التين
අත්-තීන් · At-Tin
මක්කී8 පද්ය
1
وَالتِّينِ وَالزَّيْتُونِ
අත්තික්කා හා ඔලිව් මත දිවුරමින්.
2
وَطُورِ سِينِينَ
තවද ‘තූර් සිනායි’ හි කන්ද මත දිවුරමින්.
3
وَهَـٰذَا الْبَلَدِ الْأَمِينِ
තවද අභයදායී මෙම (මක්කා) නගරය මත දිවුරමින්. 1
1මෙහි මුල් ආයතයන් දෙකෙහි විවිධ නබිවරුන් තම වගකීම ඉටු කළ පාරිශුද්ධ ස්ථාන තුනක් මත අල්ලාහ් දිවුරා ඇත. පළමුවන වාක්යයෙහි සඳහන් ‘අත්තික්කා’ සහ ‘ඔලිව්’ අධිකව වැවෙන පලස්තීනය ගැන සඳහන් කරයි. එහි නොයෙකුත් නබිවරු සත්ය දහම දේශනා කර ඇත. විශේෂයෙන් එය ඊසා තුමාණන් විසූ ප්රදේශය විය. එමෙන්ම ‘තූර් සිනා’ නම් කඳු ප්රදේශය නබි මූසා තුමාණන්ට තව්රාතය පහළ කරනු ලැබූ ප්රදේශය විය. අභයදායී නගරය හෙවත් සාමකාමී නගරය ලෙස හඳුන්වනු ලබනුයේ මක්කා නගරයයි. මෙම නගර සීමාව තුළ කිසිදු මිනිසෙකු හෝ සතෙකු මැරීම තහනම් බව පෙන්වා දී ඇත. මෙම ස්ථානයන් සඳහන් කිරීමෙන් අදහස් කරනුයේ, මෙම නබිවරුන් සියලු දෙනා ගෙන ආ පණිවිඩය එකම පණිවිඩයක් බවය. මේ පිළිබඳව සංක්ෂිප්තව පසු ආයතයන්හි පැහැදිලි වෙයි.
4
لَقَدْ خَلَقْنَا الْإِنسَانَ فِي أَحْسَنِ تَقْوِيمٍ
සැබැවින්ම අලංකාර සංයුතියකින් අපි මිනිසා මැව්වෙමු.
5
ثُمَّ رَدَدْنَاهُ أَسْفَلَ سَافِلِينَ
පසුව ඔහුව පහත් වූවන්ගෙන් ඉතා පහත් වූවෙකු බවට පත් කළෙමු. 2
2මෙම ආයතයට අදහස් කිහිපයක් ඇත. පළමුවැන්න, කායිකව හා මානසිකව ඉතාමත් අලංකාර ලෙස මිනිසා මවනු ලැබුවේය. එහෙත් මහලු වියට ළඟා වීමත් සමග ඔහුගේ අලංකාරය හා ශක්තිය අහිමි වී දුබල තත්ත්වයකට පත් වන්නේය. දෙවැන්න, සදාචාරාත්මක පිරිහීමෙන් ඔහු ඉතා නීච තත්ත්වයකට පත් වීමය. තුන්වැන්න, මෙලොව ඔහු කළ පාප ක්රියාවන් හේතුවෙන් ඉතා පහත් තත්ත්වයකින් නිරයට පිවිසීමය.
6
إِلَّا الَّذِينَ آمَنُوا وَعَمِلُوا الصَّالِحَاتِ فَلَهُمْ أَجْرٌ غَيْرُ مَمْنُونٍ
(නමුත්) විශ්වාස කර යහකම් කළවුන් හැර. මොවුනට අඛණ්ඩ වේතන ඇත. 3 -
3මෙම ආයතයෙන් අදහස් කරනුයේ කෙනෙකු ලොවෙහි කවර තත්ත්වයක පසු වුව ද ඔහු මෙලොව අල්ලාහ්ව විශ්වාස කර යහකම් කරන්නේ නම් මරණින් මතු ජීවිතයේ ඔහුගේ යහ කි්රයාවන් සඳහා ත්යාග හා ගෞරවය පිරිනමනු ලබන බවය.
7
فَمَا يُكَذِّبُكَ بَعْدُ بِالدِّينِ
මින් පසුව ද විනිශ්චය පිළිබඳව නුඹව අසත්යය කළ හැක්කේ කවර දැයකට ද?
8
أَلَيْسَ اللَّهُ بِأَحْكَمِ الْحَاكِمِينَ
විනිශ්චයකරුවන් අතුරින් අති ශ්රේෂ්ඨ විනිශ්චයකරු අල්ලාහ් නොවේ ද? 4
4මෙම ආයතය කියවන තැනැත්තා ‘බලා වඅන අලා දාලික මිනෂ් ෂාහිදීන්’ (නොඑසේය, මම එයට සාක්ෂි දරන්නන් අතුරින් වෙමි) යනුවෙන් පැවසිය යුතු බවට හදීස්හි සඳහන් වී ඇත.