الم
අලිෆ්,ලාම්,මීම්.
11 ) මෙහි වැඩි විස්තර සඳහා අල් කුර්ආන් 2:1 හි පාද සටහන බලන්න.
تَنزِيلُ الْكِتَابِ لَا رَيْبَ فِيهِ مِن رَّبِّ الْعَالَمِينَ
(මෙම) ධර්ම පුස්තකය පහළ කිරීම එහි කිසිදු සැකයක් නොමැතිව විශ්වයන්ගේ පරමාධිපතිගෙන් වූවකි.
أَمْ يَقُولُونَ افْتَرَاهُ ۚ بَلْ هُوَ الْحَقُّ مِن رَّبِّكَ لِتُنذِرَ قَوْمًا مَّا أَتَاهُم مِّن نَّذِيرٍ مِّن قَبْلِكَ لَعَلَّهُمْ يَهْتَدُونَ
එහෙත් ‘ඔහු(මුහම්මද්) එය ගෙතුවේ’ යැයි (ප්රතික්ෂේපක) ඔවුහු පවසන්නෝ ද? (එසේ) නැත. නුඹට පෙර කිසිදු අවවාදකරන්නෙකු නොපැමිණි පිරිසකට නුඹ අවවාද කරනු පිණිස මෙය නුඹගේ පරමාධිපතිගෙන් වූ සත්යයකි. (එමගින්) ඔවුන් යහමග ලැබිය හැකිය.
اللَّهُ الَّذِي خَلَقَ السَّمَاوَاتِ وَالْأَرْضَ وَمَا بَيْنَهُمَا فِي سِتَّةِ أَيَّامٍ ثُمَّ اسْتَوَىٰ عَلَى الْعَرْشِ ۖ مَا لَكُم مِّن دُونِهِ مِن وَلِيٍّ وَلَا شَفِيعٍ ۚ أَفَلَا تَتَذَكَّرُونَ
අල්ලාහ්, ඔහුමය අහස් හා මිහිතලය ද ඒ දෙක අතර ඇති දෑ ද දින සයකින් මැව්වේ. පසුව ඔහු අර්ෂය මත (ඔහුගේ ගෞරවයට සුදුසු අයුරින්) “ඉස්තිවා” විය. ඔහු හැර කිසිදු භාරකරුවෙකු හෝ (නුඹලා වෙනුවෙන්) ඇයැද සිටින්නෙකු හෝ නුඹලාට නොමැත. (ඒ පිළිබඳව) නුඹලා සිහිපත් නොකරන්නෙහු ද?
2වැඩි විස්තර සඳහා අල් කුර්ආන් 7:54 හි පාද සටහන බලන්න.
يُدَبِّرُ الْأَمْرَ مِنَ السَّمَاءِ إِلَى الْأَرْضِ ثُمَّ يَعْرُجُ إِلَيْهِ فِي يَوْمٍ كَانَ مِقْدَارُهُ أَلْفَ سَنَةٍ مِّمَّا تَعُدُّونَ
ඔහු අහසේ සිට මිහිතලය දක්වා (සෑම) කරුණ(ක්ම) සැලසුම් කරන්නේය. පසුව (ලොවෙහි) නුඹලා ගණනය කරන දෑ අනුව අවුරුදු දහසක තරම් (දීර්ඝ) වන (එක්) දිනක එය (එනම් සැලසුම් කරන ලද එම කරුණු) ඔහු වෙත නැගී යන්නේය.
33 ) අහස් හා පොළොව පාලනය කිරීම සඳහා අල්ලාහ්ට හවුල්කරුවන් සිටින බව බහු දේවවාදීන් විශ්වාස කළෝය. මෙම වැකියෙන් පෙන්නුම් කරන්නේ අල්ලාහ්ට එසේ කිසි අවශ්යතාවක් නොමැති බවයි.
44 ) මෙහි සඳහන් වී ඇති දින ගනනෙහි විවරණය අල් කුර්ආන් 70:4 හි පාද සටහනෙහි සඳහන් වී ඇත. තවද මෙහි “ඔහු වෙත නැගී යන්නේය” යනු සියලු කරුණු විනිශ්චය දිනයෙහි දී නැවත අල්ලාහ් වෙත යොමු වන්නේය යන අදහසයි.
ذَٰلِكَ عَالِمُ الْغَيْبِ وَالشَّهَادَةِ الْعَزِيزُ الرَّحِيمُ
ඔහු අදෘශ්යමාන දෑ හා දෘශ්යමාන දෑ දන්නාය. අති බලසම්පන්නය පරම කරුණාභරිතය.
الَّذِي أَحْسَنَ كُلَّ شَيْءٍ خَلَقَهُ ۖ وَبَدَأَ خَلْقَ الْإِنسَانِ مِن طِينٍ
ඔහු තමන් මැවූ සියල්ල අලංකාරමත් කළේය. තවද ඔහු මිනිසාගේ(ආදම්ගේ) මැවීම (පෙර නිදසුනකින් තොරව) මැටියෙන් උත්පාදනය කළේය.
ثُمَّ جَعَلَ نَسْلَهُ مِن سُلَالَةٍ مِّن مَّاءٍ مَّهِينٍ
පසුව තුච්ඡ ජලයෙන් යුත් සාරයකින්(ශුක්රාණු බිදුවෙන්) ඔහුගේ(ආදම්ග) පරපුර (වන මිනිස් සමූහයාව) ඔහු ඇති කළේය.
ثُمَّ سَوَّاهُ وَنَفَخَ فِيهِ مِن رُّوحِهِ ۖ وَجَعَلَ لَكُمُ السَّمْعَ وَالْأَبْصَارَ وَالْأَفْئِدَةَ ۚ قَلِيلًا مَّا تَشْكُرُونَ
පසුව ඔහු(අල්ලාහ්) ඔහුව නිසි අයුරින් හැඩ ගන්වා ඔහු(ආදම්) තුළ තම ‘රූහ’යෙන් පිඹුවේය. තවද ඔහු නුඹලාට ශ්රවණ ද දෘෂ්ටි ද හදවත් ද ඇති කළේය. (නමුත්) ඉතා ස්වල්පයකි නුඹලා කෘතවේදි වනුයේ.
5වැඩි විස්තර සඳහා අල් කුර්ආන් 15:29 හි පාද සටහන බලන්න.
وَقَالُوا أَإِذَا ضَلَلْنَا فِي الْأَرْضِ أَإِنَّا لَفِي خَلْقٍ جَدِيدٍ ۚ بَلْ هُم بِلِقَاءِ رَبِّهِمْ كَافِرُونَ
“මිහිතලයේ අපි (මරණයට පත් වී) නැති වී ගිය පසු සැබැවින්ම අපි (නැවත) නව මැවුමක (නැගිට) වන්නෙමු දැ?”යි ඔවුහු විමසුවෝය. එහෙත් (ඇත්තෙන්ම) ඔවුහු තම පරමාධිපතිගේ හමුවීම ප්රතික්ෂේප කරන්නන් වූහ.
قُلْ يَتَوَفَّاكُم مَّلَكُ الْمَوْتِ الَّذِي وُكِّلَ بِكُمْ ثُمَّ إِلَىٰ رَبِّكُمْ تُرْجَعُونَ
(නබිවරය,) නුඹලා කෙරෙහි පවරන ලද මරණයට භාර මලක්වරයා නුඹලාව මරණයට පත් කරන්නේය. පසුව නුඹලාගේ පරමාධිපති වෙත නුඹලා නැවත යොමු කරනු ලබන්නෙහුය.” යැයි පවසවු.
وَلَوْ تَرَىٰ إِذِ الْمُجْرِمُونَ نَاكِسُو رُءُوسِهِمْ عِندَ رَبِّهِمْ رَبَّنَا أَبْصَرْنَا وَسَمِعْنَا فَارْجِعْنَا نَعْمَلْ صَالِحًا إِنَّا مُوقِنُونَ
වරදකරුවන් තම පරමාධිපති අබියස “අපගේ පරමාධිපතියාණනි, අපි (සත්යය) දුටුවෙමු. තවද අපි (සත්යය) ඇසුවෙමු. එබැවින් අපව (ලොවට) නැවත යවනු මැනව. අපි යහකම් කරන්නෙමු. සැබැවින්ම අපි තරයේ විශ්වාස කරන්නන් වන්නෙමු” යැයි (පවසමින්) තම හිස් නමා සිටින අවස්ථාවෙහි නුඹ (ඔවුන්ව) දුටුවේ නම් (පහත් දැයක් ලෙස එය නුඹ දැක ගනු ඇත.)
وَلَوْ شِئْنَا لَآتَيْنَا كُلَّ نَفْسٍ هُدَاهَا وَلَـٰكِنْ حَقَّ الْقَوْلُ مِنِّي لَأَمْلَأَنَّ جَهَنَّمَ مِنَ الْجِنَّةِ وَالنَّاسِ أَجْمَعِينَ
අප අභිමත කළේ නම් සෑම ආත්මයකටම එහි යහ මග පිරිනමන්නට තිබුණි. නමුත් “(පාපතර) මිනිසුන් හා ජින්වරුන් සියල්ලන්ගෙන් මම නිරය පුරවන්නෙමි” යන මාගෙන් වූ වදන ස්ථිර විය.
66 ) මෙයින් සංඥා කරන්නේ නබි ආදම් තුමාණන්ව අල්ලාහ් මවා ඔහුට සුජූද් කරන මෙන් සියල්ලන්ට අණ කළ විට එය ෂෙයිතාන් ප්රතික්ෂේප කළ අවස්ථාවෙහි අල්ලාහ් ෂෙයිතාන්ට කී වදනයි. එය අල් කුර්ආන් 38:85 හි මෙසේ සඳහන් වී ඇත. “සැබැවින්ම නුඹගෙන් ද ඔවුන් අතුරින් නුඹව අනුගමනය කරන සියලු දෙනාගෙන් ද මම නිරය පුරවන්නෙමි.” එනම් අල්ලාහ්ට සියලු මිනිසුන්ව ඔහුට බලෙන් හෝ අවනත කරවීමේ ශක්තිය තිබුණ ද ඔහු එසේ නොකළේ මිනිසාට අවනත වීම හෝ අකීකරු වීම යන කරුණු දෙක අතුරින් එකක් තෝරා ගැනීමේ සිය කැමැත්ත පිරිනමා ඇති නිසාය. තවද අල්ලාහ් විසින් මිනිසාව බලෙන් අවනත කරවීමට සැලැස් වූයේ නම් පිරිසිදු ගැත්තන් තෝරා ගැනීම යන මෙලොව නිර්මාණයේ අරමුණ බැහැර වනු ඇත.
فَذُوقُوا بِمَا نَسِيتُمْ لِقَاءَ يَوْمِكُمْ هَـٰذَا إِنَّا نَسِينَاكُمْ ۖ وَذُوقُوا عَذَابَ الْخُلْدِ بِمَا كُنتُمْ تَعْمَلُونَ
නුඹලාගේ මෙදින මුණගැසීම නුඹලා අමතක කළ හේතුවෙන් නුඹලා (දැන් දඬුවම) රස විඳිවු. (අද දින) සැබැවින්ම අප ද නුඹලාව අතහැර දැමුවෙමු. තවද නුඹලා කරමින් සිටි දෑ හේතුවෙන් සදාතනික දඬුවම රස විඳිවු. (යැයි ඔවුනට පවසනු ලැබේ.)
7“මුණගැසීම නුඹලා අමතක කළ හේතුවෙන්” යනු ප්රතික්ෂේපකයින් අල්ලාහ්ට අවනත නොවී ලොව අවසන් විනිශ්චය දින පිළිබඳව විශ්වාස නොකොට අල්ලාහ්ව නැමදුම් කිරීමෙන් වැළකී සිටියෝය යන්නයි. “අප ද නුඹලාව අතහැර දැමුවෙමු.” යනු ‘ඔවුන් අල්ලාහ්ට පිටුපෑ හෙයින් අල්ලාහ් ද ඔවුන්ව දරුණු වේදනාවෙහි අත්හරිනු ඇත’ යනුවෙන් අල් කුර්ආන් විවරණ ග්රන්ථයන්හි සඳහන් වී ඇත. මෙම ආයතය අරාබි වාගලංකාරයට අනුව ‘මුෂාකලා’ ගණයට අයත් ආයතයන් කිහිපයකින් එකකි. මුෂාකලා යනු “එක් විෂයක් යම් පාර්ශවයක් හා සම්බන්ධව සඳහන් වී ඇති අවස්ථාවක දී එම විෂය හා පාර්ශවය සැළකිල්ලට ගෙන එහි සැබෑ භාෂාමය අර්ථය හැර යථාර්ථයෙන් අර්ථවත් වන්නා වූ අරුත ගෙන ඒම වේ.” මෙම ආයතයෙහි “අමතක කිරීම” යන පදයට අදාළ අරාබි පදය වන “නිස්යාන්” යන පදය අරාබි වාගලංකාරයට අනුව අල්ලාහ් හා මැවුම යන දෙපාර්ශවයටම භාවිත වී තිබුණ ද දෙපාර්ශවයට දෙආකාරයක අරුත ගෙන දේ. එහෙයින් අල් කුර්ආන් විවරණ ග්රන්ථයන්හි ‘අප ද නුඹලාව අමතක කළෙමු’ යන පරිවර්තනයට ‘මුෂාකලා’ යන නීතිය අනුව “එබැවින් ඔහු ද ඔවුන්ව (දඬුවමෙහි) අතහැරියේය” යැයි අරුත දැක් වේ.
إِنَّمَا يُؤْمِنُ بِآيَاتِنَا الَّذِينَ إِذَا ذُكِّرُوا بِهَا خَرُّوا سُجَّدًا وَسَبَّحُوا بِحَمْدِ رَبِّهِمْ وَهُمْ لَا يَسْتَكْبِرُونَ ۩
අපගේ වදන් විශ්වාස කරනුයේ ඒවායින් උපදෙස් ලැබූ විට සුජූද් කරන්නන් ලෙස වැටී උඩඟු නොවූවන් ලෙස තම පරමාධිපතිගේ ප්රශංසාවෙන් (ඔහුව) පිවිතුරු කරන්නන්ය.
8මෙය සුජූද් කළ යුතු ආයතයකි. මෙහි වැඩි විස්තර සඳහා අල් කුර්ආන් 7:206 හි පාද සටහන බලන්න.
تَتَجَافَىٰ جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنفِقُونَ
(රාත්රී නැමදුම සඳහා) ඔවුන්ගේ ඉලපත් නිදි යහනින් ඉවත්ව පවතියි. ඔවුහු බියෙන් හා අපේක්ෂාවෙන් තමන්ගේ පරමාධිපතිව අයැදිමින් සිටිති. තවද අපි ඔවුනට දුන් දැයින් වියදම් කරති.
فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاءً بِمَا كَانُوا يَعْمَلُونَ
ඔවුන් කරමින් සිටි දෑ සඳහා ප්රතිඵලයක් වශයෙන් ඔවුන් සඳහා (ස්වර්ගයේ) සඟවා ඇති නෙතට දැකුම් කලු දෑ කිසිදු ආත්මයක් නොදන්නේය.
أَفَمَن كَانَ مُؤْمِنًا كَمَن كَانَ فَاسِقًا ۚ لَّا يَسْتَوُونَ
කවුරුන් විශ්වාසිකයෙකුව සිටින්නේ ද ඔහු පාපියෙකුව සිටින්නෙකු මෙන් වන්නේ ද? ඔවුන් එක සමාන නොවෙති.
أَمَّا الَّذِينَ آمَنُوا وَعَمِلُوا الصَّالِحَاتِ فَلَهُمْ جَنَّاتُ الْمَأْوَىٰ نُزُلًا بِمَا كَانُوا يَعْمَلُونَ
විශ්වාස කර යහකම් කළවුන් පිළිබඳව (සඳහන් කරන්නේ) නම් ඔවුනට ඔවුන් කරමින් සිටි (යහ) දෑ හේතුවෙන් සංග්රහයක් වශයෙන් ලැඟුම් ගන්නා (ස්වර්ග) උයන් ඇත්තේය.
وَأَمَّا الَّذِينَ فَسَقُوا فَمَأْوَاهُمُ النَّارُ ۖ كُلَّمَا أَرَادُوا أَن يَخْرُجُوا مِنْهَا أُعِيدُوا فِيهَا وَقِيلَ لَهُمْ ذُوقُوا عَذَابَ النَّارِ الَّذِي كُنتُم بِهِ تُكَذِّبُونَ
තවද පාපකම් කළවුන් පිළිබඳව (සඳහන් කරන්නේ) නම් ඔවුන්ගේ ලැඟුම් ස්ථානය (නිරයේ) ගින්නය. එයින් ඔවුන් බැහැර වන්නට සිතූ සෑම මොහොතකම ඔවුන්ව එහි නැවත යොමු කරනු ලැබ “නුඹලා අසත්යය කරමින් සිටි නිරයේ වේදනාව රස විඳිවු” යැයි ඔවුනට කියනු ලැබේ.
وَلَنُذِيقَنَّهُم مِّنَ الْعَذَابِ الْأَدْنَىٰ دُونَ الْعَذَابِ الْأَكْبَرِ لَعَلَّهُمْ يَرْجِعُونَ
ඔවුන් (පශ්චාත්තාප වී සත්යය වෙත) නැවත නැඹුරු වනු පිණිස (මතු ලොව) ඉමහත් දඬුවමට පෙර (ලොවෙහි) අල්ප දඬුවමින් රස විඳින්නට සලස්වන්නෙමු.
وَمَنْ أَظْلَمُ مِمَّن ذُكِّرَ بِآيَاتِ رَبِّهِ ثُمَّ أَعْرَضَ عَنْهَا ۚ إِنَّا مِنَ الْمُجْرِمِينَ مُنتَقِمُونَ
තවද තම පරමාධිපතිගේ වදන් මගින් උපදෙස් ලැබ පසුව එයින් පිටුපා යන්නාට වඩා අපරාධකරුවා කවරෙකු ද? සැබැවින්ම අපි වරදකරුවන්ගෙන් පළිගන්නන් වන්නෙමු.
99 ) වැඩි විස්තර සඳහා අල් කුර්ආන් 4:56 ආයතයට අදාළ පාද සටහන බලන්න.
وَلَقَدْ آتَيْنَا مُوسَى الْكِتَابَ فَلَا تَكُن فِي مِرْيَةٍ مِّن لِّقَائِهِ ۖ وَجَعَلْنَاهُ هُدًى لِّبَنِي إِسْرَائِيلَ
(නබිවරය,) සැබැවින්ම අපි මූසාට ධර්ම පුස්තකය ප්රදානය කළෙමු. (නුඹ හා) ඔහුගේ හමුව පිළිබඳව නුඹ සැකයේ පසු නොවවු. තවද අපි ඔහුව ඉස්රාඊල්ගේ දරුවනට මග පෙන්වන්නෙකු ලෙස පත් කළෙමු.
1010 ) ‘මිඃරාජ්’ යන අහස් ගමනේ දී නබි මුහම්මද් තුමාණන් නබි මූසා තුමාණන්ව හමු වන බවට අල්ලාහ් ප්රතිඥා දී තිබුණි. මෙම ආයතය පහළ වූයේ මිඃරාජ් ගමන යාමට පෙරය.
وَجَعَلْنَا مِنْهُمْ أَئِمَّةً يَهْدُونَ بِأَمْرِنَا لَمَّا صَبَرُوا ۖ وَكَانُوا بِآيَاتِنَا يُوقِنُونَ
තවද ඔවුන් අපගේ වදන් තරයේ විශ්වාස කරමින් (ප්රතික්ෂේපකයින්ගේ හිංසා පීඩා) ඉවසා සිටිය දී අපගේ නියෝගයන්ට අනුව මග පෙන්වන නායකයින් ඔවුන් අතුරින් අපි පත් කළෙමු.
إِنَّ رَبَّكَ هُوَ يَفْصِلُ بَيْنَهُمْ يَوْمَ الْقِيَامَةِ فِيمَا كَانُوا فِيهِ يَخْتَلِفُونَ
සැබැවින්ම නුඹගේ පරමාධිපති, ඔවුන් කවර දෙයක් විෂයෙහි මතභේද ඇති කර ගනිමින් සිටියේ ද එම විෂයෙහි (මළවුන්) නැගිටුවනු ලබන දිනයේ ඔවුන් අතර ඔහු විනිශ්චය කරන්නේය.
أَوَلَمْ يَهْدِ لَهُمْ كَمْ أَهْلَكْنَا مِن قَبْلِهِم مِّنَ الْقُرُونِ يَمْشُونَ فِي مَسَاكِنِهِمْ ۚ إِنَّ فِي ذَٰلِكَ لَآيَاتٍ ۖ أَفَلَا يَسْمَعُونَ
මොවුනට පෙර වූ (ප්රතික්ෂේපක) පරම්පරාවන් කොපමණක් අපි විනාශ කර තිබීම මොවුනට මග පෙන්වූයේ නැති ද? (විනාශ වූ) ඔවුන්ගේ වාසස්ථානයන්හි (කිසිදු අවබෝධයකින් තොරව) මොවුහු ඇවිද යන්නෝය. සැබැවින්ම එහි සංඥා ඇත. එබැවින් ඔවුහු සවන් යොමු නොකරන්නෝ ද?
أَوَلَمْ يَرَوْا أَنَّا نَسُوقُ الْمَاءَ إِلَى الْأَرْضِ الْجُرُزِ فَنُخْرِجُ بِهِ زَرْعًا تَأْكُلُ مِنْهُ أَنْعَامُهُمْ وَأَنفُسُهُمْ ۖ أَفَلَا يُبْصِرُونَ
වියළී ගිය භූමියට ජලය ගෙන යන්නේ අපම බව ඔවුන් නොදන්නේ ද? පසුව එයින් අපි ඔවුන් ද ඔවුන්ගේ පශු කුලයට අයත් සතුන් ද අනුභව කරන වගාවන් පිට කරන්නෙමු. (මේ පිළිබඳව) ඔවුන් සුපරික්ෂාකාරී නොවන්නෝ ද?
وَيَقُولُونَ مَتَىٰ هَـٰذَا الْفَتْحُ إِن كُنتُمْ صَادِقِينَ
තවද “නුඹලා සත්යවාදීන්ව සිටියෙහු නම් මෙම විනිශ්චය කවදා දැ”යි (ප්රතික්ෂේපක) ඔවුහු (නුඹගෙන්) විමසන්නෝය.
قُلْ يَوْمَ الْفَتْحِ لَا يَنفَعُ الَّذِينَ كَفَرُوا إِيمَانُهُمْ وَلَا هُمْ يُنظَرُونَ
(නබිවරය,) “ප්රතික්ෂේප කළවුනට විනිශ්චය දිනයේ දී ඔවුන් විශ්වාස කිරීම ප්රයෝජනවත් නොවනු ඇත. තවද ඔවුහු අවකාශය දෙනු නොලබන්නෝය.” යැයි (ඔවුනට) පවසවු.
فَأَعْرِضْ عَنْهُمْ وَانتَظِرْ إِنَّهُم مُّنتَظِرُونَ
එබැවින් නුඹ ඔවුන්ව නොසලකා හරිවු. තවද (ඔවුනට හිමි දඬුවම) නුඹ බලාපොරොත්තු වවු. සැබැවින්ම ඔවුන් ද (නුඹ විනාශ වේ යැයි) බලාපොරොත්තු වන්නන්ය.