عَبَسَ وَتَوَلَّىٰ
ඔහු (අප්රසාදයෙන්) ඇහි බැමි අකුළා වෙනතකට හැරුණේය.
1දිනක් නබි මුහම්මද් තුමාණන් මක්කාවේ කුරෙයිෂ් ගෝත්රික නායකයින් සමග ඉස්ලාමය පිළිබඳව ඔවුන්ට අවබෝධය ඇති කර දී එය ඔවුන් පිළිගනු ඇත යන අරමුණින් සාකච්ඡාවක යෙදී සිටියහ. එම අවස්ථාවේ අබ්දුල්ලාහ් ඉබ්නු උම්මි මක්තූම් නම් අන්ධ සහාබිවරයා එතැනට පැමිණ ප්රශ්න කිහිපයක් නැගුවේය. නබි මුහම්මද් තුමාණන් ඉස්ලාමය පිළිබඳව දේශනා කරමින් සිටි හේතුවෙන් ඔහු නැගූ ප්රශ්න වලට අවධානය යොමු නොකළහ. එමෙන්ම මෙලෙස බාධා කිරීම සම්බන්ධයෙන් එතුමාගේ අප්රසාදය එතුමාණන්ගේ මුහුණේ ඉරියව් මගින් පෙන්නුම් කළහ. නබි මුහම්මද් තුමාණන් කුරෙයිෂ් නායකයින් සමග දිගින් දිගටම සාකච්ඡාවෙහි යෙදුණහ. එවිට මෙම සූරාවෙහි 1 සිට 12 දක්වා ආයතයන් පහළ කරනු ලැබීය. මෙහි දී නබි මුහම්මද් තුමාණන් අබ්දුල්ලාහ් ඉබ්නු උම්මි මක්තූම් සමග කටයුතු කළ ආකාරය පිළිබඳව අල්ලාහ් අනුමත නොකළ බව පෙන්නුම් කරයි. මේ සම්බන්ධව පහත සඳහන් කරුණු සැලකිල්ලට ගත හැක. අබ්දුල්ලාහ් ඉබ්නු උම්මි මක්තූම් තුමාණන් ඒ වන විට මුස්ලිම්වරයෙක්ව සිටියේය. එම නිසා වෙනත් වේලාවක ඔහුගේ ප්රශ්න වලට පිළිතුරු දිය හැකි බව නබි මුහම්මද් තුමාණන් සිතුවා විය හැක. කුරෙයිෂ් නායකයින් එක විට හමුවීම අපහසු කරුණකි. එමනිසා ලැබූ අවස්ථාවෙන් උපරිම ප්රයෝජන ගෙන ඔවුන්ට ඉස්ලාමය පිළිබඳව කරුණු පැහැදිලි කිරීමට එතුමා සිතුවා විය හැක. මෙම සිද්ධිය සම්බන්ධ ආයතයෙන් නබි මුහම්මද් තුමාණන්ට උපදෙස් දෙකක් දෙන ලදී. පළමුව අබ්දුල්ලාහ් ඉබ්නු උම්මි මක්තූම් තුමාණන්ගේ අන්ධභාවය නිසා නබි මුහම්මද් තුමාණන් කරමින් සිටි වැදගත් සාකච්ඡාවට බාධා කිරීමේ වරදට ඔහුට පිළිගත හැකි නිදහසට කරුණු තිබුණි. එබැවින් ඉදිරියේ සිටින්නේ කවුරුන් ද සාකච්ඡාවේ වැදගත්කම කුමක් ද යන දෑ ඔහු නොදැන සිටියේය. මෙම ඌනතාව නිසා ඔහුට සමාවක් දිය යුතුව තිබූ අතර ඔහුට වචනයෙන් හෝ මුහුණේ ඉරියව් වලින් හෝ අප්රසාදය දැක්වීමෙන් දොස් පැවරිය නොහැකි බව ද උපදෙස් දෙන ලදී. දෙවනුව ඉස්ලාමය ගැන කිසිදු තැකීමක් නොමැති අයට උපදෙස් දීමට වඩා අවංකවම සත්යය සොයන පිරිසට ප්රමුඛත්වය දිය යුතු බව උපදෙස් දෙන ලදී.
أَن جَاءَهُ الْأَعْمَىٰ
අන්ධ මිනිසා ඔහු වෙත පැමිණි හේතුවෙනි.
وَمَا يُدْرِيكَ لَعَلَّهُ يَزَّكَّىٰ
තවද (නබිවරය, අන්ධ මිනිසා ගැන) නුඹව දැනුවත් කළේ කුමක් ද? ඔහු පවිත්ර වන්නට ඉඩ ඇත.
2මෙහි දී අන්ධ මිනිසා පිළිබඳව නොසැලකිලිමත් වීමට හේතුව ඔහු ඉස්ලාමිකයෙකු ලෙස පවිත්ර වී ඇතැයි නබි මුහම්මද් තුමාණන් සිතූ නිසා විය හැක. එයට පිළිතුරු වශයෙන් ‘නබිවරය, ඔහුගේ පිරිසිදු භාවය ගැන ඔබව දැනුවත් කළේ කවර කරුණක් ද?’ යන අදහසින් මෙම ප්රශ්නය මෙහි දී අල්ලාහ් නබි මුහම්මද් තුමාණන්ගෙන් විමසා ඇත.
أَوْ يَذَّكَّرُ فَتَنفَعَهُ الذِّكْرَىٰ
නැතහොත් ඔහු උපදෙස් ලබන්නට ඉඩ ඇත. තවද එම උපදෙස ඔහුට ප්රයෝජනවත් වන්නට හැක.
أَمَّا مَنِ اسْتَغْنَىٰ
(දහම දැන ගැනීමට) අවශ්යතාවකින් තොරව සිටින්නා පිළිබඳව (සඳහන් කරන්නේ) නම්
فَأَنتَ لَهُ تَصَدَّىٰ
නුඹ ඔහු වෙත අවධානය යොමු කරන්නෙහිය.
وَمَا عَلَيْكَ أَلَّا يَزَّكَّىٰ
ඔහු පවිත්ර නොවූවත් නුඹ කෙරෙහි (වගකීමක්) නැත.
وَأَمَّا مَن جَاءَكَ يَسْعَىٰ
තවද නුඹ වෙත (අල්ලාහ්ට) බිය වී (දහම දැන ගැනීමට) උනන්දුවෙන් විගස පැමිණි අයෙකු පිළිබඳව (සඳහන් කරන්නේ) නම්
وَهُوَ يَخْشَىٰ
තවද නුඹ වෙත (අල්ලාහ්ට) බිය වී (දහම දැන ගැනීමට) උනන්දුවෙන් විගස පැමිණි අයෙකු පිළිබඳව (සඳහන් කරන්නේ) නම්
فَأَنتَ عَنْهُ تَلَهَّىٰ
ඔහු පිළිබඳව නුඹ නොසලකා හැරියෙහිය.
كَلَّا إِنَّهَا تَذْكِرَةٌ
එසේ නො(කර)ව, සැබැවින්ම මෙ(ම අල් කුර්ආන)ය උපදේශයකි.
فَمَن شَاءَ ذَكَرَهُ
එබැවින් කවරෙකු අභිමත කරන්නේද ඔහු එය අවධානයට යොමු කරනු ඇත.
فِي صُحُفٍ مُّكَرَّمَةٍ
(එය) ගෞරවය කරනු ලැබූ (දිව්යමය) ලේඛනයන් හි (සටහන් ව තිබුණි.)
مَّرْفُوعَةٍ مُّطَهَّرَةٍ
(එම ලේඛනය) උසස් කරනු ලැබ පවිත්ර කරනු ලැබූවකි.
بِأَيْدِي سَفَرَةٍ
(එය) ලේඛකයින් (වන මලක්වරුන්ගේ) දෑත්හි විය.
كِرَامٍ بَرَرَةٍ
(ඔවුහු) ගෞරවයට පාත්ර වූ යහපත් අයයි.
قُتِلَ الْإِنسَانُ مَا أَكْفَرَهُ
(ප්රතික්ෂේප කළ) මිනිසා ශාප කරනු ලැබීය. ඔහු කෙතරම් ගුණමකු ද?
3මෙය පොදුවේ අල් කුර්ආනයේ පණිවිඩය ප්රතික්ෂේප කරන්නන්ට අදාළ වේ.
مِنْ أَيِّ شَيْءٍ خَلَقَهُ
කුමන දෙයකින් ඔහුව ඔහු(අල්ලාහ්) මැව්වේ ද?
مِن نُّطْفَةٍ خَلَقَهُ فَقَدَّرَهُ
ඔහුව ශුක්රාණුවකින් මවා (මව් කුසෙහි) ඔහුව නිසි අයුරින් සැලසුම් කළේය.
ثُمَّ السَّبِيلَ يَسَّرَهُ
පසුව (මව් කුසෙන් පිටවීමේ) මග ඔහුට පහසු කළේය.
4මෙයින් අදහස් කෙරෙනුයේ මවගේ ගර්භාෂයේ සිට දරුවෙකු ඉතාමත් පටු මාර්ගයකින් මෙලොවට පහසුවෙන් ප්රසූත වීමේ ආශ්චර්යය පිළිබඳවය.
ثُمَّ أَمَاتَهُ فَأَقْبَرَهُ
පසුව ඔහුව මරණයට පත් කළේය. ඉන් පසුව ඔහුව වළ දැමුවේය.
ثُمَّ إِذَا شَاءَ أَنشَرَهُ
පසුව ඔහු(අල්ලාහ්) අභිමත කළ විට ඔහුව යළි නැගිටුවන්නේය.
كَلَّا لَمَّا يَقْضِ مَا أَمَرَهُ
නැත, සැබැවින්ම (අල්ලාහ්) ඔහුට අණ කළ දෑ ඔහු තවමත් ඉටු කළේ නැත.
فَلْيَنظُرِ الْإِنسَانُ إِلَىٰ طَعَامِهِ
එබැවින් මිනිසා තම ආහාරය දෙස අවධානයෙන් බලත්වා!
أَنَّا صَبَبْنَا الْمَاءَ صَبًّا
සැබැවින්ම අපි ජලය අධික වැගිරීමකින් වැගිරෙව්වෙමු.
ثُمَّ شَقَقْنَا الْأَرْضَ شَقًّا
පසුව මිහිතලය (එහි පැළෑටි හට ගැන්වීම පිණිස කුඩා) පැල්මකින් පැළුවෙමු.
فَأَنبَتْنَا فِيهَا حَبًّا
එවිට එහි බීජ හට ගැන්වූයෙමු.
وَعِنَبًا وَقَضْبًا
තවද මිදි හා බෝග වගාවන් ද
وَزَيْتُونًا وَنَخْلًا
ඔලිව් හා ඉඳි ගස් ද
وَحَدَائِقَ غُلْبًا
(ගහ කොළ වලින් පිරුණු) ඝන වතු ද
وَفَاكِهَةً وَأَبًّا
පලතුරු වර්ග හා තෘණ ද (හට ගැන් වූයෙමු).
مَّتَاعًا لَّكُمْ وَلِأَنْعَامِكُمْ
(මේ සියල්ල) නුඹලාට ද නුඹලාගේ පශු කුලයට අයත් සතුන්ට ද භුක්ති විඳීමක් වශයෙනි.
فَإِذَا جَاءَتِ الصَّاخَّةُ
එබැවින් බිහිරි කරවන (භයානක හොරණෑ) හඬ පැමිණි විට
5මෙයින් අදහස් වනුයේ ලොව අවසන් දිනයේ පිඹිනු ලබන හොරණෑ හඬය. එයත් සමගම ව්යසනයන් බොහෝමයක් සිදු වෙයි.
يَوْمَ يَفِرُّ الْمَرْءُ مِنْ أَخِيهِ
එදින මිනිසා තම සහෝදරයාගෙන් පලා යයි.
وَأُمِّهِ وَأَبِيهِ
තවද තම මවගෙන් හා තම පියාගෙන් ද
وَصَاحِبَتِهِ وَبَنِيهِ
තම භාර්යාවගෙන් හා තම දරුවන්ගෙන් ද (පලා යයි.)
لِكُلِّ امْرِئٍ مِّنْهُمْ يَوْمَئِذٍ شَأْنٌ يُغْنِيهِ
එදින ඔවුන් අතුරින් සෑම කෙනෙකුටම ඔහුව (අන් අය පිළිබඳව) සැලකිලිමත් නොකරවන භයානක කරුණක් ඇත.
وُجُوهٌ يَوْمَئِذٍ مُّسْفِرَةٌ
එදින (සමහරුන්ගේ) මුහුණු දීප්තිමත්ව පවතී.
ضَاحِكَةٌ مُّسْتَبْشِرَةٌ
(එම මුහුණු) සිනාමුසුව හා ප්රීතියට පත්ව තිබේ.
وَوُجُوهٌ يَوْمَئِذٍ عَلَيْهَا غَبَرَةٌ
තවත් (සමහරුන්ගේ) මුහුණු එදින ඒවා මත දූවිලිය.
تَرْهَقُهَا قَتَرَةٌ
අඳුර ඒවා වෙළා ගනී.
أُولَـٰئِكَ هُمُ الْكَفَرَةُ الْفَجَرَةُ
ඔවුන්මය පාපතර ප්රතික්ෂේපකයින් වන්නේ.