මදීනී
72
إِنَّ الَّذِينَ آمَنُوا وَهَاجَرُوا وَجَاهَدُوا بِأَمْوَالِهِمْ وَأَنفُسِهِمْ فِي سَبِيلِ اللَّهِ وَالَّذِينَ آوَوا وَّنَصَرُوا أُولَـٰئِكَ بَعْضُهُمْ أَوْلِيَاءُ بَعْضٍ ۚ وَالَّذِينَ آمَنُوا وَلَمْ يُهَاجِرُوا مَا لَكُم مِّن وَلَايَتِهِم مِّن شَيْءٍ حَتَّىٰ يُهَاجِرُوا ۚ وَإِنِ اسْتَنصَرُوكُمْ فِي الدِّينِ فَعَلَيْكُمُ النَّصْرُ إِلَّا عَلَىٰ قَوْمٍ بَيْنَكُمْ وَبَيْنَهُم مِّيثَاقٌ ۗ وَاللَّهُ بِمَا تَعْمَلُونَ بَصِيرٌ
සැබැවින්ම විශ්වාස කර දේශාන්තරණය කර තම ධනයෙන් හා තම ජිවිතයෙන් අල්ලාහ්ගේ මාර්ගයේ ජිහාද්(ප්රයත්නය) 36 කළවුන් (වන මුහාජිර්වරුන්) ද තවද (ඔවුනට) ඉඩ පහසුකම් සලසා දී උදව් කළවුන් (වන අන්සාර්වරුන්) ද ඔවුන්ගෙන් සමහරු තවත් සමහරුන්ගේ (දේපළ) උරුමකරුවන්ය. 37 තවද විශ්වාස කොට දේශාන්තරණය නොකළවුන් නම්, ඔවුන් (නුඹලා වෙත) දේශාන්තරණය කරන තෙක් ඔවුන්ගේ මිතුරුකමෙන් කිසිවක් නුඹලාට නොවන්නේය. 38 තවද දහම විෂයෙහි නුඹලාගෙන් ඔවුන් උදව් පැතුවේ නම්, නුඹලා හා කවුරුන් අතර (කුමක් හෝ) ගිවිසුමක් ඇත්තේ ද එවන් පිරිසකට එරෙහිව හැර (ඔවුනට) උදව් කිරීම නුඹලා සතු වගකීමකි. තවද නුඹලා කරමින් සිටි දෑ පිළිබඳව අල්ලාහ් සර්ව සුපරික්ෂාකාරීය.
36ජිහාද් පිළිබඳව වැඩි විස්තර සඳහා ආයත් 2:218 පාද සටහන බලන්න.
3772 සිට 74 දක්වා ඇති ආයතයන් මක්කා මුස්ලිම්වරුන් මදීනාවට දේශාන්තරණය කළ වකවානුවේ පහළ වූ ආයතයන්ය. නබි මුහම්මද් තුමාගේ සගයින් මක්කාවේ සිට මදීනාවට දේශාන්තරණය කළ කල්හි මක්කාවාසී ප්රතික්ෂේපකයින් මුස්ලිම්වරුන්ගේ වස්තූන් සූරා කෑ හේතුවෙන් කිසිදු වත්කමක් නොමැතිව අන්ත දුගීන් ලෙස පැමිණියෝය. එහෙයින් ඔවුන් එකිනෙකාට මදීනා වැසියන් එකිනෙකාව උපකාරකයින් බවට නබි මුහම්මද් තුමා පත් කළේය. එහෙයින් මෙලෙස දේශාන්තරණය කර පැමිණි මක්කා වැසියන්ට මුහාජිර්වරුන් යන නමින් ද ඔවුනට උපකාරකයින් වූ මදීනා වැසියන්ට අන්සාර්වරුන් යන නමින්ද හඳුන්වනු ලැබූහ. එහෙයින් අන්සාර්වරයෙකු මරණයට පත් වී ඔහුගේ දේපළ බෙදා දෙන අවස්ථාවන්හි පවා මුහාජිර්වරයාව දේපළ උරුමක්කාරයෙකු යැයි සැළකූහ. එමෙන්ම මුහාජිර්වරයා මරණයට පත් වූයේ නම් ඔහුගේ උපකාරකයා වන අන්සාර්වරයාට දිය යුතු යැයි සීමිත කලකට විධානය කරනු ලැබීය. මෙම ආයතය මගින් ගෙන හැර පෙන්වා ඇත්තේ මෙම නීතිය පිළිබඳවය. නමුත් පසුව මෙම නීතිය අල් කුර්ආන් 4:33 ආයතය මගින් අහෝසි වී දෙමාපියන්ට හා සමීප ඥාතීන්ට අල් කුර්ආන් 4:11 හා 12 ආයතයන්හි විස්තර කළ පරිදි දේපළ උරුමය බෙදා දිය යුතුය යැයි සඳහන් වී ඇත. 8:75 වන ආයතයද මේ බව සනාථ කර ඇත.
38වැඩි විස්තර සඳහා අල් කුර්ආන් 3:28 , 9:23 පාද සටහන් සමග බලන්න.