لَمْ يَكُنِ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ مُنفَكِّينَ حَتَّىٰ تَأْتِيَهُمُ الْبَيِّنَةُ
ධර්ම පුස්තකය ලත් ජනයින් හා ආදේශකයින් අතුරින් වූ ප්රතික්ෂේපකයෝ තමන් වෙත පැහැදිලි සාධකය පැමිණෙන තුරු (තම වැරදි විශ්වාසයන්ගෙන්) ඉවත්වන්නන් නොවූහ.
1ධර්ම පුස්තක ලත් ජනයා යනු අල් කුර්ආනයට පෙර පහළ වූ තව්රාත්, ඉන්ජීල් වැනි ධර්ම පුස්තක ලැබූ ජනයාය. මෙහි ආදේශකයින් යනුවෙන් අදහස් කරනුයේ අල්ලාහ් වෙනුවට වෙනත් දෙවිවරුන් තබා ආදේශ තැබූ එකල ජීවත් වූ අරාබිවරුන්ය. නමුත් මෙය අරාබි ආදේශකයින්ට පමණක් අදාළ නොවන අතර පොදුවේ ආදේශකයින් සියල්ල අදහස් කෙරෙයි.
رَسُولٌ مِّنَ اللَّهِ يَتْلُو صُحُفًا مُّطَهَّرَةً
(එම සාධකය නම්) පවිත්ර වූ ලේඛනයන් පාරායනය කරන අල්ලාහ්ගෙන් වූ රසූල්වරයෙකි.
فِيهَا كُتُبٌ قَيِّمَةٌ
එ(ම ලේඛනයන්)හි ඍජු ලිඛිත දෑ ඇත.
وَمَا تَفَرَّقَ الَّذِينَ أُوتُوا الْكِتَابَ إِلَّا مِن بَعْدِ مَا جَاءَتْهُمُ الْبَيِّنَةُ
තව ඔවුන් වෙත පැහැදිලි සාධකය පැමිණි පසුව මිස ධර්ම පුස්තකය ලත් අය බෙදීම් ඇති කර නොගත්තෝය.
2යුදෙව්වන් සහ කිතුනුවන් අවසන් කාලයෙහි රසූල්වරයෙකු පැමිණීමට නියමිත බව දැන සිටි අතර නබි මුහම්මද් තුමා නබිවරයෙකු ලෙස පැමිණි අවස්ථාවේ එතුමා තම ඉස්රාඊල් ජාතියට අයත් නොවු එකම හේතුවෙන් එතුමාව ප්රතික්ෂේප කළෝය. ඔවුන්ගේ මෙම ප්රතිපත්තිය කිසිදු නබිවරයෙකුව පිළිනොගත් නූගත් මිථ්යා දෘෂ්ටික අරාබිවරුන්ට වඩා ඉතා පහත් විය. බහු දේවවාදීන්ගෙන් ධර්ම පුස්තක ලත් ජනයා වන යුදෙව්වන් හා කිතුනුවන් වෙන් කර සඳහන් කර ඇත්තේ මේ නිසාය.
وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ حُنَفَاءَ وَيُقِيمُوا الصَّلَاةَ وَيُؤْتُوا الزَّكَاةَ ۚ وَذَٰلِكَ دِينُ الْقَيِّمَةِ
දහම් ක්රියාවන්හි (ඉඃහ්ලාස් නම්) චිත්ත පාරිශුද්ධියෙන් යුතුව (අයහ මගින් යහ මගට) නැඹුරු වෙමින් අල්ලාහ්ව නැමදීමට ද සලාතය ස්ථාපිත කිරීමට ද zසකාත්දීමට ද මිස ඔවුහු අණ කරනු නොලැබුවෝය. මෙයයි ඍජු දහම වනුයේ.
إِنَّ الَّذِينَ كَفَرُوا مِنْ أَهْلِ الْكِتَابِ وَالْمُشْرِكِينَ فِي نَارِ جَهَنَّمَ خَالِدِينَ فِيهَا ۚ أُولَـٰئِكَ هُمْ شَرُّ الْبَرِيَّةِ
සැබැවින්ම ධර්ම පුස්තකය ලත් ජනයින් හා ආදේශකයින් අතුරින් වූ ප්රතික්ෂේපකයෝ නිරා ගින්නෙහිය. ඔවුහු එහි සදාතනිකයෝ වෙති. ඔවුහුමය මැවීම් අතුරින් දුෂ්ටයින් වන්නෝ.
إِنَّ الَّذِينَ آمَنُوا وَعَمِلُوا الصَّالِحَاتِ أُولَـٰئِكَ هُمْ خَيْرُ الْبَرِيَّةِ
සැබැවින්ම විශ්වාස කර යහකම් කළවුන් වන ඔවුහුමය මැවීම් අතුරින් ශ්රේෂ්ඨයින් වන්නෝ.
جَزَاؤُهُمْ عِندَ رَبِّهِمْ جَنَّاتُ عَدْنٍ تَجْرِي مِن تَحْتِهَا الْأَنْهَارُ خَالِدِينَ فِيهَا أَبَدًا ۖ رَّضِيَ اللَّهُ عَنْهُمْ وَرَضُوا عَنْهُ ۚ ذَٰلِكَ لِمَنْ خَشِيَ رَبَّهُ
ඔවුන්ගේ පරමාධිපති අබියස ඔවුන්ගේ ප්රතිඵලය වනුයේ ‘අද්න්’ නම් ස්වර්ග උයන්ය. ඊට යටින් ගංගාවෝ ගලා බසිති. නිරන්තරයෙන්ම (ඔවුහු) එහි සදාතනිකයෝ වෙති. ඔවුන් පිළිබඳව අල්ලාහ් තෘප්තියට පත් විය. ඔවුහු ද ඔහු පිළිබඳව තෘප්තියට පත් වූහ. එය කවුරුන් තම පරමාධිපතිට බිය වූයේ ද ඔවුන්ටය.