الضحى
අද්-දුහා · Ad-Duha
මක්කී11 පද්ය
1
وَالضُّحَىٰ
පෙරවරු (ආලෝකය) මත දිවුරමින්.
2
وَاللَّيْلِ إِذَا سَجَىٰ
තවද රාත්රිය (නිසංසලව) අඳුරින් ආවරණය කර ගන්නා විට එය මත දිවුරමින්.
3
مَا وَدَّعَكَ رَبُّكَ وَمَا قَلَىٰ
(නබිවරය,) නුඹගේ පරමාධිපති නුඹව අත් හැරියේ නැත. පිළිකුල් කළේ ද නැත. 1
1ඉස්ලාමයේ මුල් අවදියේ අල් කුර්ආන් වැකි නබි මුහම්මද් තුමාණන්ට පහළ වෙමින් තිබුණි. පසුව එසේ පහළ වීම මද කලකට ප්රමාද විය. එතුමාගේ සතුරන්, විශේෂයෙන් අබු ලහබ්ගේ බිරිය වන උම්මු ජමීල්, නබි මුහම්මද් තුමාණන් කෙරෙහි අල්ලාහ් කෝපයට පත්ව එතුමාණන්ව අත හැර දැමු බවට ඇනුම් පද කියන්නට පටන් ගත්තාය. මෙයට ප්රතිචාරයක් ලෙස මෙම වැකිය පහළ විය.
4
وَلَلْآخِرَةُ خَيْرٌ لَّكَ مِنَ الْأُولَىٰ
තවද සැබැවින්ම මතු ලොව මෙලොවට වඩා නුඹට යහපත්ය.
5
وَلَسَوْفَ يُعْطِيكَ رَبُّكَ فَتَرْضَىٰ
තවද නුඹගේ පරමාධිපති නුඹට නියත වශයෙන්ම (බොහෝ දෑ) පිරිනමනු ඇත. එවිට නුඹ (එමගින්) තෘප්තිමත් වනු ඇත. 2
2මෙම ආයතය නබි මුහම්මද් තුමාණන්ට දෙනු ලැබූ ශුභාරංචියකි. එය සියලු මුස්ලිම් ජනයාට ද අති සතුටුදායක පණිවිඩයක් විය. හේතුව තම අනුගාමිකයින් සියලු දෙනාම නිරා ගින්නෙන් බැහැර කරන තුරු තමා තෘප්තියට පත් නොවන බව එතුමාණන් ප්රකාශ කර ඇති බැවිනි. එනම් මෙම ප්රකාශය අනුව මුස්ලිම්වරුන් සියල්ල කෙදිනක හෝ නිශ්චිතවම ස්වර්ගයට ඇතුළු වී එමගින් එතුමාණෝ තෘප්තියට පත් වන බව අදහස් කෙරේ.
6
أَلَمْ يَجِدْكَ يَتِيمًا فَآوَىٰ
අනාථයෙකු ලෙස නුඹව ඔහු නොලැබුවේ ද? පසුව ඔහු පිළිසරණක් දුන්නේය.
7
وَوَجَدَكَ ضَالًّا فَهَدَىٰ
තවද (දැහැමි) මග නොදන්නෙකු ලෙස නුඹව ඔහු දැක පසුව ඔහු (නුඹට) දැහැමි මග පෙන් වූයේය.
8
وَوَجَدَكَ عَائِلًا فَأَغْنَىٰ
තවද දිළින්ඳෙකු ලෙස නුඹව ඔහු දැක පසුව ඔහු ස්වයංපෝෂිත කෙනෙකු බවට පත් කළේය.
9
فَأَمَّا الْيَتِيمَ فَلَا تَقْهَرْ
එබැවින් අනාථයාව පීඩාවට පත් නොකරවු.
10
وَأَمَّا السَّائِلَ فَلَا تَنْهَرْ
තවද යාචකයාව පලවා නොහරිවු.
11
وَأَمَّا بِنِعْمَةِ رَبِّكَ فَحَدِّثْ
තවද නුඹගේ පරමාධිපතිගේ දායාදය පිළිබඳව (අනුන් කෙරෙහි) දැනුම් දෙවු. 3
3අල්ලාහ්ගෙන් ලැබූ දායාදයන් අන් අයට දන්වා සිටීම ඒවා පිරිනැමූ අල්ලාහ්ට කෘතවේදී වීමේ මාර්ගයකි.