الشمس
අශ්-ශම්ස් · Ash-Shams
මක්කී15 පද්ය
1
وَالشَّمْسِ وَضُحَاهَا
සූර්යයා මත හා එහි දීප්තිය මත දිවුරමින්.
2
وَالْقَمَرِ إِذَا تَلَاهَا
තවද චන්ද්රයා මත දිවුරමින්. එය එයට(සූර්යයාට) පසුපසින් පැමිණි විට.
3
وَالنَّهَارِ إِذَا جَلَّاهَا
තවද දහවල මත දිවුරමින්. එය එහි(සූර්යයාහි) දීප්තිය හෙළි කරන විට.
4
وَاللَّيْلِ إِذَا يَغْشَاهَا
තවද රාත්රිය මත දිවුරමින්. එය එය(සූර්යයා) ආවරණය කරන විට. 1
13 හා 4 වැනි ආයත් වලින් සඳහන් කරන ‘හෙළි වීම’ හා ‘ආවරණය වීම’ යන ක්රියාවලිය සූර්යයා හා සම්බන්ධ බව පෙන්වුව ද වෙනත් විවරණ අනුව එම ක්රියාවලිය මිහිතලය හා සම්බන්ධ බව සඳහන් වේ. 5 සිට 8 දක්වා වූ ආයතයන්හි ‘ඔහු’ යන යෙදුමෙන් අඟවන්නේ අල්ලාහ්ය.
5
وَالسَّمَاءِ وَمَا بَنَاهَا
තවද අහස මත හා එය තැනූ ඔහු මත දිවුරමින්.
6
وَالْأَرْضِ وَمَا طَحَاهَا
තවද මිහිතලය මත හා එය ව්යාප්ත කළ ඔහු මත දිවුරමින්.
7
وَنَفْسٍ وَمَا سَوَّاهَا
තවද ආත්මය මත හා එය නිසි ලෙස සකස් කළ ඔහු මත දිවුරමින්.
8
فَأَلْهَمَهَا فُجُورَهَا وَتَقْوَاهَا
පසුව ඔහු එ(ම ආත්මයෙ)හි දුෂ්ටභාවය හා එහි බිය භක්තිය (වෙන් කර හඳුනා ගැනීමේ හැකියාව) එයට කාවැද්දුවේය. 2
2සෑම පුද්ගලයෙකුටම අල්ලාහ් යහපතක් හෝ අයහපතක් කිරීමේ හැකියාව ස්වභාවිකව ලබා දී ඇත. යහපතක් කිරීමේ හැකියාව ඔහු උපයෝගි කළේ නම් ඔහු තමන්ව පිවිතුරු කර මෙලොව පරීක්ෂණයන්ගෙන් සමත් වනු ඇත. එසේ නොවී අයහපත් හැඟීම් වලට වහල් වී කටයුතු කළේ නම් ඔහු එම පරීක්ෂණයන්ගෙන් අසමත් වී එහි දඬුවමට ලක් වනු ඇත.
9
قَدْ أَفْلَحَ مَن زَكَّاهَا
කවරෙකු එය(ආත්මය) පිවිතුරු කළේ ද ඔහු සැබැවින්ම ජයග්රහණය කළේය.
10
وَقَدْ خَابَ مَن دَسَّاهَا
තවද කවරෙකු එය දූෂිත කර ගත්තේ ද සැබැවින්ම ඔහු පාඩු වින්දේය.
11
كَذَّبَتْ ثَمُودُ بِطَغْوَاهَا
සමූද් ජනයා ඔවුන්ගේ සීමාව ඉක්මවා යෑම හේතුවෙන් (තම නබිවරයාව) අසත්ය කළෝය.
12
إِذِ انبَعَثَ أَشْقَاهَا
ඔවුන්ගෙන් මහත් අභාග්යවන්තයා වේගයෙන් නැගී සිටි විට.-
13
فَقَالَ لَهُمْ رَسُولُ اللَّهِ نَاقَةَ اللَّهِ وَسُقْيَاهَا
අල්ලාහ්ගේ ඔටු දෙන(ට හිංසා කිරීම) හා උගේ පානය (වළක්වාලීම) පිළිබඳව (අවවාදයෙන් සිටින්නැ’යි) අල්ලාහ්ගේ රසූල්වරයා ඔවුනට පැවසුවේය. 3
3නබි සාලිහ් නම් නබිවරයාගේ ප්රජාව සමූද්වරුය. මෙම නබිවරයාගේ සත්යභාවය තහවුරු කිරීම පිණිස එම ජනයා එතුමාගෙන් සාධකයක් ගෙන එන මෙන් ඉල්ලා සිටියහ. ඒ අනුව අල්ලාහ් නබි සාලිහ් තුමාණන්ගේ ප්රජාවට සාධකයක් හා පරීක්ෂණයක් ලෙස ඔවුන්ගේ ඉල්ලීම පරිදි ගල් පර්වතයක් දෙබෑ කර ගම් වැසියන් සියල්ලට කිරි දෙන ඔටු දෙනක් මතු කළේය. එම ඔටු දෙනගේ අයිතීන් පිළිබඳව අල්ලාහ් ජනයාට නිශ්චිත උපදෙස් ලබා දී තිබූ අතර එම ප්රජාව විසින් එම උපදෙස් කඩ කරන ලදී. ජනයාට හා ඔටුවාට ජලය පානය සඳහා වූ පොදු ස්ථානයක් විය. එයින් දිනක් ජලය පානය කිරීමේ අයිතිය එම වැසියන්ට ද දිනක එහි අයිතිය ඔටු දෙනට ද හිමි කර දී තිබුණි. නමුත් මෙම උපදෙස් කඩ කරමින් ඔවුන් සීමාව ඉක්මවා ගොස් ඌට ජලය පානය කිරීමට ඉඩ නොදී අවසානයේ උගේ ගෙල කපා ඝාතනය කළහ.
14
فَكَذَّبُوهُ فَعَقَرُوهَا فَدَمْدَمَ عَلَيْهِمْ رَبُّهُم بِذَنبِهِمْ فَسَوَّاهَا
එහෙත් ඔවුහු ඔහුව අසත්යය කර උගේ ගෙල සිඳ දැමුවෝය. එබැවින් ඔවුන්ගේ (එම) පාප ක්රියාව හේතුවෙන් ඔවුන්ගේ පරමාධිපති ඔවුන් මත විනාශය පහළ කර (සියල්ලන් අතර) එය(එම දඬුවම) සම කළේය.
15
وَلَا يَخَافُ عُقْبَاهَا
තවද එහි ප්රතිවිපාකය පිළිබඳව ඔහු(අල්ලාහ්) බිය නොවන්නේය. 4
4මෙහි අදහස් කරනුයේ දඬුවම් ලබා දීම ගැන අල්ලාහ් බිය නොවන බවය. හේතුව අල්ලාහ්ගේ ක්රියාවන් පිළිබඳව ප්රශ්න කිරීමට කිසිදු අයිතියක් කිසිවෙකුට නොමැත. ඔහු පරම යුක්ති ගරුකය. ක්රියාවන් පිළිබඳව ප්රශ්න කරනු ලබනුයේ ඔහුගේ ගැත්තන් වන අපගෙන්ය. (අල් කුර්ආන් 21:23 වැනි වැකිය බලන්න.).