتَتَابِعَيْنِ مِن قَبْلِ أَن يَتَمَاسَّا ۖ فَمَن لَّمْ يَسْتَطِعْ فَإِطْعَامُ سِتِّينَ مِسْكِينًا ۚ ذَٰلِكَ لِتُؤْمِنُوا بِاللَّهِ وَرَسُولِهِ ۚ وَتِلْكَ حُدُودُ اللَّهِ ۗ وَلِلْكَافِرِينَ عَذَابٌ أَلِيمٌ

කවරෙකුට (වහලෙක් නිදහස් කිරීමට) නොලැබුණේ ද, ඔවුන් දෙදෙනා (ලිංගික වශයෙන්) ස්පර්ශ කිරීමට පෙර අඛණ්ඩව මාස දෙකක් උපවාස ශීලයෙහි යෙදිය යුතුය. කවරෙකුට (එයට ද) හැකියාවක් නොමැත්තේ ද ඔහු දිළිඳුන් හැට දෙනෙකුට ආහාර සැපයිය යුතුය. 3 එ(ම නීති)ය නුඹලා අල්ලාහ්ව ද ඔහුගේ රසූල්වරයාව ද විශ්වාස කිරීම පිණිසය. තවද ඒවා අල්ලාහ්ගේ සීමාවන්ය. තවද ප්රතික්ෂේපකයින්ට වේදනීය දඬුවමක් ඇත. 4
3ළිහාර් කිරීම පාප ක්රියාවක් යනුවෙන් ද එය දික්කසාදයට සමාන නොවන්නක් යනුවෙන් ද මෙම වැකියේ පවසා ඇත. ළිහාර් කළ පුරුෂයා එයට යුතු කෆ්ෆාරා(පාපශෝධනය) කළ යුතුයි. නැතහොත් දික්කසාදය කළ යුතු ආකාරයෙන් දික්කසාද කළ යුතුයි. එහි පාපශෝධනය නම් ඔහු එක් වහලෙකුව නිදහස් කළ යුතුයි. එයට ඔහු අපොහොසත් වුවහොත් මාස දෙකක් අඛණ්ඩව උපවාස ශීලයේ යෙදිය යුතුයි. එයටද ඔහු අපොහොසත් වුවහොත් දුගීන් හැට දෙනෙකුට ආහාර වේලක් සැපයිය යුතුයි. කෙසේ වුවද මෙම පාපශෝධනය කිසිවක් කිරීමට පෙර සංසර්ගයේ යෙදීම තහනම් වේ.
4‘ළිහාර්’ පැවසීම නින්දිත ක්රියාවකි. එමගින් දික්කසාදය සිදු නොවන නමුත් ලිංගික ඇසුර ඔවුන් දෙදෙනාට අනුමත නොවේ. නැවතත් එය අනුමත වනුයේ ආයතයේ සඳහන් පරිදි වන්දි ඉටු කිරීමෙන් පසුවය.
5

إِنَّ الَّذِينَ يُحَادُّونَ اللَّهَ وَرَسُولَهُ كُبِتُوا كَمَا كُبِتَ الَّذِينَ مِن قَبْلِهِمْ ۚ وَقَدْ أَنزَلْنَا آيَاتٍ بَيِّنَاتٍ ۚ وَلِلْكَافِرِينَ عَذَابٌ مُّهِينٌ

සැබැවින්ම කවුරුන් අල්ලාහ්ට හා ඔහුගේ රසූල්වරයාට එරෙහි වන්නේද ඔවුනට පෙර වූවන් අවමානයට ලක් කළාක් මෙන් ඔවුන් ද අවමානයට ලක් කරනු ලබන්නෝය. සැබැවින්ම අපි ඉතා පැහැදිලි වදන් පහළ කළෙමු. තවද ප්රතික්ෂේපකයින්ට නින්දනීය දඬුවමක් ඇත.
6

يَوْمَ يَبْعَثُهُمُ اللَّهُ جَمِيعًا فَيُنَبِّئُهُم بِمَا عَمِلُوا ۚ أَحْصَاهُ اللَّهُ وَنَسُوهُ ۚ وَاللَّهُ عَلَىٰ كُلِّ شَيْءٍ شَهِيدٌ

අල්ලාහ් ඔවුන් සියලු දෙනා යළි නැගිටුවන දින ඔවුන් කළ දෑ පිළිබඳව ඔවුනට දන්වන්නේය. ඔවුන් එය අමතක කර දමා තිබුණ ද අල්ලාහ් එය ගණනයෙහි තබා ඇත. අල්ලාහ් සියලු දෑ කෙරෙහි සාක්ෂි දරන්නාය.
7

أَلَمْ تَرَ أَنَّ اللَّهَ يَعْلَمُ مَا فِي السَّمَاوَاتِ وَمَا فِي الْأَرْضِ ۖ مَا يَكُونُ مِن نَّجْوَىٰ ثَلَاثَةٍ إِلَّا هُوَ رَابِعُهُمْ وَلَا خَمْسَةٍ إِلَّا هُوَ سَادِسُهُمْ وَلَا أَدْنَىٰ مِن ذَٰلِكَ وَلَا أَكْثَرَ إِلَّا هُوَ مَعَهُمْ أَيْنَ مَا كَانُوا ۖ ثُمَّ يُنَبِّئُهُم بِمَا عَمِلُوا يَوْمَ الْقِيَامَةِ ۚ إِنَّ اللَّهَ بِكُلِّ شَيْءٍ عَلِيمٌ

අහස්හි ඇති දෑ හා මිහිතලයෙහි ඇති දෑ පිළිබඳව සැබැවින්ම අල්ලාහ් දන්නා බව නුඹ නිරීක්ෂණය නොකළෙහි ද? ඔහු(අල්ලාහ්) ඔවුන්ගෙන් සිව්වැන්නා ලෙස නොවී තිදෙනෙකු අතර රහස් සාකච්ඡාවක් නොමැත. තවද ඔහු ඔවුන්ගෙන් හයවැන්නා ලෙස නොවී පස්දෙනෙකු අතර (රහස් සාකච්ඡාවක්) නොමැත. එයට වඩා අඩු සංඛ්යාවක් සිටිය ද අධික සංඛ්යාවක් සිටිය ද ඔවුන් කොතැනක සිටියද ඔහු ඔවුන් සමග නොවී (ඔවුන් අතර රහස් සාකච්ඡාවක්) නොමැත. පසුව (මළවුන්) නැගිටවනු ලබන දින ඔවුන් කළ දෑ පිළිබඳව ඔවුනට දන්වන්නේය. සැබැවින්ම අල්ලාහ් සියලූ දෑ පිළිබඳව සර්වඥය.
8

أَلَمْ تَرَ إِلَى الَّذِينَ نُهُوا عَنِ النَّجْوَىٰ ثُمَّ يَعُودُونَ لِمَا نُهُوا عَنْهُ وَيَتَنَاجَوْنَ بِالْإِثْمِ وَالْعُدْوَانِ وَمَعْصِيَتِ الرَّسُولِ وَإِذَا جَاءُوكَ حَيَّوْكَ بِمَا لَمْ يُحَيِّكَ بِهِ اللَّهُ وَيَقُولُونَ فِي أَنفُسِهِمْ لَوْلَا يُعَذِّبُنَا اللَّهُ بِمَا نَقُولُ ۚ حَسْبُهُمْ جَهَنَّمُ يَصْلَوْنَهَا ۖ فَبِئْسَ الْمَصِيرُ

රහස් සාකච්ඡාවෙහි යෙදීම ඔවුනට තහනම් කරනු ලැබූ පසුව ද ඔවුනට තහනම් කරනු ලැබූ දෑම නැවත කරන්නන්ව නුඹ නොදුටුවෙහි ද? 5 තවද ඔවුන් පාපය හා සතුරුකම හා රසූල්වරයාට පිටු පෑම ගැන රහස් සාකච්ඡාවෙහි යෙදෙන්නෝය. තවද ඔවුන් නුඹ වෙත පැමිණියේ නම් අල්ලාහ් නුඹට සුබ නොපතන දැයින් ඔවුහු නුඹට සුබ පතන්නෝය. තවද “අප පවසන දෑ සඳහා අල්ලාහ් අපහට දඬුවම් නොකරන්නේ (මන්)ද?” 6 යැයි තමන් අතර පවසා ගන්නෝය. ඔවුනට නිරය ප්රමාණවත්ය. එහි ඔවුහු (පිවිස) දැවෙන්නෝය. එබැවින් අවසානයේ යොමු වන ස්ථානය නපුරු විය.
5මදීනාවෙහි යුදෙව්වන් හා මුස්ලිම්වරුන් අතර සාම ගිවිසුමක් තිබුණ ද යුදෙව්වෝ එය පසෙකලා මුස්ලිම්වරුන් තමන් අසලින් යන විට ඉගි කරමින් සමච්චලයක් ලෙස රහස් කතා කරන්නට පටන් ගත්තෝය. එසේ නොකරන මෙන් අණ කළ ද ඔවුහු එම ක්රියාව දිගටම සිදු කළෝය.
6යුදෙව්වන්ගේ තවත් අශීලාචාර ක්රියාවක් සම්බන්ධයෙන් මෙය පහළ විය. එනම්, ඔවුන් නබි මුහම්මද් තුමාණන්ව මුණ ගැසුණු විට ‘ඔබට ශාන්තිය හා සමාදානය’ යන අදහස ගෙන දෙන ‘අස්සලාමු අලෙයිකුම්’ යනුවෙන් සුබ පැතීම වෙනුවට ‘ඔබට මරණය අත් වේවා’ යන අදහස ගෙන දෙන වදනින් ආමන්ත්රණය කොට ‘අප මෙසේ සිදු කළ නමුත් අපට අල්ලාහ් කිසිඳු දඬුවමක් නොකරනුයේ මන්ද?’ යැයි විමසූ සිද්ධිය මින් අදහස් වේ.
9

يَا أَيُّهَا الَّذِينَ آمَنُوا إِذَا تَنَاجَيْتُمْ فَلَا تَتَنَاجَوْا بِالْإِثْمِ وَالْعُدْوَانِ وَمَعْصِيَتِ الرَّسُولِ وَتَنَاجَوْا بِالْبِرِّ وَالتَّقْوَىٰ ۖ وَاتَّقُوا اللَّهَ الَّذِي إِلَيْهِ تُحْشَرُونَ

විශ්වාස කළවුනි, නුඹලා රහස් සාකච්ඡාවෙහි යෙදෙන්නේ නම් පාපය හා සතුරුකම හා රසූල්වරයාට පිටු පෑම ගැන රහස් සාකච්ඡාවෙහි නොයෙදෙවු. තවද යහ ක්රියාවන් හා බිය භක්තිය ගැන රහස් සාකච්ඡාවෙහි යෙදෙවු. තවද නුඹලා කවර කෙනෙකු වෙත එක්රැස් කරවනු ලබන්නේද එම අල්ලාහ්ට බිය භක්තිමත් වවු.
10

إِنَّمَا النَّجْوَىٰ مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئًا إِلَّا بِإِذْنِ اللَّهِ ۚ وَعَلَى اللَّهِ فَلْيَتَوَكَّلِ الْمُؤْمِنُونَ

අල්ලාහ්ගේ නියමයෙන් තොරව විශ්වාස කළවුනට කිසිඳු හානියක් කළ නොහැකිව තිබියදීත් ඔවුන් දුකට පත් වනු පිණිස (පාපකාරී) රහස් සාකච්ඡාවෙහි යෙදීම ෂෙයිතාන්ගෙන් (වූ ක්රියාමාර්ගයක්)ම වේ. තවද අල්ලාහ් කෙරෙහිම විශ්වාසිකයින් (සියල්ල) භාර කළ යුතුයි. 7
7යුදෙව්වන් මුස්ලිම්වරුන්ට එරෙහිව රහස් කතා කරන්නෝය. නමුත් මෙම වැකිය එය කිසිඳු හානියක් ඇති නොකරන්නේය. යැයි මුස්ලිම්වරුන්ට දයාලුභාවයක් ලෙස පහළ වී ඇත.
11

يَا أَيُّهَا الَّذِينَ آمَنُوا إِذَا قِيلَ لَكُمْ تَفَسَّحُوا فِي الْمَجَالِسِ فَافْسَحُوا يَفْسَحِ اللَّهُ لَكُمْ ۖ وَإِذَا قِيلَ انشُزُوا فَانشُزُوا يَرْفَعِ اللَّهُ الَّذِينَ آمَنُوا مِنكُمْ وَالَّذِينَ أُوتُوا الْعِلْمَ دَرَجَاتٍ ۚ وَاللَّهُ بِمَا تَعْمَلُونَ خَبِيرٌ

විශ්වාස කළවුනි, “නුඹලා සභාවන්හි ඉඩ ලබා දෙවු” යැයි නුඹලාට පවසනු ලැබූ විට නුඹලා ඉඩ ලබා දෙවු. එවිට අල්ලාහ් නුඹලාට (ස්වර්ගයෙහි) ඉඩ ලබා දෙන්නේය. “නුඹලා (සභාවෙන්) නැගිටිවු” යැයි පවසනු ලැබූ විට නුඹලා නැගිටිවු. 8 නුඹලා අතුරින් විශ්වාස කළවුන්ට ද දැනුම දෙනු ලැබූවන්ට ද අල්ලාහ් තරාතිරම් උසස් කරන්නේය. තවද නුඹලා කරන දෑ පිළිබඳව අල්ලාහ් අභිඥානවන්තයාය.
8දිනක් නබි මුහම්මද් තුමාණන් සහාබිවරුන්ට දේශනාවක් පවත්වමින් සිටිය දී ජ්යෙෂ්ඨ බද්ර් සහාබිවරුන් එතැනට පැමිණියහ. එවිට එතුමා එහි සිටී අයට ඉඩ දෙන මෙන් ඉල්ලා සිටියහ. අවංක සහාබිවරුන් ඉඩ දුන්න ද එම ස්ථානය ප්රමාණවත් නොවීය. එතුමාණෝ සියලු දෙනා නැගිටුවා පසුව වාඩි වෙන මෙන් ප්රකාශ කර සිටියහ. එවිට සහාබිවරුන් ඉඩ දුන් අතර ආත්ම වංචනිකයින් පිරිසක් එයට පිටුපෑහ. මෙම ආයතය ඔවුනට අවවාද කරමින් පහළ විය.
12

يَا أَيُّهَا الَّذِينَ آمَنُوا إِذَا نَاجَيْتُمُ الرَّسُولَ فَقَدِّمُوا بَيْنَ يَدَيْ نَجْوَاكُمْ صَدَقَةً ۚ ذَٰلِكَ خَيْرٌ لَّكُمْ وَأَطْهَرُ ۚ فَإِن لَّمْ تَجِدُوا فَإِنَّ اللَّهَ غَفُورٌ رَّحِيمٌ

‘විශ්වාස කළවුනි, නුඹලා රසූල්වරයා සමග පෞද්ගලික සාකච්ඡාවෙහි යෙදෙන විට නුඹලාගේ සාකච්ඡාවට පෙර (දුගියන්ට) සදකාවක් පිරිනමවු. එය නුඹලාට යහපත්ය. තවද අති පිවිතුරුය. එහෙත් නුඹලාට (පිරිනැමීමට) කිසිවක් නොමැති නම් සැබැවින්ම අල්ලාහ් අති ක්ෂමාශීලීය පරම කරුණාභරිතය. 9
9මෙය පහළ වීමට හේතු වූයේ නබි මුහම්මද් තුමාණන් සමග ඇතැම් ධනවතුන් හා ආත්ම වංචනිකයින් පෞද්ගලික සාකච්ඡාවන්හි අධික කාලයක් ගත කිරීමය. එය කෙතරම් ද යත් දුගියන් තම අවශ්යතාවන් නබි තුමාණන්ගෙන් අසා දැන ගැනීමට පවා අවස්ථාවන් අහිමි වන තරමට විය. එවිට එතුමාණන් සමග පෞද්ගලිකව සාකච්ඡාවන්හි නිරත වීම සීමා කිරීම පිණිස කතා බහට පෙර දුගියන්ට සදකාවක් ලබා දෙන මෙන් අණ කර ඇත. නමුත් මෙය දුගියන්ට අනිවාර්යය නොවීය.
13

أَأَشْفَقْتُمْ أَن تُقَدِّمُوا بَيْنَ يَدَيْ نَجْوَاكُمْ صَدَقَاتٍ ۚ فَإِذْ لَمْ تَفْعَلُوا وَتَابَ اللَّهُ عَلَيْكُمْ فَأَقِيمُوا الصَّلَاةَ وَآتُوا الزَّكَاةَ وَأَطِيعُوا اللَّهَ وَرَسُولَهُ ۚ وَاللَّهُ خَبِيرٌ بِمَا تَعْمَلُونَ

නුඹලාගේ සාකච්ඡාවට පෙර සදකාවක් පිරිනැමීම(ට නොහැකිවේ යන්න) පිළිබඳව නුඹලා බිය වන්නෙහු ද? එසේ නුඹලා නොකර අල්ලාහ් ද නුඹලාගේ පශ්චාත්තාපය පිළිගත් විට නුඹලා ‘සලාතය’ ස්ථීරවම ඉටු කරවු. ’zසකාතය’ දෙවු. අල්ලාහ්ට ද ඔහුගේ රසූල්වරයාට ද අවනත වවු. 10 තවද අල්ලාහ් නුඹලා කරන දෑ පිළිබඳව අභිඥානවන්තය.
10පෙර ආයතය පරිදි ධනවතුන් හා ආත්ම වංචනිකයින් එම ක්රියාවෙන් වැළකුණ ද එම ආයතය හේතුවෙන් සදකාවක් දීමෙන් තොරව උපදෙස් ගැනීමෙන් එය අනුමත වේවි දැ’යි යන බිය සැබෑ අවශ්යතාවන්ගෙන් පෙළෙන උදවිය තුළ තිබිණ. එබැවින් ඔවුන් නබි මුහම්මද් තුමාගෙන් උපදෙස් ගැනීමට පැකිළිණි. එයට ප්රතිචාර දැක්වීමක් ලෙස මෙම ආයතය පහළ විය.
14

أَلَمْ تَرَ إِلَى الَّذِينَ تَوَلَّوْا قَوْمًا غَضِبَ اللَّهُ عَلَيْهِم مَّا هُم مِّنكُمْ وَلَا مِنْهُمْ وَيَحْلِفُونَ عَلَى الْكَذِبِ وَهُمْ يَعْلَمُونَ

(නබිවරය,) තමන් කෙරෙහි අල්ලාහ් කෝපයට පත් වූ (යුදෙව්) පිරිසක් සමග මිත්රත්වයක් ඇති කර ගත් අයව(ආත්ම වංචනිකයින්ව) නුඹ නොදුටුවෙහිද? 11 ඔවුහු නුඹලා අතුරින් නොවෙති. ඔවුහු(යුදෙව්වන්) අතුරින්ද නොවෙති. ඔවුහු (තමන් අසත්යය බව) දැනුවත්ව සිටිය දී අසත්යය මත දිවුරති.
11වැඩි විස්තර සඳහා අල් කුර්ආන් 3:28 , 9:23 පාද සටහන් සමග බලන්න.
15

أَعَدَّ اللَّهُ لَهُمْ عَذَابًا شَدِيدًا ۖ إِنَّهُمْ سَاءَ مَا كَانُوا يَعْمَلُونَ

අල්ලාහ් ඔවුනට දැඩි දඬුවමක් පිළියෙල කර ඇත. සැබැවින්ම ඔවුන් කරමින් සිටී දෑ නපුරු විය.
16

اتَّخَذُوا أَيْمَانَهُمْ جُنَّةً فَصَدُّوا عَن سَبِيلِ اللَّهِ فَلَهُمْ عَذَابٌ مُّهِينٌ

ඔවුන් තමන්ගේ දිවුරුම් පලිහක් ලෙස යොදා ගනිමින් (ජනයින්ව) අල්ලාහ්ගේ මාර්ගයෙන් වැළැක් වූහ. 12 එබැවින් ඔවුනට නින්දනීය දඬුවමක් ඇත.
12ආත්ම වංචනිකයින් ව්යාජ දිවුරුම් පලිහක් ලෙස යොදා ගනිමින් තමන් මුස්ලිම්වරුන් යැයි පෙන්වා ගත්හ. නමුත් ඔවුහු මුස්ලිම්වරු නොවූහ.
17

لَّن تُغْنِيَ عَنْهُمْ أَمْوَالُهُمْ وَلَا أَوْلَادُهُم مِّنَ اللَّهِ شَيْئًا ۚ أُولَـٰئِكَ أَصْحَابُ النَّارِ ۖ هُمْ فِيهَا خَالِدُونَ

අල්ලාහ්ගෙන් (වූ දඬුවමින්) වැළකී සිටීමට ඔවුන්ගේ සම්පත් හෝ ඔවුන්ගේ දරුවන් ඔවුනට කිසිඳු ඵලක් නොදෙන්නේමය. ඔවුහු නිරයේ සගයෝ වෙති. ඔවුහු එහි සදාකල් වෙසෙන්නෝ වෙති.
18

يَوْمَ يَبْعَثُهُمُ اللَّهُ جَمِيعًا فَيَحْلِفُونَ لَهُ كَمَا يَحْلِفُونَ لَكُمْ ۖ وَيَحْسَبُونَ أَنَّهُمْ عَلَىٰ شَيْءٍ ۚ أَلَا إِنَّهُمْ هُمُ الْكَاذِبُونَ

අල්ලාහ් ඔවුන් සියලු දෙනා නැගිටුවන දින ඔවුහු නුඹලා වෙත දිවුරූ පරිදි ඔහු වෙත ද දිවුරන්නෝය. තවද සැබැවින්ම තමන් යම් කිසි (යහපත්) දෙයක් මත සිටින බවට ඔවුහු සිතති. දැන ගනු සැබැවින්ම අසත්යවාදීහූ ඔවුහුමය.
19

اسْتَحْوَذَ عَلَيْهِمُ الشَّيْطَانُ فَأَنسَاهُمْ ذِكْرَ اللَّهِ ۚ أُولَـٰئِكَ حِزْبُ الشَّيْطَانِ ۚ أَلَا إِنَّ حِزْبَ الشَّيْطَانِ هُمُ الْخَاسِرُونَ

ඔවුන් කෙරෙහි ෂෙයිතාන් (තම) බලය යොදවා ඇත. එහෙයින් අල්ලාහ්ව මෙනෙහි කිරීම ඔහු ඔවුනට අමතක කර දැමුවේය. ඔවුන් ෂෙයිතාන්ගේ පක්ෂයයි. දැන ගනු සැබැවින්ම ෂෙයිතාන්ගේ පක්ෂය (වන) ඔවුහුමය අලාභවන්තයින් වන්නෝ.
20

إِنَّ الَّذِينَ يُحَادُّونَ اللَّهَ وَرَسُولَهُ أُولَـٰئِكَ فِي الْأَذَلِّينَ

සැබැවින්ම අල්ලාහ්ට හා ඔහුගේ රසූල්වරයාට විරුද්ධවන්නන් වන ඔවුහු දැඩි අවමානයට ලක් වූවන් අතර වෙති.
21

كَتَبَ اللَّهُ لَأَغْلِبَنَّ أَنَا وَرُسُلِي ۚ إِنَّ اللَّهَ قَوِيٌّ عَزِيزٌ

”සැබැවින්ම මා ද මාගේ රසූල්වරුන් ද ජයග්රහණය කරන්නෙමු” යැයි අල්ලාහ්(ගේ පෙර නියමයෙහි) සටහන් කර ඇත. සැබැවින්ම අල්ලාහ් සර්ව ශක්තිසම්පන්නය අති බලසම්පන්නය.
22

لَّا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ ۚ أُولَـٰئِكَ كَتَبَ فِي قُلُوبِهِمُ الْإِيمَانَ وَأَيَّدَهُم بِرُوحٍ مِّنْهُ ۖ وَيُدْخِلُهُمْ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا ۚ رَضِيَ اللَّهُ عَنْهُمْ وَرَضُوا عَنْهُ ۚ أُولَـٰئِكَ حِزْبُ اللَّهِ ۚ أَلَا إِنَّ حِزْبَ اللَّهِ هُمُ الْمُفْلِحُونَ

තමන්ගේ දෙමව්පියන් වුව ද තමන්ගේ දරුවන් වුව ද තමන්ගේ සහෝදරයින් වුව ද තමන්ගේ පවුලේ අය වුව ද (ඔවුන් අතුරින්) අල්ලාහ්ට හා ඔහුගේ රසූල්වරයාට විරුද්ධ වන්නන් සමග මිතුරුකම් පාන්නන් ලෙස අල්ලාහ් ද අවසාන දිනය ද විශ්වාස කරන්නන්ව නුඹ නොදකින්නෙහිය. ඔවුන් වනාහි අල්ලාහ් ඔවුන්ගේ සිත් තුළ විශ්වාසය ස්ථාපිත කළේය. ඔහු වෙතින් වූ (ආධ්යාත්මික) ආලෝකය මගින් ඔවුන්ව ශක්තිමත් කළේය. ඔවුන්ව (ස්වර්ග) උයන්වලට ඇතුළත් කරවන්නේය. ඊට යටින් ගංගාවෝ ගලා බසිති. (ඔවුහු) එහි සදාතනිකයෝ වෙති. ඔවුන් පිළිබඳව අල්ලාහ් තෘප්තියට පත් විය. තවද ඔවුහු ද ඔහු පිළිබඳව තෘප්තියට පත් වූහ. ඔවුන් අල්ලාහ්ගේ පක්ෂයයි. දැන ගනු සැබැවින්ම අල්ලාහ්ගේ පක්ෂය (වන) ඔවුහුමය ජයග්රාහිකයින් වන්නෝ.
الحشرමදීනී
1

سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ ۖ وَهُوَ الْعَزِيزُ الْحَكِيمُ

අහස්හි හා මිහිතලයෙහි ඇති දෑ අල්ලාහ්ව පිවිතුරු කරති. ඔහු අති බල සම්පන්නය සර්ව ප්රඥාවන්තය.
2

هُوَ الَّذِي أَخْرَجَ الَّذِينَ كَفَرُوا مِنْ أَهْلِ الْكِتَابِ مِن دِيَارِهِمْ لِأَوَّلِ الْحَشْرِ ۚ مَا ظَنَنتُمْ أَن يَخْرُجُوا ۖ وَظَنُّوا أَنَّهُم مَّانِعَتُهُمْ حُصُونُهُم مِّنَ اللَّهِ فَأَتَاهُمُ اللَّهُ مِنْ حَيْثُ لَمْ يَحْتَسِبُوا ۖ وَقَذَفَ فِي قُلُوبِهِمُ الرُّعْبَ ۚ يُخْرِبُونَ بُيُوتَهُم بِأَيْدِيهِمْ وَأَيْدِي الْمُؤْمِنِينَ فَاعْتَبِرُوا يَا أُولِي الْأَبْصَارِ

ධර්ම පුස්තකය ලත් අය අතුරින් වූ ප්රතික්ෂේප කළවුන්ව (බැහැර කිරීම පිණිස) ප්රථම(වරට) එක් රැස්වීමේ අවස්ථාවේදී ඔවුන්ගේ නිවෙස් වලින් ඔවුන්ව පිටුවහල් කළේ (අල්ලාහ් වන) ඔහුමය. 1 ඔවුන් පිට වී යනු ඇතැයි නුඹලා නොසිතුවෙහුය. තවද, සැබැවින්ම ඔවුන් තමන්ගේ බලකොටු අල්ලාහ්ගෙන් තමන්ව ආරක්ෂා කරනු ඇතැයි සිතුවෝය. එවිට ඔවුන් නොසිතූ පරිදි අල්ලාහ්(ගේ දඬුවම) ඔවුන් වෙත පැමිණියේය. තවද ඔවුන්ගේ හදවත් තුළ ඔහු භීතිය ඇතුළු කළේය. (මේ හේතුවෙන්) ඔවුන් තමන්ගේ දෑතින් ද විශ්වාසිකයින්ගේ දෑතින් ද තමන්ගේ නිවෙස් විනාශ කර ගත්තෝය. 2 එබැවින් දෘෂ්ටිය ඇත්තවුනි, (මෙයින්) පාඩමක් ඉගෙන ගනිවු.
1මෙහි රැස්වීම යන්නෙන් අදහස් දෙකක් ඉදිරිපත් කෙරේ. එනම් බනූ නළීර් නම් යුදෙව් ගෝත්රය පිටුවහල් කිරීම පිණිස මුස්ලිම්වරුන් එක්රැස් වීම. අනෙක පිටුවහල් වීම පිණිස බනූ නළීර්වරුන් එක් රැස්වීම. තවත් පැත්තකින් ප්රථම රැස්වීම යනුවෙන් අදහස් කිරීමෙන් තවත් රැස්වීම් තිබෙන්නට පුළුවනැ’යි අදහස් වන්නේය. ඒ අනුව බනූ නළීර් ගෝත්රය පිටුවහල් කිරීමේ අවසාන රැස්වීම සිදු වූයේ දෙවන කලීෆා තුමා වන උමර් තුමාණන්ගේ කාලයේය.
2ඔවුන් තම බලකොටුවෙන් බැහැරව යන විට තමන්ගේ නිවෙස් තම දෑතින්ම විනාශ කර දැමුවෝය. එය කෙතරම් ද යත් තම නිවෙස් වල දොරවල් පවා ගලවා ගෙන ගියහ.
3

وَلَوْلَا أَن كَتَبَ اللَّهُ عَلَيْهِمُ الْجَلَاءَ لَعَذَّبَهُمْ فِي الدُّنْيَا ۖ وَلَهُمْ فِي الْآخِرَةِ عَذَابُ النَّارِ

(ඔවුන්ගේ නිවෙස් වලින්) පිටුවහල් කරවීම ඔවුන් කෙරෙහි අල්ලාහ් නියම නොකළේ නම් මෙලොවෙහි ඔවුන්හට දඬුවම් පමුණුවන්නේමය. (කෙසේ වෙතත්) ඔවුන්හට මතු ලොවෙහි නිරා ගින්නෙහි දඬුවම ඇත.-
4

ذَٰلِكَ بِأَنَّهُمْ شَاقُّوا اللَّهَ وَرَسُولَهُ ۖ وَمَن يُشَاقِّ اللَّهَ فَإِنَّ اللَّهَ شَدِيدُ الْعِقَابِ

මෙය අල්ලාහ්ට ද ඔහුගේ රසූල්වරයාට ද විරුද්ධව ක්රියා කළ හේතුවෙනි. තවද කවරෙකු අල්ලාහ්ට විරුද්ධව ක්රියා කරන්නේ ද සැබැවින්ම අල්ලාහ් දඬුවම් දීමෙහි දැඩි (බව ඔහු දැන ගත යුතු)ය.
5

مَا قَطَعْتُم مِّن لِّينَةٍ أَوْ تَرَكْتُمُوهَا قَائِمَةً عَلَىٰ أُصُولِهَا فَبِإِذْنِ اللَّهِ وَلِيُخْزِيَ الْفَاسِقِينَ

ඉඳි ගස් අතුරින් නුඹලා කපා දැමූ දෑ ද නැතහොත් නුඹලා ඒවායෙහි මුල් මත තිබෙන්නට හැරියාවූ දෑ ද අල්ලාහ්ගේ අනුමැතියට අනුවය. තවද ඔහු(අල්ලාහ්) පාපතරයින්ව අවමන් කිරීම පිණිසය. 3
3බනූ නළීර් ගෝත්රය කොටු කරමින් සිටි අවස්ථාවේ දී ඔවුනට රටඉඳි සැපයීම වැළැක්වීම පිණිස මුස්ලිම්වරුන් අවට ඇති ගස් කපා දැමුවෝය. එබැවින් ඇතැම් අය ඒ සඳහා මුස්ලිම්වරුන්ට දොස් පැවරුවෝය. අල්ලාහ් එය තමන්ගේ නියෝගය පරිදි සිදු වූවක් බවත් මෙවැනි ක්රියාදාමයන් යුදමය අවස්ථාවක සිදු කළ හැකි බවත් මෙම වැකියෙන් අවධාරණය කරයි.
6

وَمَا أَفَاءَ اللَّهُ عَلَىٰ رَسُولِهِ مِنْهُمْ فَمَا أَوْجَفْتُمْ عَلَيْهِ مِنْ خَيْلٍ وَلَا رِكَابٍ وَلَـٰكِنَّ اللَّهَ يُسَلِّطُ رُسُلَهُ عَلَىٰ مَن يَشَاءُ ۚ وَاللَّهُ عَلَىٰ كُلِّ شَيْءٍ قَدِيرٌ

තවද අල්ලාහ් තම රසූල්වරයාට ‘ෆයි’ 4 වශයෙන් ඔවුන්ගෙන් කුමක් ලබා දුන්නේ ද ඒ සඳහා නුඹලා අශ්වයින් හෝ ඔටුවන් හෝ (යුද්ධය පිණිස) දක්කාගෙන නොගියෙහුය. එනමුත් අල්ලාහ් තමන් අභිමත කළ අය මත තම රසූල්වරුන්ට (පාලනය කිරීමේ) බලය පවරන්නේය. තවද අල්ලාහ් සියලු දෑ කෙරෙහි අති බලසම්පන්නය.
4‘ෆයි’ යනු සතුරු පාර්ශවය විසින් යුද්ධයකින් තොරව හැර දමා යන වස්තුවයි. යුද්ධයකින් ලබා ගත් වස්තුව ‘ගනීමත්’ යනුවෙන් හැඳින් වේ. මේ අනුව බනූ නළීර් ගෝත්රයගෙන් ලබා ගත් වස්තුව වූයේ අශ්වයින් හෝ ඔටුවන් හෝ නොයොදා කිසිදු පරිශ්රමයකින් තොරව ලබා ගත් ෆයි වස්තුවයි.
7

مَّا أَفَاءَ اللَّهُ عَلَىٰ رَسُولِهِ مِنْ أَهْلِ الْقُرَىٰ فَلِلَّهِ وَلِلرَّسُولِ وَلِذِي الْقُرْبَىٰ وَالْيَتَامَىٰ وَالْمَسَاكِينِ وَابْنِ السَّبِيلِ كَيْ لَا يَكُونَ دُولَةً بَيْنَ الْأَغْنِيَاءِ مِنكُمْ ۚ وَمَا آتَاكُمُ الرَّسُولُ فَخُذُوهُ وَمَا نَهَاكُمْ عَنْهُ فَانتَهُوا ۚ وَاتَّقُوا اللَّهَ ۖ إِنَّ اللَّهَ شَدِيدُ الْعِقَابِ

අල්ලාහ් තම රසූල්වරයාට ගම්වැසියන්ගෙන් කුමක් ‘ෆයි’ වශයෙන් ලබා දුන්නේ ද (එම ෆයි වස්තුව) අල්ලාහ්ට ද, රසූල්වරයාට ද, ඥාතීන්ට ද, අනාථයින්ට ද, දුගීන්ට ද, මගීන්ට ද සතු වන්නේය. (අල්ලාහ් මෙසේ කළේ) නුඹලා අතුරින් ධනවතුන් අතර පමණක් එය හුවමාරු වන්නක් නොවීම පිණිසය. තවද රසූල්වරයා නුඹලාට කුමක් පිරිනැමුවේ ද එය නුඹලා ගනිවු. ඔහු නුඹලාට කුමක් තහනම් කළේ ද (එයින්) වැළකී සිටිවු. අල්ලාහ්ට බිය භක්තිමත් වවු. සැබැවින්ම අල්ලාහ් දඬුවම් දීමෙහි දැඩිය.
8

لِلْفُقَرَاءِ الْمُهَاجِرِينَ الَّذِينَ أُخْرِجُوا مِن دِيَارِهِمْ وَأَمْوَالِهِمْ يَبْتَغُونَ فَضْلًا مِّنَ اللَّهِ وَرِضْوَانًا وَيَنصُرُونَ اللَّهَ وَرَسُولَهُ ۚ أُولَـٰئِكَ هُمُ الصَّادِقُونَ

අල්ලාහ්ගේ භාග්යය හා තෘප්තිය පතමින් ද අල්ලාහ්ට හා ඔහුගේ රසූල්වරයාට උපකාර කරමින් ද 5 තමන්ගේ නිවෙස් වලින් හා ධනයෙන් බැහැර කරනු ලැබූ දුගී මුහාජිර්වරුන්ට 6 (විශේෂයෙන් එම ෆයි වස්තුව) සතුය. සත්යවන්තයින් වන්නේ ඔවුන්මය.
5අල්ලාහ්ට හා රසූල්වරයාට උපකාර කිරීම යනු අල්ලාහ්ගේ දහම උසස් වීම පිණිස කටයුතු කිරීමයි.
6මුහාජිර්වරුන් යනු මක්කාවේ සිට මදීනාවට දේශාන්තරණය කළ උදවියයි. එමෙන්ම නබි මුහම්මද් තුමාණන්ට උපකාර කළ මදීනා වාසීන්ට අන්සාර්වරුන් යැයි සඳහන් කෙරේ.
9

وَالَّذِينَ تَبَوَّءُوا الدَّارَ وَالْإِيمَانَ مِن قَبْلِهِمْ يُحِبُّونَ مَنْ هَاجَرَ إِلَيْهِمْ وَلَا يَجِدُونَ فِي صُدُورِهِمْ حَاجَةً مِّمَّا أُوتُوا وَيُؤْثِرُونَ عَلَىٰ أَنفُسِهِمْ وَلَوْ كَانَ بِهِمْ خَصَاصَةٌ ۚ وَمَن يُوقَ شُحَّ نَفْسِهِ فَأُولَـٰئِكَ هُمُ الْمُفْلِحُونَ

ඔවුන්ට පෙර (මදීනා නගරය තම) වාසස්ථානය කර ගත් හා විශ්වාසය ලැබූ අය (වන අන්සාර්වරුන්) තමන් වෙත දේශාන්තරණය කර පැමිණි අය (වන මුහාජිර්වරුන්)ව ප්රිය කරති. තවද (මුහාජිර්වරුන් වන) ඔවුන්ට දෙනු ලැබූ දැයින් කිසිදු අවශ්යතාවක් (අන්සාර්වරුන් වන) ඔවුහු තමන්ගේ හදවත් හි නොදකිති. තවද ඔවුන්ට (දැඩි) අවශ්යතාවක් තිබිය දී තමන්ට වඩා (මුහාජිර්වරුන් හට) ප්රමුඛත්වය ලබා දෙති. 7 තවද කවරෙකු තමන්ගේ හදවතෙහි ඇති වන මසුරු කමින් වළක්වනු ලබන්නේ ද ඔවුහුමය ජය ලද්දෝ.
7මෙහි අන්සාරි සහාබිවරුන්ගේ යහ ගතිගුණ පිළිබඳව සඳහන් වී ඇත. බනූ නළීර් ගෝත්රිකයින්ගෙන් අත් කර ගත් ගනීමතය බෙදන විට තමන්ට වඩා මුහාජිර් සහාබිවරුන්ට විශේෂයෙන් බෙදන ලෙස ඔවුන් නබි මුහම්මද් තුමාගෙන් ඉල්ලා සිටියෝය.
10

وَالَّذِينَ جَاءُوا مِن بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِّلَّذِينَ آمَنُوا رَبَّنَا إِنَّكَ رَءُوفٌ رَّحِيمٌ

තවද ඔවුනට පසුව පැමිණි අය “අපගේ පරමාධිපතියාණනි, අපට ද අපට වඩා විශ්වාසයෙහි පෙරටු වූ අපගේ සහෝදරයින්ට ද ක්ෂමාව දෙනු මැනව. 8 තවද විශ්වාස කළවුන් කෙරෙහි අපගේ හදවත්හි කිසිම ද්වේෂයක් ඇති නොකරනු මැනව. 9 අපගේ පරමාධිපතියාණනි, සැබැවින්ම ඔබ සානුකම්පිතය පරම කරුණාභරිතය.” යනුවෙන් පවසති.
8මෙම ආයතය පදනම් කරගනිමින් නබි මුහම්මද් තුමාණන්ගේ සමකාලීන සගයින් වන සහාබිවරුන් විෂයයෙහි අපගේ වගකීම වනුයේ ඔවුන්ව ප්රිය කිරීම, ගෞරවය කිරීම හා මුවින් සහ හදින් ඔවුන්ව ප්රශංසා කිරීමය යන්න පැහැදිලි වේ. දේව විශ්වාසය හා ප්රතික්ෂේපය අතර වෙන්කර දක්වන අහ්ලුස් සුන්නති වල් ජමාඅත්වරුන් වන අපගේ මූලික ප්රතිපත්තිය නම් නබි මුහම්මද් තුමාණන්ගේ සමකාලීන අනුගාමික සගයන්(සහාබිවරුන්) පිළිබඳ හා ඔවුන්ගේ මහිමයන් පිළිබදව අල් කුර්ආනයේ හා නබි වදන්හි සදහන් වී ඇති දෑ එලෙසම විශ්වාස කිරීමයි. සහාබිවරුන් යනු නබි මුහම්මද් තුමාණන්ව මුණගැසී හෝ එතුමන් මොහුව දැක මුස්ලිම්වරයෙකු ලෙසින්ම මරණයට පත් වූවන්ය. අල් කුර්ආනයේ පවා බොහෝ ස්ථානයන්හි අල්ලාහ් ඔවුන් ගැන ප්රශංසා කර ඇත. (අල් කුර්ආන් 3:110 , 9:100 , 48:18 , 33:23 ) තවද ඔවුන්ව ප්රිය කිරීම විෂයයෙහි නබි මුහම්මද් තුමාණන් මෙසේ පවසා ඇත. “කෙනෙකුගේ දේව විශ්වාසයේ සළකුණ නම් අන්සාරි සහාබිවරුන්ව ප්රිය කිරීමයි. කෙනෙකුගේ වංචනික භාවයේ සළකුණ නම් අන්සාරි සහාබිවරුන්ව පිළිකුල් කිරීමයි” (මූලාශ්රය: බුහාරි සහ මුස්ලිම්) මෙම උත්තමයින් වෙත අපගේ කෘතඥතාව පිළි ගැන්විය නොයුත්තේ මන් ද? මොවුහු ඉස්ලාමයේ ආරම්භ සමයෙහි නබි මුහම්මද් තුමාණන්ව විශ්වාස කළවුන් වෙති. තවද එතුමන්ට උපකාර කළවුන් වෙති. අල්ලාහ්ගේ ධර්මය උසස් කරවනු පිණිස තම ප්රාණ හා දේපල කැප කළවුන් වෙති. අපගේ ධර්මය ආරක්ෂා කර අපට පිරිනැමුවන් වෙති. අප ප්රාර්ථනා කොට යහ අයුරින් කථා කොට යහපත් හැගීම් ඇති කර ගන්නට මොවුනට වඩා සුදුස්සන් වෙන කවුරුන් වෙත් ද? නබි මුහම්මද් තුමාණන් මෙසේ පැවසූහ. “මාගේ සහාබිවරුන්ට අපවාද කරන්නන් මත අල්ලාහ්ගේ ද මලක්වරුන්ගේ හා මුළු මිනිස් සමූහයාගේ ද ශාපය ඇති වේවා” (මූලාශ්රය : අත් තබරානී) මන්දයත් සුළු හෝ මහා පාපයන්ගෙන් නබිවරුන් හැර අන් කිසිවෙකු නිදහස් නොවේ. තවද සහාබිවරුන්ගෙන් යම් වැරදි සිදු වුවද ඔවුන්ගේ යහ කි්රයාවන්හි මහගු බවින් එය කමා කරනු ලැබ ඇත යන්න අහ්ලුස් සුන්නති වල් ජමාඅත්වරුන් වන අපගේ විශ්වාසයයි. දිනක් නබි මුහම්මද් තුමාණන්ගේ බෑණා වූ කලීෆා අලී තුමාණන්ගේ මුණුබුරා වන සෙයිනුල් ආබ්දීන් තුමා ඉදිරියේ ඉරාක් වාසීහු වාඩි වී අබූ බක්ර් තුමා හා උමර් තුමා පිළිබඳ සිහිපත් කරමින් ඔවුන් දෙපළට බැණ වදිමින් සිටියහ. පසුව ඔවුන් උස්මාන් තුමා ගැන බැණ වදින්නට පටන් ගත්හ. එවිට එතුමා “නුඹලා, ‘තම නිවෙස්වලින් හා සම්පත්වලින් පිටුවහල් කරනු ලැබ, අල්ලාහ්ගෙන් වූ භාග්යය හා තෘප්තිය අපේක්ෂාවෙන් දේශාන්තරණය කොට අල්ලාහ්ට හා ඔහුගේ රසූල්වරයාට උපකාර කළ’ (අල් කුර්ආන් 59:8 ) මුහාජිර්වරුන් අතරින් වෙත් දැ’යි තමාහට දන්වා සිටින්නැ’යි විමසා සිටියහ. එවිට ඔවුහු තමන් එසේ නොවන්නේ යැයි පිළිතුරු දුන්හ. එසේ නම් නුඹලා, ‘මුහාජිර්වරුන්ට පෙරම මදීනා නගරයේ මෙන්ම විශ්වාසයේ රැඳී සිට එසේ දේශාන්තරණය කරමින් පැමිණි මුහාජිර්වරුන්ට උපකාර කළ’ (අල් කුර්ආන් 59:9 ) අන්සාරිවරුන් අතරින්දැ’යි විමසා සිටියහ. එවිට ද ඔවුහු තමන් එසේ නොවන්නේ යැයි පිළිතුරු දුන්හ. එවිට එතුමා : නුඹලා (මුහාජිර්වරුන් වන) ඔවුන් අතරින් හෝ (අන්සාර්වරුන් වන) මොවුන් අතරින් හෝ නොවන බව පිළිගෙන සාක්ෂි දරන්නෙහුය. සැබැවින්ම නුඹලා අල් කුර්ආන් 59:10 වැනි වැකියෙහි විස්තර කරන ලද තුන්වන පාර්ශවයේ අයද නොවෙතැ’යි මම සාක්ෂි දරමි. එහෙයින් නුඹලා මගෙන් ඉවතට යනු. නුඹලා විෂයයෙහි අල්ලාහ් නුඹලාට ආශිර්වාද නොකරනු ඇත. තවද නුඹලාගේ කටයුතුවලදී (අප සමඟ) කිසිදු සමීපයක් ද නොමැත. නුඹලා ඉස්ලාමය පිළිබඳ සරදම් කරන්නෝ වෙති. නුඹලා එහි වැසියන් අතුරින් ද නොවෙති. (යැයි පවසා මුස්ලිම්වරුන් හා ඔවුන් අතර කිසිදු සම්බන්ධයක් නැත යැයි එළිදරවු කරමින් ඔවුන්ව බැහැර කරන ලදී.) සහාබිවරුන් පිළිබදව සැක සහිතව කථා කිරීම හෝ සිතීම නුසුදුසු බව ඉස්ලාමීය ආගමික විද්වතුන් ඉතා දැඩි ලෙස අවවාද කරති. අල් කුර්ආන් 48:29 යන ආයතය හා නබි වදන් පදනම් කර ගනිමින් ‘සහාබිවරුන් පිළිබඳව වැරදි හැඟීමක් හෝ ක්රෝධයක් ඇති කරගත් අයකු ඉස්ලාමය ප්රතික්ෂේප කරන අයෙකි’ යැයි ඉස්ලාමීය විද්වතුන් තීන්දු කර ඇත.
9‘ගනීමත්’ හෙවත් යුද්ධාජුද ලැබීමට සුදුස්සන් වන්නේ අන්සාර් හා මුහාජිර් සහාබිවරුන් පමණක් යැයි වැරදි වැටහීමක් ඇති නොවන පිණිස මෙම වැකිය පහළ විය. ගනීමත් පිළිබඳ වැඩි විස්තර සඳහා 8:69 හි පාද සටහන් බලන්න.
11

أَلَمْ تَرَ إِلَى الَّذِينَ نَافَقُوا يَقُولُونَ لِإِخْوَانِهِمُ الَّذِينَ كَفَرُوا مِنْ أَهْلِ الْكِتَابِ لَئِنْ أُخْرِجْتُمْ لَنَخْرُجَنَّ مَعَكُمْ وَلَا نُطِيعُ فِيكُمْ أَحَدًا أَبَدًا وَإِن قُوتِلْتُمْ لَنَنصُرَنَّكُمْ وَاللَّهُ يَشْهَدُ إِنَّهُمْ لَكَاذِبُونَ

ආත්ම වංචා කළවුන්, ධර්ම පුස්තකය ලත් අය අතුරින් ප්රතික්ෂේප කළ තමන්ගේ සහෝදරයන්හට ”නුඹලා පිටුවහල් කරනු ලැබුවේ නම් සැබැවින්ම අප ද නුඹලා සමග බැහැර වන්නෙමු. නුඹලාගේ විෂයයෙහි කිසිවිටක අපි කිසිවෙකුට අවනත නොවන්නෙමු. තවද නුඹලාට එරෙහිව සටන් වදිනු ලැබුවේ නම් සැබැවින්ම අපි නුඹලාට උපකාර කරන්නෙමු” යැයි පවසනු නුඹ නොදුටුවෙහි ද? සැබැවින්ම ඔවුන් අසත්යය පවසන්නන් යැයි අල්ලාහ් සාක්ෂි දරන්නේය.
12

لَئِنْ أُخْرِجُوا لَا يَخْرُجُونَ مَعَهُمْ وَلَئِن قُوتِلُوا لَا يَنصُرُونَهُمْ وَلَئِن نَّصَرُوهُمْ لَيُوَلُّنَّ الْأَدْبَارَ ثُمَّ لَا يُنصَرُونَ

ඔවුන්ව පිටුවහල් කරනු ලැබුවේ නම් මොවුහු (ආත්ම වංචනිකයින්) ඔවුන් සමග බැහැර නොවන්නෝය. තවද ඔවුන්ට එරෙහිව සටන් වදිනු ලැබුවේ නම් මොවුහු උපකාර නොකරන්නෝය. තවද එසේ මොවුහු ඔවුනට උපකාර කළත් සැබැවින්ම මොවුහු පසුපස හැරී යන්නෝය. පසුව (ධර්ම පුස්තකය ලත්) ඔවුහු උදව් කරනු නොලබන්නෝය.
13

لَأَنتُمْ أَشَدُّ رَهْبَةً فِي صُدُورِهِم مِّنَ اللَّهِ ۚ ذَٰلِكَ بِأَنَّهُمْ قَوْمٌ لَّا يَفْقَهُونَ

(විශ්වාස කළවුනි,) ඇත්තෙන්ම නුඹලා ඔවුන්ගේ සිත් තුළ බියෙන් අල්ලාහ්(ගේ බිය)ට වඩා දැඩි වූවන්ය. එය සැබැවින්ම ඔවුන් අවබෝධ කර නොගත් පිරිසක් වීම හේතුවෙනි.
14

لَا يُقَاتِلُونَكُمْ جَمِيعًا إِلَّا فِي قُرًى مُّحَصَّنَةٍ أَوْ مِن وَرَاءِ جُدُرٍ ۚ بَأْسُهُم بَيْنَهُمْ شَدِيدٌ ۚ تَحْسَبُهُمْ جَمِيعًا وَقُلُوبُهُمْ شَتَّىٰ ۚ ذَٰلِكَ بِأَنَّهُمْ قَوْمٌ لَّا يَعْقِلُونَ

බලකොටු මගින් ආරක්ෂා කරනු ලැබූ නගර තුළ සිට හෝ (ආරක්ෂක) බැමි වලට පිටුපස සිට හෝ මිස ඔවුන් සියල්ලන්ම නුඹලා සමග සටන් නොවදිති. ඔවුන්ගේ කලහය ඔවුන් අතර ඉතා දැඩිය. ඔවුන් සමගියෙන් සිටින්නන් යැයි නුඹ සිතන නමුත් ඔවුන්ගේ හදවත් (භේදව) පරස්පර වී ඇත. එය සැබැවින්ම ඔවුන් අඥාන පිරිසක් වීම හේතුවෙනි.
15

كَمَثَلِ الَّذِينَ مِن قَبْلِهِمْ قَرِيبًا ۖ ذَاقُوا وَبَالَ أَمْرِهِمْ وَلَهُمْ عَذَابٌ أَلِيمٌ

(බනූ නළීර් ගෝති්රකයන්ගේ උපමාව) ඔවුනට කෙටි කලකට පෙර සිටියවුන්ගේ 10 උපමාව මෙන්ය. ඔවුහු තමන්ගේ ක්රියාවන්හි අයහපත් විපාක භුක්ති වින්දෝය. ඔවුනට වේදනීය දඬුවමක් ඇත.
10මෙමගින් සඳහන් වනුයේ යුදෙව්වන්ගේ කණ්ඩායමක් වන බනූ කයිනුකාවරුන් පිළිබඳවය. ඔවුන් ද මීට පෙර මදීනාවේ මුස්ලිම්වරුන් සමග තිබූ සාම ගිවිසුම උල්ලංඝනය කිරීම හේතුවෙන් මදීනාවෙන් පරාජය කර පිටුවහල් කරනු ලැබුවෝය.
16

كَمَثَلِ الشَّيْطَانِ إِذْ قَالَ لِلْإِنسَانِ اكْفُرْ فَلَمَّا كَفَرَ قَالَ إِنِّي بَرِيءٌ مِّنكَ إِنِّي أَخَافُ اللَّهَ رَبَّ الْعَالَمِينَ

(ආත්ම වංචනිකයින්ගේ උපමාව වනුයේ) ‘නුඹ ප්රතික්ෂේප කරවු’ යැයි තමා මිනිසාට පැවසූ කල්හි වූ ෂෙයිතාන්ගේ උපමාව මෙනි. එලෙස ඔහු ප්රතික්ෂේප කළ විට “මම නුඹෙන් මිදුණෙමි. සැබැවින්ම සමස්ත විශ්වයේ පරමාධිපති වූ අල්ලාහ්ට මම බිය වන්නෙමි.” යැයි ඔහු(ෂෙයිතාන්) පවසයි. 11
11මෙය බද්ර් යුද්ධය මුල් කර ගෙන සිදු වූ එක්තරා සිදුවීමක් විය හැක. ( 8:48 ආයතය බලන්න.) තවද මෙය හා ඔහුගේ සගයින් අතර කිසිදු සම්බන්ධතාවක් නොමැති බව ඔහු විනිශ්චය දිනයේ දී පැවසීම තහවුරු කරයි.
17

فَكَانَ عَاقِبَتَهُمَا أَنَّهُمَا فِي النَّارِ خَالِدَيْنِ فِيهَا ۚ وَذَٰلِكَ جَزَاءُ الظَّالِمِينَ

එබැවින් ඔවුන් දෙදෙනාගේ අවසාන තීන්දුව වනුයේ, සැබැවින්ම ඔවුන් දෙදෙනාම සදාතනිකයින්ව නිරා ගින්නෙහිය. තවද එය අපරාධකරුවන්ගේ ඵලවිපාකයයි.
18

يَا أَيُّهَا الَّذِينَ آمَنُوا اتَّقُوا اللَّهَ وَلْتَنظُرْ نَفْسٌ مَّا قَدَّمَتْ لِغَدٍ ۖ وَاتَّقُوا اللَّهَ ۚ إِنَّ اللَّهَ خَبِيرٌ بِمَا تَعْمَلُونَ

විශ්වාස කළවුනි, අල්ලාහ්ට බිය භක්තිමත් වවු. තවද සෑම ආත්මයක්ම හෙට දින සඳහා (තමන්ට) පෙරටු කර ගත් දෑ පිළිබඳව අවධානය යොමු කරවු. තවද අල්ලාහ්ට බිය භක්තිමත් වවු. සැබැවින්ම අල්ලාහ් නුඹලා කරන දෑ පිළිබඳව අභිඥානවන්තයාය.
19

وَلَا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ ۚ أُولَـٰئِكَ هُمُ الْفَاسِقُونَ

නුඹලා අල්ලාහ්ව අමතක කළවුන් මෙන් නොවවු. එබැවින් ඔහු (අල්ලාහ්) ඔවුනට තමන්වම අමතක කෙරෙව්වේය. 12 ඔවුන්මය පාපතරයින් වන්නේ.
12මෙම ආයතයට අනුව කෙනෙකු තමාවම අමතක කර ගත්තා යනු එනම් කෙනෙකු පවක් කරන්නේ නම් එහි අර්ථය ඔහුට ඒ සඳහා තමාට ඇති වන දඬුවම අමතක වී ඇත යන්නයි. එනම් තමාම තම නිරයේ දඬුවමට හේතු කාරකයක් වී ඇත.
20

لَا يَسْتَوِي أَصْحَابُ النَّارِ وَأَصْحَابُ الْجَنَّةِ ۚ أَصْحَابُ الْجَنَّةِ هُمُ الْفَائِزُونَ

නිරයේ සගයින් හා ස්වර්ගයේ සගයින් සමාන නොවෙති. ස්වර්ගයේ සගයින්මය ජයග්රාහීන් වන්නේ.
21

لَوْ أَنزَلْنَا هَـٰذَا الْقُرْآنَ عَلَىٰ جَبَلٍ لَّرَأَيْتَهُ خَاشِعًا مُّتَصَدِّعًا مِّنْ خَشْيَةِ اللَّهِ ۚ وَتِلْكَ الْأَمْثَالُ نَضْرِبُهَا لِلنَّاسِ لَعَلَّهُمْ يَتَفَكَّرُونَ

මෙම අල් කුර්ආනය කන්දක් මත අපි පහළ කළේ නම් අල්ලාහ් කෙරෙහි වූ භීතිය හේතුවෙන් එය යටහත් පහත්ව බිඳී සුනු විසුනු වන බව සැබැවින්ම නුඹ දකිනු ඇත. එවන් උපමාවන් ජනයින් ගැඹුරින් සිතනු පිණිස අපි ඔවුනට නිදර්ශන දැක්වූයෙමු.
22

هُوَ اللَّهُ الَّذِي لَا إِلَـٰهَ إِلَّا هُوَ ۖ عَالِمُ الْغَيْبِ وَالشَّهَادَةِ ۖ هُوَ الرَّحْمَـٰنُ الرَّحِيمُ

ඔහුමය අල්ලාහ්, ඔහු හැර අන් දෙවියෙක් නොමැත. ගුප්ත දෑ හා දෘශ්ය දෑ දන්නාය. ඔහු සැමට කරුණාභරිත පරම කරුණාභරිතය.
23

هُوَ اللَّهُ الَّذِي لَا إِلَـٰهَ إِلَّا هُوَ الْمَلِكُ الْقُدُّوسُ السَّلَامُ الْمُؤْمِنُ الْمُهَيْمِنُ الْعَزِيزُ الْجَبَّارُ الْمُتَكَبِّرُ ۚ سُبْحَانَ اللَّهِ عَمَّا يُشْرِكُونَ

ඔහුමය අල්ලාහ්, ඔහු හැර අන් දෙවියෙක් නොමැත. (ඔහු) අධිපතිය, අති පාරිශුද්ධය, (අඩුපාඩු වලින්) සුරක්ෂිතය, අභය සලසන්නාය, ආරක්ෂකයාය, අති බල සම්පන්නය, බල පරාක්රමය, අති ගාම්භීරය. ඔවුන් ආදේශ කරන (සියලු) දැයින් අල්ලාහ් අති පිවිතුරුය.
24

هُوَ اللَّهُ الْخَالِقُ الْبَارِئُ الْمُصَوِّرُ ۖ لَهُ الْأَسْمَاءُ الْحُسْنَىٰ ۚ يُسَبِّحُ لَهُ مَا فِي السَّمَاوَاتِ وَالْأَرْضِ ۖ وَهُوَ الْعَزِيزُ الْحَكِيمُ

ඔහුමය අල්ලාහ්, මැවුම්කරුය, පූර්ව නිදසුනකින් තොරව නිර්මාණය කරන්නාය, (සියල්ල) හැඩ ගස්වන්නාය. ඉතා අලංකාර නාමයන් ඔහු සතුය. 13 අහස්හි හා මිහිතලයෙහි ඇති (සියලු) දෑ ඔහුව පිවිතුරු කරති. තවද ඔහු අති බල සම්පන්නය සර්ව ප්රඥාවන්තය.
13මෙහි අල්ලාහ්ගේ අලංකාර නාමයන් කිහිපයක් සඳහන් වී ඇත. එහි අර්ථ පරිවර්තන කර ඇති නමුත් එහි පරිපූර්ණ අදහස හුදෙක් පරිවර්තනයෙන් දැක්විය නොහැකිය.
الممتحنةමදීනී
1

يَا أَيُّهَا الَّذِينَ آمَنُوا لَا تَتَّخِذُوا عَدُوِّي وَعَدُوَّكُمْ أَوْلِيَاءَ تُلْقُونَ إِلَيْهِم بِالْمَوَدَّةِ وَقَدْ كَفَرُوا بِمَا جَاءَكُم مِّنَ الْحَقِّ يُخْرِجُونَ الرَّسُولَ وَإِيَّاكُمْ ۙ أَن تُؤْمِنُوا بِاللَّهِ رَبِّكُمْ إِن كُنتُمْ خَرَجْتُمْ جِهَادًا فِي سَبِيلِي وَابْتِغَاءَ مَرْضَاتِي ۚ تُسِرُّونَ إِلَيْهِم بِالْمَوَدَّةِ وَأَنَا أَعْلَمُ بِمَا أَخْفَيْتُمْ وَمَا أَعْلَنتُمْ ۚ وَمَن يَفْعَلْهُ مِنكُمْ فَقَدْ ضَلَّ سَوَاءَ السَّبِيلِ

විශ්වාස කළවුනි, මාගේ මාර්ගයේ ජිහාද් කිරීම සඳහා ද මාගේ තෘප්තිය සෙවීම සඳහා ද නුඹලා බැහැර වූයේ නම් නුඹලා වෙත පැමිණි සත්යය සැබැවින්ම ඔවුන් ප්රතික්ෂේප කරමින් සිටිය දී මාගේ සතුරන්ව ද නුඹලාගේ සතුරන්ව ද තමන්ට හිතවත්කම් පාන්නා වූ මිතුරන් වශයෙන් නොගනිවු. 1 නුඹලාගේ පරමාධිපති වූ අල්ලාහ්ව විශ්වාස කළ හේතුවෙන් රසූල්වරයාව ද නුඹලාව ද (මක්කාවෙන්) ඔවුන් බැහැර කළෝය. නුඹලා වසං කළ දෑ ද නුඹලා ප්රසිද්ධ කළ දෑ ද මම මැනවින් දනිමින් සිටිය දී නුඹලා ඔවුන් වෙත රහසින් හිතවත්කම් පාන්නෝය. නුඹලා අතුරින් කවරෙකු මෙසේ කරන්නේ ද සැබැවින්ම ඔහු යහ මගින් මංමුළා වන්නේය.
1වැඩි විස්තර සඳහා අල් කුර්ආන් 3:28 , 9:23 පාද සටහන් සමග බලන්න.
2

إِن يَثْقَفُوكُمْ يَكُونُوا لَكُمْ أَعْدَاءً وَيَبْسُطُوا إِلَيْكُمْ أَيْدِيَهُمْ وَأَلْسِنَتَهُم بِالسُّوءِ وَوَدُّوا لَوْ تَكْفُرُونَ

ඔවුහු නුඹලා කෙරෙහි ආධිපත්යය ලබන්නේ නම් ඔවුන් නුඹලාට සතුරන් වනු ඇත. තවද ඔවුන් නුඹලා වෙත ඔවුන්ගේ දෑත් හා දිවවල් නපුරු කමින් දිගු කරන්නෝය. තවද නුඹලා (සත්යය) ප්රතික්ෂේප කළ යුතු යැයි ඔවුහු ආශා කරති.
3

لَن تَنفَعَكُمْ أَرْحَامُكُمْ وَلَا أَوْلَادُكُمْ ۚ يَوْمَ الْقِيَامَةِ يَفْصِلُ بَيْنَكُمْ ۚ وَاللَّهُ بِمَا تَعْمَلُونَ بَصِيرٌ

නුඹලාගේ ලේ ඥාතීන් හා නුඹලාගේ දරුවන් (මළවුන්) නැගිටුවනු ලබන දින නුඹලාට කිසිදු ඵලක් ලබා නොදෙන්නෝමය. නුඹලා අතර ඔහු(අල්ලාහ්) විනිශ්චය කරයි. තවද අල්ලාහ් නුඹලා කරන දෑ පිළිබඳව සර්ව සුපරික්ෂාකාරීය.
4

قَدْ كَانَتْ لَكُمْ أُسْوَةٌ حَسَنَةٌ فِي إِبْرَاهِيمَ وَالَّذِينَ مَعَهُ إِذْ قَالُوا لِقَوْمِهِمْ إِنَّا بُرَآءُ مِنكُمْ وَمِمَّا تَعْبُدُونَ مِن دُونِ اللَّهِ كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاءُ أَبَدًا حَتَّىٰ تُؤْمِنُوا بِاللَّهِ وَحْدَهُ إِلَّا قَوْلَ إِبْرَاهِيمَ لِأَبِيهِ لَأَسْتَغْفِرَنَّ لَكَ وَمَا أَمْلِكُ لَكَ مِنَ اللَّهِ مِن شَيْءٍ ۖ رَّبَّنَا عَلَيْكَ تَوَكَّلْنَا وَإِلَيْكَ أَنَبْنَا وَإِلَيْكَ الْمَصِيرُ

ඉබ්රාහීම් හා ඔහු සමග වූවන් තම පිරිසට “සැබැවින්ම නුඹලාගෙන් ද අල්ලාහ් හැර නුඹලා නැමදුම් කළ දැයින් ද අපි මිදුණෙමු. අපි නුඹලාව ප්රතික්ෂේප කළෙමු. තවද අල්ලාහ්වම පමණක් නුඹලා විශ්වාස කරන තුරු සදාකල් අප අතර හා නුඹලා අතර සතුරුකම හා ක්රෝධය හෙළි වන්නේය.” යැයි පැවසූ කල්හි සැබැවින්ම නුඹලාට අලංකාර වූ ආදර්ශයක් විය. “සැබැවින්ම මම ඔබ වෙනුවෙන් පාප ක්ෂමාව අයැදින්නෙමි. 2 තවද අල්ලාහ්ගෙන් අන් කිසිවක් ඔබ වෙනුවෙන් (කිරීමට) මම හැකියාවක් නොලද්දෙමි.” යැයි ඉබ්රාහිම් තම පියාට කළ ප්රකාශය හැර. අපගේ පරමාධිපතියාණනි, සියල්ල අපි භාරකර ඇත්තේ ඔබ කෙරෙහිමය. අප (උදව් පතා) හැරුනේ ඔබ වෙතමය. තවද අවසානයේ යොමු වන ස්ථානය ඔබ වෙතමය.
2නබි ඉබ්රාහීම් තුමාණන්ව පිළිපදින ලෙස අල්ලාහ් අණ කර ඇත. එනමුත් ඔහු තම ප්රතික්ෂේපක පියාට සමාව ඇයැදීම මෙම විධානයට ඇතුළත් නොවේ.
5

رَبَّنَا لَا تَجْعَلْنَا فِتْنَةً لِّلَّذِينَ كَفَرُوا وَاغْفِرْ لَنَا رَبَّنَا ۖ إِنَّكَ أَنتَ الْعَزِيزُ الْحَكِيمُ

අපගේ පරමාධිපතියාණනි, ප්රතික්ෂේප කළවුන් මගින් අපව පරීක්ෂණයකට පත් නොකරනු මැනව. තවද අපට ක්ෂමා කරනු මැනව. අපගේ පරමාධිපතියාණනි, සැබැවින්ම ඔබමය අති බල සම්පන්න හා සර්ව ප්රඥාවන්ත වන්නේ.
6

لَقَدْ كَانَ لَكُمْ فِيهِمْ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الْآخِرَ ۚ وَمَن يَتَوَلَّ فَإِنَّ اللَّهَ هُوَ الْغَنِيُّ الْحَمِيدُ

සැබැවින්ම අල්ලාහ්ව ද අවසාන දිනය ද (හමු වීම) අපේක්ෂා කරන්නන් වන නුඹලාට ඔවුන්ගේ(ඉබ්රාහීම්ගේ හා ඔහුගේ සමූහයාගේ) විෂයෙහි අලංකාර වූ ආදර්ශයක් ඇත. තවද කවරෙකු පිටු පාන්නේ ද සැබැවින්ම අල්ලාහ්මය (අවශ්යතාවන්ගෙන් තොර වූ) සර්ව සම්පූර්ණ හා සර්ව ප්රශංසා හිමිකරු වන්නේ.
7

عَسَى اللَّهُ أَن يَجْعَلَ بَيْنَكُمْ وَبَيْنَ الَّذِينَ عَادَيْتُم مِّنْهُم مَّوَدَّةً ۚ وَاللَّهُ قَدِيرٌ ۚ وَاللَّهُ غَفُورٌ رَّحِيمٌ

නුඹලා අතර හා නුඹලා කවරෙකුට සතුරුකම් පාන්නේ ද ඔවුන් අතර හිතවත්කමක් ඇති වීම අල්ලාහ්ගෙන් බලාපොරොත්තු විය හැකිය. 3 අල්ලාහ් අති බලසම්පන්නය. තවද අල්ලාහ් අති ක්ෂමාශීලීය පරම කරුණාභරිතය.
3මෙම ආයතය දේශාන්තරණය කළ මුස්ලිම්වරුන්ගේ ඇතැම් ඥාතීන් ඉදිරි අනාගතයේදී ඉස්ලාමය වැලඳ ගෙන මොවුන් සමග එක් වන බවට අනාවැකි පවසයි.
8

لَّا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ ۚ إِنَّ اللَّهَ يُحِبُّ الْمُقْسِطِينَ

දහම හේතුවෙන් නුඹලා හා සටන් නොකළවුන්ට ද නුඹලාගේ නිවෙස් වලින් නුඹලාව බැහැර නොකළවුන්ට ද යහපත කිරීම හා යුක්ති ගරුකව කටයුතු කිරීමෙන් අල්ලාහ් නුඹලාව වළක්වන්නේ නැත. සැබැවින්ම අල්ලාහ් යුක්ති ගරුකව කටයුතු කරන්නන්ව ප්රිය කරන්නේය.
9

إِنَّمَا يَنْهَاكُمُ اللَّهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُم مِّن دِيَارِكُمْ وَظَاهَرُوا عَلَىٰ إِخْرَاجِكُمْ أَن تَوَلَّوْهُمْ ۚ وَمَن يَتَوَلَّهُمْ فَأُولَـٰئِكَ هُمُ الظَّالِمُونَ

සැබැවින්ම අල්ලාහ් නුඹලාට වළක්වනුයේම දහම හේතුවෙන් නුඹලා හා සටන් කළවුන් සමග ද නුඹලාව නුඹලාගේ නිවෙස් වලින් බැහැර කළවුන් සමග ද නුඹලාව බැහැර කිරීමට උපකාර කළවුන් සමග ද මිතුදම් පෑම( පමණ)යි. 4 කවුරුන් ඔවුන් සමග මිතුදම් පාන්නේ ද ඔවුන්මය අපරාධ කළවුන් වන්නේ.
4වැඩි විස්තර සඳහා අල් කුර්ආන් 3:28 , 9:23 පාද සටහන් සමග බලන්න.
10

يَا أَيُّهَا الَّذِينَ آمَنُوا إِذَا جَاءَكُمُ الْمُؤْمِنَاتُ مُهَاجِرَاتٍ فَامْتَحِنُوهُنَّ ۖ اللَّهُ أَعْلَمُ بِإِيمَانِهِنَّ ۖ فَإِنْ عَلِمْتُمُوهُنَّ مُؤْمِنَاتٍ فَلَا تَرْجِعُوهُنَّ إِلَى الْكُفَّارِ ۖ لَا هُنَّ حِلٌّ لَّهُمْ وَلَا هُمْ يَحِلُّونَ لَهُنَّ ۖ وَآتُوهُم مَّا أَنفَقُوا ۚ وَلَا جُنَاحَ عَلَيْكُمْ أَن تَنكِحُوهُنَّ إِذَا آتَيْتُمُوهُنَّ أُجُورَهُنَّ ۚ وَلَا تُمْسِكُوا بِعِصَمِ الْكَوَافِرِ وَاسْأَلُوا مَا أَنفَقْتُمْ وَلْيَسْأَلُوا مَا أَنفَقُوا ۚ ذَٰلِكُمْ حُكْمُ اللَّهِ ۖ يَحْكُمُ بَيْنَكُمْ ۚ وَاللَّهُ عَلِيمٌ حَكِيمٌ

විශ්වාස කළවුනි, විශ්වාසවන්තියන් දේශාන්තරණය කරන්නන් ලෙස නුඹලා වෙත පැමිණියේ නම් ඔවුන්ව පරීක්ෂා කරවු. අල්ලාහ් ඔවුන්ගේ විශ්වාසය පිළිබඳව මැනවින් දන්නාය. ඔවුන් විශ්වාසවන්තියන් බව නුඹලා දැන ගත්තේ නම් ප්රතික්ෂේපකයින් වෙත ඔවුන්ව නැවත හරවා නොයවවු. 5 මොවුන්(ස්ත්රීන්) ඔවුනට අනුමත (වූ අය) නොවෙති. ඔවුහු ද මොවුන්ට(ස්තී්රන්ට) අනුමත (වූ අය) නොවෙති. (ප්රතික්ෂේප කළ) ඔවුන්(මෙම ස්තී්රන්ට) වියදම් කළ දෑ(මහ්රය) ඔවුන්ට(ප්රතික්ෂේපකයින්ට) නුඹලා ලබා දෙවු. ඔවුනට(ස්තී්රන්ට) ගෙවිය යුතු මහ්රය ඔවුනට(ස්තී්රන්ට) දුන්නේ නම් ඔවුන් හා විවාහ වීම නුඹලා කෙරෙහි වරදක් නැත. 6 තවද නුඹලා ප්රතික්ෂේප කරන්නියන්ගේ විවාහ බන්ධනය රඳවා නොගනිවු. 7 නුඹලා වියදම් කළ දෑ(මහ්රය) ඔවුන්ගෙන්(මෙම ස්තී්රන්ගේ මුස්ලිම් නොවන ස්වාමි පුරුෂයින්ගෙන්) ඉල්ලා ගනිවු. ඔවුන්(මුස්ලිම් ස්තී්රන්ගේ මුස්ලිම් නොවන නව පෙර ස්වාමි පුරුෂයන්) වියදම් කළ දෑ ඔවුන් (නුඹලාගෙන්) ඉල්ලා ගත යුතුයි. එය අල්ලාහ්ගේ තීන්දුවයි. ඔහු නුඹලා අතර තීන්දු දෙන්නේය. තවද අල්ලාහ් සර්වඥය, සර්ව ප්රඥාවන්තය.
5මෙම සූරාවේ හැඳින්වීමේ පළමු වන කරුණ බලන්න.
6මෙම ස්ත්රීන්ගේ මුස්ලිම් නොවන ස්වාමි පුරුෂයන් සමග වූ විවාහ බන්ධනය නෛතික අවශ්යතාවය උදෙසා එම ස්වාමි පුරුෂයන්ගේ කැමැත්තෙන් තොරව නිබන්ධනය වන හෙයින් එම කාන්තාවන්ගේ මුස්ලිම් නොවන ස්වාමි පුරුෂයන් ඔවුනට ලබා දුන් මහ්රය නැවත ලබා දීම ඔවුනට ඉටු විය යුතු සාධාරණය වේ.
7මෙම ආයතයට පෙර මුස්ලිම්වරුන්ට මිථ්යාදෘෂ්ටික ස්තී්රන් සමග විවාහ වීම හා තිබූ විවාහය පවත්වා ගෙන යෑමට අනුමැතිය තිබුණ ද මින් ඉදිරියට එසේ කළ නොහැකි බව මෙයින් තහවුරු කර ඇත.
11

وَإِن فَاتَكُمْ شَيْءٌ مِّنْ أَزْوَاجِكُمْ إِلَى الْكُفَّارِ فَعَاقَبْتُمْ فَآتُوا الَّذِينَ ذَهَبَتْ أَزْوَاجُهُم مِّثْلَ مَا أَنفَقُوا ۚ وَاتَّقُوا اللَّهَ الَّذِي أَنتُم بِهِ مُؤْمِنُونَ

නුඹලාගේ භාර්යාවන්ගෙන් කවරෙකු හෝ නුඹලාව (ද ඉස්ලාමය ද) අත හැර ප්රතික්ෂේපකයින් වෙත ගොස් පසුව නුඹලාට (ප්රතික්ෂේපක ස්තී්රන්ව මුස්ලිම් ස්තී්රන් ලෙස නැවත ලැබීමට) අවස්ථාවක් ලැබුනේ නම්, කවරෙකුගේ භාර්යාවන් (මුස්ලිම්වරුන් වෙත) ගියේද ඔවුන් (එනම් ප්රතික්ෂේපක ස්වාමි පුරුෂයන්) වියදම් කළ දෑ(මහ්රය) හා සමානව ඔවුන් (එනම් ප්රතික්ෂේපක ස්වාමි පුරුෂයන්) හට නුඹලා ලබා දෙවු. 8 තවද නුඹලා විශ්වාස කරන්නා වූ අල්ලාහ්ට බිය භක්තිමත් වවු.
8මුස්ලිම්වරුන්ගේ ප්රතික්ෂේපක භාර්යාවන් ඉස්ලාමය වැලඳ නොගෙන ප්රතික්ෂේපකයින් වෙත ගියේ නම් 10 වන ආයතයට අනුව ඔවුන්ගේ මුස්ලිම් නොවන නව ස්වාමි පුරුෂයන් ඔවුන්ගේ පෙර මුස්ලිම් ස්වාමි පුරුෂයන්ට ඔවුන් වියදම් කළ මහ්රය ලබා දීම අනිවාර්යය වුවද ප්රතික්ෂේපකයින් එයට එකඟ නොවූහ. නමුත් ප්රතික්ෂේපකයින්ගේ භාර්යාවන් ඉස්ලාමය වැලඳ ගෙන මුස්ලිම්වරුන් වෙත පැමිණියේ නම් ප්රතික්ෂේපකයින් මෙන් නොව ඔවුන්ගේ පෙර ස්වාමි පුරුෂයන් වියදම් කළ මහ්රය ඔවුන්ගේ නව මුස්ලිම් ස්වාමි පුරුෂයන් දිය යුතු යැයි මෙම ආයතය තහවුරු කරයි.
12

يَا أَيُّهَا النَّبِيُّ إِذَا جَاءَكَ الْمُؤْمِنَاتُ يُبَايِعْنَكَ عَلَىٰ أَن لَّا يُشْرِكْنَ بِاللَّهِ شَيْئًا وَلَا يَسْرِقْنَ وَلَا يَزْنِينَ وَلَا يَقْتُلْنَ أَوْلَادَهُنَّ وَلَا يَأْتِينَ بِبُهْتَانٍ يَفْتَرِينَهُ بَيْنَ أَيْدِيهِنَّ وَأَرْجُلِهِنَّ وَلَا يَعْصِينَكَ فِي مَعْرُوفٍ ۙ فَبَايِعْهُنَّ وَاسْتَغْفِرْ لَهُنَّ اللَّهَ ۖ إِنَّ اللَّهَ غَفُورٌ رَّحِيمٌ

නබිවරය, විශ්වාසවන්තියන් නුඹ වෙත පැමිණ අල්ලාහ්ට කිසිවක් අදේශ නොකරන බවටත් සොරකම් නොකරන බවටත් දුරාචාරයේ නොයෙදෙන බවටත් තමන්ගේ දරුවන් මරා නොදමන බවටත් 9 තමන්ගේ දෑත් හා දෙපා අතර ගෙතූ බොරුවක් 10 (තම සැමියා මත) නොපටවන බවටත් යහකම්හි නුඹට පිටුනොපාන බවටත් නුඹ ඉදිරියේ බයිඅත්(ප්රතිඥා) දුන්නේ නම් ඔවුන්ගේ බයිඅතය නුඹ පිළිගනිවු. ඔවුන් වෙනුවෙන් අල්ලාහ්ගෙන් පාප ක්ෂමාව ඇයැදිවු. සැබැවින්ම අල්ලාහ් අති ක්ෂමාශීලීය පරම කරුණාභරිතය.
9දරුවන් මරා දැමීම යනු ජාහිලිය්යා කාලයේ එනම් අඥාන යුගයේ ගැහැනු දරුවන් පණ පිටින් වැළලීම හෝ දිළිඳු බව හේතුවෙන් දරුවන්ව මරා දැමීම වේ.
10‘දෑත් හා දෙපා අතර ගෙතූ බොරුව’ යන්නෙන් අදහස් වනුයේ ස්ති්රයක් තමාගෙන් බිහි වූ අවජාතක දරුවෙකු තම සැමියාට දාව උපන් දරුවකු බව ව්යාජ ලෙස තරයේ ප්රකාශ කර සිටීමයි.
13

يَا أَيُّهَا الَّذِينَ آمَنُوا لَا تَتَوَلَّوْا قَوْمًا غَضِبَ اللَّهُ عَلَيْهِمْ قَدْ يَئِسُوا مِنَ الْآخِرَةِ كَمَا يَئِسَ الْكُفَّارُ مِنْ أَصْحَابِ الْقُبُورِ

විශ්වාස කළවුනි, අල්ලාහ් ඔවුන් මත කෝප වූ පිරිසක්(යුදෙව්වන්) නුඹ මිතුරන් කර නොගනිවු. 11 සොහොන් වාසීන්ගෙන් වූ ප්රතික්ෂේපකයින් බලාපොරොත්තු සුන් වූවාක් මෙන් ඔවුන් ද පරමාන්ත දිනය පිළිබඳව බලාපොරොත්තු සුන් වී ඇත. 12
11වැඩි විස්තර සඳහා අල් කුර්ආන් 3:28 , 9:23 පාද සටහන් සමග බලන්න.
12මෙහි සඳහන් වන්නේ මදීනා නගරයේ වාසය කළ යුදෙව්වන් පිළිබඳවයි. අල්ලාහ් ඔවුන් සමග කෝපයට පත් වී ඇත යැයි අල් කුර්ආන් 5:80 වන ආයතයෙහි සඳහන් වී ඇත.
الصفමදීනී
1

سَبَّحَ لِلَّهِ مَا فِي السَّمَاوَاتِ وَمَا فِي الْأَرْضِ ۖ وَهُوَ الْعَزِيزُ الْحَكِيمُ

අහස්හි හා මිහිතලයෙහි ඇති දෑ අල්ලාහ්ව පිවිතුරු කරති. ඔහු අති බල සම්පන්නය. සර්ව ප්රඥාවන්තය.
2

يَا أَيُّهَا الَّذِينَ آمَنُوا لِمَ تَقُولُونَ مَا لَا تَفْعَلُونَ

විශ්වාස කළවුනි, නුඹලා නොකරන දැයක් (පිළිබඳව) පවසන්නේ මන් ද?
3

كَبُرَ مَقْتًا عِندَ اللَّهِ أَن تَقُولُوا مَا لَا تَفْعَلُونَ

නුඹලා නොකරන දැයක් පැවසීම අල්ලාහ් අබියස ඉමහත් පිළිකුලක් විය.
4

إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُم بُنْيَانٌ مَّرْصُوصٌ

සැබැවින්ම අල්ලාහ් ඔහුගේ මාර්ගයේ පෙළ ගැසී සටන් වදින්නන්ව ප්රිය කරන්නේය. සැබැවින්ම ඔවුහු එකිනෙකට බැඳුනු (බලගතු) ගොඩනැගිල්ලක් මෙනි.
5

وَإِذْ قَالَ مُوسَىٰ لِقَوْمِهِ يَا قَوْمِ لِمَ تُؤْذُونَنِي وَقَد تَّعْلَمُونَ أَنِّي رَسُولُ اللَّهِ إِلَيْكُمْ ۖ فَلَمَّا زَاغُوا أَزَاغَ اللَّهُ قُلُوبَهُمْ ۚ وَاللَّهُ لَا يَهْدِي الْقَوْمَ الْفَاسِقِينَ

තවද මූසා තම ජනයාට ‘මාගේ ජනයිනි, සැබැවින්ම මම නුඹලා වෙත (එවනු ලැබූ) අල්ලාහ්ගේ රසූල්වරයා බව නුඹලා දැන සිටියදී මා හට හිංසා කරනුයේ මන්දැ?’යි පැවසූ අවස්ථාව (සිහිපත් කරවු). එබැවින් ඔවුන් (ඍජු මගින්) ඉවත්ව ගිය විට අල්ලාහ් ඔවුන්ගේ හදවත් (ඍජු මගින්) ඉවත් වීමට ඉඩ හැරියේය. තවද පාපතර පිරිසට අල්ලාහ් යහමග පෙන්වන්නේ නැත.
6

وَإِذْ قَالَ عِيسَى ابْنُ مَرْيَمَ يَا بَنِي إِسْرَائِيلَ إِنِّي رَسُولُ اللَّهِ إِلَيْكُم مُّصَدِّقًا لِّمَا بَيْنَ يَدَيَّ مِنَ التَّوْرَاةِ وَمُبَشِّرًا بِرَسُولٍ يَأْتِي مِن بَعْدِي اسْمُهُ أَحْمَدُ ۖ فَلَمَّا جَاءَهُم بِالْبَيِّنَاتِ قَالُوا هَـٰذَا سِحْرٌ مُّبِينٌ

මර්යම්ගේ පුත් ඊසා ‘ඉස්රාඊල්ගේ දරුවනි, සැබැවින්ම මම නුඹලා වෙත (එවනු ලැබූ) අල්ලාහ්ගේ රසූල්වරයෙක් වෙමි. මට පෙර (පහළ) වූ තව්රාතය සත්ය කරන්නෙකු වශයෙන් ද මට පසුව පැමිණෙන්නා වූ ඔහුගේ නම අහ්මද් (වූ) රසූල්වරයා 1 පිළිබඳව සුබාරංචි පවසන්නෙකු වශයෙන් ද (මම එවනු ලැබූවෙමි)’ යැයි පැවසූ අවස්ථාව (සිහිපත් කරවු). එහෙත් ඔවුන් වෙත පැහැදිලි සංඥාවන් ඔහු ගෙන ආ කල්හි මෙය පැහැදිලි හූනියමකි’ යැයි ඔවුහු පැවසුවෝය.
1මෙය නබි ඊසා (ජේසු) තුමාණන් විසින් නබි මුහම්මද් තුමාණන් පිළිබඳව පවසන ලද අනාවැකියකි. (Gospel of John 14:16) මෙහි මූල ගී්රක වචනයෙහි අදහස වන්නේ ‘ප්රශංසාවට ලක් වූ තැනැත්තා’ යන්නයි. මෙය මුහම්මද් යන අරාබි වචනයට සමාන වන්නේය.
7

وَمَنْ أَظْلَمُ مِمَّنِ افْتَرَىٰ عَلَى اللَّهِ الْكَذِبَ وَهُوَ يُدْعَىٰ إِلَى الْإِسْلَامِ ۚ وَاللَّهُ لَا يَهْدِي الْقَوْمَ الظَّالِمِينَ

තවද කෙනෙකු ඉස්ලාමය වෙත කැඳවනු ලැබූ අවස්ථාවේ අල්ලාහ් පිළිබඳව බොරු ගොතන්නේ ද ඔහුට වඩා දරුණු අපරාධකරුවා කවරෙක් ද? අපරාධකාර පිරිසට අල්ලාහ් යහමග පෙන්වන්නේ නැත.
8

يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ

ඔවුහු තම මුවින් අල්ලාහ්ගේ ආලෝකය නිවාලීමට අදහස් කරති. නමුත් ප්රතික්ෂේපකයින් (එය) පිළිකුල් කළ ද අල්ලාහ් තම ආලෝකය පරිපූර්ණ කරන්නාය.
9

هُوَ الَّذِي أَرْسَلَ رَسُولَهُ بِالْهُدَىٰ وَدِينِ الْحَقِّ لِيُظْهِرَهُ عَلَى الدِّينِ كُلِّهِ وَلَوْ كَرِهَ الْمُشْرِكُونَ

ආදේශකයන් පිළිකුල් කළ ද (අන්) සියලු දහම් වලට වඩා එය(ඉස්ලාමය) ඔහු උසස් කිරීම පිණිස ඔහුගේ රසූල්වරයාව යහමග හා සත්ය වූ දහම සමග එව්වේ ඔහුමය.
10

يَا أَيُّهَا الَّذِينَ آمَنُوا هَلْ أَدُلُّكُمْ عَلَىٰ تِجَارَةٍ تُنجِيكُم مِّنْ عَذَابٍ أَلِيمٍ

විශ්වාස කළවුනි, වේදනීය දඬුවමින් නුඹලාව ආරක්ෂා කරන්නා වූ ව්යාපාරයක් නුඹලාට මා දන්වන්නෙම් ද?
11

تُؤْمِنُونَ بِاللَّهِ وَرَسُولِهِ وَتُجَاهِدُونَ فِي سَبِيلِ اللَّهِ بِأَمْوَالِكُمْ وَأَنفُسِكُمْ ۚ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ

(එනම්) නුඹලා අල්ලාහ්ව ද ඔහුගේ රසූල්වරයාව ද විශ්වාස කර නුඹලාගේ ධනයෙන් ද නුඹලාගේ ප්රාණයෙන් ද අල්ලාහ්ගේ මාර්ගයේ ජිහාද්(ප්රයත්නය) 2 කිරීමයි. නුඹලා දැන සිටියෙහු නම් එය නුඹලාට ඉතා යහපත් වන්නේය.
2වැඩි විස්තර සඳහා අල් කුර්ආන් 2:218 හි පාද සටහන බලන්න.
12

يَغْفِرْ لَكُمْ ذُنُوبَكُمْ وَيُدْخِلْكُمْ جَنَّاتٍ تَجْرِي مِن تَحْتِهَا الْأَنْهَارُ وَمَسَاكِنَ طَيِّبَةً فِي جَنَّاتِ عَدْنٍ ۚ ذَٰلِكَ الْفَوْزُ الْعَظِيمُ

(එසේ නුඹලා කළේ නම්) ඔහු නුඹලාගේ පාපයන් නුඹලාට ක්ෂමා කරන්නේය. තවද නුඹලාව (ස්වර්ග) උයන් වලට ඔහු ඇතුළු කරවන්නේය. ඊට යටින් ගංගාවෝ ගලා බසිති. තවද සදාතනික වූ ස්වර්ග උයන්හි ඇති මනරම් වූ නවාතැන් වලට (ඔහු ඇතුළු කරවන්නේය). එයමය ඉමහත් ජයග්රහණය වන්නේ.
13

وَأُخْرَىٰ تُحِبُّونَهَا ۖ نَصْرٌ مِّنَ اللَّهِ وَفَتْحٌ قَرِيبٌ ۗ وَبَشِّرِ الْمُؤْمِنِينَ

තවද (ඔහු නුඹලාට දෙන) නුඹලා ප්රිය කරන තවත් දෙයක් නම් අල්ලාහ්ගෙන් වූ උපකාරය සහ සමීප ජයග්රහණයයි. තවද විශ්වාසවන්තයින්ට නුඹ ශුභාරංචි පවසවු.
14

يَا أَيُّهَا الَّذِينَ آمَنُوا كُونُوا أَنصَارَ اللَّهِ كَمَا قَالَ عِيسَى ابْنُ مَرْيَمَ لِلْحَوَارِيِّينَ مَنْ أَنصَارِي إِلَى اللَّهِ ۖ قَالَ الْحَوَارِيُّونَ نَحْنُ أَنصَارُ اللَّهِ ۖ فَآمَنَت طَّائِفَةٌ مِّن بَنِي إِسْرَائِيلَ وَكَفَرَت طَّائِفَةٌ ۖ فَأَيَّدْنَا الَّذِينَ آمَنُوا عَلَىٰ عَدُوِّهِمْ فَأَصْبَحُوا ظَاهِرِينَ

විශ්වාස කළවුනි, මර්යම්ගේ පුත් ඊසා තම අනුගාමිකයින්ගෙන් “අල්ලාහ්(ගේ දහම) වෙනුවෙන් මට උදව් කරන්නන් කවුරුන් දැ?”යි විමසූ අතර (ඊසාගේ) අනුගාමිකයින් “අපි අල්ලාහ්ගේ (දහමට) උදව්කරුවන් වෙමු”යි පැවසුවාක් මෙන් නුඹලා අල්ලාහ්ගේ (දහමට) උදවුකරුවන් වවු. ඉස්රාඊල්ගේ දරුවන්ගෙන් පිරිසක් විශ්වාස කළෝය. තවත් පිරිසක් ප්රතික්ෂේප කළෝය. විශ්වාස කළවුන්ව ඔවුන්ගේ සතුරන්ට එරෙහිව අපි ශක්තිමත් කළෙමු. එබැවින් ඔවුහු ජයග්රහකයින් වූහ.
الجمعةමදීනී
1

يُسَبِّحُ لِلَّهِ مَا فِي السَّمَاوَاتِ وَمَا فِي الْأَرْضِ الْمَلِكِ الْقُدُّوسِ الْعَزِيزِ الْحَكِيمِ

අධිපති වූද අති පරිශුද්ධ වූද අති බලසම්පන්න වූද සර්ව ප්රඥාවන්ත වූද අල්ලාහ්ව අහස්හි ඇති දෑ හා මිහිතලයෙහි ඇති දෑ පිවිතුරු කරති.
2

هُوَ الَّذِي بَعَثَ فِي الْأُمِّيِّينَ رَسُولًا مِّنْهُمْ يَتْلُو عَلَيْهِمْ آيَاتِهِ وَيُزَكِّيهِمْ وَيُعَلِّمُهُمُ الْكِتَابَ وَالْحِكْمَةَ وَإِن كَانُوا مِن قَبْلُ لَفِي ضَلَالٍ مُّبِينٍ

ඔහු(අල්ලාහ් ලිවීමට කියවීමට නොහැකි) නූගත් අය අතුරට ඔවුන් අතුරින්ම ඔහුගේ වදන් ඔවුනට පාරායනය කරන ඔවුන්ව පිවිතුරු කරන ධර්ම පුස්තකය හා ප්රඥාව ඔවුනට හදාර වන, රසූල්වරයෙකු එව්වේය. සැබැවින්ම මෙයට පෙර ඔවුහු පැහැදිලි නොමගෙහි වූහ.
3

وَآخَرِينَ مِنْهُمْ لَمَّا يَلْحَقُوا بِهِمْ ۚ وَهُوَ الْعَزِيزُ الْحَكِيمُ

ඔවුන් සමග මේ වනතුරු සම්බන්ධ නොවූ ඔවුන් අතුරින් වූ අන් අය අතරට ද (එම රසූල්වරයාව එව්වේය). 1 ඔහු(අල්ලාහ්) අති බලසම්පන්නය සර්ව ප්රඥාවන්තය.
1පරමාන්ත දිනය දක්වා පැමිණෙන සියලු ජනයාට දුතයා වශයෙන් නබි මුහම්මද් තුමාණන් එවනු ලැබී ඇත යනුවෙන් මෙම ආයතය තුළින් අදහස් වේ.
4

ذَٰلِكَ فَضْلُ اللَّهِ يُؤْتِيهِ مَن يَشَاءُ ۚ وَاللَّهُ ذُو الْفَضْلِ الْعَظِيمِ

එය (ඔවුන් වෙනුවෙන් වූ) අල්ලාහ්ගේ භාග්යයයි. ඔහු අභිමත කරන අයට ඔහු එය පිරිනමන්නේය. 2 තවද අල්ලාහ් ඉමහත් වූ ප්රසාදයන්ගෙන් යුක්තය.-
2නබි මුහම්මද් තුමා වෙනුවට මක්කා නගරයේ හෝ තාඉෆ් නගරයේ සිටින ප්රධානීන්ගෙන් කෙනෙකු දූතයා බවට පත් වන්නට තිබුණී යැයි මක්කාවේ ප්රතිප්ෂේපිකයින් ද ඊශ්රායෙලයේ කෙනෙකු දූතයා බවට පත් කරන්නට තිබුණී යැයි යුදෙව්වන් ද පවසන්නට වූහ. එනමුත් දූත මෙහෙයුම පැවරීමේ අයිතිය ඇත්තේ අල්ලාහ්ටය. ඔහු එය පවරන්නේය. යැයි මෙම වැකියෙන් අදහස් කෙරේ.
5

مَثَلُ الَّذِينَ حُمِّلُوا التَّوْرَاةَ ثُمَّ لَمْ يَحْمِلُوهَا كَمَثَلِ الْحِمَارِ يَحْمِلُ أَسْفَارًا ۚ بِئْسَ مَثَلُ الْقَوْمِ الَّذِينَ كَذَّبُوا بِآيَاتِ اللَّهِ ۚ وَاللَّهُ لَا يَهْدِي الْقَوْمَ الظَّالِمِينَ

කවුරුන්හට තව්රාතය (අනුගමනය කිරීමේ වගකීම) පවරනු ලැබ පසුව එය ඉටු නොකළේද ඔවුන්ගේ උපමාව ග්රන්ථ පොදියක් උසුලා ගත් බූරුවෙකුගේ උපමාව මෙන්ය. අල්ලාහ්ගේ වදන් අසත්ය කළ සමූහයේ උපමාව නපුරු විය. තවද අපරාධකාර පිරිසට අල්ලාහ් යහමග පෙන්වන්නේ නැත.
6

قُلْ يَا أَيُّهَا الَّذِينَ هَادُوا إِن زَعَمْتُمْ أَنَّكُمْ أَوْلِيَاءُ لِلَّهِ مِن دُونِ النَّاسِ فَتَمَنَّوُا الْمَوْتَ إِن كُنتُمْ صَادِقِينَ

‘යුදෙව් වූවනී, සෙසු ජනයා නොව නුඹලා අල්ලාහ්ට ඉතා සමීපතයින් යනුවෙන් නුඹලා තරයේ සිතන්නේ නම් නුඹලා (නුඹලාගේ තර්කයේ) සත්යවාදීහු නම් නුඹලා මරණය අපේක්ෂා කරවු.’ යැයි (නබිවරය,) පවසවු.
7

وَلَا يَتَمَنَّوْنَهُ أَبَدًا بِمَا قَدَّمَتْ أَيْدِيهِمْ ۚ وَاللَّهُ عَلِيمٌ بِالظَّالِمِينَ

තවද ඔවුන්ගේ දෑත් පෙරටු කළ දෑ හේතුවෙන් කිසිවිටෙක ඔවුහු එ(ම මරණ)ය අපේක්ෂා නොකරන්නෝය. අල්ලාහ් අපරාධකාරයින් පිළිබඳව සර්වඥය. 3
3මෙය එවකට සිටි යුදෙව්වන්ට ලැබුනු ඉතා පහසු අභියෝගයකි. එනම්, ඔවුන්ට ඉතා ලෙහෙසියෙන් ‘අපි මරණය පි්රය කරන්නෙමු’ යැයි පැවසිය හැකි වුවද එසේ පැවසීමෙන් ඔවුන්ට ඉතා ඉක්මනින් මරණය ළඟා වී දිව්යමය දඬුවම් වලට ගොදුරු වනු ඇතැ’යි බියක් තිබුණි. එබැවින් ඔවුන් එසේ නොපැවසූහ.
8

قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ۖ ثُمَّ تُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ

‘සැබැවින්ම නුඹලා කවර මරණයෙන් පලා දුවන්නේ ද නියත වශයෙන්ම එය නුඹලාව හමු වන්නේමය. පසුව ගුප්ත දෑ හා දෘෂ්යමාන දෑ (සියල්ල) දන්නා (අල්ලාහ්) වෙතට නුඹලා හරවා යවනු ලබන්නෝය. එවිට නුඹලා (මෙලොව) කරමින් සිටි දෑ(සියල්ල) පිළිබඳව ඔහු නුඹලාට දන්වන්නේය. ‘යැයි (නබිවරය,) පවසවු.
9

يَا أَيُّهَا الَّذِينَ آمَنُوا إِذَا نُودِيَ لِلصَّلَاةِ مِن يَوْمِ الْجُمُعَةِ فَاسْعَوْا إِلَىٰ ذِكْرِ اللَّهِ وَذَرُوا الْبَيْعَ ۚ ذَٰلِكُمْ خَيْرٌ لَّكُمْ إِن كُنتُمْ تَعْلَمُونَ

විශ්වාස කළවුනි, ජුමුආ(සිකුරාදා) දිනයෙහි සලාතය සඳහා කැඳවනු ලැබූ කල්හි වෙළඳාම අතහැර අල්ලාහ්ව මෙනෙහි කිරීම පිණිස නුඹලා ඉක්මන් වවු. නුඹලා දැන සිටියෙහු නම් එය නුඹලාට ඉතා යහපත් වන්නේය.-
10

فَإِذَا قُضِيَتِ الصَّلَاةُ فَانتَشِرُوا فِي الْأَرْضِ وَابْتَغُوا مِن فَضْلِ اللَّهِ وَاذْكُرُوا اللَّهَ كَثِيرًا لَّعَلَّكُمْ تُفْلِحُونَ

සලාතය අවසන් කරනු ලැබුවේ නම් මිහිතලයෙහි විසිර යවු. තවද අල්ලාහ්ගේ භාග්යය(සම්පත්) සොයා ගනිවු. අල්ලාහ්ව අධික ලෙස මෙනෙහි කරවු, එමගින් නුඹලා ජයග්රාහකයින් විය හැක.
11

وَإِذَا رَأَوْا تِجَارَةً أَوْ لَهْوًا انفَضُّوا إِلَيْهَا وَتَرَكُوكَ قَائِمًا ۚ قُلْ مَا عِندَ اللَّهِ خَيْرٌ مِّنَ اللَّهْوِ وَمِنَ التِّجَارَةِ ۚ وَاللَّهُ خَيْرُ الرَّازِقِينَ

තවද ඔවුහු වෙළඳාමක් හෝ විනෝද කෙළියක් දුටුවේ නම් නුඹව සිට ගත් විලසින් අතහැර දමා ඒ වෙත දුවන්නෝය. 4 ‘අල්ලාහ් අබියස ඇති දෑ විනෝද කෙළියට හා වෙළඳාමට වඩා අති ශ්රේෂ්ඨය. අල්ලාහ් ජීවින සම්පත් ලබා දීමෙහි අති ශ්රේෂ්ඨයා වන්නේ යැ’යි (නබිවරය,) පවසවු.
4සිකුරාදා දින නබි මුහම්මද් තුමාණන් ජුමුආ දේශනාව කරමින් සිටිය දී මදීනා නගරයට ව්යාපාර කණඩායමක් පැමිණියෝය. ඔවුන් පාරිභෝගිකයින් ආකර්ෂණය කිරීම පිණිස විනෝද කෙළියක් ද ගෙන ආවෝය. මින් ආකර්ෂණය වූ ඇතැම් මුස්ලිම්වරුන් ජුමුආ දේශනාව අතහැර ගියෝය. මෙම ආයතය එම සන්දර්භය මුල් කොටගෙන පහළ වූවකි.
المنافقونමදීනී
1

إِذَا جَاءَكَ الْمُنَافِقُونَ قَالُوا نَشْهَدُ إِنَّكَ لَرَسُولُ اللَّهِ ۗ وَاللَّهُ يَعْلَمُ إِنَّكَ لَرَسُولُهُ وَاللَّهُ يَشْهَدُ إِنَّ الْمُنَافِقِينَ لَكَاذِبُونَ

ආත්ම වංචනිකයෝ නුඹ වෙත පැමිණියේ නම් “සැබැවින්ම නුඹ අල්ලාහ්ගේ රසූල්වරයා බව අපි සාක්ෂි දරන්නෙමු” යැයි ඔවුහු පවසති. සැබැවින්ම නුඹ අල්ලාහ්ගේ රසූල්වරයා බව අල්ලාහ් දන්නේය. (නමුත්) ආත්ම වංචනිකයින් සැබැවින්ම අසත්යවන්තයින් යැයි අල්ලාහ් සාක්ෂි දරන්නේය.
2

اتَّخَذُوا أَيْمَانَهُمْ جُنَّةً فَصَدُّوا عَن سَبِيلِ اللَّهِ ۚ إِنَّهُمْ سَاءَ مَا كَانُوا يَعْمَلُونَ

ඔවුහු තමන්ගේ දිවුරුම් පලිහක් ලෙස යොදා ගනිමින් (ජනයින්ව) අල්ලාහ්ගේ මාර්ගයෙන් වැළැක් වූහ. සැබැවින්ම ඔවුන් කරමින් සිටි දෑ නපුරු විය.
3

ذَٰلِكَ بِأَنَّهُمْ آمَنُوا ثُمَّ كَفَرُوا فَطُبِعَ عَلَىٰ قُلُوبِهِمْ فَهُمْ لَا يَفْقَهُونَ

එය සැබැවින්ම ඔවුන් (ප්රසිද්ධියේ මුවින්) විශ්වාස(ය ප්රකාශ)කර, පසුව (රහසිගතව හදවතින්) ප්රතික්ෂේප කළ හේතුවෙනි. එබැවින් ඔවුන්ගේ හදවත්හි මුද්රා තබනු ලැබීය. එහෙයින් ඔවුහු වටහා නොගන්නෝය.
4

وَإِذَا رَأَيْتَهُمْ تُعْجِبُكَ أَجْسَامُهُمْ ۖ وَإِن يَقُولُوا تَسْمَعْ لِقَوْلِهِمْ ۖ كَأَنَّهُمْ خُشُبٌ مُّسَنَّدَةٌ ۖ يَحْسَبُونَ كُلَّ صَيْحَةٍ عَلَيْهِمْ ۚ هُمُ الْعَدُوُّ فَاحْذَرْهُمْ ۚ قَاتَلَهُمُ اللَّهُ ۖ أَنَّىٰ يُؤْفَكُونَ

ඔවුන්ව නුඹ දුටුවේ නම් ඔවුන්ගේ ශරීරයන්(හි අලංකාරය) නුඹව විස්මයට පත් කරවයි. ඔවුන් කතා කළේ නම් නුඹ ඔවුන්ගේ කථිකත්වයට (ආකර්ෂණය වී) සවන් දෙන්නෙහිය. (නමුත් මෙය අසත්යකි.) ඔවුන්(ට උපමාව වනුයේ) සිටවනු ලැබූ ගස් කොටන් මෙන්ය. (ඔවුන්ගේ බියගුලුකම හේතුවෙන් ඔවුන්ට ඇසෙන) සෑම හඬක්ම ඔවුන්ට එරෙහි වන්නක් ලෙස ඔවුහු සිතති. (නබිවරය,) ඔවුන්මය සතුරන් වන්නේ. එබැවින් නුඹ ඔවුන්ගෙන් අවදානමෙන් සිටිවු. අල්ලාහ් ඔවුන්ව විනාශ කර දමනු මැනව. කෙසේ නම් ඔවුන් (යහමගින් මුළා වී) හරවනු ලැබුවේ ද!-
5

وَإِذَا قِيلَ لَهُمْ تَعَالَوْا يَسْتَغْفِرْ لَكُمْ رَسُولُ اللَّهِ لَوَّوْا رُءُوسَهُمْ وَرَأَيْتَهُمْ يَصُدُّونَ وَهُم مُّسْتَكْبِرُونَ

‘නුඹලා පැමිණෙවු. අල්ලාහ්ගේ රසූල්වරයා නුඹලා වෙනුවෙන් පාප ක්ෂමාව ඇයැදිනු ඇතැයි.’ ඔවුනට පවසනු ලැබූ කල්හි ඔවුන්ගේ හිස් (අකමැත්තෙන්) හරවා ගනිති. තවද ඔවුන් උඩගුකමින් පිටුපා යන්නන් ලෙස නුඹ ඔවුන්ව දකිනු ඇත.
6

سَوَاءٌ عَلَيْهِمْ أَسْتَغْفَرْتَ لَهُمْ أَمْ لَمْ تَسْتَغْفِرْ لَهُمْ لَن يَغْفِرَ اللَّهُ لَهُمْ ۚ إِنَّ اللَّهَ لَا يَهْدِي الْقَوْمَ الْفَاسِقِينَ

(නබිවරය,) ඔවුන් වෙනුවෙන් නුඹ පාප ක්ෂමාව අයැද සිටීම ද ඇයැද නොසිටීමද ඔවුන්ගේ විෂයෙහි එක හා සමානය. අල්ලාහ් ඔවුන්ව ක්ෂමා නොකරන්නේමය. සැබැවින්ම අල්ලාහ් පාපතර පිරිසට යහමග පෙන්වන්නේ නැත.
7

هُمُ الَّذِينَ يَقُولُونَ لَا تُنفِقُوا عَلَىٰ مَنْ عِندَ رَسُولِ اللَّهِ حَتَّىٰ يَنفَضُّوا ۗ وَلِلَّهِ خَزَائِنُ السَّمَاوَاتِ وَالْأَرْضِ وَلَـٰكِنَّ الْمُنَافِقِينَ لَا يَفْقَهُونَ

අල්ලාහ්ගේ රසූල්වරයා සමග සිටිනවුන්ට ඔවුන් (නුඹලාගෙන් වෙන් වී) විසිරී යනතුරු නුඹලා වියදම් නොකරවු.’ 1 යැයි පවසනුයේ ඔවුන්මය. අහස්හි හා මිහිතලයෙහි ඇති ධන සම්භාරය අල්ලාහ් සතුය. නමුත් ආත්ම වංචනිකයින් අවබෝධ කර නොගනිති.
1දිනක් මදීනා වැසියෙකු හා මක්කාවේ සිට දේශාන්තරණය කළ මුහාජිර්වරයෙකු අතර ඇති වූ කුඩා බහින්බස් වීමක් ආරවුලක් දක්වා ඇදී ගිය නමුත් එය නබි මුහම්මද් තුමාණන් සමතයකට පත් කර ඔවුන් දෙදෙනා නැවත මිත්රත්වයට පත් කළේය. මෙම සන්දර්භය ප්රයෝජනයට ගත් ආත්ම වංචනිකයින්ගේ නායක අබ්දුල්ලාහ් ඉබ්නු උබෙයි මදීනා වැසියන් අමතා “මුහාජිර්වරුන්ට වියදම් නොකරනු. එසේ කිරීමෙන් මෙම මුහාජිර්වරුන් නබි මුහම්මද් තුමාණන්ගෙන් වෙන්ව විසිරී යනු ඇතැ”යි පැවසුවේය. තවද “ගෞරවනීය අප නින්දිත ඔවුන්ව මදීනාවෙන් පිටුවහල් කරමු” යැයි ද පැවසුවේය. මේ පිළිබඳව ආයතයන් 7,8 හි සඳහන් වී ඇත.
8

يَقُولُونَ لَئِن رَّجَعْنَا إِلَى الْمَدِينَةِ لَيُخْرِجَنَّ الْأَعَزُّ مِنْهَا الْأَذَلَّ ۚ وَلِلَّهِ الْعِزَّةُ وَلِرَسُولِهِ وَلِلْمُؤْمِنِينَ وَلَـٰكِنَّ الْمُنَافِقِينَ لَا يَعْلَمُونَ

අපි මදීනාවට නැවත හැරී යන්නේ නම් එහි සිටින බලවතුන් (ආත්ම වංචනිකයින්)දුබලයින්ව(විශ්වාසිකයින්ව) සැබැවින්ම පිටුවහල් කරන්නෝයැ’යි ඔවුහු පවසන්නෝය. (එබැවින්) ගෞරවය අල්ලාහ්, ඔහුගේ රසූල්වරයා සහ විශ්වාස කළවුන් සතුය. නමුත් ආත්ම වංචනිකයින් (මෙය) නොදන්නෝය.
9

يَا أَيُّهَا الَّذِينَ آمَنُوا لَا تُلْهِكُمْ أَمْوَالُكُمْ وَلَا أَوْلَادُكُمْ عَن ذِكْرِ اللَّهِ ۚ وَمَن يَفْعَلْ ذَٰلِكَ فَأُولَـٰئِكَ هُمُ الْخَاسِرُونَ

විශ්වාස කළවුනි, නුඹලාගේ ධනය හා නුඹලාගේ දරුවන් අල්ලාහ්ව මෙනෙහි කිරීමෙන් නුඹලාව වෙනතකට යොමු නොකළ යුතුය. තවද කවරෙකු එසේ කරන්නේ ද ඔවුන්මය අලාභවන්තයින් වන්නේ.
10

وَأَنفِقُوا مِن مَّا رَزَقْنَاكُم مِّن قَبْلِ أَن يَأْتِيَ أَحَدَكُمُ الْمَوْتُ فَيَقُولَ رَبِّ لَوْلَا أَخَّرْتَنِي إِلَىٰ أَجَلٍ قَرِيبٍ فَأَصَّدَّقَ وَأَكُن مِّنَ الصَّالِحِينَ

නුඹලා අතුරින් කෙනෙකුට මරණය පැමිණීමට පෙර අප නුඹලාට දායාද කළ දැයින් නුඹලා වියදම් කරවු. එ(ම මරණය පැමිණි)විට “මාගේ පරමාධිපතියාණනි, සුළු මොහොතකට මා ප්රමාද නොකරන්නේ ද (එසේ ප්රමාද කළේ නම්) මම දන් දී සැදැහැමියන්ගෙන් කෙනෙකු වන්නෙමි.” යැයි ඔහු පවසයි.
11

وَلَن يُؤَخِّرَ اللَّهُ نَفْسًا إِذَا جَاءَ أَجَلُهَا ۚ وَاللَّهُ خَبِيرٌ بِمَا تَعْمَلُونَ

යමෙකුගේ නියමිත (වූ අවසාන) වේලාව පැමිණියේ නම් අල්ලාහ් ඔහුව ප්රමාද නොකරන්නේමය. අල්ලාහ් නුඹලා කරන දෑ පිළිබඳව අභිඥානවන්තයාය.
التغابنමදීනී
1

يُسَبِّحُ لِلَّهِ مَا فِي السَّمَاوَاتِ وَمَا فِي الْأَرْضِ ۖ لَهُ الْمُلْكُ وَلَهُ الْحَمْدُ ۖ وَهُوَ عَلَىٰ كُلِّ شَيْءٍ قَدِيرٌ

අහස්හි ඇති දෑ හා මිහිතලයෙහි ඇති දෑ අල්ලාහ්ව පිවිතුරු කරති. (සියලු) රාජ්යය ඔහු සතුය. (සියලු) පැසසුම් ද ඔහු සතුය. තවද ඔහු සියලු දෑ කෙරෙහි අති බලසම්පන්නය.
2

هُوَ الَّذِي خَلَقَكُمْ فَمِنكُمْ كَافِرٌ وَمِنكُم مُّؤْمِنٌ ۚ وَاللَّهُ بِمَا تَعْمَلُونَ بَصِيرٌ

නුඹලාව මැව්වේ ඔහුමය. පසුව නුඹලා අතුරින් සමහරුන් ප්රතික්ෂේපකයින් ය. තවද නුඹලා අතුරින් සමහරුන් විශ්වාසවන්තයින් ය. තවද අල්ලාහ් නුඹලා කරන දෑ පිළිබඳව සර්ව සුපරික්ෂාකාරීය.
3

خَلَقَ السَّمَاوَاتِ وَالْأَرْضَ بِالْحَقِّ وَصَوَّرَكُمْ فَأَحْسَنَ صُوَرَكُمْ ۖ وَإِلَيْهِ الْمَصِيرُ

අහස් හා මිහිතලය නිසි ලෙස මැව්වේ ඔහුය. තවද නුඹලාව හැඩ ගැන්වූයේය. පසුව නුඹලාගේ හැඩරුව අලංකාර කළේය. තවද අවසානයේ (නුඹලා) යොමු වන ස්ථානය ඔහු වෙතමය.
4

يَعْلَمُ مَا فِي السَّمَاوَاتِ وَالْأَرْضِ وَيَعْلَمُ مَا تُسِرُّونَ وَمَا تُعْلِنُونَ ۚ وَاللَّهُ عَلِيمٌ بِذَاتِ الصُّدُورِ

අහස්හි හා මිහිතලයෙහි ඇති දෑ ඔහු දන්නේය. නුඹලා සගවන දෑ ද නුඹලා හෙළිකරන දෑ ද ඔහු දන්නේය. තවද හදවත් තුළ ඇති දෑ පිළිබඳව අල්ලාහ් සර්වඥය.
5

أَلَمْ يَأْتِكُمْ نَبَأُ الَّذِينَ كَفَرُوا مِن قَبْلُ فَذَاقُوا وَبَالَ أَمْرِهِمْ وَلَهُمْ عَذَابٌ أَلِيمٌ

මෙයට පෙර විසූ ප්රතික්ෂේප කළවුන්ගේ පුවත නුඹලා වෙත නොපැමිණියේ ද? තවද ඔවුන් තමන්ගේ හැසිරීමේ විපාකය (මෙලොවෙහිම) රස වින්දෝය. තවද ඔවුනට (මතු ලොවෙහි) වේදනීය දඬුවමක් ඇත.
6

ذَٰلِكَ بِأَنَّهُ كَانَت تَّأْتِيهِمْ رُسُلُهُم بِالْبَيِّنَاتِ فَقَالُوا أَبَشَرٌ يَهْدُونَنَا فَكَفَرُوا وَتَوَلَّوا ۚ وَّاسْتَغْنَى اللَّهُ ۚ وَاللَّهُ غَنِيٌّ حَمِيدٌ

එයට හේතුව ඔවුන්ගේ රසූල්වරුන් ඔවුන් වෙත ඉතා පැහැදිලි සාධකයන් ගෙන එමින් සිටියෝය. නමුත් ඔවුහු ‘අපට යහමග පෙන්වන්නේ (අප මෙන්ම) මනුෂ්යයින් දැ?’යි පැවසුවෝය. පසුව ඔවුන් (රසූල්වරුන්ව) ප්රතික්ෂේප කර පිටුපෑවෝය. අල්ලාහ් (ඔවුන්ගෙන්) අවශ්යතාවෙන් තොර විය. අල්ලාහ් සර්ව සම්පූර්ණය සර්ව ප්රශංසනීය.-
7

زَعَمَ الَّذِينَ كَفَرُوا أَن لَّن يُبْعَثُوا ۚ قُلْ بَلَىٰ وَرَبِّي لَتُبْعَثُنَّ ثُمَّ لَتُنَبَّؤُنَّ بِمَا عَمِلْتُمْ ۚ وَذَٰلِكَ عَلَى اللَّهِ يَسِيرٌ

ප්රතික්ෂේප කළවුන් තමන් (මරණින් පසු නැවත) නැගිටුවනු නොලබන්නේම යැයි තරයේ සිත(මින් කියාපා)ති. (නබිවරය,) පවසවු ‘නොඑසේය, මාගේ පරමාධිපතියාණන් මත දිවුරමින්, සැබැවින්ම නුඹලා නැගිටුවනු ලබන්නෙහුමය. පසුව නුඹලා කළ දෑ පිළිබඳව නුඹලාට දන්වනු ලබන්නෙහුමය. එය අල්ලාහ්ට පහසුය.’
8

فَآمِنُوا بِاللَّهِ وَرَسُولِهِ وَالنُّورِ الَّذِي أَنزَلْنَا ۚ وَاللَّهُ بِمَا تَعْمَلُونَ خَبِيرٌ

එබැවින් අල්ලාහ්ව ද ඔහුගේ රසූල්වරයාව ද අප පහළ කළ ආලෝකය(අල් කුර්ආනය) ද නුඹලා විශ්වාස කරවු. තවද නුඹලා කරන දෑ පිළිබඳව අල්ලාහ් අභිඥානවන්තය.
9

يَوْمَ يَجْمَعُكُمْ لِيَوْمِ الْجَمْعِ ۖ ذَٰلِكَ يَوْمُ التَّغَابُنِ ۗ وَمَن يُؤْمِن بِاللَّهِ وَيَعْمَلْ صَالِحًا يُكَفِّرْ عَنْهُ سَيِّئَاتِهِ وَيُدْخِلْهُ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا ۚ ذَٰلِكَ الْفَوْزُ الْعَظِيمُ

එක්රැස් කරනු ලබන (විනිශ්චය) දිනය සඳහා ඔහු නුඹලාව එක්රැස් කරන දින (නුඹ සිහිපත් කරවු). එය එකිනෙකාට ලාභ අලාභ ඇති කරවන දිනයයි. 1 කවරෙකු අල්ලාහ්ව විශ්වාස කර යහකම් කරන්නේ ද ඔහුගේ දුෂ්ටකම් ඔහුගෙන් ඔහු(අල්ලහ්) ක්ෂමා කර ස්වර්ග උයන් වලට ඔහුව ඇතුළු කරවන්නේය. ඊට යටින් ගංගාවෝ ගලා බසිති. (ඔවුහු) එහි සදාතනිකයෝ වෙති. එය ඉමහත් ජයග්රහණයයි.
1මෙම ආයතයේ කෙටි අදහස වනුයේ විනිශ්චය දින යහකම් කළවුන් ඔවුන්ගේ ප්රතිඵල දකින අතර අයහකම් කළවුන් ඔවුන්ගේ විපාක දකින බවයි. නමුත් මෙහි සඳහන් ‘තඝාබුන්’ යන වචනයේ පදානුගත අර්ථය වනුයේ එකිනෙකාට අලාභ ඇති කිරීම යන්නය. ඒ අනුව විනිශ්චය දින යහකම් කළවුන් අයහකම් කළවුනට ඔවුන්ගේ අලාභය පිළිබඳව නින්දාවට ලක් කරති. තවද අධික ලෙස යහකම් කළවුන් අඩුවෙන් යහකම් කළවුන්ට ඔවුන්ගේ අලාභය පිළිබඳව නින්දාවට ලක් කරති.
10

وَالَّذِينَ كَفَرُوا وَكَذَّبُوا بِآيَاتِنَا أُولَـٰئِكَ أَصْحَابُ النَّارِ خَالِدِينَ فِيهَا ۖ وَبِئْسَ الْمَصِيرُ

තවද කවරෙකු අපගේ සංඥාවන් ප්රතික්ෂේප කර අසත්යය කරන්නේද ඔවුහුමය නිරයේ සගයෝ වන්නේ. (ඔවුහු) එහි සදාතනිකයෝ වෙති. තවද (ඔවුහු) අවසානයේ යොමු වන ස්ථානය කෙතරම් නින්දනීය ද?
11

مَا أَصَابَ مِن مُّصِيبَةٍ إِلَّا بِإِذْنِ اللَّهِ ۗ وَمَن يُؤْمِن بِاللَّهِ يَهْدِ قَلْبَهُ ۚ وَاللَّهُ بِكُلِّ شَيْءٍ عَلِيمٌ

අල්ලාහ්ගේ අනුමැතියෙන් තොර කිසිම දුර්භාග්යයක් ඇති නොවන්නේමය. තවද කවරෙකු අල්ලාහ්ව විශ්වාස කරන්නේද ඔහු(අල්ලාහ්) ඔහුගේ හදවතට යහමග පෙන්වන්නේය. අල්ලාහ් සියලූ දෑ කෙරෙහි සර්වඥය.-
12

وَأَطِيعُوا اللَّهَ وَأَطِيعُوا الرَّسُولَ ۚ فَإِن تَوَلَّيْتُمْ فَإِنَّمَا عَلَىٰ رَسُولِنَا الْبَلَاغُ الْمُبِينُ

තවද නුඹලා අල්ලාහ්ට අවනත වවු. තවද රසූල්වරයාට ද අවනත වවු. එබැවින් නුඹලා පිටුපෑවෙහු නම් එවිට අපගේ රසූල්වරයා කෙරෙහි වගකීම වන්නේ පැහැදිලිව (පණිවුඩය) ප්රකාශ කිරීම පමණය.
13

اللَّهُ لَا إِلَـٰهَ إِلَّا هُوَ ۚ وَعَلَى اللَّهِ فَلْيَتَوَكَّلِ الْمُؤْمِنُونَ

අල්ලාහ්, ඔහු හැර (නැමදුමට) වෙනත් දෙවියෙකු නොමැත. තවද විශ්වාසිකයින් සියල්ල භාර කළ යුත්තේ අල්ලාහ් කෙරෙහිමය.
14

يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَرُوهُمْ ۚ وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ

විශ්වාස කළවුනි, සැබැවින්ම නුඹලාගේ භාර්යාවන් හා නුඹලාගේ දරුවන් අතුරින් නුඹලාට සතුරන් සිටිති. එබැවින් ඔවුන්ගෙන් නුඹලා ප්රවේශම් වවු. 2 නුඹලා (ඔවුනට) අනුකම්පා කර(ඔවුන්ගේ වැරදි) නොසලකා හැර ක්ෂමාව පිරිනැමුවේ නම් එවිට සැබැවින්ම අල්ලාහ් අති ක්ෂමාශීලීය පරම කරුණාභරිතය. 3
2මෙහි සතුරන් යනුවෙන් පවසන්නේ ඔවුන් අතුරින් දහම් කටයුතු වලට බාධා කරන්නන්ටය. තවද මක්කාවේ විසූ සමහරුන්ට දේශාන්තරණය කිරීම අනිවාර්යය වී තිබුණු නමුත් තමන්ගේ පවුලේ බලපෑම නිසා ඔවුන්ට දේශාන්තරණය කිරීමට නොහැකි වූ හෙයින් ඔවුන්ගේ විෂයෙහි මෙම ආයතය පහළ වී ඇති බව වාර්තා වී ඇත.
3තමන්ගේ පවුලේ උදවිය වැරදි කළ ද ඔවුන් කෙරෙහි ඉක්මන් නොවී ඉවසිල්ලෙන් ඇසුරු කළ යුතුයි යනුවෙන් මෙම ආයතය තුළින් උපදෙස් දී ඇත.
15

إِنَّمَا أَمْوَالُكُمْ وَأَوْلَادُكُمْ فِتْنَةٌ ۚ وَاللَّهُ عِندَهُ أَجْرٌ عَظِيمٌ

සැබැවින්ම නුඹලාගේ ධනය හා නුඹලාගේ දරුවන් (නුඹලාට) පරීක්ෂණයක්මය. තවද අල්ලාහ්, ඔහු අබියස ඉමහත් වේතනයක් ඇත.
16

فَاتَّقُوا اللَّهَ مَا اسْتَطَعْتُمْ وَاسْمَعُوا وَأَطِيعُوا وَأَنفِقُوا خَيْرًا لِّأَنفُسِكُمْ ۗ وَمَن يُوقَ شُحَّ نَفْسِهِ فَأُولَـٰئِكَ هُمُ الْمُفْلِحُونَ

එබැවින් නුඹලාගේ ශක්තියට අනුව නුඹලා අල්ලාහ්ට බිය භක්තිමත් වවු. තවද සවන් දෙවු. තවද අවනත වවු. තවද (එය) නුඹලාට යහපතක් වනු පිණිස(අල්ලාහ් වෙනුවෙන් යහ මාර්ගයේ) වියදම් කරවු. තවද කවරෙකු තමන්ගේ හදවතෙහි ඇති වන මසුරුකමින් වළක්වනු ලබන්නේ ද ඔවුහුමය ජය ලද්දෝ.
17

إِن تُقْرِضُوا اللَّهَ قَرْضًا حَسَنًا يُضَاعِفْهُ لَكُمْ وَيَغْفِرْ لَكُمْ ۚ وَاللَّهُ شَكُورٌ حَلِيمٌ

නුඹලා අල්ලාහ්ට අලංකාර ණයක් 4 ලබා දෙන්නේ නම් ඔහු එය නුඹලාට ප්රගුණ කර දෙන්නේය. තවද නුඹලාට ඔහු පාප ක්ෂමාව පිරිනමන්නේය. තවද අල්ලාහ් මහා කෘතවේදීය දැඩි ඉවසිලිවන්තය.
4අල් කුර්ආන් 2:245 , 73:20 ආයතයන්හි පාද සටහන බලන්න.
18

عَالِمُ الْغَيْبِ وَالشَّهَادَةِ الْعَزِيزُ الْحَكِيمُ

(ඔහු) ගුප්ත දෑ හා දෘශ්ය දෑ දන්නාය, අති බලසම්පන්නය සර්ව ප්රඥාවන්තය.
الطلاقමදීනී
1

يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ ۖ وَاتَّقُوا اللَّهَ رَبَّكُمْ ۖ لَا تُخْرِجُوهُنَّ مِن بُيُوتِهِنَّ وَلَا يَخْرُجْنَ إِلَّا أَن يَأْتِينَ بِفَاحِشَةٍ مُّبَيِّنَةٍ ۚ وَتِلْكَ حُدُودُ اللَّهِ ۚ وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ ۚ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا

නබිවරය, (ජනයින්ට පවසවු.) “නුඹලා කාන්තාවන්ට දික්කසාදය ප්රකාශ 1 කරන්නේ නම් ඔවුන්ගේ ඉද්දාවෙහි 2 (එනම් සුදුසු කාලයෙහි) දික්කසාදය ප්රකාශ කරවු. තවද ඉද්දා කාලය ගණනය කරවු. තවද නුඹලාගේ පරමාධිපති වන අල්ලාහ්ට බිය භක්තිමත් වවු. ඔවුන් පැහැදිලි වූ අශික්ෂිත දෑ 3 කළහොත් මිස නුඹලා ඔවුන්ව ඔවුන්ගේ නිවෙස් වලින් බැහැර නොකරවු. තවද ඔවුන් බැහැර නොවිය යුතුයි. තවද මෙය අල්ලාහ්( නියම කළ අල්ලාහ්)ගේ සීමාවන්ය. තවද කවරෙකු අල්ලාහ් (නියම කළ ඔහු)ගේ සීමාවන් ඉක්මවන්නේද ඔහු තමාටම අපරාධ කර ගත්තේය. එයට(දික්කසාදය ප්රකාශයට) පසුව අලුත් තත්ත්වයක් (අනාගතයේ) අල්ලාහ් ඇති කළ හැකි බව නුඹ නොදන්නේය. 4
1තලාක් හෙවත් දික්කසාදය ප්රකාශ කිරීම පිළිබඳව වැඩි විස්තර සඳහා අල් කුර්ආන් 2:229-230 යන ආයතයන් බලන්න.
2ඉද්දා යන පදය යම් කාල සීමාවවක් පෙන්නුම් කිරීම සඳහා භාවිත වේ. ඉස්ලාමීය ව්යවහාරයෙහි ඉද්දා යන පදය සැමියා දික්කසාද වීමෙන් අනතුරුව හෝ සැමියා වියෝවයට පත් වීමෙන් අනතුරුව ඇය විවාහයකට නොඑළඹී සිටිය යුතු පොරොත්තු කාලයට භාවිත වේ. නමුත් මෙම ආයතයෙහි “ඉද්දා” යන පදය යෙදී ඇත්තේ දික්කසාදය ප්රකාශ කිරීමට සුදුසු කාලය පෙන්නුම් කිරීම සඳහාය. එනම්, එය කළ යුත්තේ සැමියා ඇය සමග අඹුසැමි සබඳතා නොපවත්වා තවද ඇය ඔසප් වීමෙන් තොරව හා ගර්භනීභාවයෙන් තොරව පාරිශුද්ධ තත්ත්වයෙහි සිටින අවස්ථාවේදී බව අල් කුර්ආන් විශාරදයින් අදහස් දක්වති. පොදුවේ ඉද්දාව පිළිබඳ වැඩි විස්තර සඳහා 2:234 ආයතයේ පාද සටහන බලන්න.
3මෙහි අශික්ෂිත දෑ යනු දුරාචාරය හා එවැනි ඉතා පාපකාරී විෂයන්හි නියැළීම වේ.
4මෙයින් අදහස් කෙරෙන්නේ දික්කසාදය ප්රකාශ කරන විට නැවත හරවා ගත හැකි එනම් ‘රජඊ’ දික්කසාදය ප්රකාශ කළ යුතු යන්නය. ‘රජඊ’ යනු පුරුෂයා විසින් තම භාර්යාවට නැවත හරවා ගත හැකි අයුරින් දෙවතාවක් පමණක් භාවිත කළ හැකි දික්කසාදය.
2

فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِّنكُمْ وَأَقِيمُوا الشَّهَادَةَ لِلَّهِ ۚ ذَٰلِكُمْ يُوعَظُ بِهِ مَن كَانَ يُؤْمِنُ بِاللَّهِ وَالْيَوْمِ الْآخِرِ ۚ وَمَن يَتَّقِ اللَّهَ يَجْعَل لَّهُ مَخْرَجًا

එබැවින් ඔවුහු (දික්කසාදය ප්රකාශ කරනු ලැබූ ස්ත්රීන්) තමන්ගේ (පොරොත්තු) කාලයේ අවසානයට එළැඹුනේ නම් ඔවුන්ව යහපත් අයුරින් නුඹලා රඳවා ගනිවු. එසේ නොමැති නම් යහපත් අයුරින් ඔවුන්ගෙන් නුඹලා වෙන් වවු. 5 තවද නුඹලා අතුරින් යුක්ති ගරුක (පිරිමි) දෙදෙනෙකු (මෙයට) සාක්ෂි වශයෙන් පත් කර ගනිවු. තවද (සාක්ෂිකරුවනි,) නුඹලා අල්ලාහ් වෙනුවෙන් (එම) සාක්ෂිය (අවංක ලෙස) ස්ථාපිත කරවු. මෙයමය අල්ලාහ්ව ද අවසන් දිනය ද විශ්වාස කරමින් සිටි අයට දෙනු ලබන උපදෙස් වනුයේ. තවද කවරෙකු අල්ලාහ්ට බිය භක්තිමත් වන්නේ ද ඔහු(අල්ලාහ්) ඔහුට (සියලු පීඩන වලින්) මිදීමට මග සලස්වන්නේය.
5මෙහි සඳහන් වී ඇති යහපත් අයුරින් යනු ජීවන සම්පත් සපයමින් තබා ගැනීමය. මෙහි ජීවන සම්පත් හිමි වන්නේ රජඊ තලාක් දෙනු ලැබූ ස්ති්රයටය. මෙම අවස්ථාවෙහි ඔහුට විකල්ප දෙකක් ඇත. පළමුවැන්න ඇය ඉද්දා පොරොත්තු කාලයේ සිටියදීම ඔහුගේ දික්කසාදය අහෝසි කර තම විවාහ ජීවිතය ආරම්භ කර ඇයට කළ යුතු වගකීම ඉටු කිරීමය. දෙවැන්න ඇය සමග කිසිදු වෛරයකින් තොරව ඇයගේ ඉද්දා හෙවත් පොරොත්තු කාල සීමාව අවසන් වීමෙන් පසුව ඇය තවත් කෙනෙකුව විවාහ කිරීමට අත් හැරිය යුතුය යන්නයි.
3

وَيَرْزُقْهُ مِنْ حَيْثُ لَا يَحْتَسِبُ ۚ وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا

තවද ඔහු නොසිතූ අයුරින් ඔහු(අල්ලාහ්) ඔහුට (ඔහුගේ අවශ්යතාව) සපුරාලන්නේය. තවද කවරෙකු අල්ලාහ් කෙරෙහි (සියල්ල) භාර කරන්නේ ද ඔහුට ඔහුම(අල්ලාහ්ම) ප්රමාණවත්ය. සැබැවින්ම අල්ලාහ් තම අභිමතාර්ථය ඉටු කර ගන්නේමය. සැබැවින්ම අල්ලාහ් සියලු දෑ සඳහා නිර්දේශයක් නියම කර ඇත.-
4

وَاللَّائِي يَئِسْنَ مِنَ الْمَحِيضِ مِن نِّسَائِكُمْ إِنِ ارْتَبْتُمْ فَعِدَّتُهُنَّ ثَلَاثَةُ أَشْهُرٍ وَاللَّائِي لَمْ يَحِضْنَ ۚ وَأُولَاتُ الْأَحْمَالِ أَجَلُهُنَّ أَن يَضَعْنَ حَمْلَهُنَّ ۚ وَمَن يَتَّقِ اللَّهَ يَجْعَل لَّهُ مِنْ أَمْرِهِ يُسْرًا

තවද (දික්කසාද කළ) නුඹලාගේ ස්ත්රීන් අතුරින් කවරෙකුට ඔසප් වීමේ බලාපොරොත්තුව නැති වූයේ ද (ඔවුන්ගේ ඉද්දා කාලය පිළිබඳව) නුඹලා අවිනිශ්චිත වූයේ නම් ඔවුන්ගේ ඉද්දා කාලය මාස තුනකි. ඔසප් නොවන ස්ත්රීන්ට ද (මෙලෙසම වේ). 6 තවද ගැබිනියන්ට ඔවුන්ගේ (ඉද්දා) කාලය ඔවුන් තමන්ගේ ගැබ ප්රසූත කරන තුරුය. තවද කවරෙකු අල්ලාහ්ට බිය භක්තිමත් වන්නේ ද ඔහුට ඔහුගේ කාර්යයෙහි ඔහු(අල්ලාහ්) පහසුව සලසන්නේය.
6මින් අදහස් වන්නේ කුඩා වියේ පසුවන්නන් පිළිබඳවයි. මේ අනුව බැලූ කල බාල වයස් විවාහය පිළිබඳව යම් ගැටළුවක් මතු විය හැක. ඉස්ලාමීය කෝණයේ විවාහ වයස පිළිබඳව පැහැදිලි කරන්නට පෙර පළමුව මේ විෂය හා සම්බන්ධ ඓතිහාසික බැල්ම අවබෝධ කර ගැනීම ඉතා වැදගත් යැයි සිතන්නෙමු. බාල වයසේ විවාහ වීම යනු පැරණි ලෝකයේ සංස්කෘතික අයිතිවාසිකමක් වශයෙන් බොහෝ සෙයින් පැවතෙමින් තිබුණු විෂයකි. පැරණි බොහෝ සංස්කෘතීන් තුළ විවාහ වන පිරිමියා හා කාන්තාව වැඩිවියට පත් වූ පටන් විවාහ වීම සාමාන්යයෙන් පිළිගනු ලැබූවක් විය. අප රටේ 17-1907 හි විවාහ හා දික්කසාද පනතේ 15 වන ව්යවස්ථාවෙහි පිරිමින්ගේ අවම විවාහ වයස අවුරුදු 16 යැයි ද කාන්තාවන්ගේ අවම විවාහ වයස අවුරුදු 12 යැයි ද සඳහන් වී ඇත. අතීතයේ ලොව හරහා පාරම්පරිකව විවාහයට අනුමත වයස වූයේ පවුලේ වැඩිහිටියන්ගේ තීරණයට හෝ ඔවුන් තම පූර්වකයින්ගේ චාරිත්රය පිළිපැදීමට අනුකූල වූ කරුණක් ලෙසය. 19 වන සියවස දක්වා විවාහයට අනුමත අවම වයස ලෙස පැවතුනේ ඉහත සඳහන් පරිදිය. අල් කුර්ආන් හා හදීසයන්හි විවාහය සඳහා කිසිදු වයස් සීමාවක් සීමාකර නොමැත. එනමුත් ඉස්ලාමීය විශාරදයින් වයස් සීමාව පිළිබඳව මෙසේ අදහස් ප්රකාශ කොට ඇත. 1. ඉස්ලාමය තුළ බාල වයස් විවාහ සඳහා අනුමැතියක් තිබුණ ද කිසිදු තත්ත්වයක් තුළ එය දිරිගන්වනු ලබන්නක් හෝ අනුබල දෙනු ලැබූවක් හෝ නොමැත. 2. බාල දැරියකට විවාහ කර තැබීම තුළින් කිසිදු පැහැදිලි හා සැබෑ ප්රයෝජනයක් නොමැතිව ඇය සඳහා විවාහයක් නියම කිරීම නුසුදුසු කාර්යයක් යැයි ඉස්ලාමය සලකන්නේය. 3. ඉස්ලාමය බාල වයස් විවාහය අනුමත කර ඇත යන්නෙහි අර්ථය වනුයේ බාල වයසේ දී විවාහය ගිවිස ගැනීම පමණක් අනුමත වේ යන්නයි. විවාහ ගිවිස ගත් බාල වයස්කාර මනමාලයා හෝ මනමාලිය එක් වී විවාහ ජීවිතය ගත කිරීමට මානසිකව හා කායිකව සූදානම් වයසකට හා තත්ත්වයකට එළඹෙන තෙක් ඉස්ලාමය තුළ එය ඔවුනට අනුමත නොවේ. එසේ නම් ඉහත කරුණු සැළකිල්ලට නොගෙන කෙනෙකු බාල වයස් විවාහයේ යෙදෙන්නේ නම් එය ඔහුගේ අඥානකම හා අධාර්මිකත්වය පෙන්නුම් කරන්නකි.
5

ذَٰلِكَ أَمْرُ اللَّهِ أَنزَلَهُ إِلَيْكُمْ ۚ وَمَن يَتَّقِ اللَّهَ يُكَفِّرْ عَنْهُ سَيِّئَاتِهِ وَيُعْظِمْ لَهُ أَجْرًا

එයයි නුඹලා වෙත පහළ කළ අල්ලාහ්ගේ විධානය වනුයේ. තවද කවරෙකු අල්ලාහ්ට බිය භක්තිමත් වන්නේ ද ඔහුගේ දුෂ්ටකම් ඔහුගෙන් ඔහු(අල්ලහ්) ක්ෂමා කර ඔහුට වේතනය අධික කරන්නේය.
6

أَسْكِنُوهُنَّ مِنْ حَيْثُ سَكَنتُم مِّن وُجْدِكُمْ وَلَا تُضَارُّوهُنَّ لِتُضَيِّقُوا عَلَيْهِنَّ ۚ وَإِن كُنَّ أُولَاتِ حَمْلٍ فَأَنفِقُوا عَلَيْهِنَّ حَتَّىٰ يَضَعْنَ حَمْلَهُنَّ ۚ فَإِنْ أَرْضَعْنَ لَكُمْ فَآتُوهُنَّ أُجُورَهُنَّ ۖ وَأْتَمِرُوا بَيْنَكُم بِمَعْرُوفٍ ۖ وَإِن تَعَاسَرْتُمْ فَسَتُرْضِعُ لَهُ أُخْرَىٰ

නුඹලාගේ හැකියාවට අනුව නුඹලා වෙසෙන ස්ථානයේ (තලාක් කළ) ඔවුනට නවාතැන් සලසා දෙවු.තවද ඔවුනට (ජීවිතයේ) පීඩා ඇති වනු පිණිස නුඹලා ඔවුනට හිංසා නොපමුණු වවු. තවද ඔවුන් ගැබිනි ස්ත්රීන් නම් ඔවුන්ගේ ගැබ ප්රසූත කරන තුරු ඔවුන් සඳහා නුඹලා වියදම් කරවු. 7 එබැවින් ඔවුන් නුඹලා වෙනුවෙන් (දරුවන්ට) මව් කිරි පොවන්නේ නම් ඔවුන්ට තම වේතනය පිරිනමවු. 8 තවද සාධාරණත්වයකින් යුතුව නුඹලා අතර (එම වේතනය පිළිබඳව) සාකච්ඡා කර ගනිවු. තවද නුඹලා එකිනෙකා අතර එතගතාවක් ඇති නොවූයේ නම් වෙනත් අයෙකු ඔහුට (එම දරුවාට) මව්කිරි පොවනු ඇත.
7දික්කසාද කරනු ලැබූ ස්ත්රිය ගැබිනියක නම් ඇයගේ ඉද්දා කාල සීමාව කෙටි වන්නට හෝ දීර්ඝ වන්නට හෝ හැකිය. මෙසේ එය දීර්ඝ වුවහොත් එම කාලය පුරාම ඇයට කළ යුතු ජීවන සැපයුම් අනිවාර්ය නොවේ යැයි සැකයක් මතු විය හැකි හෙයින් එය දුරු කරනු පිණිස මෙම ආයතය පහළ විය.
8ඉස්ලාමයට අනුව මවක් දරුවෙකුට මව්කිරි දුන්න ද එහි වගකීම පැවරෙන්නේ පියාටය. එබැවින් මව මව්කිරි දීමේ දී ඇය සඳහා වූ වියදම් පියා දැරිය යුතු බව අල් කුර්ආන් 2:233 ආයතයේ සඳහන් වී ඇත. මෙම ආයතයේ දික්කසාද කළ පසුද එසේ වියදම් කිරීම පියා සතු වගකීමක් බව පැහැදිලි කර ඇත.
7

لِيُنفِقْ ذُو سَعَةٍ مِّن سَعَتِهِ ۖ وَمَن قُدِرَ عَلَيْهِ رِزْقُهُ فَلْيُنفِقْ مِمَّا آتَاهُ اللَّهُ ۚ لَا يُكَلِّفُ اللَّهُ نَفْسًا إِلَّا مَا آتَاهَا ۚ سَيَجْعَلُ اللَّهُ بَعْدَ عُسْرٍ يُسْرًا

(මව්කිරි දීමේ වියදම විෂයෙහි) වත්කම් ඇත්තෙක් ඔහුගේ වත්කමට අනුව වියදම් කළ යුතුය. කවරෙකුට ඔහුගේ ජීවන සම්පත් සීමා කරනු ලැබ ඇත්තේ ද අල්ලාහ් ඔහුට දුන් දැයින් ඔහු වියදම් කළ යුතුය. අල්ලාහ් කිසිම ආත්මයකට ඔහු එයට දුන් දැය (අනුව) මිස බල නොකරනු ඇත. දුෂ්කරතාවකට පසුව පහසුවක් අල්ලාහ් (ශීඝ්රයෙන්) ඇති කරනු ඇත.
8

وَكَأَيِّن مِّن قَرْيَةٍ عَتَتْ عَنْ أَمْرِ رَبِّهَا وَرُسُلِهِ فَحَاسَبْنَاهَا حِسَابًا شَدِيدًا وَعَذَّبْنَاهَا عَذَابًا نُّكْرًا

තවද එහි පරමාධිපතිගේ විධානයට හා ඔහුගේ රසූල්වරුන්ට එරෙහිව කොතෙක්දෝ ගම්මාන( වැසි)යන් කැරලි ඇති කළහ. එබැවින් අපි එ(ම ක්රියාවලි)ය දැඩි ගිණුම් බැලීමකින් විමසුමට ලක් කළෙමු. තවද අපි එ(ම ගම්මාන)ය නින්දිත දඬුවමකින් දඬුවම් කළෙමු.
9

فَذَاقَتْ وَبَالَ أَمْرِهَا وَكَانَ عَاقِبَةُ أَمْرِهَا خُسْرًا

එබැවින් එහි (එනම් ඔවුන්ගේ) ක්රියාවේ අයහපත් විපාකය එය (එනම් ඔවුහු) රස වින්දහ. තවද එහි (එනම් ඔවුන්ගේ) ක්රියාවේ අවසානය අලාභ විය.
10

أَعَدَّ اللَّهُ لَهُمْ عَذَابًا شَدِيدًا ۖ فَاتَّقُوا اللَّهَ يَا أُولِي الْأَلْبَابِ الَّذِينَ آمَنُوا ۚ قَدْ أَنزَلَ اللَّهُ إِلَيْكُمْ ذِكْرًا

අල්ලාහ් ඔවුනට දැඩි දඬුවමක් පිළියෙල කර ඇත. එබැවින් විශ්වාස කළ නුවණැත්තවුනි, නුඹලා අල්ලාහ්ට බිය භක්තිමත් වවු. සැබැවින්ම අල්ලාහ් නුඹලා වෙත උපදෙසක් (අල් කුර්ආනය) පහළ කළේය.
11

رَّسُولًا يَتْلُو عَلَيْكُمْ آيَاتِ اللَّهِ مُبَيِّنَاتٍ لِّيُخْرِجَ الَّذِينَ آمَنُوا وَعَمِلُوا الصَّالِحَاتِ مِنَ الظُّلُمَاتِ إِلَى النُّورِ ۚ وَمَن يُؤْمِن بِاللَّهِ وَيَعْمَلْ صَالِحًا يُدْخِلْهُ جَنَّاتٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا ۖ قَدْ أَحْسَنَ اللَّهُ لَهُ رِزْقًا

(තවද) විශ්වාස කර යහකම් කරන්නන්ව අඳුරේ සිට ආලෝකය කරා පිටතට ගෙන ඒම පිණිස (සත්යය) පැහැදිලි කරන්නා වූ අල්ලාහ්ගේ ආයතයන් නුඹලා හට පාරායනය කරන්නා වූ රසූල්වරයෙකු (අල්ලාහ් යැව්වේය). තවද කවරෙකු අල්ලාහ්ව විශ්වාසකර යහකම් කරන්නේ ද ඔහු(අල්ලාහ්) ස්වර්ග උයන් වලට ඔහුව ඇතුළු කරවන්නේය. ඊට යටින් ගංගාවෝ ගලා බසිති. (ඔවුහු) එහි සදාතනිකයෝ වෙති. සැබැවින්ම අල්ලාහ් ඔහුට බොජුන් අලංකාර කර දෙන්නේය.
12

اللَّهُ الَّذِي خَلَقَ سَبْعَ سَمَاوَاتٍ وَمِنَ الْأَرْضِ مِثْلَهُنَّ يَتَنَزَّلُ الْأَمْرُ بَيْنَهُنَّ لِتَعْلَمُوا أَنَّ اللَّهَ عَلَىٰ كُلِّ شَيْءٍ قَدِيرٌ وَأَنَّ اللَّهَ قَدْ أَحَاطَ بِكُلِّ شَيْءٍ عِلْمًا

අල්ලාහ්, ඔහුමය අහස් සතක් හා මිහිතලයෙන් ද එලෙසම (සතක්) මැව්වේ. ඒවා අතර (ඔහුගේ) විධානය පහළ වන්නේය. 9 (එසේ කරනුයේ) අල්ලාහ් සියලු දෑ කෙරෙහි අති බල සම්පන්න යැයි ද අල්ලාහ් සියලු දෑ කෙරෙහි ඥානයෙන් සර්ව ප්රකාර යැයි ද නුඹලා දැන ගැනීම පිණිසය.
9මුළු විශ්වයම පාලනය කරන අල්ලාහ්ගේ විධානය අහස් හා පොළොව අතර පහළ වෙමින් තිබේ යනුවෙන් මෙයින් අදහස් කෙරේ.
التحريمමදීනී
1

يَا أَيُّهَا النَّبِيُّ لِمَ تُحَرِّمُ مَا أَحَلَّ اللَّهُ لَكَ ۖ تَبْتَغِي مَرْضَاتَ أَزْوَاجِكَ ۚ وَاللَّهُ غَفُورٌ رَّحِيمٌ

නබිවරය නුඹගේ භාර්යාවන්ගේ තෘප්තිය උදෙසා අල්ලාහ් නුඹට අනුමත කළ දෑ නුඹ (වෙත) තහනම් කර ගනුයේ මන්ද? 1 තවද අල්ලාහ් අති ක්ෂමාශීලීය. පරම කරුණාභරිතය.
1සෑම දිනකම අස්ර් සලාතයට පසුව තම බිරිදෑ වරුන්ව බැහැ දැකීමට යෑම නබි මුහම්මද් තුමාණන්ගේ සිරිතක්ව තිබුණී. මෙසේ දිනක් ඔහු zසෙයිනබ් තුමිය සමග සිටින විට ඇය නබි මුහම්මද් තුමාණන්ට මී පැණි බීමට දුන්නාය. එබැවින් එතුමන්ට ආයිෂා තුමිය සහ හෆ්සා තුමියගේ නිවසට යෑමට මදක් ප්රමාද විය. ඊට හේතුව දැන ගත් ඔවුන් දෙදෙනා “ඔබ මගාෆීර් (නම් දුගඳ ශාකය) අනුභව කළේ ද?” යැයි ඇසුවෝය. එයට එතුමා “නැත” යැයි පවසා “මෙසේ ඇසුවේ මන්දැ?”යි ප්රශ්න කළේය. එයට ඔවුන් “ඔබගේ මුවෙන් පිට වන දුගඳ කුමක් දැ?”යි විමසුවෝය. මෙසේ ඔවුන් ඇසූ නිසා ‘zසෙයිනබ් තුමිය දුන් මී පැණි බීම නිසා ඇත්තෙන්ම තම මුවින් දුගඳක් පිට වනවා’ යැයි එතුමා සිතා ගෙන මින් පසු මී පැණි අනුභව නොකරන බව එතුමා දිවුරුවේය. ‘අනුමත දෙයක් තහනම් නොකළ යුතුයි’ යන මෙම අල් කුර්ආන් ආයතය පහළ වූයේ මෙම අවස්ථාවේදීය.
2

قَدْ فَرَضَ اللَّهُ لَكُمْ تَحِلَّةَ أَيْمَانِكُمْ ۚ وَاللَّهُ مَوْلَاكُمْ ۖ وَهُوَ الْعَلِيمُ الْحَكِيمُ

සැබැවින්ම අල්ලාහ් නුඹලාගේ දිවුරුමෙන් (පාප ශෝධනය කර) නිදහස් වීම(ට වන්දි ගෙවීමේ පිළියමක්) නුඹලාට නියම කර ඇත. 2 තවද අල්ලාහ් නුඹලාගේ ආරක්ෂකයාය. තවද ඔහු සර්වඥය සර්ව ප්රඥාවන්තය.
2මෙම ආයතයෙන් සංඥා කරනුයේ දිවුරුමක් කඩ කළ විට අනිවාර්යය වන වන්දි ගෙවීමේ පිළියමක් පිළිබඳව සඳහන් වී ඇති 5:89 වන ආයතය පිළිබඳවයි. එම ආයතයෙන් සඳහන් කරන්නේ යම් කෙනෙකු දිවුරුමක් කර පසුව එය නුසුදුසු දිවුරුමක් යැයි ඔහුට පැහැදිලි වුවහොත් ඔහු එය ඉවත් කර එම පාප ශෝධනය වන වන්දි ගෙවීමේ පිළියම පිළිපැදිය යුතුය යන්නයි.
3

وَإِذْ أَسَرَّ النَّبِيُّ إِلَىٰ بَعْضِ أَزْوَاجِهِ حَدِيثًا فَلَمَّا نَبَّأَتْ بِهِ وَأَظْهَرَهُ اللَّهُ عَلَيْهِ عَرَّفَ بَعْضَهُ وَأَعْرَضَ عَن بَعْضٍ ۖ فَلَمَّا نَبَّأَهَا بِهِ قَالَتْ مَنْ أَنبَأَكَ هَـٰذَا ۖ قَالَ نَبَّأَنِيَ الْعَلِيمُ الْخَبِيرُ

තවද නබිවරයා තමන්ගේ භාර්යාවන්ගෙන් කෙනෙකු වෙත රහසින් කළ ප්රකාශය (නුඹ සිහිපත් කරවු). එබැවින් ඇය එය (තවත් බිරියකට) දන්වා පසුව එය අල්ලාහ් ඔහුට(නබිවරයාට) හෙළි දරවු කළ කල්හි 3 ඔහු ඉන් සමහරක් දන්වා තවත් සමහරක් මග හැරියේය. 4 පසුව ඒ පිළිබඳව ඔහු ඇයට දැන් වූ කල්හි ‘කවරෙකු නුඹට මෙය දැන්වූයේ දැ?’යි ඇය විමසුවාය. ‘සර්වඥ අභිඥානවන්තයා මට දැන්වූයේ යැ’යි ඔහු පැවසුවේය.
3zසෙයිනබ් තුමියගේ නිවසේ මී පැණි අනුභව නොකරන බව නබි මුහම්මද් තුමාණන් හෆ්සා තුමියට පවසා ඒ බව ඔහු දිවුරුම් කර මේ පිළිබඳව ආයිෂා තුමියට නොපවසන මෙන්ද ඔහු අණ කළේය. නමුත් ඇය මෙම රහස හෙළි කළාය. වහී මගින් මෙය දැන ගත් නබි මුහම්මද් තුමාණන් හෆ්සා තුමිය තම රහස හෙළි කළ පුවත ඇයටම පැවසුවේය.
4මෙම රහසෙහි කරුණු දෙකක් අන්තර්ගතය. පළමුවැන්න ඔහු zසෙයිනබ් තුමියගේ නිවසේ මී පැණි අනුභව නොකිරීම. දෙවැන්න ඒ පිළිබඳව නබි තුමාගේ දිවුරුම පිළිබඳවයි.
4

إِن تَتُوبَا إِلَى اللَّهِ فَقَدْ صَغَتْ قُلُوبُكُمَا ۖ وَإِن تَظَاهَرَا عَلَيْهِ فَإِنَّ اللَّهَ هُوَ مَوْلَاهُ وَجِبْرِيلُ وَصَالِحُ الْمُؤْمِنِينَ ۖ وَالْمَلَائِكَةُ بَعْدَ ذَٰلِكَ ظَهِيرٌ

(නබිවරයාගේ භාර්යාවන් වන) නුඹලා දෙදෙනා අල්ලාහ් වෙත පශ්චාත්තාප වූයේ නම් (නුඹලාට එය යහපතකි. මක්නිසාදයත්) සැබැවින්ම නුඹලා දෙදෙනාගේ හදවත් යහමගින් නිකමව ගොස් ඇත. තවද ඔහුට(නබිවරයාට) එරෙහිව නුඹලා එකිනෙකාට සහය වූයේ නම් එවිට සැබැවින්ම අල්ලාහ්මය ඔහුගේ උපකාරකයා වන්නේ. තවද ජීබ්රීල් ද විශ්වාසිකයින්ගෙන් සැදැහැමියන් ද මේ සියල්ලට පසු මලක්වරුන් ද උපකාරකයන් වන්නෝ.
5

عَسَىٰ رَبُّهُ إِن طَلَّقَكُنَّ أَن يُبْدِلَهُ أَزْوَاجًا خَيْرًا مِّنكُنَّ مُسْلِمَاتٍ مُّؤْمِنَاتٍ قَانِتَاتٍ تَائِبَاتٍ عَابِدَاتٍ سَائِحَاتٍ ثَيِّبَاتٍ وَأَبْكَارًا

ඔහු නුඹලාව දික්කසාද කළේ නම් නුඹලාට වඩා යහපත් මුස්ලිම් වූ විශ්වාස වන්ත වූ භක්තිමත් වූ පශ්චාත්තාප වූ නැමදුමෙහි අචල වූ උපවාසයේ නියැළෙන්නා වූ වැන්දඹු වූ හා කන්යා වූ ස්ත්රීන් භාර්යාවන් වශයෙන් ඔහුගේ පරමාධිපති ඒ වෙනුවට ඔහුට ලබා දිය හැක.
6

يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَّا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَ

විශ්වාස කළවුනි, නුඹලාව ද නුඹලාගේ පවුලේ අය ද (නිරා) ගින්නෙන් ආරක්ෂා කර ගනිවු. එ(ම ගින්නෙ)හි ඉන්ධන මිනිසුන් හා ගල් වේ. එය මත රළු වූ දරුණු මලක්වරුන් සිටිති. අල්ලාහ් ඔවුන්ට විධානය කළ දැයට ඔවුහු පිටුනොපාන අතර ඔවුන්ට විධානය කරනු ලබන (සියලු) දෑ ඔවුහු ඉටු කරති.
7

يَا أَيُّهَا الَّذِينَ كَفَرُوا لَا تَعْتَذِرُوا الْيَوْمَ ۖ إِنَّمَا تُجْزَوْنَ مَا كُنتُمْ تَعْمَلُونَ

ප්රතික්ෂේප කළවුනි, අද දින (විනිශ්චය දින) නුඹලා නිදහසට කරුණු ඉදිරිපත් නොකරවු. නුඹලාට ප්රතිඵල දෙනු ලබනුයේ නුඹලා කරමින් සිටි දෑටමය.
8

يَا أَيُّهَا الَّذِينَ آمَنُوا تُوبُوا إِلَى اللَّهِ تَوْبَةً نَّصُوحًا عَسَىٰ رَبُّكُمْ أَن يُكَفِّرَ عَنكُمْ سَيِّئَاتِكُمْ وَيُدْخِلَكُمْ جَنَّاتٍ تَجْرِي مِن تَحْتِهَا الْأَنْهَارُ يَوْمَ لَا يُخْزِي اللَّهُ النَّبِيَّ وَالَّذِينَ آمَنُوا مَعَهُ ۖ نُورُهُمْ يَسْعَىٰ بَيْنَ أَيْدِيهِمْ وَبِأَيْمَانِهِمْ يَقُولُونَ رَبَّنَا أَتْمِمْ لَنَا نُورَنَا وَاغْفِرْ لَنَا ۖ إِنَّكَ عَلَىٰ كُلِّ شَيْءٍ قَدِيرٌ

විශ්වාස කළවුනි, නුඹලා (පිවිතුරු වූ) අව්යාජ පශ්චාත්තාපයකින් අල්ලාහ් වෙත (හැරී) පශ්චාත්තාප වවු. නුඹලාගේ පරමාධිපති නුඹලාගේ දුෂ්ටකම් නුඹලාගෙන් ක්ෂමා කර ස්වර්ග උයන් වලට නුඹලාව ඇතුළු කර විය හැක. ඊට යටින් ගංගාවෝ ගලා බසිති. එදින අල්ලාහ් නබිවරයාව ද ඔහු සමග විශ්වාස කළවුන්ව ද අවමන් නොකරන්නේය. ඔවුන්ගේ ආලෝකය ඔවුන් ඉදිරිපිට ද ඔවුන්ගේ (ක්රියා ලේඛන මගින්) දකුණු අත් වලට ශීඝ්රයෙන් ගමන් කරයි. (එවිට) ‘අපගේ පරමාධිපතියාණනි, අපගේ ආලෝකය අපට පරිපූර්ණ කරනු මැනව. තවද අපව ක්ෂමා කරනු මැනව. සැබැවින්ම ඔබ සියලු දෑ කෙරෙහි අති බලසම්පන්න යැ’යි ඔවුහු පවසති.
9

يَا أَيُّهَا النَّبِيُّ جَاهِدِ الْكُفَّارَ وَالْمُنَافِقِينَ وَاغْلُظْ عَلَيْهِمْ ۚ وَمَأْوَاهُمْ جَهَنَّمُ ۖ وَبِئْسَ الْمَصِيرُ

නබිවරය, ප්රතික්ෂේපකයින් හා ආත්ම වංචනිකයින් සමග ජිහාද්(ප්රයත්නය) කරවු. 5 තවද ඔවුන් කෙරෙහි දැඩිව සිටිවු. 6 ඔවුන්ගේ (අවසන්) ලැගුම් ගන්නා ස්ථානය නිරයයි. තවද (ඔවුන්) අවසානයේ යොමු වන ස්ථානය කෙතරම් නින්දනීය ද?
5ඉස්ලාමීය කෝණයෙන් බැලූ කල මුස්ලිම් නොවන්නන් කොටස් තුනකට වර්ග කර ඇත. පළමුවැනි කොටස නම් මුස්ලිම් රටවල් වල ඉස්ලාමීය රජය යටතේ වෙසෙන්නන්ය. මොවුන්ට ‘zදිම්මිවරුන්’ යැයි පවසනු ලැබේ. දෙවන කොටස නම් පොදුවේ මුස්ලිම්වරුන් සමග සහජීවනයේ ගිවිසුම යටතේ වෙසෙන්නන්ය. මොවුන්ට ‘මුආහිද්වරුන්’ යැයි පවසනු ලැබේ. මෙම දෙපාර්ශවයේ විෂයෙහි ඔවුන්ගේ ප්රාණයන්ට හෝ සම්පත් වලට කිසිදු ආපදාවක් ඇති වන අයුරින් හැසිරීමට මුස්ලිම්වරුන්ට අනුමැතිය නැත. එපමණක් නොව එය මහා පාපයක් ලෙස සලකනු ලැබේ. තෙවන කොටස නම් මුස්ලිම්වරුන්ට විරුද්ධකම් පෙන්වමින් ඔවුනට එරෙහිව අපරාධිතව සටනට පෙළඹෙන ‘හර්බී ප්රතික්ෂේපකයින්’ය. මුස්ලිම්වරුන්ට සටන් කරන මෙන් අල්ලාහ් විධානය කොට ඇත්තේ මෙම පිරිසට එරෙහිවය. මෙම ආයතය ද පහළ වී ඇත්තේ මෙවන් පාර්ශවයක් පිළිබඳව හා මුස්ලිම්වරුන් ලෙස තමන්ව පෙන්වමින් මුස්ලිම්වරුන්ටම වංචා කරමින් සිටි ‘මුනාෆික්වරුන්’ හෙවත් ආත්ම වංචනිකයින් පිළිබඳවය. එක් පුද්ගලයෙකුට කෙනෙකු විසින් පහර දෙනු ලබන්නේ නම් ඔහු තමන්ව ආරක්ෂා කරගැනීම සඳහා පහර දෙන්නාට ප්රතිප්රහාර එල්ල කිරීම ස්වාභාවික කරුණක් වන අතර එවැනි තත්ත්වයක සිටින පිරිසක් තමන්ට පහර දෙන්නන්ට එරෙහිව නිසි පියවර ගැනීම නිත්යානුකූල බව පැහැදිලි කරුණකි. තවද ‘ජිහාද්’ පිළිබඳව වැඩි විස්තර සඳහා අල් කුර්ආන් 2:218 ආයතයේ පාද සටහන බලන්න.
6වැඩි විස්තර සඳහා අල් කුර්ආන් 9:73 ආයතයේ පාද සටහන බලන්න.
10

ضَرَبَ اللَّهُ مَثَلًا لِّلَّذِينَ كَفَرُوا امْرَأَتَ نُوحٍ وَامْرَأَتَ لُوطٍ ۖ كَانَتَا تَحْتَ عَبْدَيْنِ مِنْ عِبَادِنَا صَالِحَيْنِ فَخَانَتَاهُمَا فَلَمْ يُغْنِيَا عَنْهُمَا مِنَ اللَّهِ شَيْئًا وَقِيلَ ادْخُلَا النَّارَ مَعَ الدَّاخِلِينَ

අල්ලාහ් ප්රතික්ෂේප කළවුන්ට නූහ්ගේ භාර්යාව හා ලූත්ගේ භාර්යාව උපමා කළේය. මොවුන් දෙදෙනා අපගේ ගැත්තන් අතුරින් සැදැහැමි ගැත්තන් දෙදෙනෙකු යටතේ(විවාහ වී) සිටියෝය. නමුත් මොවුන් දෙදෙනා ඔවුන්ට(තම සැමියන්ට) ද්රෝහිකම් කළෝය. එබැවින් ඔවුන් අල්ලාහ්ගෙන් වූ කිසිදු උපකාරයක් මොවුන්ට(තම භාර්යාවන්ට) කරන්නට නොහැකි විය. තවද “නුඹලා දෙදෙනා ඇතුළුවන්නන් සමග (නිරා) ගින්නට ඇතුළු වවු” යැයි (එම භාර්යාවන්ට) පවසනු ලැබීය.-
11

وَضَرَبَ اللَّهُ مَثَلًا لِّلَّذِينَ آمَنُوا امْرَأَتَ فِرْعَوْنَ إِذْ قَالَتْ رَبِّ ابْنِ لِي عِندَكَ بَيْتًا فِي الْجَنَّةِ وَنَجِّنِي مِن فِرْعَوْنَ وَعَمَلِهِ وَنَجِّنِي مِنَ الْقَوْمِ الظَّالِمِينَ

තවද අල්ලාහ් විශ්වාස කළවුන්ට ෆිර්අවුන්ගේ භාර්යාව උපමා කළේය. ඇය “මාගේ පරමාධිපතියාණනි, ඔබ අබියස මට ස්වර්ගයේ නිවසක් තනා දෙනු මැනව. තවද ෆිර්අවුන්ගෙන් ද ඔහුගේ ක්රියාවන්ගෙන් ද මා නිදහස් කරනු මැනව. තවද අපරාධකාර පිරිසගෙන් ද මා නිදහස් කරනු මැනවැ”යි පැවසූ අවස්ථාව (සිහිපත් කරවු).
12

وَمَرْيَمَ ابْنَتَ عِمْرَانَ الَّتِي أَحْصَنَتْ فَرْجَهَا فَنَفَخْنَا فِيهِ مِن رُّوحِنَا وَصَدَّقَتْ بِكَلِمَاتِ رَبِّهَا وَكُتُبِهِ وَكَانَتْ مِنَ الْقَانِتِينَ

තවද තමන්ගේ රහස් පෙදෙස(කන්යා භාවය) ආරක්ෂාකර ගත් ඉම්රාන්ගේ දියණිය වූ මර්යම්ව ද (විශ්වාස කළවුන්ට ඔහු උපමා කළේය). අපි අපගේ රූහයෙන් 7 එහි(ඇය තුළ) පිඹුවෙමු. ඇය තමන්ගේ පරමාධිපතිගේ වදන් ද ඔහුගේ ධර්ම පුස්තකයන් ද සත්යය කළාය. තවද ඇය (අල්ලාහ්ට) භක්තිමත් වූවන් අතුරින් කෙනෙකු වූවාය.
7වැඩි විස්තර සඳහා අල් කුර්ආන් 21:91 හි පාද සටහන බලන්න.

පෙර

පාරා 28

ඊළඟ

පාරා 30