إِذَا السَّمَاءُ انشَقَّتْ
(පරමාන්ත දිනයේ දී) අහස පැළී විවර වූ විට
وَأَذِنَتْ لِرَبِّهَا وَحُقَّتْ
තවද එය තම පරමාධිපතිගේ අණට සවන් දුන්නේය. තවද (එය) එහි යුතුකමක්ම විය.
وَإِذَا الْأَرْضُ مُدَّتْ
තවද මිහිතලය දිගු හරිනු ලැබූ විට.
1පරමාන්ත දිනයේ දී පළමු මිනිසා සිට අවසාන මිනිසා දක්වා සියලු දෙනාටම නැගිට සිටීම සඳහා මිහිතලය රබර් හෝ හම් මෙන් විශාලව දිග ඇද විහිදනු ලබන බව නබි මුහම්මද් තුමාණන්ගේ ප්රකාශයක් ‘හාකිම්’ නම් ග්රන්ථයේ සඳහන් වී ඇත.
وَأَلْقَتْ مَا فِيهَا وَتَخَلَّتْ
'(4) තවද එතුළ ඇති දෑ එය පිටත දමා හිස් වූ විට.
2මෙම ආයතයට වළ දමනු ලැබූ සියලු පිරිමින් හා ස්තී්රන් පමණක් නොව පොළොව තුළ ඇති ඛනිජ වර්ග ද ඇතුළත්ය.
وَأَذِنَتْ لِرَبِّهَا وَحُقَّتْ
තම පරමාධිපතිගේ අණට සවන් දුන්නේය. තවද (එය) එහි යුතුකමක්ම විය. (එවිට ඔවුන් කළ කී දෑ හි ප්රතිඵල හමු වනු ඇත.)
يَا أَيُّهَا الْإِنسَانُ إِنَّكَ كَادِحٌ إِلَىٰ رَبِّكَ كَدْحًا فَمُلَاقِيهِ
අහෝ මිනිස, සැබැවින්ම නුඹ නුඹගේ පරමාධිපති වෙත යෑමට (තම ක්රියාවන්හි) දැඩි වෙහෙසකින් වෙහෙස දැරිය යුත්තෙකි. එවිට (නුඹගේ ක්රියාවන් සමග) ඔහුව හමු වනු ඇත.
فَأَمَّا مَنْ أُوتِيَ كِتَابَهُ بِيَمِينِهِ
තම වාර්තාව තම දකුණතට දෙනු ලැබු අය පිළිබඳව (සඳහන් කරන්නේ) නම්
فَسَوْفَ يُحَاسَبُ حِسَابًا يَسِيرًا
ඔහු පහසු ගිණුම් බැලීමකින් විමසුමකට ලක් වනු ඇත.
وَيَنقَلِبُ إِلَىٰ أَهْلِهِ مَسْرُورًا
පසුව තම ජනයා වෙත ඔහු සතුටින් හැරී යන්නේය.
وَأَمَّا مَنْ أُوتِيَ كِتَابَهُ وَرَاءَ ظَهْرِهِ
තම වාර්තාව තම පිටු පසින් (වමතෙහි) දෙනු ලැබූ අය පිළිබඳව (සඳහන් කරන්නේ) නම්
3ප්රතික්ෂේප කළවුන්ගේ වාර්තාව ඔවුන්ගේ වමතෙහි දෙන බව අල් කුර්ආනයෙහි බොහෝ ස්ථානයන් හි සඳහන්ව ඇත. ඔවුන් වමතෙහි සගයින් ලෙස අල් කුර්ආන් 90:19 වැකිය හඳුන්වා දී ඇත්තේ ද මේ හේතුවෙනි. මෙම ආයතය මේ හා සමාන වෙනත් ආයත් සමග සම්බන්ධ කර බැලූ විට එසේ වමතට ලබා දෙනුයේ ඔවුන්ගේ පිටු පසින් බව අදහස් කරයි.
فَسَوْفَ يَدْعُو ثُبُورًا
ඔහු විනාශය(මරණය) අයැදිනු ඇත.
وَيَصْلَىٰ سَعِيرًا
තවද ඇවිළෙන ගින්නෙහි පිවිස දැවෙනු ඇත.-
إِنَّهُ كَانَ فِي أَهْلِهِ مَسْرُورًا
සැබැවින්ම ඔහු (ලොවෙහි ජීවත්ව සිටිය දී) තම ජනයා අතර සතුටින් සිටියේය.
إِنَّهُ ظَنَّ أَن لَّن يَحُورَ
සැබැවින්ම ඔහු (අල්ලාහ් වෙතට) කිසිවිටෙක නැවත හැරී නොයනු ඇතැයි සිතුවේය.
بَلَىٰ إِنَّ رَبَّهُ كَانَ بِهِ بَصِيرًا
නොඑසේය, සැබැවින්ම ඔහුගේ පරමාධිපති ඔහු පිළිබඳව (නිරතුරුවම) නිරීක්ෂණය කරන්නෙකු විය.
فَلَا أُقْسِمُ بِالشَّفَقِ
එබැවින් ගොම්මන් මන්දාලෝකය මත මම දිවුරමි.
وَاللَّيْلِ وَمَا وَسَقَ
තවද රාත්රිය මත ද එය (විසින්) ආවරණය කළ දෑ මත ද දිවුරමින්
وَالْقَمَرِ إِذَا اتَّسَقَ
තවද චන්ද්රයා පූර්ණ වූ විට එය මත දිවුරමින්,
لَتَرْكَبُنَّ طَبَقًا عَن طَبَقٍ
සැබැවින්ම නුඹලා (මෙලොවෙහි ද මතු ලොවෙහි ද) පියවරින් පියවරට නැග යන්නෙහුය.
4හය වන ආයතයෙහි සඳහන් පරිදි සෑම කෙනෙක්ම තම ජීවිතයෙහි යහපත් හෝ අයහපත් මාර්ගයන්හි වෙහෙසෙති. මිනිසා එක් ස්ථානයක සිට තවත් ස්ථානයකට මෙලොව ජීවිතයෙහි පමණක් නොව මරණයෙන් පසුවද සංක්රමණය කරන බව මෙම ආයතය සඳහන් කරයි. මෙලොව භෞතික පැවැත්මේ සිට මරණයෙන් පසු ‘බර්zසක්’ නම් ආධ්යාත්මික පැවැත්මට ඔහු සංක්රමණය වෙයි. විනිශ්චය දිනයේ යළි නැගිටවනු ලැබේ. අවසානයේ ඔහු ස්වර්ගයට හෝ නිරයට පිවිසෙයි. මෙහි දී පහත් තත්ත්වයේ සිට ඉහළ තත්ත්වය දක්වා විවිධ තරාතිරම් ඔහු පසු කරයි. මෙම තත්ත්වය තහවුරු කරනු පිණිස දෛනිකව වෙනස් වන චන්ද්රයා හා රාත්රි කාලය මත දිවුරා මෙසේ පවසා ඇත.
فَمَا لَهُمْ لَا يُؤْمِنُونَ
එබැවින් ඔවුන් විශ්වාස නොකර සිටීමට ඔවුනට කුමක් වීද?
وَإِذَا قُرِئَ عَلَيْهِمُ الْقُرْآنُ لَا يَسْجُدُونَ ۩
ඔවුනට අල් කුර්ආනය පාරායනය කරනු ලැබු විට ඔවුහු සුජූද් නොකරති.
5මෙය සුජූද් හි ආයතයකි. ශුද්ධ වූ අල් කුර්ආනයේ මෙවැනි ආයතයන් 14 ක් ඇත. මෙය ද ඉන් එකකි. මෙවැනි ආයතයක් අරාබි බසින් කියවූ විට හෝ සවන් දුන් විට සුජූද් කිරීම සුන්නත් වේ. මෙම සුජූද් කිරීමේ පිළිවෙත පිළිබඳ ඉස්ලාමීය නීති ග්රන්ථ වල සඳහන් වේ.
بَلِ الَّذِينَ كَفَرُوا يُكَذِّبُونَ
එමෙන්ම ප්රතික්ෂේප කළවුන් (ඉස්ලාමීය ඉගැන්වීම්) අසත්යය කරති.
وَاللَّهُ أَعْلَمُ بِمَا يُوعُونَ
ඔවුන් රැස් කරන දෑ අල්ලාහ් මැනවින් දන්නාය.
6මිනිසා මෙලොව ජීවිතයේ කරන සියලු කි්රයා ඔහුට පක්ෂව හෝ විරුද්ධව රැස් කර තබා ඇත. ඔහු යහ කි්රයා කළේ නම් එය ඔහුට යහඵල ගෙන දෙන අතර ඔහු අයහ කි්රයා කළේ නම් එහි ප්රතිවිපාක භුක්ති විඳීමට සිදුවන්නේ ද ඔහුටමය.
فَبَشِّرْهُم بِعَذَابٍ أَلِيمٍ
එබැවින් වේදනීය දඬුවමක් පිළිබඳව ඔවුනට ශුභාරංචි පවසවු.
إِلَّا الَّذِينَ آمَنُوا وَعَمِلُوا الصَّالِحَاتِ لَهُمْ أَجْرٌ غَيْرُ مَمْنُونٍ
නමුත් (අල්ලාහ්ව) විශ්වාස කර යහකම් කළවුනට හැරය. (මෙසේ අල්ලාහ් විශ්වාස කළ) ඔවුනට අඛණ්ඩ ප්රතිඵල ඇත.
7කෙනෙකුට ලැබිය යුතු ප්රතිඵල කිසිවිටක ඔහුගෙන් අත්හිටවනු නොලැබේ. එමෙන්ම මෙලොවෙහි වාරයට ලැබෙන පලතුරු ඵලදාව මෙන් නොව ස්වර්ගයෙහි ඔහුගේ යහකම්හි ප්රතිඵල අඛණ්ඩව පිරිනමනු ඇත.