මදීනී
56
الَّذِينَ عَاهَدتَّ مِنْهُمْ ثُمَّ يَنقُضُونَ عَهْدَهُمْ فِي كُلِّ مَرَّةٍ وَهُمْ لَا يَتَّقُونَ
ඔවුන් කවුරුන්ද යත් ඔවුන් සමග නුඹ ගිවිසුම් කර ගත් පසු තමන්ගේ ගිවිසුම සෑම වාරයකදීම කඩ කරන්නන්ය. තවද ඔවුහු (අල්ලාහ්ට) බිය භක්තිමත් නොවෙති. 26
26මෙයින් අදහස් වන්නේ යුදෙව්වන්වය. නබි මුහම්මද් තුමා මදීනාවට දේශාන්තරණය කළ වහාම ඔවුන් සමග ගිවිසුමක් ඇති කර ගත්තේය. එම ගිවිසුමෙහි මුස්ලිම්වරුන් හා යුදෙව්වන් ඔවුන් අතර සාමයෙන් ජීවත් විය යුතු යැයි ද ඔවුනොවුන් අන් පාර්ශවයන්ගේ සතුරන්ට උදවු නොකළ යුතු යැයි ද සඳහන් වී තිබුණි. නමුත් එම යුදෙව්වන් බද්ර් යුද්ධයේදී මුස්ලිම්වරුන් පරාජය වී ඉස්ලාමීය පාලනය අවසන් වේ යැයි සිතා මුස්ලිම්වරුන්ට විරුද්ධව කුරෙයිෂ්වරුන්ට උදවු කර එම ගිවිසුම උල්ලංඝනය කළෝය. නමුත් මුස්ලිම්වරුන්ගේ ජයග්රහණයට පසුව ඔවුහු නබි මුහම්මද් තුමාගෙන් සමාව අයැද සිටියෝය. එතුමා ද සමාව දුන්නේය. එහෙත් ඉන් පසුව ඇති වූ උහුද් හා අහ්zසාබ් වැනි යුද්ධයන්හි ද ඔවුන් නැවත නැවත එම ගිවිසුම උල්ලංඝනය කළෝය.