وَالْفَجْرِ
අලුයම මත දිවුරමින්.
وَلَيَالٍ عَشْرٍ
තවද රාත්රි දහය මත දිවුරමින්.
1මෙය ඉස්ලාමීය දින දර්ශනයේ 12 වැනි මාසය වන zදුල් හිජ්ජා මාසයට අයත් අධික කුසල් ලැබිය හැකි මුල් රාති්ර 10 බව බොහෝ ඉස්ලාමීය විද්වතුන් අදහස් දක්වති. මෙම කාලය තුළ එක් දිනක් උපවාස ශීලයේ යෙදීම සම්පූර්ණ වසරම උපවාස ශීලයේ යෙදීම හා සමාන වේ. මෙහි එක් රාත්රියක නැමදුම ලයිලතුල් කද්ර් (වැඩි විස්තර සඳහා 97 වැනි සූරාව බලන්න) රැයෙහි කරන නැමදුම හා සමාන වන්නේය.
وَالشَّفْعِ وَالْوَتْرِ
තවද ඉරට්ටේ හා ඔත්තේ මත දිවුරමින්.
2මෙහි ඔත්තේ යනුවෙන් සඳහන් වී ඇත්තේ zදුල් හිජ්ජා මස නව වන දිනය වන අරෆා දිනය බව ද ඉරට්ටේ යනුවෙන් සඳහන් වී ඇත්තේ zදුල් හිජ්ජා මස දහ වන දිනය වන හජ් උත්සව දිනය බව ද හදීසයක සඳහන් වේ. මෙම දිනයන් මත අල්ලාහ් දිවුරා ඇත්තේ එම දිනයන්හි වැදගත්කම ගෙන හැර දැක්වීම පිණිසය.
وَاللَّيْلِ إِذَا يَسْرِ
තවද රාත්රිය ගෙවී යන විට එය මත දිවුරමින්.
هَلْ فِي ذَٰلِكَ قَسَمٌ لِّذِي حِجْرٍ
බුද්ධිය ඇත්තාට ඒවායෙහි (ප්රමාණවත්) දිවුරුමක් (නො)තිබේ ද?
أَلَمْ تَرَ كَيْفَ فَعَلَ رَبُّكَ بِعَادٍ
නුඹේ පරමාධිපති ආද් (සමූහයා) සමග කටයුතු කළ ආකාරය නුඹ නොදුටුවෙහි ද?
إِرَمَ ذَاتِ الْعِمَادِ
(ඔවුන්) කුලුනු මෙන් (උසින් හා ශක්තියෙන්) වූ ඉරම් වැසියෝය.
3‘ඉරම්’ යනු ‘ආද්’ සමූහයා පැවත ආ පරම්පරාවක නාමයයි. මෙය අල් කුර්ආනයෙහි ‘ආදනිල් ඌලා’ හෙවත් ‘මුල් ආද් වැසියන්’ ලෙස 53:50 වැනි ආයතයේ සඳහන් වී ඇත. ඇතැම් අල් කුර්ආන් විවරණකරුවන් ‘ඉරම්’ යනු නගරයක් යැයි විග්රහ කර ඇත. මොවුහු ඉතා බල සම්පන්න ජන සමූහයක් වූහ. ‘හූද්’ නම් නබිවරයාව ප්රතික්ෂේප කළ හේතුවෙන් චණ්ඩ මාරුතයකින් මොවුන්ව විනාශ කරන ලදී.
الَّتِي لَمْ يُخْلَقْ مِثْلُهَا فِي الْبِلَادِ
ඔවුන් මෙන් වූවන්ව (වෙනත්) ප්රදේශ වල මවනු නොලැබුවේය.
وَثَمُودَ الَّذِينَ جَابُوا الصَّخْرَ بِالْوَادِ
තවද (කුරා නම්) මිටියාවතෙහි ගල් පර්වත (නිවෙස් ලෙස) නෙළූ සමූද් සමූහයා සමග ද
4‘සාලිහ්’ නම් නබිවරයාට එරෙහිව කි්රයා කළ හේතුවෙන් ‘සමූද්’ ජනයාව මහා භූමි කම්පනයකින් විනාශ කරන ලදී. මෙහි වැඩි විස්තර සඳහා අල් කුර්ආන් 7:65-78 දක්වා කියවන්න.
وَفِرْعَوْنَ ذِي الْأَوْتَادِ
(මිනිසුන් බැඳ වධ හිංසා කිරීම සඳහා තැනූ) උල් රිටි හිමි ෆිර්අවුන් සමග ද (නුඹේ පරමාධිපති කටයුතු කළ ආකාරය නුඹ නොදුටුවෙහි ද?)
5ෆිර්අවුන් තමාට එරෙහි වූවන්ව උල් රිටි හතරක අත් කකුල් බැඳ තබා අමානුෂික ලෙස වධ හිංසා දීමෙන් මරණයට පත් කළේය. එබැවින් ඔහුට ‘උල් රිටි හිමි මිනිසා’ යැයි නම් කරනු ලැබීය. ෆිර්අවුන් - 79:17 පාද සටහන බලන්න.
الَّذِينَ طَغَوْا فِي الْبِلَادِ
මොවුහු (ලොවෙහි විවිධ) දේශයන්හි සීමාව ඉක්මවා ගියවුන්ය.
فَأَكْثَرُوا فِيهَا الْفَسَادَ
තවද එහි ඔවුහු කලහකම් අධිකව කළෝය.
فَصَبَّ عَلَيْهِمْ رَبُّكَ سَوْطَ عَذَابٍ
එබැවින් නුඹගේ පරමාධිපති දඬුවමේ කසය ඔවුන් මත හෙළීය.
إِنَّ رَبَّكَ لَبِالْمِرْصَادِ
සැබැවින්ම නුඹේ පරමාධිපති සදා විපරමින් සිටියි.
فَأَمَّا الْإِنسَانُ إِذَا مَا ابْتَلَاهُ رَبُّهُ فَأَكْرَمَهُ وَنَعَّمَهُ فَيَقُولُ رَبِّي أَكْرَمَنِ
තවද මිනිසා පිළිබඳව (සඳහන් කරන්නේ) නම් ඔහුගේ පරමාධිපති ඔහුව පරීක්ෂාවට ලක් කර එනම් ඔහුට ගෞරවය ලබා දී ඔහුට දායාදයන් ප්රදානය කළ කල්හි ”මාගේ පරමාධිපති මා ගෞරවයට පත් කළේය” යැයි ඔහු පවසයි.
وَأَمَّا إِذَا مَا ابْتَلَاهُ فَقَدَرَ عَلَيْهِ رِزْقَهُ فَيَقُولُ رَبِّي أَهَانَنِ
නමුත් ඔහු(අල්ලාහ්) ඔහුව පරීක්ෂාවට ලක් කර එනම් ඔහුට ඔහුගේ ජීවන සැපයුම් සීමා කළ විට ”මාගේ පරමාධිපති මා අවමානයට පත් කළේ යැ”යි පවසයි.
كَلَّا ۖ بَل لَّا تُكْرِمُونَ الْيَتِيمَ
එසේ නොව, (නුඹලාට අල්ලාහ් දායාදයන් පිරිනමා ඇති) නමුත් නුඹලා අනාථයාට (කාරුණිකව හා ත්යාගශීලීව) ගෞරව නොකරන්නෙහුය.
وَلَا تَحَاضُّونَ عَلَىٰ طَعَامِ الْمِسْكِينِ
තවද දිළිඳුන්ට ආහාර ලබා දීම කෙරෙහි නුඹලා එකිනෙකා දිරි නොගන්වන්නෙහුය.
وَتَأْكُلُونَ التُّرَاثَ أَكْلًا لَّمًّا
තවද පරපුරෙන් උරුම වූ දේපළ (අතුරින් නුඹලාට අනුමත දෑ කුමක්දැ’යි නොසලකා) නුඹලා දැඩි ලෙස කා දමන්නෙහුය.
وَتُحِبُّونَ الْمَالَ حُبًّا جَمًّا
තවද නුඹලා ධනය දැඩි ඇල්මකින් ඇලුම් කරන්නෙහුය.
كَلَّا إِذَا دُكَّتِ الْأَرْضُ دَكًّا دَكًّا
එසේ නොව, පොළොව කැබලි වලට සුනුවිසුනු කරනු ලැබූ කල්හි
وَجَاءَ رَبُّكَ وَالْمَلَكُ صَفًّا صَفًّا
නුඹගේ පරමාධිපතිගේ විධානය පැමිණෙනු ඇත. තවද මලක්වරු ද පෙළින් පෙළට සිටිති.
وَجِيءَ يَوْمَئِذٍ بِجَهَنَّمَ ۚ يَوْمَئِذٍ يَتَذَكَّرُ الْإِنسَانُ وَأَنَّىٰ لَهُ الذِّكْرَىٰ
තවද එදින නිරය (දර්ශනයට ඇද) ගෙන එනු ලබන්නේය. මිනිසා (තමා කළ දෑ) එදින සිහිපත් කරයි. නමුත් එය සිහිපත් කිරීමෙන් ඔහුට කුම(න ඵල)ක් ද?-
يَقُولُ يَا لَيْتَنِي قَدَّمْتُ لِحَيَاتِي
”අහෝ, මාගේ (මතු ලොව) ජීවිතය වෙනුවෙන් මා (යහකම්) පෙරටු කර ඇත්නම්” යැයි ඔහු (පසුතැවිල්ලෙන්) පවසයි.
فَيَوْمَئِذٍ لَّا يُعَذِّبُ عَذَابَهُ أَحَدٌ
එබැවින් ඔහු(අල්ලාහ්) එදින දඬුවම් කරන්නාක් මෙන් අන් කිසිවෙකු දඬුවම් නොකරයි.
وَلَا يُوثِقُ وَثَاقَهُ أَحَدٌ
ඔහු විලංගු දමන්නාක් මෙන් අන් කිසිවෙකු විලංගු නොදමයි.
يَا أَيَّتُهَا النَّفْسُ الْمُطْمَئِنَّةُ
(අල්ලාහ්ට අවනත වී යහකම් කළවුනට) අහෝ සැනසුමට පත් ආත්මය, (යැයි අමතනු ලැබේ.)
ارْجِعِي إِلَىٰ رَبِّكِ رَاضِيَةً مَّرْضِيَّةً
(නුඹ) තෘප්තිමත් වී (අල්ලාහ්ගේ) තෘප්තියට ද ලක්වෙමින් නුඹ නුඹගේ පරමාධිපති වෙත හැරී එවු.
6විශ්වාසිකයෙකුගේ යහ කි්රයාවන් අල්ලාහ්ගේ තෘප්තිය දිනා ගැනීමට හේතු වන අතර ඔහු ද තමන් ගනු ලබන තිළිණයන් පිළිබඳව සම්පූර්ණ තෘප්තියට පත් වන බව නිසැකය.
فَادْخُلِي فِي عِبَادِي
එබැවින් මාගේ (යහ) ගැත්තන් අතරට නුඹ ඇතුළු වවු.
وَادْخُلِي جَنَّتِي
මාගේ ස්වර්ගයට නුඹ ඇතුළු වවු.