الليل
අල්-ලය්ල් · Al-Layl
මක්කී21 පද්ය
1
وَاللَّيْلِ إِذَا يَغْشَىٰ
රාත්රිය (අන්ධකාරයෙන්) ආවරණය කරන විට එය මත දිවුරමින්.
2
وَالنَّهَارِ إِذَا تَجَلَّىٰ
තවද දහවල නිරාවරණය වී (ආලෝකයෙන්) දිස්වෙන විට එය මත දිවුරමින්.
3
وَمَا خَلَقَ الذَّكَرَ وَالْأُنثَىٰ
තවද පුරුෂයාව හා ස්ත්රියව මැවූ (අල්ලාහ් වන) ඔහු මත දිවුරමින්.
4
إِنَّ سَعْيَكُمْ لَشَتَّىٰ
සැබැවින්ම නුඹලාගේ ප්රයත්නයන් විවිධාකාරය.
5
فَأَمَّا مَنْ أَعْطَىٰ وَاتَّقَىٰ
එබැවින් (අන් අයට තම ධනය) පිරිනමා බිය භක්තිමත් වී උතුම් දෑ(දහම) සත්යය කළ අය පිළිබඳව (සඳහන් කරන්නේ) නම්,
6
وَصَدَّقَ بِالْحُسْنَىٰ
එබැවින් (අන් අයට තම ධනය) පිරිනමා බිය භක්තිමත් වී උතුම් දෑ(දහම) සත්යය කළ අය පිළිබඳව (සඳහන් කරන්නේ) නම්,
7
فَسَنُيَسِّرُهُ لِلْيُسْرَىٰ
ඔහු සඳහා (ස්වර්ගයේ) අතිශය (සැප) පහසු දෑ වෙත අපි (මග) පහසු කරන්නෙමු. 1
1යමෙකු යහපත සඳහා තම උත්සාහයන් උපයෝගි කරන්නේ නම් ඔහුගේ අනිකුත් යහ කි්රයාවන් ඉටු කිරීමට අල්ලාහ් පහසු කරන අතර ඒ හේතුවෙන් ස්වර්ගයේ උතුම් ස්ථානයක් ඔහු හිමි කර ගැනීමට පහසු වන බව ආයත් අංක 5, 6 හා 7 හි පෙන්නුම් කරයි. එමෙන්ම ආයත් අංක 8 සහ 9 හි සඳහන් පරිදි ඔහු අකුසල් කි්රයා සඳහා තම හැකියාව උපයෝගී කරන්නේ නම් ආයත් 10 හි සඳහන් පරිදි නිරයේ ගින්නේ දරුණුතම ස්ථානය කරා යෑමට අල්ලාහ් ඔහුට පහසු කරනු ඇත.
8
وَأَمَّا مَن بَخِلَ وَاسْتَغْنَىٰ
තවද මසුරු වී, තමා ස්වයංපෝෂිත යැයි සිතා, උතුම් දෑ(දහම) අසත්යය කළ අය පිළිබඳව (සඳහන් කරන්නේ) නම්
9
وَكَذَّبَ بِالْحُسْنَىٰ
තවද මසුරු වී, තමා ස්වයංපෝෂිත යැයි සිතා, උතුම් දෑ(දහම) අසත්යය කළ අය පිළිබඳව (සඳහන් කරන්නේ) නම්
10
فَسَنُيَسِّرُهُ لِلْعُسْرَىٰ
ඔහු සඳහා (නිරයේ) අති දුෂ්කර දෑ වෙත අපි (මග) පහසු කරන්නෙමු.
11
وَمَا يُغْنِي عَنْهُ مَالُهُ إِذَا تَرَدَّىٰ
ඔහු (නිරයෙහි) ඇද වැටෙනා කල්හි ඔහුගේ ධනය ඔහුට (කිසිදු) ඵලක් නොදෙන්නේය.
12
إِنَّ عَلَيْنَا لَلْهُدَىٰ
සැබැවින්ම යහමග පෙන්වීම අප මතය. 2
2සැබැවින්ම යහමග පෙන්වීම අප මතය යන්නෙන් අදහස් කරනුයේ ලෝවැසියන් සියල්ලට මග පෙන්වනුයේ අල්ලාහ් බවය. නමුත් එමගින් ඔවුන් යහමග යෑම හෝ නොමග යෑම මිනිසාගේ තෝරා ගැනීම මත රැඳී ඇත. ඔහුගේ තෝරා ගැනීම අනුව ඵල විපාක විඳින්නට ද සිදු වනු ඇත.
13
وَإِنَّ لَنَا لَلْآخِرَةَ وَالْأُولَىٰ
තවද සැබැවින්ම අවසානය (හෙවත් මතු ලොව) හා ආරම්භය (හෙවත් මෙලොව) අප සතුය.
14
فَأَنذَرْتُكُمْ نَارًا تَلَظَّىٰ
එබැවින් ඇවිළෙන ගින්න පිළිබඳව මම නුඹලාට අවවාද කළෙමි.-
15
لَا يَصْلَاهَا إِلَّا الْأَشْقَى
මහත් අභාග්යවන්තයා මිස අන් කිසිවෙකු එහි පිවිස නොඇවිළෙයි.
16
الَّذِي كَذَّبَ وَتَوَلَّىٰ
(ඔහු) කවරෙකුද යත් අසත්යය කර පිටුපෑවෙකුය.
17
وَسَيُجَنَّبُهَا الْأَتْقَى
තවද අතිමහත් බිය භක්තිකයා එයින්(නිරයෙන්) වළක්වනු ලබනු ඇත.
18
الَّذِي يُؤْتِي مَالَهُ يَتَزَكَّىٰ
ඔහු කවරෙකු ද යත් තම ධනය පිරිනමා (ආත්ම) පාරිශුද්ධිය ඇති කර ගත් අයෙකි. 3
3මෙම ආයතයෙන් අදහස් වන්නේ පරිත්යාගයන් මගින් කෙනෙකු අයහපත් දැයින් පිරිසිදු වන බවය. එනම් ඔහුගේ පෙර පාපයන්ට සමාව ලැබ ඔහුගේ චෛතසිකයෙහි මතු වන පාපකාරී හැඟීම් වලට එරෙහිව ඔහු ශක්තිමත් වන බවය. මෙහි මූලික කොන්දේසිය වනුයේ තමන් කරන්නා වූ පරිත්යාගයන් අල්ලාහ්ගේ තෘප්තිය උදෙසා අවංක චේතනාවෙන් ඉටු කිරීම හා තමන් තුළ පාරිශුද්ධභාවය ඇති කර ගැනීමය. ඉස්ලාමය පිළිගත් වහලූන් නිදහස් කිරීම සඳහා අබු බක්ර් තුමාණන් තම ධනය විශාල වශයෙන් වැය කිරීම සම්බන්ධව මෙම වැකිය පහළ වූ බව ඇතැම් විද්වත්හු අදහස් කරති.
19
وَمَا لِأَحَدٍ عِندَهُ مِن نِّعْمَةٍ تُجْزَىٰ
ප්රතිඋපකාරයක් ලෙස දෙනු ලැබීමට කිසිවෙකුගේ කිසිදු දායාදයක් ඔහු සතුව නොමැත. 4
4මෙහි පවසනු ලබනුයේ අබූ බක්ර් තුමාණන් පිළිබඳ වූ සිද්ධියකි. ඉස්ලාමයේ මුල් අවදියේ බිලාල් තුමාණන් ද වධ හිංසාවන්ට ගොදුරු වූ වහලෙකි. එවිට අබූ බක්ර් තුමාණන් මුදල් ගෙවා අල්ලාහ්ගේ තෘප්තිය අපේක්ෂාවෙන් ඔහුව වහල්භාවයෙන් නිදහස් කර ගත්හ. එය දුටු දේව ප්රතික්ෂේපකයින් බිලාල් තුමා එතුමාණන්ට කළ යම් උපකාරයක් හේතුවෙන් අබූ බක්ර් තුමාණන් ප්රතිඋපකාරයක් ලෙස ඔහුව නිදහස් කළ බව පැවසුවෝය. මෙයට පිළිතුරක් වශයෙන් අල්ලාහ් මෙම ආයතය පහළ කළේය.
20
إِلَّا ابْتِغَاءَ وَجْهِ رَبِّهِ الْأَعْلَىٰ
නමුත් අති උත්තරීතර වූ තම පරමාධිපතිගේ තෘප්තිය අපේක්ෂාවෙන් (පරිත්යාග කරන දැයට) මිස. 5
5අල්ලාහ්ගේ තෘප්තිය වෙනුවෙන් කරන්නා වූ පරිත්යාගයන්ට පමණක් නියම කුසල් හිමි වන බව මෙම ආයතයෙන් ප්රකාශ වේ.
21
وَلَسَوْفَ يَرْضَىٰ
තවද ඔහු(අල්ලාහ්ගේ තෘප්තිය උදෙසා පරිත්යාග කරන්නා) මතුවට තෘප්තිමත් වනු ඇත.