ن ۚ وَالْقَلَمِ وَمَا يَسْطُرُونَ
නූන්. පෑන මත ද ඔවුන් සටහන් කරන දෑ මත ද දිවුරමින්.
1වැඩි විස්තර සඳහා සූරා අල් බකරා හි 2:1 වැනි පාද සටහන බලන්න.
مَا أَنتَ بِنِعْمَةِ رَبِّكَ بِمَجْنُونٍ
(නබිවරය,) නුඹ නුඹගේ පරමාධිපතිගේ භාග්යය හේතුවෙන් උන්මත්තකයෙකු නොවේ.
2මිථ්යාදෘෂ්ටික අරාබීහු නබි මුහම්මද් තුමාණන් උන්මත්තකයෙකු බව පවසා සිටියහ. එයට පිළිතුරු වශයෙන් අල්ලාහ් පෑන හා ඔවුන් සටහන් කරන දෑ මත දිවුරා ඔහු උන්මත්තකයෙකු නොවන බවට ඔහු මත පහළ වූ අනුශාසනා සියල්ල ඉතා බලවත් සාධකයන් ලෙස ගෙන හැර දක්වා ඇත. කෙසේ නමුත් ඔහු කියවීමට හෝ ලිවීමට හෝ පෑන පිළිබඳව කිසිවක් නොදැන සිටිය දී ඔහු උන්මත්තකයෙකු නම් මෙවැනි අනුශාසනාවක් කිසිවිටෙක සිදු කළ නොහැකිය.
وَإِنَّ لَكَ لَأَجْرًا غَيْرَ مَمْنُونٍ
සැබැවින්ම නුඹට අවසන් නොවන ප්රතිඵලයක් ඇත.
وَإِنَّكَ لَعَلَىٰ خُلُقٍ عَظِيمٍ
තවද සැබැවින්ම නුඹ අතිශ්රේෂ්ඨ ගුණාංගයන් මතය.
فَسَتُبْصِرُ وَيُبْصِرُونَ
නුඹලා අතුරින් කවරෙකු (බුද්ධිමය) ව්යාකූලත්වයේ සිටින්නේ දැ?යි සැබැවින්ම නුඹ මතු දකිනු ඇත. තවද ඔවුන් ද දකිනු ඇත.
بِأَييِّكُمُ الْمَفْتُونُ
නුඹලා අතුරින් කවරෙකු (බුද්ධිමය) ව්යාකූලත්වයේ සිටින්නේ දැ?යි සැබැවින්ම නුඹ මතු දකිනු ඇත. තවද ඔවුන් ද දකිනු ඇත.
إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ
සැබැවින්ම නුඹගේ පරමාධිපති වන ඔහු ඔහුගේ මාර්ගයෙන් නොමග ගිය අය පිළිබඳව මැනවින් දන්නාය. තවද ඔහු යහමග ලැබූ අය ගැන ද මැනවින් දන්නාය.
فَلَا تُطِعِ الْمُكَذِّبِينَ
එබැවින් අසත්යය කරන්නන්ට නුඹ අවනත නොවවු.
وَدُّوا لَوْ تُدْهِنُ فَيُدْهِنُونَ
නුඹ (ඔවුනට) ලිහිලක් දුන්නේ නම්, එවිට ඔවුන් ද නුඹට ලිහිලක් දෙන්නට ප්රිය කරති.
3මෙහි සඳහන් කරනුයේ අතැම් මිථ්යාදෘෂ්ටිකයින්ගේ වැරදි යෝජනාවයි. එනම් මුහම්මද් තුමාණන් තම ප්රචාරය නතර කළේ නම් ඔවුන් ද එතුමාණන්ට එරෙහිව ක්රියාත්මක කරන විරෝධය නතර කරන බවය.
وَلَا تُطِعْ كُلَّ حَلَّافٍ مَّهِينٍ
තවද අධික ලෙස දිවුරන නින්දිත කිසිවෙකුට නුඹ අවනත නොවවු.
هَمَّازٍ مَّشَّاءٍ بِنَمِيمٍ
අධික ලෙස කේලාම් කියන, අධික ලෙස ඕපාදූප කියමින් ඇවිදින,
مَّنَّاعٍ لِّلْخَيْرِ مُعْتَدٍ أَثِيمٍ
අධික ලෙස යහපත වළක්වන, සීමාව ඉක්මවා යන, අධික ලෙස පාපයන් කරන,
عُتُلٍّ بَعْدَ ذَٰلِكَ زَنِيمٍ
දරුණු සිතක් ඇති, එයට අමතරව අපකීර්තියට ලක් වූ (ඔහුට නුඹ අවනත නොවවු).
أَن كَانَ ذَا مَالٍ وَبَنِينَ
ධනය හා පිරිමි දරුවන් හි අයෙකු වූ නිසාවෙන්ම (ඔහුට නුඹ අවනත නොවවු).
إِذَا تُتْلَىٰ عَلَيْهِ آيَاتُنَا قَالَ أَسَاطِيرُ الْأَوَّلِينَ
ඔහු වෙත අපගේ වදන් පාරායනා කරනු ලබන විට ‘(මේවා) පෙර විසූ අයගේ වෘත්තාන්තය’ යැයි ඔහු පවසන්නේය.
سَنَسِمُهُ عَلَى الْخُرْطُومِ
අපි මතුවට ඔහුට හොම්බ මත කැලැලක් ඇති කරන්නෙමු.
411 වන ආයතයේ සිට 16 වැනි ආයතය දක්වා සඳහන් කරනුයේ වලීද් ඉබ්නු මුගයිරා පිළිබඳවය. ඔහු ඇතැම් දුෂ්චරිතයන්ගෙන් ප්රසිද්ධියට පත්ව සිටියේය. අල්ලාහ් මතුවට ඔහුගේ හොම්බ මත කැළලක් ඇති කරන බව හෙළිදරව් කළේය. ඒ අනුව පසු කාලයේ සිදු වූ බද්ර් නම් යුද්ධයේ දී ඔහුගේ නාසයට කඩු පහර වැදී එහි සලකුණ ඔහුගේ මරණය දක්වාම තිබිණ. මෙයින් මෙහි සඳහන් වූ මිනිසා වලීද් ඉබ්නු මුගීරා බව සනාථ විය.
إِنَّا بَلَوْنَاهُمْ كَمَا بَلَوْنَا أَصْحَابَ الْجَنَّةِ إِذْ أَقْسَمُوا لَيَصْرِمُنَّهَا مُصْبِحِينَ
උද්යානයේ හිමිකරුවන් අප පිරික්සුවාක් මෙන් (මක්කා වැසියන් වන) මොවුන්ව ද සැබැවින්ම අපි පිරික්සුවෙමු. “උදෑසන අපි අස්වනු නෙළා ගනිමු”යි ඔවුන් දිවුරා ප්රකාශ කළ කල්හි.
5මෙහි සඳහන් ‘උද්යානයේ වැසියන්’ යනු යෙමන් දේශයේ ‘සනා’ නම් ස්ථානයට සමීපයෙන් පිහිටා ඇති අදටත් පවතින ‘දර්වාන්’ නම් ප්රදේශයේ ජීවත් වූ පිරිසකි. මොවුන්ගේ පියා එක් අවංක මිනිසෙක් විය. තම උද්යානයෙන් ඔහු අස්වනු හා පල නෙළා ගත් විට එයින් විශාල ප්රමාණයක් දුගී දුප්පතුන්ට පිරිනැමුවේය. ඔහුගේ මරණයෙන් පසු ඔහුගේ දරුවන් එයට උරුමකම් පෑවෝය. ඔවුන් තමන් වෙත නැවත නොලැබී යන පරිදි අස්වැන්නෙන් විශාල ප්රමාණයක් දන් දුන් තම පියා නූගතයෙකු යැයි සිතා අස්වනු නෙළන අවස්ථාවේ දී කිසිදු දුගී දුප්පතෙකු උද්යානයට නොපිවිසිය යුතු යැයි තීරණය කළෝය. අල්ලාහ් මහා ගින්නකින් මුළු උද්යානයම විනාශ කළේය. මෙලෙසම මක්කා වැසියන්ව ද අවුරුදු ගණනාවක සාගින්නෙන් අල්ලාහ් පිරික්සුවේය.
وَلَا يَسْتَثْنُونَ
එවිට ඔවුහු (‘ඉන්ෂා අල්ලාහ්’ යැයි පවසමින්) වෙන් කර නොපැවසූහ.
فَطَافَ عَلَيْهَا طَائِفٌ مِّن رَّبِّكَ وَهُمْ نَائِمُونَ
එබැවින් ඔවුන් නිදා සිටියදී එය(උද්යානය) නුඹගේ පරමාධිපතිගෙන් වූ වැටලීමක් වටලා ගත්තේය.
فَأَصْبَحَتْ كَالصَّرِيمِ
එහෙයින් උදෑසනෙහි එය (ඝනඳුර මෙන් කළු පැහැති අළු බවට පත් වී) නෙළන ලද දෑ මෙන් විය.
فَتَنَادَوْا مُصْبِحِينَ
එබැවින් උදෑසන ඇති වූ කල්හි ඔවුහු එකිනෙකා කැඳවා ගත්හ.-
أَنِ اغْدُوا عَلَىٰ حَرْثِكُمْ إِن كُنتُمْ صَارِمِينَ
“නුඹලා අස්වනු නෙළන්නන් වන්නේ නම් උදෑසනින්ම නුඹලාගේ කෙත කරා එවු” යැයි (එකිනෙකා කැඳවා ගත්හ.)
فَانطَلَقُوا وَهُمْ يَتَخَافَتُونَ
“අද දින නුඹලා කෙරෙහි කිසිදු දුගියෙකු එයට ඇතුළු නොවිය යුතු යැ”යි ඔවුන් එකිනෙකා අතර කසුකුසු ගාමින් ගියහ.
أَن لَّا يَدْخُلَنَّهَا الْيَوْمَ عَلَيْكُم مِّسْكِينٌ
“අද දින නුඹලා කෙරෙහි කිසිදු දුගියෙකු එයට ඇතුළු නොවිය යුතු යැ”යි ඔවුන් එකිනෙකා අතර කසුකුසු ගාමින් ගියහ.
وَغَدَوْا عَلَىٰ حَرْدٍ قَادِرِينَ
(දුගියන් වළකාලීමට හා අස්වනු නෙළා ගැනීමට) ශක්තිය ඇත්තවුන් ලෙස බලවත් අධිෂ්ඨානයෙන් යුතුව ඔවුහු උදෑසන පිටත් වී ගියහ.
فَلَمَّا رَأَوْهَا قَالُوا إِنَّا لَضَالُّونَ
නමුත් ඔවුහු එය දුටු විට “සැබැවින්ම අප මංමුළා වී ඇතැ”යි පැවසූහ.
بَلْ نَحْنُ مَحْرُومُونَ
(පසුව ඔවුන් මෙම කෙත තමන්ගේම යැයි වටහා ගත් නමුත් තම අස්වැන්න විනාශ කරනු ලැබ තිබුණි. එබැවින් ඔවුහු) “එසේ නොව, (අස්වැනු නෙළීමෙන්) අප වළකනු ලැබූවන් වූයෙමු” (යැයි පැවසූහ.)
قَالَ أَوْسَطُهُمْ أَلَمْ أَقُل لَّكُمْ لَوْلَا تُسَبِّحُونَ
‘මම නුඹලාට නොකීවෙම් ද? (දැනුදු) නුඹලා අල්ලාහ්ව පිවිතුරු නොකළ යුත්තේ මන් දැ?යි ඔවුන් අතුරින් මධ්යස්ථව කටයුතු කරන්නෙකු පැවසීය.
قَالُوا سُبْحَانَ رَبِّنَا إِنَّا كُنَّا ظَالِمِينَ
“අපගේ පරමාධිපති පිවිතුරුය. සැබැවින්ම අපි අපරාධකාරයින් වූයෙමු” යැයි ඔවුහු පැවසූහ.
فَأَقْبَلَ بَعْضُهُمْ عَلَىٰ بَعْضٍ يَتَلَاوَمُونَ
පසුව ඔවුන් සමහරෙකු තවත් සමහරෙකු කෙරෙහි මුහුණලා සිට දොස් නගන්නෝය.
قَالُوا يَا وَيْلَنَا إِنَّا كُنَّا طَاغِينَ
(අවසානයේ) “අහෝ අපහට වූ විනාශය. සැබැවින්ම අපි සීමාව ඉක්මවූවන් වූයෙමු” යැයි ඔවුහු පැවසූහ.
عَسَىٰ رَبُّنَا أَن يُبْدِلَنَا خَيْرًا مِّنْهَا إِنَّا إِلَىٰ رَبِّنَا رَاغِبُونَ
අපගේ පරමාධිපති ඒ වෙනුවට එයට වඩා යහපතක් අපහට දෙන්නට පුළුවන. සැබැවින්ම අපගේ පරමාධිපති වෙත අපි අපේක්ෂා කරන්නන් වෙමු” (යැයි පැවසූහ.)
6ඉමාම් බගවී විසින් වාර්තා කරන ලද ඇතැම් වාර්තාවන් අනුව ඔවුන් සැබෑ ලෙසින්ම පාප ක්ෂමාවෙහි නිරත වූ විට පෙර තිබූ උද්යානයට වඩා යහපත් උද්යානයක් අල්ලාහ් ඔවුනට ආශිර්වාද කළේය යැයි සඳහන් වී ඇත.
كَذَٰلِكَ الْعَذَابُ ۖ وَلَعَذَابُ الْآخِرَةِ أَكْبَرُ ۚ لَوْ كَانُوا يَعْلَمُونَ
මෙලෙසය (මෙලොව) දඬුවම වන්නේ. තවද මතු ලොව දඬුවම අති මහත්ය. ඔවුන් දැන සිටියේ නම්!
إِنَّ لِلْمُتَّقِينَ عِندَ رَبِّهِمْ جَنَّاتِ النَّعِيمِ
සැබැවින්ම බියභක්තිකයින් හට, ඔවුන්ගේ පරමාධිපති අබියස පරම සොම්නසින් යුත් ස්වර්ගයන් ඇත.
أَفَنَجْعَلُ الْمُسْلِمِينَ كَالْمُجْرِمِينَ
එහෙයින් වැරදි කරන්නන්(ව පත් කළාක්) මෙන් අල්ලාහ්ට අවනතවන්නන්ව අපි පත් කරන්නෙමු ද? (එසේ නොකරන්නෙමු.)
مَا لَكُمْ كَيْفَ تَحْكُمُونَ
නුඹලාට කුමක් වූයේ ද? නුඹලා කෙසේ නම් තීරණය කරන්නෙහු ද?
أَمْ لَكُمْ كِتَابٌ فِيهِ تَدْرُسُونَ
නැතහොත් නුඹලා එහි අධ්යයනය කරන ධර්ම පුස්තකයක් නුඹලා සතුව තිබේ ද?
إِنَّ لَكُمْ فِيهِ لَمَا تَخَيَّرُونَ
නුඹලා තෝරා ගන්නා දෑ සැබැවින්ම නුඹලාට එ(ම විනිශ්චය දිනයෙ)හි හිමි වනු ඇත.
7මිථ්යාදෘෂ්ටිකයින් ‘මරණින් මතු ජීවිතයක් ඇත්නම් තමන් එම ජීවිතයෙහි ද සියලු ගණයේ සැප භුක්ති විඳිනු ඇත’ යැයි ප්රකාශ කරමින් සිටියහ. එම ප්රකාශයට පිළිතුරක් වශයෙන් නුඹලා තෝරා ගන්නා මාර්ගය අනුවම නුඹලාට ප්රතිඵල ලැබෙනු ඇතැ’යි අවවාද කර ඇත.
أَمْ لَكُمْ أَيْمَانٌ عَلَيْنَا بَالِغَةٌ إِلَىٰ يَوْمِ الْقِيَامَةِ ۙ إِنَّ لَكُمْ لَمَا تَحْكُمُونَ
නැතහොත් ‘නුඹලා තීරණය කරන දෑ සැබැවින්ම නුඹලාට හිමිවනු ඇත’ යන්නට (මළවුන්) නැගිටුවනු ලබන දිනය දක්වා පවතින අප සමග වූ ගිවිසුමක් නුඹලා සතුව තිබේ ද?
سَلْهُمْ أَيُّهُم بِذَٰلِكَ زَعِيمٌ
“ඒ කෙරෙහි ඔවුන් අතුරින් වගකීම් දරන්නා කවුරුන් ද” යන්න (නබිවරය,) ඔවුන්ගෙන් විමසවු.
أَمْ لَهُمْ شُرَكَاءُ فَلْيَأْتُوا بِشُرَكَائِهِمْ إِن كَانُوا صَادِقِينَ
නැතහොත් ඔවුනට හවුල්කරුවන් සිටිත් ද? එසේනම් ඔවුන් සත්යවාදීන්ව සිටියේ නම් තමන්ගේ හවුල්කරුවන් කැටුව පැමිණෙත්වා!
يَوْمَ يُكْشَفُ عَن سَاقٍ وَيُدْعَوْنَ إِلَى السُّجُودِ فَلَا يَسْتَطِيعُونَ
“සාක්” නිරාවරණය කරනු ලැබ සුජූද් කිරීම පිණිස ඔවුන්ව කැඳවනු ලබන දින (සිහිපත් කරවු.) ඔවුහු (ඒ සඳහා) හැකියාව නොලබති.-
8“සාක්” නැමැති අරාබි පදයේ පදානුගත අර්ථය “කෙණ්ඩය” යන්නයි. අල් කුර්ආන් විවරණකරුවන් මේ සම්බන්ධව අදහස් දෙකක් පළ කර ඇත. පළමුවැන්න දැඩි ආතතියකින් පසුවන කෙනෙකුට භාවිත කරන අරාබි භාෂා වාග් චාතූර්යය ‘කෙණ්ඩය නිරාවරණය වීම’ යන්නය. මෙයින් අදහස් කරනුයේ මළවුන් නැගිටුවනු ලබන දිනයේ ප්රතික්ෂේපකයින් මුහුණ දෙන භයානක තත්ත්වය නිරූපණය කිරීම පිණිසය. දෙවැන්න අල්ලාහ්ගේ කෙණ්ඩය නිරාවණය වීම යන අදහසයි. එදින ඔහුගේ කෙණ්ඩය ජනයා සුජූද් කරනු පිණිස නිරාවරණය වනු ඇත. එදින හා සම්බන්ධ සිදුවීම බුහාරි හා මුස්ලිම් නම් හදීස් ග්රන්ථයන්හි හදීසයක(නබි වදනක) සඳහන් වී ඇත. එනම් “(මළවුන්) නැගිටුවනු ලබන දින අල්ලාහ් තම කෙණ්ඩය හෙළි කරනු ඇත...” මෙය එක්තරා අල්ලාහ්ගේ විශේෂණයකි. මෙයට යම් කිසි සම්බන්ධකමක් හේතුවෙන් කෙණ්ඩය යනුවෙන් පවසා ඇත. උදාහරණයක් ලෙස බැලූ කල අල් කුර්ආනයෙහි ‘අත’ යන පදය පැමිණ තිබෙන්නාක් මෙන් වේ. මෙවන් අදහස් සහිත දෑට ‘මුතෂාබිහාත්’ (චින්තනයට ගෝචර නොවන(අචින්තෙය්ය) යනුවෙන් පවසනු ලැබේ. ඉහත හදීසය සම්බන්ධයෙහි තවත් මෙසේ සඳහන් වේ. එනම් “(අල්ලාහ්ගේ) එම ප්රභාවය හෙළි වීම දුටු විට විශ්වාසික පිරිමි හා කාන්තාවන් සියල්ල සුජූදයෙහි වැටෙති. එනමුත් ලොවෙහි අන් අයට පෙන්වීම සඳහා හා අන් අයගෙන් ප්රශංසා ලැබීම සදහා සුජූද් කළවුන් එවිට සුජූද් කරන්නට යන විට ඔහුගේ පිට පෙදෙස (සුජූද් කළ නොහැකි අයුරින්) එකම තට්ටුවක් මෙන් පත් වේ.” (උපුටා ගැනීම : මආරිෆුල් කුර්ආන්, කතෘ : මුෆ්තී මුහම්මද් ෂෆීඃ උස්මානී).
خَاشِعَةً أَبْصَارُهُمْ تَرْهَقُهُمْ ذِلَّةٌ ۖ وَقَدْ كَانُوا يُدْعَوْنَ إِلَى السُّجُودِ وَهُمْ سَالِمُونَ
ඔවුන්ගේ බැල්ම පහත හෙළූ තත්ත්වයේ අවමානය ඔවුන් වෙළා ගනු ඇත. සැබැවින්ම ඔවුන් යහපත් තත්ත්වයක සිටිය දී (මෙලොව) සුජූද් කිරීම පිණිස කැඳවනු ලබන්නන්ව සිටියහ.
فَذَرْنِي وَمَن يُكَذِّبُ بِهَـٰذَا الْحَدِيثِ ۖ سَنَسْتَدْرِجُهُم مِّنْ حَيْثُ لَا يَعْلَمُونَ
එබැවින් (නබිවරය,) මේ පුවත (අල් කුර්ආනය) අසත්යය කරන්නන්ව (අල්ලාහ් වන) මා සමග අත්හරිවු. ඔවුන් නොදන්නා පරිදි ඔවුන් පියවරෙන් පියවර (විනාශය කරා) ගෙන යන්නෙමු.
وَأُمْلِي لَهُمْ ۚ إِنَّ كَيْدِي مَتِينٌ
මම ඔවුනට අවකාශය ලබා දෙන්නෙමි. මාගේ සැලැස්ම ඉතා ස්ථිරය.
أَمْ تَسْأَلُهُمْ أَجْرًا فَهُم مِّن مَّغْرَمٍ مُّثْقَلُونَ
නැතහොත් නුඹ ඔවුන්ගෙන් කිිසියම් වේතනයක් ඉල්ලා සිටින්නේ ද? එමගින් ඔවුන් ණයෙන් බරිත වූවෝ ද?
أَمْ عِندَهُمُ الْغَيْبُ فَهُمْ يَكْتُبُونَ
නැතහොත් ගුප්ත(වූ ඥාන)ය ඔවුන් වෙත තිබෙන්නේ ද? ඔවුන් (එය) සටහන් කරන්නෙහු ද?
فَاصْبِرْ لِحُكْمِ رَبِّكَ وَلَا تَكُن كَصَاحِبِ الْحُوتِ إِذْ نَادَىٰ وَهُوَ مَكْظُومٌ
එහෙයින්, නුඹ නුඹගේ පරමාධිපතිගේ විනිශ්චය පිළිබඳව ඉවසිලිමත් වවු. (නබිවරය,) නුඹ මත්ස්යාගේ සගයා (යූනුස්) මෙන් නොවවු. ඔහු (මත්ස්යාගේ කුසෙහි) පීඩාවට පත් වී සිටිය දී ඔහු (අල්ලාහ්ව) ඇමතූ අවස්ථාව සිහිපත් කරවු.
لَّوْلَا أَن تَدَارَكَهُ نِعْمَةٌ مِّن رَّبِّهِ لَنُبِذَ بِالْعَرَاءِ وَهُوَ مَذْمُومٌ
ඔහුගේ පරමාධිපති වෙතින් ඔහු වෙත (නිඃමත්)දායාදයක් පහළ නොවූයේ නම් ඔහු අවමානයට ලක් වූවෙකු ලෙස එළියට විසි කරනු ලබනු ඇත.
فَاجْتَبَاهُ رَبُّهُ فَجَعَلَهُ مِنَ الصَّالِحِينَ
එබැවින් ඔහුගේ පරමාධිපති ඔහුව තෝරා ගත්තේය. තවද ඔහුව දැහැමියන් අතුරින් ඔහු පත් කළේය.