الْحَمْدُ لِلَّهِ فَاطِرِ السَّمَاوَاتِ وَالْأَرْضِ جَاعِلِ الْمَلَائِكَةِ رُسُلًا أُولِي أَجْنِحَةٍ مَّثْنَىٰ وَثُلَاثَ وَرُبَاعَ ۚ يَزِيدُ فِي الْخَلْقِ مَا يَشَاءُ ۚ إِنَّ اللَّهَ عَلَىٰ كُلِّ شَيْءٍ قَدِيرٌ
සියලු පැසසුම් අහස් හා මිහිතලය මුලින් උත්පාදනය කළා වූ ද පියාපත් දෙක බැගින් ද තුන බැගින් ද සතර බැගින් ද වූ මලක්වරුන්ව දූතයන් ලෙස පත් කළා වූ ද අල්ලාහ් සතුය. මැවීම් හි ඔහු අභිමත කළ දෑ අධික කරන්නේය. සැබැවින්ම අල්ලාහ් සියලු දෑ කෙරෙහි අති බලසම්පන්නය.
مَّا يَفْتَحِ اللَّهُ لِلنَّاسِ مِن رَّحْمَةٍ فَلَا مُمْسِكَ لَهَا ۖ وَمَا يُمْسِكْ فَلَا مُرْسِلَ لَهُ مِن بَعْدِهِ ۚ وَهُوَ الْعَزِيزُ الْحَكِيمُ
අල්ලාහ් ජනයින්ට දයාලුභාවය අතුරින් කුමක් විවෘත කරන්නේද එය වළක්වන කිසිදු කෙනෙකු නැත. තවද ඔහු කුමක් වළක්වන්නේද එයට පසු එය (ජනයින් වෙත) මුදා හරින කිසිදු කෙනෙකු නැත. ඔහු අති බලසම්පන්නය සර්ව ප්රඥාවන්තය.
يَا أَيُّهَا النَّاسُ اذْكُرُوا نِعْمَتَ اللَّهِ عَلَيْكُمْ ۚ هَلْ مِنْ خَالِقٍ غَيْرُ اللَّهِ يَرْزُقُكُم مِّنَ السَّمَاءِ وَالْأَرْضِ ۚ لَا إِلَـٰهَ إِلَّا هُوَ ۖ فَأَنَّىٰ تُؤْفَكُونَ
ජනයිනි, නුඹලා කෙරෙහි (දායාද කළ) අල්ලාහ්ගේ භාග්යය සිහිපත් කරවු. අහසින් හා මිහිතලයෙන් නුඹලාට ජීවන සම්පත් ලබා දෙන අල්ලාහ් මිස වෙනත් මැවුම්කරුවෙකු ඇත්ද? ඔහු හැර (නැමදීමට සුදුසු) වෙනත් දෙවියෙකු නොමැත. එබැවින් කෙසේ නම් නුඹලා (ඔහුගෙන් වෙනතකට) හරවනු ලබන්නෙහු ද?
وَإِن يُكَذِّبُوكَ فَقَدْ كُذِّبَتْ رُسُلٌ مِّن قَبْلِكَ ۚ وَإِلَى اللَّهِ تُرْجَعُ الْأُمُورُ
තවද (නබිවරය,) ඔවුන් නුඹව අසත්යය කරන්නේ නම් (එය නව්ය දෙයක් නොවේ. මන්දයත්) සැබැවින්ම නුඹට පෙර ද රසූල්වරුන් අසත්යය කරනු ලැබුවෝය. තවද (සියලු) කරුණු යළි පමුණුවනු ලබන්නේ අල්ලාහ් වෙතමය.
يَا أَيُّهَا النَّاسُ إِنَّ وَعْدَ اللَّهِ حَقٌّ ۖ فَلَا تَغُرَّنَّكُمُ الْحَيَاةُ الدُّنْيَا ۖ وَلَا يَغُرَّنَّكُم بِاللَّهِ الْغَرُورُ
ජනයිනි, සැබැවින්ම අල්ලාහ්ගේ ප්රතිඥාව සත්යයකි. එබැවින් සැබැවින්ම මෙලොව ජීවිතය නුඹලාව නොරැවටිය යුතුය. තවද සැබැවින්ම රවටන්නා(ෂෙයිතාන්) අල්ලාහ් පිළිබඳව නුඹලාව නොරැවටිය යුතුය.
إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوًّا ۚ إِنَّمَا يَدْعُو حِزْبَهُ لِيَكُونُوا مِنْ أَصْحَابِ السَّعِيرِ
සැබැවින්ම ෂෙයිතාන් නුඹලාට සතුරෙකි. එබැවින් නුඹලා ඔහුව සතුරෙකු ලෙසම ගනිවු. සැබැවින්ම ඔහු තම පාක්ෂිකයින්ව කැඳවන්නේම දරුණු (නිරා)ගින්නේ සගයින් අතුරින් වීම පිණිසය.
الَّذِينَ كَفَرُوا لَهُمْ عَذَابٌ شَدِيدٌ ۖ وَالَّذِينَ آمَنُوا وَعَمِلُوا الصَّالِحَاتِ لَهُم مَّغْفِرَةٌ وَأَجْرٌ كَبِيرٌ
කවුරුන් ප්රතික්ෂේප කළේද ඔවුනට දරුණු දඬුවමක් හිමිය. තවද කවුරුන් විශ්වාස කර යහකම් කළේද ඔවුනට පාප ක්ෂමාවක් හා ඉමහත් වේතනයක් හිමිය.
أَفَمَن زُيِّنَ لَهُ سُوءُ عَمَلِهِ فَرَآهُ حَسَنًا ۖ فَإِنَّ اللَّهَ يُضِلُّ مَن يَشَاءُ وَيَهْدِي مَن يَشَاءُ ۖ فَلَا تَذْهَبْ نَفْسُكَ عَلَيْهِمْ حَسَرَاتٍ ۚ إِنَّ اللَّهَ عَلِيمٌ بِمَا يَصْنَعُونَ
කවරෙකුට තම කි්රයාවේ නරකය අලංකාර කරනු ලැබ එය ඔහු අලංකාර ලෙස දකින්නේද ඔහු (අල්ලාහ් යහමග පෙන්වූවන් මෙන් වන්නේ) ද? සැබැවින්ම ඔහු අභිමත කරන අයට නොමඟ යන්නට ඉඩ හරින්නේය. තවද ඔහු අභිමත කරන අයට යහමග පෙන්වන්නේය. එබැවින් (ප්රතික්ෂේපක) ඔවුන් (නොමග යෑම) කෙරෙහි වූ කම්පාවෙන් නුඹගේ ආත්මය විනාශ කර නොගනිවු. සැබැවින්ම ඔවුන් කරන දෑ පිළිබඳව අල්ලාහ් සර්වඥය.
وَاللَّهُ الَّذِي أَرْسَلَ الرِّيَاحَ فَتُثِيرُ سَحَابًا فَسُقْنَاهُ إِلَىٰ بَلَدٍ مَّيِّتٍ فَأَحْيَيْنَا بِهِ الْأَرْضَ بَعْدَ مَوْتِهَا ۚ كَذَٰلِكَ النُّشُورُ
තවද අල්ලාහ්, ඔහුමය සුළං එවනුයේ. පසුව ඒවා (තැනින් තැනට වැසි) වලාකුළු රැගෙන යයි. ඉන් පසුව (වියළී) නැසී ගිය නගරයක් වෙත අපි ඒවා ඇද ගෙන යන්නෙමු. තවද මිහිතලය (වියළී) නැසී ගිය පසු එම( වැසි වලාකුළු ම)ගින් එයට අපි ජීවය ඇති කළෙමු. (විනිශ්චය දින) නැවත නැගිටවනු ලැබීම ද මෙලෙසමය.
مَن كَانَ يُرِيدُ الْعِزَّةَ فَلِلَّهِ الْعِزَّةُ جَمِيعًا ۚ إِلَيْهِ يَصْعَدُ الْكَلِمُ الطَّيِّبُ وَالْعَمَلُ الصَّالِحُ يَرْفَعُهُ ۚ وَالَّذِينَ يَمْكُرُونَ السَّيِّئَاتِ لَهُمْ عَذَابٌ شَدِيدٌ ۖ وَمَكْرُ أُولَـٰئِكَ هُوَ يَبُورُ
කවරෙකු ගෞරවය අපේක්ෂා කරන්නේද ගෞරව සියල්ල අල්ලාහ්ට හිමිය. පිවිතුරු වදන ඔහු වෙතම ඉහළ නැගෙන්නේය. තවද යහ කි්රයාව (ඔහු වෙත) එය(පිවිතුරු වදන) ඔසවන්නේය. තවද කවුරුන් නරක දෑ කුමන්ත්රණය කරන්නේ ද දරුණු දඬුවමක් ඔවුනට හිමිය. ඔවුන්ගේ කුමන්ත්රණය, එය විනාශ වන්නේය.
1‘පිවිතුරු වදන’ යනු ‘ලාඉලාහ ඉල්ලල්ලාහ්’ (නැමදුමට සුදුස්සා අල්ලාහ් හැර අන් කිසිදු දෙවියෙකු නැත.) යන ඒක දේවත්වයේ වදනයි. තවද යහ ක්රියා මගින් එම පිවිතුරු වදන ඔසවනු ලබන්නේය යන්නෙහි අර්ථය, කෙනෙකු මෙම වදන පමණක් පැවසීම තුළින් ස්වර්ගයට ඇතුළු විය නොහැකිය. එනමුත් ඔහු එය පිරිසිදු චේතනාවෙන් පවසා ඒ අනුව යහ ක්රියා කළ යුතුය යන්නයි.
وَاللَّهُ خَلَقَكُم مِّن تُرَابٍ ثُمَّ مِن نُّطْفَةٍ ثُمَّ جَعَلَكُمْ أَزْوَاجًا ۚ وَمَا تَحْمِلُ مِنْ أُنثَىٰ وَلَا تَضَعُ إِلَّا بِعِلْمِهِ ۚ وَمَا يُعَمَّرُ مِن مُّعَمَّرٍ وَلَا يُنقَصُ مِنْ عُمُرِهِ إِلَّا فِي كِتَابٍ ۚ إِنَّ ذَٰلِكَ عَلَى اللَّهِ يَسِيرٌ
තවද අල්ලාහ් නුඹලාව පස් වලින් ද පසුව ශුක්රාණු( බිඳු)වකින් ද මැව්වේය. ඉන් පසුව නුඹලාව ඔහු යුගල ලෙස පත් කළේය. තවද ඔහුගේ දැනුමෙන් මිස කිසිදු ස්ත්රියක් ගැබ් ගන්නේද නැත. ප්රසූත කරන්නේද නැත. ලේඛනයෙහි(ලව්හුල් මහ්ෆූල්හි සටහන් වූවා) මිස කිසිදු වයස්ගත කෙනෙකුට (ඔහුගේ වයසට වඩා) වැඩි වයසක් දෙනු ලබන්නේද නැත. තවද තම වයසින් (කිසිවක්) අඩු කරනු ලබන්නේද නැත. සැබැවින්ම මෙය අල්ලාහ් කෙරෙහි පහසු කටයුත්තකි.
وَمَا يَسْتَوِي الْبَحْرَانِ هَـٰذَا عَذْبٌ فُرَاتٌ سَائِغٌ شَرَابُهُ وَهَـٰذَا مِلْحٌ أُجَاجٌ ۖ وَمِن كُلٍّ تَأْكُلُونَ لَحْمًا طَرِيًّا وَتَسْتَخْرِجُونَ حِلْيَةً تَلْبَسُونَهَا ۖ وَتَرَى الْفُلْكَ فِيهِ مَوَاخِرَ لِتَبْتَغُوا مِن فَضْلِهِ وَلَعَلَّكُمْ تَشْكُرُونَ
තවද මුහුදු දෙක එක සමාන නොවන්නේය. (ඉන් එකක් වන) මෙය මිහිරි මිරිදියයි. එය බීමට උචිතය. තවද (අනෙක වන) මෙය ලවණ (සහිත) කරදියයි. තවද (මේවා) සියල්ලෙන්ම නුඹලා නැවුම් මාංශ(මත්සයින්) අනුභව කරන්නෝය. තවද නුඹලා පලඳින (මුතු වැනි) ආභරණ (ඒ තුළින්) නුඹලා පිට කර ගන්නෝය. තවද ඔහුගේ භාග්යය නුඹලා සොයා ගනු පිණිස එහි නෞකාවන් (ජලය) දෙබෑ කරමින් ගමන් කරන්නක්ව නුඹ දකින්නෙහිය. තවද නුඹලා කෘතවේදී විය හැක්කේය.
2මෙයින් අදහස් කෙරෙන්නේ මිනිසුන් විදෙස් ව්යාපාරය සඳහා නැව් යාත්රා කිරීමය.
يُولِجُ اللَّيْلَ فِي النَّهَارِ وَيُولِجُ النَّهَارَ فِي اللَّيْلِ وَسَخَّرَ الشَّمْسَ وَالْقَمَرَ كُلٌّ يَجْرِي لِأَجَلٍ مُّسَمًّى ۚ ذَٰلِكُمُ اللَّهُ رَبُّكُمْ لَهُ الْمُلْكُ ۚ وَالَّذِينَ تَدْعُونَ مِن دُونِهِ مَا يَمْلِكُونَ مِن قِطْمِيرٍ
ඔහු(අල්ලාහ්) රාත්රිය දහවලෙහි ඇතුළු කරවන්නේය. තවද දහවල රාත්රියෙහි ඇතුළු කරවන්නේය. තවද ඔහු හිරු හා සඳු (තම ආධිපත්යය යටතේ) වසඟ කළේය. (ඉන්) එකිනෙක (එයට) නියම කරනු ලැබූ කාලයක් සඳහා ගමන් කරන්නේය. ඔහුය නුඹලාගේ පරමාධිපති වන අල්ලාහ්. ආධිපත්යය ඔහු සතුය. තවද ඔහු හැර නුඹලා කවුරුන් (දෙවිවරුන් ලෙස) කැඳවන්නේද ඔවුන් (ධාන්ය) සිවියක තරම් හෝ ආධිපත්යයක් නොලබන්නෝය.
إِن تَدْعُوهُمْ لَا يَسْمَعُوا دُعَاءَكُمْ وَلَوْ سَمِعُوا مَا اسْتَجَابُوا لَكُمْ ۖ وَيَوْمَ الْقِيَامَةِ يَكْفُرُونَ بِشِرْكِكُمْ ۚ وَلَا يُنَبِّئُكَ مِثْلُ خَبِيرٍ
නුඹලා ඔවුන්ව(එම දෙවිවරුන්ව) කැඳවූයේ නම් ඔවුහු නුඹලාගේ කැඳවුමට සවන් නොදෙන්නෝය. (එසේ) ඔවුන් සවන් දුන්නේ නම් නුඹලාට ඔවුහු පිළිතුරු නොදෙන්නෝය. තවද (මළවුන්) නැගිටවනු ලබන දින (ලෞකික ජීවිතයෙහි නුඹලා අල්ලාහ්ට කළ) නුඹලාගේ ආදේශයන් ඔවුන්(එම දෙවිවරුන්) ප්රතික්ෂේප කරන්නෝය. තවද (නබිවරය,) අභිඥානවන්තයෙකු (වන අල්ලාහ්) වැනි (වෙනත් කිසිවෙක්) නුඹට (මේ පිළිබඳව) නොදන්වන්නේය.
يَا أَيُّهَا النَّاسُ أَنتُمُ الْفُقَرَاءُ إِلَى اللَّهِ ۖ وَاللَّهُ هُوَ الْغَنِيُّ الْحَمِيدُ
ජනයිනි, නුඹලා අල්ලාහ් වෙත අවශ්යතාව ඇත්තන්ය. තවද අල්ලාහ්, ඔහුමය (කිසිවෙකු වෙත අනවශ්ය වූ) සර්ව සම්පූර්ණ, සර්ව ප්රශංසාලාභී වන්නේ.
إِن يَشَأْ يُذْهِبْكُمْ وَيَأْتِ بِخَلْقٍ جَدِيدٍ
ඔහු අභිමත කළේ නම් නුඹලාව (විනාශ කර) බැහැර කර දමා නව මැවීමක් ගෙන එන්නේය.
وَمَا ذَٰلِكَ عَلَى اللَّهِ بِعَزِيزٍ
තවද මෙය අල්ලාහ් කෙරෙහි අසීරු දැයක් නොවන්නේය.
وَلَا تَزِرُ وَازِرَةٌ وِزْرَ أُخْرَىٰ ۚ وَإِن تَدْعُ مُثْقَلَةٌ إِلَىٰ حِمْلِهَا لَا يُحْمَلْ مِنْهُ شَيْءٌ وَلَوْ كَانَ ذَا قُرْبَىٰ ۗ إِنَّمَا تُنذِرُ الَّذِينَ يَخْشَوْنَ رَبَّهُم بِالْغَيْبِ وَأَقَامُوا الصَّلَاةَ ۚ وَمَن تَزَكَّىٰ فَإِنَّمَا يَتَزَكَّىٰ لِنَفْسِهِ ۚ وَإِلَى اللَّهِ الْمَصِيرُ
තවද (තම පාපයේ) බර උසුලන්නෙකු වෙනකෙනෙකුගේ (පාපයේ) බර නොඋසුලන්නේය. (පාපයේ) බර පටවනු ලැබූවෙකු එය එසවීමට (උදවුකරුවෙකු) කැඳවූයේ නම් (කිසිවෙකු විසින්) එයින් කිසිවක් උසුලනු නොලබන්නේය. ඔහු සමීප ඥාතියෙකු වුවද (කම් නැත). නුඹ අවවාද කර(එය ප්රයෝජන ව)නුයේ ඔවුන්ගේ පරමාධිපතිව නොදකිමින්ම බියවන්නන්ට හා සලාතය ස්ථාපිත කරන්නන්ටමය.තවද කවරෙකු (විශ්වාසය මගින් සිත) පවිත්ර කර ගත්තේද සැබැවින්ම ඔහු පවිත්ර කර ගත්තේ තමන්වමය. තවද අවසානයෙහි යොමු වන ස්ථානය අල්ලාහ් වෙතය.
وَمَا يَسْتَوِي الْأَعْمَىٰ وَالْبَصِيرُ
තවද අන්ධයා හා පෙනුම ඇත්තා සම නොවන්නේය.
وَلَا الظُّلُمَاتُ وَلَا النُّورُ
තවද අඳුර හා ආලෝකය ද
وَلَا الظِّلُّ وَلَا الْحَرُورُ
සෙවණැල්ල හා (සූර්යය) රශ්මිය ද (සම නොවන්නේය.)
وَمَا يَسْتَوِي الْأَحْيَاءُ وَلَا الْأَمْوَاتُ ۚ إِنَّ اللَّهَ يُسْمِعُ مَن يَشَاءُ ۖ وَمَا أَنتَ بِمُسْمِعٍ مَّن فِي الْقُبُورِ
තවද ප්රාණය ඇත්තන් හා මළවුන් ද සම නොවන්නෝය. සැබැවින්ම අල්ලාහ් තමා අභිමත කළවුන්ට ශ්රවණය ඇති කරන්නේය. තවද (නබිවරය,) නුඹ මිනී වළවල් හි සිටින්නන්ට ශ්රවණය ඇති කරන්නෙකු නොවේ.
إِنْ أَنتَ إِلَّا نَذِيرٌ
නුඹ අවවාද කරන්නෙකුව මිස නැත.
إِنَّا أَرْسَلْنَاكَ بِالْحَقِّ بَشِيرًا وَنَذِيرًا ۚ وَإِن مِّنْ أُمَّةٍ إِلَّا خَلَا فِيهَا نَذِيرٌ
(නබිවරය,) සැබැවින්ම අපි නුඹව සත්යය(යහමග) සමග සුබාරංචි පවසන්නෙකු ලෙස ද අවවාද කරන්නෙකු ලෙස ද යැව්වෙමු. තවද කිසිදු ප්රජාවක් නැත. ඔවුන් අතර අවවාද කරන්නෙකු පැමිණ මිස.
وَإِن يُكَذِّبُوكَ فَقَدْ كَذَّبَ الَّذِينَ مِن قَبْلِهِمْ جَاءَتْهُمْ رُسُلُهُم بِالْبَيِّنَاتِ وَبِالزُّبُرِ وَبِالْكِتَابِ الْمُنِيرِ
තවද (නබිවරය,) ඔවුන් නුඹව අසත්යය කරන්නේ නම් (එය නව්ය දෙයක් නොවේ. මන්දයත්) සැබැවින්ම ඔවුන්ට පෙර සිටියවුන් ද (රසූල්වරුන්ව) අසත්යය කළෝය. ඔවුන්ගේ රසූල්වරුන් පැහැදිලි සාධක ද ධර්ම පනත් ද ආලෝකය දෙන්නා වූ ධර්ම පුස්තකය ද රැගෙන ඔවුන් වෙත පැමිණියෝය.
3මෙය තව්රාතය හා ඉන්ජීලය යනුවෙන් සමහර විශාරදයින් අදහස් කර ඇත.
ثُمَّ أَخَذْتُ الَّذِينَ كَفَرُوا ۖ فَكَيْفَ كَانَ نَكِيرِ
පසුව ප්රතික්ෂේප කළවුන්ව මම ග්රහණය කර ගත්තෙමි. එබැවින් (ඔවුනට) මාගේ (දඬුවමින් වූ) නින්දාව කෙසේ වී ද?
أَلَمْ تَرَ أَنَّ اللَّهَ أَنزَلَ مِنَ السَّمَاءِ مَاءً فَأَخْرَجْنَا بِهِ ثَمَرَاتٍ مُّخْتَلِفًا أَلْوَانُهَا ۚ وَمِنَ الْجِبَالِ جُدَدٌ بِيضٌ وَحُمْرٌ مُّخْتَلِفٌ أَلْوَانُهَا وَغَرَابِيبُ سُودٌ
අල්ලාහ් අහසින් (වැසි) ජලය පහළ කිරීම නුඹ නුදුටුවෙහිද? පසුව එමගින් එහි වර්ණයන් විවිධාකාර වූ පලතුරු අපි පිට කළෙමු. තවද කඳු අතුරින් සුදු හා රතු පැහැති විවිධ වර්ණ වලින් යුත් මාර්ගයන් ඇත. තවද (අනෙක් ඒවාහි) සම්පූර්ණ කළු පැහැති (මාර්ග) ද ඇත.
وَمِنَ النَّاسِ وَالدَّوَابِّ وَالْأَنْعَامِ مُخْتَلِفٌ أَلْوَانُهُ كَذَٰلِكَ ۗ إِنَّمَا يَخْشَى اللَّهَ مِنْ عِبَادِهِ الْعُلَمَاءُ ۗ إِنَّ اللَّهَ عَزِيزٌ غَفُورٌ
තවද මිනිසුන් අතුරින් ද සත්වයින් අතුරින් ද පශු කුලයට අයත් සතුන් අතුරින් ද එලෙසම එහි වර්ණයන් විවිධාකාරයෙන් යුක්තය. සැබැවින්ම අල්ලාහ්ට ඔහුගේ ගැත්තන් අතුරින් බියවන්නේ ආලිම්වරුන්( වන දැනුම ඇත්තන්)මය. සැබැවින්ම අල්ලාහ් අති බලසම්පන්නය අති ක්ෂමාශීලීය.
إِنَّ الَّذِينَ يَتْلُونَ كِتَابَ اللَّهِ وَأَقَامُوا الصَّلَاةَ وَأَنفَقُوا مِمَّا رَزَقْنَاهُمْ سِرًّا وَعَلَانِيَةً يَرْجُونَ تِجَارَةً لَّن تَبُورَ
සැබැවින්ම අල්ලාහ්ගේ ධර්ම පුස්තකය(අල් කුර්ආනය) පාරායනා කරන්නන් ද සලාතය ස්ථාපිත කළවුන් ද ඔවුනට අප දුන් දැයින් රහසිගතව හා ප්රසිද්ධියේ (අල්ලාහ්ගේ මාර්ගයෙහි) වියදම් කළවුන් ද කිසිවිටක විනාශ නොවන ව්යාපාරයක්(ස්වර්ගය) බලාපොරොත්තු වන්නෝය.
لِيُوَفِّيَهُمْ أُجُورَهُمْ وَيَزِيدَهُم مِّن فَضْلِهِ ۚ إِنَّهُ غَفُورٌ شَكُورٌ
(එසේ ඔවුන් කරනුයේ) (මතුලොවෙහි) ඔවුන්ගේ වේතනයන් ඔවුන්ට පරිපූර්ණ කරනු පිණිස ද ඔහුගේ(අල්ලාහ්ගේ) වරප්රසාදය අධික කරනු පිණිස ද වේ. සැබැවින්ම ඔහු අති ක්ෂමාශීලීය තුතිය අගය කර( ප්රතිඵල දෙ)න්නාය.
وَالَّذِي أَوْحَيْنَا إِلَيْكَ مِنَ الْكِتَابِ هُوَ الْحَقُّ مُصَدِّقًا لِّمَا بَيْنَ يَدَيْهِ ۗ إِنَّ اللَّهَ بِعِبَادِهِ لَخَبِيرٌ بَصِيرٌ
(නබිවරය,) ධර්ම පුස්තකයෙන් අපි නුඹ වෙත කුමක් දේව පණිවිඩ ලෙස පහළ කළෙමුද එ(ම අල් කුර්ආන)යමය එයට පෙර ඇති දෑ සත්යය කරවන සත්යය වන්නේ. සැබැවින්ම අල්ලාහ් තම ගැත්තන් පිළිබඳව අභිඥානවන්තය. සර්ව සුපරික්ෂාකාරීය.
ثُمَّ أَوْرَثْنَا الْكِتَابَ الَّذِينَ اصْطَفَيْنَا مِنْ عِبَادِنَا ۖ فَمِنْهُمْ ظَالِمٌ لِّنَفْسِهِ وَمِنْهُم مُّقْتَصِدٌ وَمِنْهُمْ سَابِقٌ بِالْخَيْرَاتِ بِإِذْنِ اللَّهِ ۚ ذَٰلِكَ هُوَ الْفَضْلُ الْكَبِيرُ
පසුව අපගේ ගැත්තන් අතුරින් අප තෝරා ගත් අයට(නුඹගේ ප්රජාවට) ධර්ම පුස්තකය(අල් කුර්ආනය) අපි උරුම කර දුන්නෙමු. තවද ඔවුන් අතුරින් තමන්ටම අපරාධ කර ගත්තවුන් වෙති. තවද ඔවුන් අතුරින් මධ්යස්ථයින් ද වෙති. තවද ඔවුන් අතුරින් අල්ලාහ්ගේ අනුමැතියෙන් යහ දෑ හි පෙරටු වූවන් ද වෙති. මෙයමය ඉමහත් වරප්රසාදය වන්නේ.
4අල් කුර්ආනය පිළිපැදීම විෂයෙහි මිනිසුන්ගේ මූලික වර්ග තුනක් මෙහි සඳහන් වී ඇත. ‘තමන්ටම අපරාධ කර ගත්තවුන්’ යනුවෙන් අදහස් කරන්නේ අල් කුර්ආනය ප්රතික්ෂේප කළවුන්ය. ‘මධ්යස්ථයින්’ යනු ඔහු අල්ලාහ්ව විශ්වාස කළ ද ඇතැම් අවස්ථාවන්හි පාපයන්හි නියැළෙන්නාය. ‘යහ දෑ හි පෙරටු වූවන්’ යනු තම ජීවිතයේ සියලු අවස්ථාවන්හි අල්ලාහ්ගේ අණ සිහියෙහි තබා ගෙන ඒ අනුව ජීවත් වීමට උත්සාහ දරන්නන්ය.
جَنَّاتُ عَدْنٍ يَدْخُلُونَهَا يُحَلَّوْنَ فِيهَا مِنْ أَسَاوِرَ مِن ذَهَبٍ وَلُؤْلُؤًا ۖ وَلِبَاسُهُمْ فِيهَا حَرِيرٌ
ඔවුන් එහි ඇතුලු වන සදාතනික (ස්වර්ග) උයන් (ඔවුනට) ඇත. රනින් වූ වළලු වලින් ද මුතු ද ඔවුනට එහි පලඳවනු ලැබේ. තවද එහි ඔවුන්ගේ වස්ත්රය සේද(වලින් යුක්ත)ය.
وَقَالُوا الْحَمْدُ لِلَّهِ الَّذِي أَذْهَبَ عَنَّا الْحَزَنَ ۖ إِنَّ رَبَّنَا لَغَفُورٌ شَكُورٌ
තවද ඔවුහු (මෙසේ) පවසති “අපගෙන් (සියලු) දුක ඉවත් කළා වූ අල්ලාහ්ටම සියලු පැසසුම් හිමිය. සැබැවින්ම අපගේ පරමාධිපති අති ක්ෂමාශීලීය තුතිය අගය කර( ප්රතිඵල දෙ)න්නාය.
الَّذِي أَحَلَّنَا دَارَ الْمُقَامَةِ مِن فَضْلِهِ لَا يَمَسُّنَا فِيهَا نَصَبٌ وَلَا يَمَسُّنَا فِيهَا لُغُوبٌ
ඔහු තම දායාදයෙන් අපව සදාතනික නිවසෙහි(ස්වර්ගයෙහි) ගෘහස්ථ කළේය. එහි (කිසිදු ශරීර) වෙහෙසක් අපව ස්පර්ශ නොකරන්නේය. තවද එහි (කිසිදු) කාන්සියක් අපව ස්පර්ශ නොකරන්නේය.”
وَالَّذِينَ كَفَرُوا لَهُمْ نَارُ جَهَنَّمَ لَا يُقْضَىٰ عَلَيْهِمْ فَيَمُوتُوا وَلَا يُخَفَّفُ عَنْهُم مِّنْ عَذَابِهَا ۚ كَذَٰلِكَ نَجْزِي كُلَّ كَفُورٍ
තවද ප්රතික්ෂේප කළවුන්, නිරා ගින්න ඔවුනට ඇත. (එහි මරණය) ඔවුන් කෙරෙහි තීන්දු නොකරනු ලබන්නේ(ම)ය. එබැවින් ඔවුහු මරණයට පත් නොවන්නෝය. එහි දඬුවමින් කිසිවක් ඔවුන්ගෙන් සැහැල්ලු කරනු නොලැබේ. ප්රතික්ෂේපකයින් සියල්ලන්ට අප ප්රතිවිපාක දෙනුයේ මෙලෙසය.
وَهُمْ يَصْطَرِخُونَ فِيهَا رَبَّنَا أَخْرِجْنَا نَعْمَلْ صَالِحًا غَيْرَ الَّذِي كُنَّا نَعْمَلُ ۚ أَوَلَمْ نُعَمِّرْكُم مَّا يَتَذَكَّرُ فِيهِ مَن تَذَكَّرَ وَجَاءَكُمُ النَّذِيرُ ۖ فَذُوقُوا فَمَا لِلظَّالِمِينَ مِن نَّصِيرٍ
තවද එ(ම නිරයෙ)හි ඔවුහු “අපගේ පරමාධිපතියාණනි, අපව (මෙයින්) බැහැර කරවු. අපි (මීට පෙර) කරමින් සිටි (නරක) දෑ නොව යහ කි්රයාවන් කරන්නෙමු.” යැයි උදවු පතමින් හඬා වැලපෙන්නෝය. (එවිට අල්ලාහ්) “උපදෙස් ලබන්නා එ(ම ලෞකික ජීවිතයෙ)හි උපදෙස් ලබනු පිණිස අප නුඹලාට (එහි) ආයුෂ කාලයක් නොදුන්නෙමුද? තවද (ඊට අමතරව) අවවාද කරන්නෙකු නුඹලා වෙත පැමිණියේය. එබැවින් නුඹලා (මෙම දඬුවම) රස විඳිවු. (මන්දයත්) අපරාධකරුවන්ට උදව්කරුවන් කිසිවෙකු නැත.” (යැයි පවසන්නේය.)
إِنَّ اللَّهَ عَالِمُ غَيْبِ السَّمَاوَاتِ وَالْأَرْضِ ۚ إِنَّهُ عَلِيمٌ بِذَاتِ الصُّدُورِ
සැබැවින්ම අල්ලාහ් අහස් හා මිහිතලයේ ඇති ගුප්ත දෑ (පිළිබඳව) දන්නාය. සැබැවින්ම ඔහු සිත් තුළ ඇති දෑ පිළිබඳව සර්වඥය.
هُوَ الَّذِي جَعَلَكُمْ خَلَائِفَ فِي الْأَرْضِ ۚ فَمَن كَفَرَ فَعَلَيْهِ كُفْرُهُ ۖ وَلَا يَزِيدُ الْكَافِرِينَ كُفْرُهُمْ عِندَ رَبِّهِمْ إِلَّا مَقْتًا ۖ وَلَا يَزِيدُ الْكَافِرِينَ كُفْرُهُمْ إِلَّا خَسَارًا
නුඹලාව මිහිතලයෙහි (පැවරූ බලතල ක්රියා කරන) නියෝජිතයන් බවට පත් කළේ ඔහුමය. එබැවින් කවරෙකු ප්රතික්ෂේප කළේද ඔහුගේ ප්රතික්ෂේපය (සඳහා වූ පලවිපාක) ඔහු කෙරෙහිමය. තවද ප්රතික්ෂේපකයින්ට ඔවුන්ගේ ප්රතික්ෂේපය ඔවුන්ගේ පරමාධිපති අබියස ප්රකෝපයක් මිස (අන් කිසිවක්) අධික නොකරයි. තවද ප්රතික්ෂේපකයින්ට ඔවුන්ගේ ප්රතික්ෂේපය අලාභයක් මිස (අන් කිසිවක්) අධික නොකරයි.
قُلْ أَرَأَيْتُمْ شُرَكَاءَكُمُ الَّذِينَ تَدْعُونَ مِن دُونِ اللَّهِ أَرُونِي مَاذَا خَلَقُوا مِنَ الْأَرْضِ أَمْ لَهُمْ شِرْكٌ فِي السَّمَاوَاتِ أَمْ آتَيْنَاهُمْ كِتَابًا فَهُمْ عَلَىٰ بَيِّنَتٍ مِّنْهُ ۚ بَلْ إِن يَعِدُ الظَّالِمُونَ بَعْضُهُم بَعْضًا إِلَّا غُرُورًا
(නබිවරය,) “අල්ලාහ් හැර නුඹලා ඇයැදින්නා වූ නුඹලා( ආදේශ කළ අල්ලාහ්)ගේ හවුල්කරුවන්ව නුඹලා අවධානය කළෙහු ද? මිහිතලයෙන් ඔවුන් මැව්වේ කුමක් දැ’යි මා හට නුඹලා පෙන්වවු. නැතහොත් අහස් (නිර්මාණය කිරීමෙ)හි ඔවුනට කොටසක් හිමිද? නැතහොත් (මොවුන් හවුල්කරුවන් යැයි පැහැදිලි කරන) ධර්ම පුස්තකයක් අපි (ප්රතික්ෂේපක) ඔවුන්ට දී එවිට ඔවුන් එයින් පැහැදිලි සාධකයක් මත සිටින්නේදැ?”යි විමසවු. නොඑසේය අපරාධකරුවන්, ඔවුන්ගෙන් ඇතැමුන්(ප්රධානීන්) ඇතැමුන්ට(ඔවුන්ගේ පිරිසට) රැවටිල්ලක් මිස (කිසිවක්) ප්රතිඥා නොකළෝය.
إِنَّ اللَّهَ يُمْسِكُ السَّمَاوَاتِ وَالْأَرْضَ أَن تَزُولَا ۚ وَلَئِن زَالَتَا إِنْ أَمْسَكَهُمَا مِنْ أَحَدٍ مِّن بَعْدِهِ ۚ إِنَّهُ كَانَ حَلِيمًا غَفُورًا
සැබැවින්ම අල්ලාහ් අහස් හා මිහිතලය (එහි ස්ථානයන්ගෙන්) නික්ම වීමෙන් වළක්වන්නේය. ඒදෙක නික්ම වූයේ නම් ඔහුගෙන් පසුව කිසිවෙකුට ඒදෙක වැළැක්විය නොහැක. සැබැවින්ම ඔහු දැඩි ඉවසිලිවන්ත, අති ක්ෂමාශීලී විය.
وَأَقْسَمُوا بِاللَّهِ جَهْدَ أَيْمَانِهِمْ لَئِن جَاءَهُمْ نَذِيرٌ لَّيَكُونُنَّ أَهْدَىٰ مِنْ إِحْدَى الْأُمَمِ ۖ فَلَمَّا جَاءَهُمْ نَذِيرٌ مَّا زَادَهُمْ إِلَّا نُفُورًا
තවද (ප්රතික්ෂේපක) ඔවුන් වෙත අවවාද කරන්නෙකු පැමිණියේ නම් සැබැවින්ම තමන් (පෙර පැමිණි) ප්රජාවන්ගෙන් (ඕනෑම) එකකට වඩා ඉතා යහමග ලැබූවන් වන්නෝ යැයි ඔවුන්ගේ ප්රබල දිවුරුම් වලින් ඔවුහු අල්ලාහ් මත දිවුරුවෝය. එහෙත් ඔවුන් වෙත අවවාද කරන්නෙකු පැමිණි කල්හි (ඔහුගේ එම පැමිණීම) ඔවුනට (යහමගින් දුරස් වී) පලායෑම මිස වෙන කිසිවක් අධික නොකළේය.
اسْتِكْبَارًا فِي الْأَرْضِ وَمَكْرَ السَّيِّئِ ۚ وَلَا يَحِيقُ الْمَكْرُ السَّيِّئُ إِلَّا بِأَهْلِهِ ۚ فَهَلْ يَنظُرُونَ إِلَّا سُنَّتَ الْأَوَّلِينَ ۚ فَلَن تَجِدَ لِسُنَّتِ اللَّهِ تَبْدِيلًا ۖ وَلَن تَجِدَ لِسُنَّتِ اللَّهِ تَحْوِيلًا
(මෙසේ ඔවුන් පලා ගියේ) මිහිතලයෙහි උඩඟුකම් පෑ හේතුවෙන් ද අයහ කුමන්ත්රණ කළ හේතුවෙන් ද වේ. තවද අයහ කුමන්ත්රණය, එය කළවුන් මිස (වෙනත් කිසිවෙකු) වෙළා නොගනී. එබැවින් පෙර වූවන්ගේ (විෂයෙහි වූ) පිළිවෙත(දඬුවම) මිස (වෙනකක්) ඔවුන් බලාපොරොත්තු වන්නේද? එබැවින් නුඹ අල්ලාහ්ගේ පිළිවෙතෙහි(දඬුවමෙහි) කිසිදු වෙනස් කිරීමක් නොදකින්නේමය. තවද නුඹ අල්ලාහ්ගේ පිළිවෙතෙහි(දඬුවමෙහි) කිසිදු හැරවීමක් නොදකින්නේමය.
أَوَلَمْ يَسِيرُوا فِي الْأَرْضِ فَيَنظُرُوا كَيْفَ كَانَ عَاقِبَةُ الَّذِينَ مِن قَبْلِهِمْ وَكَانُوا أَشَدَّ مِنْهُمْ قُوَّةً ۚ وَمَا كَانَ اللَّهُ لِيُعْجِزَهُ مِن شَيْءٍ فِي السَّمَاوَاتِ وَلَا فِي الْأَرْضِ ۚ إِنَّهُ كَانَ عَلِيمًا قَدِيرًا
ඔවුන් මිහිතලයෙහි ගමන් කර ඔවුනට පෙර විසූවන්ගේ අවසානය කෙසේ වූයේ දැ’යි නොදුටුවේ ද? තවද (පෙර වූ) ඔවුන් මොවුන්ට වඩා ශක්තියෙන් දැඩි වූවන් වූහ. (මොවුන්ගේ විෂයෙහි) අහස්හි හා මිහිතලයෙහි කිසිවකින් තමාව නොහැකියාවට පත් කරන්නක් ලෙස අල්ලාහ් වූයේ නැත. සැබැවින්ම ඔහු සර්වඥ අති බලසම්පන්න විය.
5වැඩි විස්තර සඳහා අල් කුර්ආන් 40:21 ආයතයේ පාද සටහන බලන්න.
وَلَوْ يُؤَاخِذُ اللَّهُ النَّاسَ بِمَا كَسَبُوا مَا تَرَكَ عَلَىٰ ظَهْرِهَا مِن دَابَّةٍ وَلَـٰكِن يُؤَخِّرُهُمْ إِلَىٰ أَجَلٍ مُّسَمًّى ۖ فَإِذَا جَاءَ أَجَلُهُمْ فَإِنَّ اللَّهَ كَانَ بِعِبَادِهِ بَصِيرًا
තවද අල්ලාහ් ජනයාව ඔවුන් (පාපයන්ගෙන්) ඉපැයූ දෑ සඳහා ග්රහණය කරන්නේ නම් එහි(මිහිතලය) මතුපිට කිසිදු ජීවියෙකු (ජීවත් වීමට) අත හැර නොදමනු ඇත. එනමුත් නියමිත කාලයක් දක්වා (දඬුවම් නොකර) ඔහු ඔවුන්ව ප්රමාද කරන්නේය. පසුව ඔවුන්ගේ කාලය පැමිණි විට (ඔහු දඬුවම් කරන්නේය.) සැබැවින්ම අල්ලාහ් තම ගැත්තන් පිළිබඳව සර්ව සුපරික්ෂාකාරී විය.