المر ۚ تِلْكَ آيَاتُ الْكِتَابِ ۗ وَالَّذِي أُنزِلَ إِلَيْكَ مِن رَّبِّكَ الْحَقُّ وَلَـٰكِنَّ أَكْثَرَ النَّاسِ لَا يُؤْمِنُونَ
අලිෆ්. ලාම්. මීම්. රා. මේවා ධර්ම පුස්තකයේ වදන්ය. තවද නුඹගේ පරමාධිපතිගෙන් නුඹ වෙත පහළ කරන ලද දෑ සත්යයයි. නමුත් මිනිසුන්ගෙන් බොහෝ දෙනා (ඒ පිළිබඳව) විශ්වාස නොකරති.
1වැඩි විස්තර සඳහා අල් කුර්ආන් 2:1 ආයතයේ පාද සටහන බලන්න.
اللَّهُ الَّذِي رَفَعَ السَّمَاوَاتِ بِغَيْرِ عَمَدٍ تَرَوْنَهَا ۖ ثُمَّ اسْتَوَىٰ عَلَى الْعَرْشِ ۖ وَسَخَّرَ الشَّمْسَ وَالْقَمَرَ ۖ كُلٌّ يَجْرِي لِأَجَلٍ مُّسَمًّى ۚ يُدَبِّرُ الْأَمْرَ يُفَصِّلُ الْآيَاتِ لَعَلَّكُم بِلِقَاءِ رَبِّكُمْ تُوقِنُونَ
නුඹලා දකින ආධාරක රහිතව අහස් එසෙව්වේ අල්ලාහ්මය. ඉන් පසු අර්ෂය) මත (ඔහුගේ ගෞරවයට සුදුසු අයුරින්) ඔහු “ඉස්තිවා” විය. තවද ඔහු හිරු හා සඳු (තම ආධිපත්යය යටතේ) වසඟ කළේය. (ඉන්) එකිනෙක (එයට) නියම කරනු ලැබූ කාලයක් දක්වා ගමන් කරන්නේය. නුඹලාගේ පරමාධිපතිගේ හමුව නුඹලා තරයේ විශ්වාස කරනු පිණිස ඔහු (සෑම) කරුණ(ක්ම) සැලසුම් කරන්නේය. සංඥාවන් පැහැදිලි කරන්නේය.
2වැඩි විස්තර සඳහා අල් කුර්ආන් 7:54 හි පාද සටහන බලන්න.
وَهُوَ الَّذِي مَدَّ الْأَرْضَ وَجَعَلَ فِيهَا رَوَاسِيَ وَأَنْهَارًا ۖ وَمِن كُلِّ الثَّمَرَاتِ جَعَلَ فِيهَا زَوْجَيْنِ اثْنَيْنِ ۖ يُغْشِي اللَّيْلَ النَّهَارَ ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ
මිහිතලය එළා එහි ස්ථිරසාර දෑ(කඳු) හා ගංගාවන් ඇති කළේ ඔහුමය. තවද සෑම ඵල බෝගයකින්ම එහි ජෝඩුවක් බැගින් ඇති කළේය. රාත්රියෙන් දහවල ආවරණය කරන්නේය. සැබැවින්ම කල්පනා කරන පිරිසකට එහි සංඥාවන් ඇත.
وَفِي الْأَرْضِ قِطَعٌ مُّتَجَاوِرَاتٌ وَجَنَّاتٌ مِّنْ أَعْنَابٍ وَزَرْعٌ وَنَخِيلٌ صِنْوَانٌ وَغَيْرُ صِنْوَانٍ يُسْقَىٰ بِمَاءٍ وَاحِدٍ وَنُفَضِّلُ بَعْضَهَا عَلَىٰ بَعْضٍ فِي الْأُكُلِ ۚ إِنَّ فِي ذَٰلِكَ لَآيَاتٍ لِّقَوْمٍ يَعْقِلُونَ
තවද මිහිතලයෙහි පිහිටුණු (නොයෙකුත්) පෙදෙස් ඇත. තවද මිදි වලින් යුත් වතු ද තවද ගොවිබිම් ද අතු සහිත හා අතු රහිත ඉඳි ගස් ද ඇත. මේවා (සියල්ලට) එකම ජලයකින් ජලය සපයනු ලබන්නේය. (මෙසේ තිබිය දීත්) රසයෙහි ඒවායින් සමහරක් තවත් සමහරකට වඩා අපි උසස් කරන්නෙමු. සැබැවින්ම අවබෝධ කරන පිරිසකට එහි සංඥාවන් ඇත.
وَإِن تَعْجَبْ فَعَجَبٌ قَوْلُهُمْ أَإِذَا كُنَّا تُرَابًا أَإِنَّا لَفِي خَلْقٍ جَدِيدٍ ۗ أُولَـٰئِكَ الَّذِينَ كَفَرُوا بِرَبِّهِمْ ۖ وَأُولَـٰئِكَ الْأَغْلَالُ فِي أَعْنَاقِهِمْ ۖ وَأُولَـٰئِكَ أَصْحَابُ النَّارِ ۖ هُمْ فِيهَا خَالِدُونَ
(නබිවරය,) නුඹ (ප්රතික්ෂේපකයින්ගේ පිටුපෑම පිළිබඳ) පුදුමයට පත් වන්නෙහු නම්, “අපි (මරණයට පත් වී) පස් බවට පත් වූ විට (නැවත) නව මැවුමක (නැගිට) වන්නෙමු දැ?”යි ඔවුන් පැවසීම (ඊටත් වඩා) පුදුමසහගතය. ඔවුහුමය තම පරමාධිපතිව ප්රතික්ෂේප කළවුන් වන්නෝ. තවද ඔවුහුමය තමන්ගේ ගෙලෙහි විලංගු ලද්දන් වන්නෝ. තවද ඔවුහුමය නිරයේ සගයින් වන්නෝ. ඔවුහු එහි සදාතනිකයෝ වෙති.
وَيَسْتَعْجِلُونَكَ بِالسَّيِّئَةِ قَبْلَ الْحَسَنَةِ وَقَدْ خَلَتْ مِن قَبْلِهِمُ الْمَثُلَاتُ ۗ وَإِنَّ رَبَّكَ لَذُو مَغْفِرَةٍ لِّلنَّاسِ عَلَىٰ ظُلْمِهِمْ ۖ وَإِنَّ رَبَّكَ لَشَدِيدُ الْعِقَابِ
තවද ඔවුහු යහපතට(ක්ෂමාවට) පෙර අයහපත(දඬුවම) ඉක්මන් කරන මෙන් නුඹගෙන් පතන්නෝය. මෙසේ (පැතීමෙන්) දඬුවම් ඔවුනට පෙර ද ඉකුත් වී ඇත. තවද සැබැවින්ම නුඹගේ පරමාධිපති මිනිසුන්ට ඔවුන්ගේ අපරාධ වලට ක්ෂමාශීලී භාවයෙන් යුක්තයෙකුය. තවද නුඹගේ පරමාධිපති දඬුවම් කිරීමෙහි දැඩිය.
3මිථ්යා දෘෂ්ටික ප්රතික්ෂේපකයින් ‘තම විශ්වාසය ව්යාජ වන්නේ නම් අල්ලාහ් තමන්ට දඬුවම් කළ යුතු නොවේ දැ?’යි නබි මුහම්මද් තුමාණන්ගෙන් විමසීම මෙයින් අදහස් වන්නේය. අල්ලාහ්ගේ කරුණාව හේතුවෙන් මොවුන්ට යුතු දඬුවම ප්රමාද වීම මොවුන් භාග්යයක් වශයෙන් නොගෙන එය සමච්චලයට මෙන් ගැනීම කෙතරම් පුදුම සහගත ද?.
وَيَقُولُ الَّذِينَ كَفَرُوا لَوْلَا أُنزِلَ عَلَيْهِ آيَةٌ مِّن رَّبِّهِ ۗ إِنَّمَا أَنتَ مُنذِرٌ ۖ وَلِكُلِّ قَوْمٍ هَادٍ
(නබිවරය,) තවද ප්රතික්ෂේප කළවුන් “මොහුගේ පරමාධිපතිගෙන් මොහු වෙත කිසියම් සංඥාවක් පහළ කරනු ලැබිය යුතු නොවේ දැ’යි” පවසති. සැබැවින්ම නුඹ අවවාද කරන්නෙකු පමණි. තවද සෑම සමූහයකටම (යහ)මග පෙන්වන්නෙකු ඇත.
اللَّهُ يَعْلَمُ مَا تَحْمِلُ كُلُّ أُنثَىٰ وَمَا تَغِيضُ الْأَرْحَامُ وَمَا تَزْدَادُ ۖ وَكُلُّ شَيْءٍ عِندَهُ بِمِقْدَارٍ
සෑම කාන්තාවක්ම (තම ගර්භාෂයේ) උසුලා සිටින දෑ ද ගර්භාෂයන් කෙටි කරන හා එය දීර්ඝ කරන දෑ ද අල්ලාහ් දන්නේය. තවද සෑම දෙයක්ම ඔහු අබියස නිර්ණයකින් ඇත.
4‘කෙටි කරන හා දිගු කරන දෑ’ යනු මව් කුසේ සිටින කලලය කොපමණ කාලයක් එනම් කෙටි කාලයක් ද නැතහොත් දීර්ඝ කාලයක් ද යන්න අල්ලාහ් මැනවින් දන්නේය යන්නය.
عَالِمُ الْغَيْبِ وَالشَّهَادَةِ الْكَبِيرُ الْمُتَعَالِ
(ඔහු) අදෘශ්යමාන දෑ හා දෘශ්යමාන දෑ දන්නාය. ශ්රේෂ්ඨවන්තය. උත්තරීතරය.
سَوَاءٌ مِّنكُم مَّنْ أَسَرَّ الْقَوْلَ وَمَن جَهَرَ بِهِ وَمَنْ هُوَ مُسْتَخْفٍ بِاللَّيْلِ وَسَارِبٌ بِالنَّهَارِ
නුඹලා අතුරින් ප්රකාශය සඟවන්නා ද එය හෙළි කරන්නා ද රාත්රියෙහි සැඟ වී සිටින්නා ද දහවලෙහි සැරිසරන්නා ද (අල්ලාහ්ට) එක සමානය.
لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللَّهِ ۗ إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ ۗ وَإِذَا أَرَادَ اللَّهُ بِقَوْمٍ سُوءًا فَلَا مَرَدَّ لَهُ ۚ وَمَا لَهُم مِّن دُونِهِ مِن وَالٍ
ඔහුට(මිනිසාට තමාට ඉදිරියෙන් ද තමාට පසුපසින් ද අනුපිළිවෙළට පැමිණෙන්නන් (වන මලක්වරුන්) සිටිති. ඔවුහු අල්ලාහ්ගේ නියෝගය පරිදි ඔහුව ආරක්ෂා කරති. සැබැවින්ම යම් සමාජයක් තමන් සමග වූ (යහ) දෑ (පිටුපෑමක් ලෙස) වෙනස් කර ගන්නා තුරු ඔවුන් සමග වූ දෑ(දායාදයන් දඬුවමක් ලෙස) අල්ලාහ් වෙනස් නොකරන්නේය. තවද අල්ලාහ් යම් සමාජයකට නරකක් අපේක්ෂා කළේ නම් එය පලවා හරින්නක් නැත. තවද ඔහු හැර ඔවුනට වෙනත් කිසිදු උදව්කරුවෙකු නැත.
5සෑම මිනිසෙකු සමගම මලක්වරුන්ව ද අල්ලාහ් නියම කොට ඇත. එනම් කලා කද්ර් නම් පූර්ව සැලසුමෙහි අන්තර්ගත නොවූ ආපදාවන් වලින් මොහුව ආරක්ෂා කිරීමට ද මොහුගේ ක්රියා සටහන් කිරීමට ද වේ.
هُوَ الَّذِي يُرِيكُمُ الْبَرْقَ خَوْفًا وَطَمَعًا وَيُنشِئُ السَّحَابَ الثِّقَالَ
(මගීන්ට වර්ෂාව ඇති වී ගමනට බාධාවක් ඇති වේ යන) බියක් ලෙස හා (වර්ෂාව අවශ්ය වූවන් හට) බලාපොරොත්තුවක් ලෙස අකුණු ගැසීම නුඹලාට පෙන්වනුයේ ද තවද (වැසි)බරැති වලාකුළු නිර්මාණය කරනුයේ ද ඔහුමය.
وَيُسَبِّحُ الرَّعْدُ بِحَمْدِهِ وَالْمَلَائِكَةُ مِنْ خِيفَتِهِ وَيُرْسِلُ الصَّوَاعِقَ فَيُصِيبُ بِهَا مَن يَشَاءُ وَهُمْ يُجَادِلُونَ فِي اللَّهِ وَهُوَ شَدِيدُ الْمِحَالِ
තවද හෙණ හඬ ඔහුගේ ප්රශංසාවෙන් (ඔහුව) පිවිතුරු කරති. තවද මලක්වරුන් ද ඔහුගේ බියෙන් (ඔහුව පිවිතුරු කරති.) තවද ඔහු හෙණ යවන්නේය. පසුව එමගින් ඔහු අභිමත කරන අයව, ඔවුහු අල්ලාහ් ගැන තර්ක කරමින් සිටිය දී හසු කර ගන්නේය. තවද ඔහු දඬුවම් කිරීමෙහි දැඩිය.
لَهُ دَعْوَةُ الْحَقِّ ۖ وَالَّذِينَ يَدْعُونَ مِن دُونِهِ لَا يَسْتَجِيبُونَ لَهُم بِشَيْءٍ إِلَّا كَبَاسِطِ كَفَّيْهِ إِلَى الْمَاءِ لِيَبْلُغَ فَاهُ وَمَا هُوَ بِبَالِغِهِ ۚ وَمَا دُعَاءُ الْكَافِرِينَ إِلَّا فِي ضَلَالٍ
සත්යයේ ප්රාර්ථනාව ඔහුටමය. (ප්රතික්ෂේපක) මොවුන් ඔහු(අල්ලාහ්) හැර අයැදින අය මොවුනට කිසිවකින් හෝ පිළිතුරු නොදෙති. (මොවුන්ගේ උදාහරණය නම්) ජලය තම මුඛය වෙත ළඟා වීම සඳහා (දුරින් සිට) එය දෙසට තම දෙඅත්ල දිගු කරන්නෙකු මෙන් මිස (නොමැත. එහෙත් ඔහු දෑතින් ගෙන පානය කරන තෙක්) එ(ම ජල)ය එය(මුඛය) වෙත ළඟා නොවන්නක්මය. තවද ප්රතික්ෂේපකයින්ගේ ප්රාර්ථනාව මුළාවක මිස නැත.
وَلِلَّهِ يَسْجُدُ مَن فِي السَّمَاوَاتِ وَالْأَرْضِ طَوْعًا وَكَرْهًا وَظِلَالُهُم بِالْغُدُوِّ وَالْآصَالِ ۩
අහස්හි හා මිහිතලයෙහි ඇති දෑ ද තවද ඒවායෙහි සෙවණැලි ද උදේ හා සවස කැමැත්තෙන් හෝ අකමැත්තෙන් අල්ලාහ්ටම සුජූද් කරති.
6මෙහි කැමැත්තෙන් සුජූද් කිරීම යනු පිරිසුදු චේතනාවෙන් කරන නැමදුම වන අතර අකමැත්තෙන් සුජූද් කිරීම යනු ආත්ම වංචනිකයින්ගේ නැමදුමය. තවද මෙය සුජූද් කළ යුතු ආයතයකි. වැඩි විස්තර සඳහා අල් කුර්ආන් 7:206 හි පාද සටහන බලන්න.
قُلْ مَن رَّبُّ السَّمَاوَاتِ وَالْأَرْضِ قُلِ اللَّهُ ۚ قُلْ أَفَاتَّخَذْتُم مِّن دُونِهِ أَوْلِيَاءَ لَا يَمْلِكُونَ لِأَنفُسِهِمْ نَفْعًا وَلَا ضَرًّا ۚ قُلْ هَلْ يَسْتَوِي الْأَعْمَىٰ وَالْبَصِيرُ أَمْ هَلْ تَسْتَوِي الظُّلُمَاتُ وَالنُّورُ ۗ أَمْ جَعَلُوا لِلَّهِ شُرَكَاءَ خَلَقُوا كَخَلْقِهِ فَتَشَابَهَ الْخَلْقُ عَلَيْهِمْ ۚ قُلِ اللَّهُ خَالِقُ كُلِّ شَيْءٍ وَهُوَ الْوَاحِدُ الْقَهَّارُ
(නබිවරය) “අහස්හි හා මිහිතලයේ පරමාධිපති කවුරුන් දැ?”යි නුඹ (ඔවුන්ගෙන්) විමසවු. “(තවද ඔහු) අල්ලාහ්” යැයි පවසවු. “නුඹලා ඔහු හැර තමන්ට කිසිදු ප්රයෝජනයක් (ගැනීමට) හා කිසිදු හානියක් (වළකා ගැනීමට හැකියාව) හිමි නොකරන භාරකරුවන් (දෙවිවරුන් ලෙස) ගත්තෙහු දැ?”යි විමසවු. “අන්ධයා හා පෙනුමැත්තා එක සමාන වන්නේ ද? එසේ නැතහොත් අන්ධකාරයන් හා අලෝකය එක සමාන වන්නේ ද?එසේත් නැතහොත් (ඔවුන්ගේ ප්රතිපත්තිය අනුව) අල්ලාහ් නිර්මාණය කරන්නාක් මෙන් (ඇතැම් මැවීම්) නිර්මාණය කළ, (ඔවුන් අල්ලාහ්ට ආදේශ කරන්නා වූ) හවුල්කරුවන්ව ඔහුට ඔවුන් (ආදේශ ලෙස) පත් කර පසුව (අල්ලාහ්ගේ හා හවුල්කරුවන්ගේ) මැවීම ඔවුන් කෙරෙහි ව්යාකූල වී ඇත් දැ?”යි (නබිවරය, ඔවුන්ගෙන්) විමසවු. “සියලු දෑහි මැවුම්කරු අල්ලාහ්ය. ඔහු ඒකීයය. බලපරාක්රමයෙන් යුක්තයැ”යි නුඹ පවසවු.
أَنزَلَ مِنَ السَّمَاءِ مَاءً فَسَالَتْ أَوْدِيَةٌ بِقَدَرِهَا فَاحْتَمَلَ السَّيْلُ زَبَدًا رَّابِيًا ۚ وَمِمَّا يُوقِدُونَ عَلَيْهِ فِي النَّارِ ابْتِغَاءَ حِلْيَةٍ أَوْ مَتَاعٍ زَبَدٌ مِّثْلُهُ ۚ كَذَٰلِكَ يَضْرِبُ اللَّهُ الْحَقَّ وَالْبَاطِلَ ۚ فَأَمَّا الزَّبَدُ فَيَذْهَبُ جُفَاءً ۖ وَأَمَّا مَا يَنفَعُ النَّاسَ فَيَمْكُثُ فِي الْأَرْضِ ۚ كَذَٰلِكَ يَضْرِبُ اللَّهُ الْأَمْثَالَ
ඔහු අහසින් ජලය පහළ කළේය. එවිට මිටියාවත් ඒවායෙහි ප්රමාණයට ගලා බැසීය. ගලා යන ජලය පාවෙන පෙණ බුබුළු උසුලන්නේය. තවද භාණ්ඩ හෝ ආභරණ (සෑදීමට) බලාපොරොත්තුවෙන් ගින්නෙහි ඔවුන් මොළ වන දැයින් ද මේ හා සමාන පෙණ බුබුළු ඇත. අල්ලාහ් සත්යය හා අසත්යය (නිදසුනක් වශයෙන්) ගෙන හැර පාන්නේ මෙලෙසය. පෙණ බුබුළු වනාහි නැති වී යන්නේය. මිනිසාට ප්රයෝජනවත් වන දෑ වනාහි මිහිතලයෙහි රඳා පවතින්නේය. අල්ලාහ් උපමාවන් ගෙන හැර පාන්නේ මෙලෙසය.
7මෙම උදාහරණය ගෙන හැර පා ඇත්තේ අහසින් වැසි වසින්නාක් මෙන් අල්ලාහ් විසින් නබිවරුන් පහළ කරන්නේය යන අදහසය. මෙහි අදහස් කෙරෙන්නේ ජලයේ පාවෙන පෙණ යනු නබිත්වයට එරෙහිව පැමිණෙන විරුද්ධත්වයන් පිළිබඳවය. පෙණ විනාශ වී ජලය මිනිසාට ප්රයෝජන ගෙන දෙන්නාක් මෙන් සත්යය ඉතිරි වී අසත්යය විනාශ වන්නේය.
لِلَّذِينَ اسْتَجَابُوا لِرَبِّهِمُ الْحُسْنَىٰ ۚ وَالَّذِينَ لَمْ يَسْتَجِيبُوا لَهُ لَوْ أَنَّ لَهُم مَّا فِي الْأَرْضِ جَمِيعًا وَمِثْلَهُ مَعَهُ لَافْتَدَوْا بِهِ ۚ أُولَـٰئِكَ لَهُمْ سُوءُ الْحِسَابِ وَمَأْوَاهُمْ جَهَنَّمُ ۖ وَبِئْسَ الْمِهَادُ
තම පරමාධිපතිට (අවනත වීම තුළින්) ප්රතිචාර දක්වන්නන්ට යහපත ඇත. තවද ඔහුට පිළිතුරු නොදෙන්නන් නම් මිහිතලයේ සියල්ල ද එයත් සමගම ඒ හා සමානව යමක් ඔහු සතුව තිබුණේ නම් (නිරයෙන් ආරක්ෂා වීම සඳහා) එය ද ඔවුන් වන්දි වශයෙන් ගෙවනු ඇත. ඔවුනටමය අයහපත් විනිශ්චය හිමි වන්නේ. තවද ඔවුන්ගේ ලැගුම් ගන්නා ස්ථානය නිරයයි. තවද (එය) යහනාවෙන් නරක විය.
أَفَمَن يَعْلَمُ أَنَّمَا أُنزِلَ إِلَيْكَ مِن رَّبِّكَ الْحَقُّ كَمَنْ هُوَ أَعْمَىٰ ۚ إِنَّمَا يَتَذَكَّرُ أُولُو الْأَلْبَابِ
‘නුඹගේ පරමාධිපතිගෙන් නුඹ වෙත පහළ කරන ලද දෑ සත්යයකි’ යැයි දැන සිටින්නා අන්ධයෙකුව සිටින්නා මෙන් වේ ද? (එය) මෙනෙහි කරනුයේ නුවණැත්තන්මය.
الَّذِينَ يُوفُونَ بِعَهْدِ اللَّهِ وَلَا يَنقُضُونَ الْمِيثَاقَ
ඔවුහු කවරහු ද යත් අල්ලාහ්ගේ ගිවිසුම සම්පූර්ණ කරති. තවද (ගිවිසුම්) විශ්වාසය කඩ නොකරති.
وَالَّذِينَ يَصِلُونَ مَا أَمَرَ اللَّهُ بِهِ أَن يُوصَلَ وَيَخْشَوْنَ رَبَّهُمْ وَيَخَافُونَ سُوءَ الْحِسَابِ
තවද (ඔවුහු) කවරහු ද යත් (ඥාතී) සම්බන්ධකම් ඇති කරනු ලැබිය යුතුයි යැයි අල්ලාහ් විධානය කළ දෑ( තුළින් ඥාතීන්) සමග ඔවුහු සම්බන්ධකම් පවත්වති. තවද ඔවුහු තම පරමාධිපතිට බිය වෙති. නරක විනිශ්චය ද බිය වෙති.
وَالَّذِينَ صَبَرُوا ابْتِغَاءَ وَجْهِ رَبِّهِمْ وَأَقَامُوا الصَّلَاةَ وَأَنفَقُوا مِمَّا رَزَقْنَاهُمْ سِرًّا وَعَلَانِيَةً وَيَدْرَءُونَ بِالْحَسَنَةِ السَّيِّئَةَ أُولَـٰئِكَ لَهُمْ عُقْبَى الدَّارِ
තවද (ඔවුහු) කවරහු ද යත් තම පරමාධිපතිගේ තෘප්තිය අපේක්ෂාවෙන් ඔවුහු ඉවසුවෝය. සලාතය ද ස්ථාපිත කළෝය. අප ඔවුනට පිරිනැමූ දැයින් රහසිගතව හා ප්රසිද්ධියේ (යහ දෑ වෙනුවෙන්) වියදම් ද කළෝය. තවද ඔවුහු යහපතින් අයහපත වළක්වති. ඔවුනටමය (මතු) නිවහනේ (යහ) අවසානය හිමි වන්නේ.
8මෙහි ‘පරමාධිපතිගේ තෘප්තිය අපේක්ෂාවෙන්’ යනු අල්ලාහ්ගේ තෘප්තිය හා වේතනය පමණක් අපේක්ෂා කරන්නන් වන අතර ඔවුන් තමන්ට අත්වන දුෂ්කරතාවන් ඉවසා ගන්නන් වේ.
جَنَّاتُ عَدْنٍ يَدْخُلُونَهَا وَمَن صَلَحَ مِنْ آبَائِهِمْ وَأَزْوَاجِهِمْ وَذُرِّيَّاتِهِمْ ۖ وَالْمَلَائِكَةُ يَدْخُلُونَ عَلَيْهِم مِّن كُلِّ بَابٍ
(එය) ‘අද්න්’ (නමැති ස්වර්ග) උයන්ය. එහි ඔවුන් ද ඔවුන්ගේ පියවරුන්ගෙන්, ඔවුන්ගේ භාර්යාවන්ගෙන් හා ඔවුන්ගේ පරපුරින් (විශ්වාස කර) යහකම් කළවුන් ද ඇතුළු වන්නෝය. තවද මලක්වරුන් ද “නුඹලා ඉවසා සිටි හේතුවෙන් නුඹලා කෙරෙහි ‘සලාමය’(ශාන්තිය) අත් වේවා! එබැවින් (මතු) නිවහනේ අවසානය යහපත් විය”යැයි (පවසමින්) සෑම දොරටුවකින්ම ඔවුන් වෙත ඇතුළු වෙති.
سَلَامٌ عَلَيْكُم بِمَا صَبَرْتُمْ ۚ فَنِعْمَ عُقْبَى الدَّارِ
(එය) ‘අද්න්’ (නමැති ස්වර්ග) උයන්ය. එහි ඔවුන් ද ඔවුන්ගේ පියවරුන්ගෙන්, ඔවුන්ගේ භාර්යාවන්ගෙන් හා ඔවුන්ගේ පරපුරින් (විශ්වාස කර) යහකම් කළවුන් ද ඇතුළු වන්නෝය. තවද මලක්වරුන් ද “නුඹලා ඉවසා සිටි හේතුවෙන් නුඹලා කෙරෙහි ‘සලාමය’(ශාන්තිය) අත් වේවා! එබැවින් (මතු) නිවහනේ අවසානය යහපත් විය”යැයි (පවසමින්) සෑම දොරටුවකින්ම ඔවුන් වෙත ඇතුළු වෙති.
وَالَّذِينَ يَنقُضُونَ عَهْدَ اللَّهِ مِن بَعْدِ مِيثَاقِهِ وَيَقْطَعُونَ مَا أَمَرَ اللَّهُ بِهِ أَن يُوصَلَ وَيُفْسِدُونَ فِي الْأَرْضِ ۙ أُولَـٰئِكَ لَهُمُ اللَّعْنَةُ وَلَهُمْ سُوءُ الدَّارِ
කවරෙකු අල්ලාහ්ගේ ගිවිසුම තහවුරු කිරීමෙන් පසු එය කඩ කර, (ඥාතී) සම්බන්ධකම් ඇති කරනු ලැබිය යුතුයි යැයි අල්ලාහ් විධානය කළ දෑ කපා හැර දමන්නේ ද තවද මිහිතලයෙහි කලහකම් කරන්නේ ද ඔවුනටමය ශාපය ඇත්තේ. තවද (මතු) නිවහනේ නරකය ද ඔවුනට හිමිය.
اللَّهُ يَبْسُطُ الرِّزْقَ لِمَن يَشَاءُ وَيَقْدِرُ ۚ وَفَرِحُوا بِالْحَيَاةِ الدُّنْيَا وَمَا الْحَيَاةُ الدُّنْيَا فِي الْآخِرَةِ إِلَّا مَتَاعٌ
අල්ලාහ් තමන් අභිමත කරන අයට ජීවන සම්පත් විස්තීරණ කරන්නේය. තවද (ඔහු අභිමත කළවුනට) සීමා කරන්නේය. මෙලොව ජීවිතය පරලොව විෂයෙහි අල්ප භුක්ති විඳීමක් මිස නැතිව තිබියදී (ප්රතික්ෂේපක) ඔවුන් මෙලොව ජීවිතයෙන් (සෑහීමට පත්ව) සතුටු වූවෝය.
وَيَقُولُ الَّذِينَ كَفَرُوا لَوْلَا أُنزِلَ عَلَيْهِ آيَةٌ مِّن رَّبِّهِ ۗ قُلْ إِنَّ اللَّهَ يُضِلُّ مَن يَشَاءُ وَيَهْدِي إِلَيْهِ مَنْ أَنَابَ
ප්රතික්ෂේප කළවුන් “මොහුගේ පරමාධිපතිගෙන් මොහු වෙත කිසියම් සංඥාවක් පහළ කරනු ලැබිය යුතු නොවේ දැ’යි විමසති. (නබිවරය,) “සැබැවින්ම අල්ලාහ් තමන් අභිමත කරන අයව නොමග යන්නට ඉඩ හරින්නේය. තවද (ඔහු වෙත සිතින්) නැඹුරුවූවන්ව ඔහු වෙත මග පෙන්වන්නේයැ”යි නුඹ පවසවු.
الَّذِينَ آمَنُوا وَتَطْمَئِنُّ قُلُوبُهُم بِذِكْرِ اللَّهِ ۗ أَلَا بِذِكْرِ اللَّهِ تَطْمَئِنُّ الْقُلُوبُ
(ඔවුන්) කවරහු ද යත් විශ්වාස කර තම හදවත් අල්ලාහ්ව මෙනෙහි කිරීමෙන් සැනසුමට පත් වූවන්ය. දැන ගනිවු. හදවත් සැනසුමට පත් වනුයේ අල්ලාහ්ව මෙනෙහි කිරීමෙනි.
الَّذِينَ آمَنُوا وَعَمِلُوا الصَّالِحَاتِ طُوبَىٰ لَهُمْ وَحُسْنُ مَآبٍ
විශ්වාස කර යහකම් කළවුන් නම් ඔවුනට සුබාශිංසනය හා අලංකාර නැවත යොමු වන ස්ථානයක් ඇත.
كَذَٰلِكَ أَرْسَلْنَاكَ فِي أُمَّةٍ قَدْ خَلَتْ مِن قَبْلِهَا أُمَمٌ لِّتَتْلُوَ عَلَيْهِمُ الَّذِي أَوْحَيْنَا إِلَيْكَ وَهُمْ يَكْفُرُونَ بِالرَّحْمَـٰنِ ۚ قُلْ هُوَ رَبِّي لَا إِلَـٰهَ إِلَّا هُوَ عَلَيْهِ تَوَكَّلْتُ وَإِلَيْهِ مَتَابِ
මෙලෙස (අපි නුඹට පෙර ජන සමාජයන්ට රසූල්වරුන් එව්වාක් මෙන්) අපි නුඹව ප්රජාවකට (රසූල්වරයෙකු ලෙස) එව්වෙමු. එයට පෙර බොහෝ ප්රජාවන් ඉකුත් වී ගොස් ඇත. (නුඹව අපි එව්වේ) ඔවුන් ‘අර් රහ්මාන්’(කරුණාභරිතයාණන් වන මා)ව ප්රතික්ෂේප කරමින් සිටිය දී අපි නුඹ වෙත වහී (නම් දේව පණවිඩ) පහළ කළ දෑ නුඹ ඔවුනට පාරායනා කර පෙන්වීම පිණිසය. (නබිවරය,) “ඔහු මාගේ පරමාධිපතිය. ඔහු හැර වෙනත් දෙවියෙකු නොමැත. ඔහු කෙරෙහිම මම (සියල්ල) භාර කළෙමි. තවද ඔහු වෙතමය මාගේ නැවත හැරී යන ස්ථානය ඇත්තේ” යැයි පවසවු.
9වැඩි විස්තර සඳහා අල් කුර්ආන් 17:110 හි පාද සටහන බලන්න.
وَلَوْ أَنَّ قُرْآنًا سُيِّرَتْ بِهِ الْجِبَالُ أَوْ قُطِّعَتْ بِهِ الْأَرْضُ أَوْ كُلِّمَ بِهِ الْمَوْتَىٰ ۗ بَل لِّلَّهِ الْأَمْرُ جَمِيعًا ۗ أَفَلَمْ يَيْأَسِ الَّذِينَ آمَنُوا أَن لَّوْ يَشَاءُ اللَّهُ لَهَدَى النَّاسَ جَمِيعًا ۗ وَلَا يَزَالُ الَّذِينَ كَفَرُوا تُصِيبُهُم بِمَا صَنَعُوا قَارِعَةٌ أَوْ تَحُلُّ قَرِيبًا مِّن دَارِهِمْ حَتَّىٰ يَأْتِيَ وَعْدُ اللَّهِ ۚ إِنَّ اللَّهَ لَا يُخْلِفُ الْمِيعَادَ
සැබැවින්ම කුර්ආනය( පාරායනා කිරීම)ක් මගින් කඳු (තවත් නැනකට) ධාවනය කරනු ලැබුව ද නැතහොත් එමගින් මිහිතලය කැබලි කරනු ලැබුව ද නැතහොත් එමගින් මළවුන් කතා කරවනු ලැබුව ද (ඔවුන් නුඹ නබිවරයෙකු බව විශ්වාස නොකරති.) එනමුත් කරුණු සියල්ලම අල්ලාහ්ටම හිමිය. විශ්වාස කළවුන් ‘අල්ලාහ් අභිමත කරන්නේ නම් මිනිසුන් සියල්ලන්වම යහමග යොමු කරනු ඇතැ’යි නොදන්නෝ ද?- (විනිශ්චය දිනය පිළිබඳ වූ) අල්ලාහ්ගේ පොරොන්දුව පැමිණෙන තුරු ප්රතික්ෂේප කළවුන් තමන් කළ දෑ හේතුවෙන් කම්පනයක් ඇති කරවන දෑ ඔවුන්ව හසු කරමින් පවතී. නැතහොත් ඔවුන්ගේ නිවෙස් වලට සමීපයෙන් එය පහළ වෙමින් පවතී. අල්ලාහ් ප්රතිඥාව කඩ නොකරන්නේය.
10මක්කාවාසී ප්රතික්ෂේපකයින් නබි මුහම්මද් තුමාණන්ගෙන් ඉල්ලා සිටි ප්රාතිහාර්යයන් මේවාය. මෙයින් අදහස් වන්නේ ඔවුන්ට මෙම ප්රාතිහාර්යයන් ගෙන හැර පෙන්වුව ද ඔවුන් විශ්වාසිකයින් බවට පත් නොවන බවය. මන්දයත් ඔවුන් මේවා ඉල්ලා සිටියේ සමච්චලයට විනා සත්යය අවබෝධ කර ගැනීමේ අදහසින් නොවේ. ඔවුනට ප්රාතිහාර්යයන් පෙන් වූ සෑම මොහොතකම ඔවුන් විශ්වාසිකයින් බවට පත් නොවූයේ එහෙයිනි.
11ප්රතික්ෂේපකයින් ඉල්ලා සිටින අභියෝගයන් අල්ලාහ් විසින් ඉටු කළේ නම් ඔවුන් ද විශ්වාසිකයින් බවට පත්විය හැක යැයි අදිටනින් ඇතැම් මුස්ලිම්වරුන් ඒවා ඉටු වීම ප්රිය කළෝය. එහෙත් මෙම ආයතයෙන් අවධාරණය කරන්නේ යම් ප්රාතිහාර්යයක් ගෙන හැර පෙන්වනවා ද? යන තීන්දුව නියම කරන්නේ අල්ලාහ් විසින් බව හා අල්ලාහ්ගේ ඥානයට කිසිදු පැකිළීමකින් තොරව අවනත විය යුතුය යන්නයි. එනම් අල්ලාහ්ට සියලු මිනිසුන්ව ඔහුට බලෙන් හෝ අවනත කරවීමේ ශක්තිය තිබුණ ද ඔහු එසේ නොකළේ මිනිසාට අවනත වීම හෝ අකීකරු වීම යන කරුණු දෙක අතුරින් එකක් තෝරා ගැනීමේ සිය කැමැත්ත පිරිනමා ඇති නිසාය. තවද අල්ලාහ් විසින් මිනිසාව බලෙන් අවනත කරවීමට සැලැස් වූයේ නම් පිරිසිදු ගැත්තන් තෝරා ගැනීම යන මෙලොව නිර්මාණයේ අරමුණ බැහැර වනු ඇත.
12මෙම ආයතය බැලූ කල මෙතරම් මුරණ්ඩු පිරිසකට අල්ලාහ් විසින් දඬුවම් පහළ නොකරන්නේ මන්දැ’යි හැඟෙනු ඇත. නමුත් මෙයින් පෙන්නුම් කරන්නේ ඔවුන්ගේ පාපකාරී ක්රියා හේතුවෙන් නිරතුරුව ඔවුන් සුළු සුළු ආපදාවන්ට ලක් වෙමින් සිටින අතර ඇතැම් අසල්වැසියන් මුහුණ දෙන ආපදාවන් තුළින් මොවුන්ගේ සිත් තුළ යම් බියක් ඇති වීමය. කෙසේ නමුත් මොවුහු විනිශ්චය දින දී නිරන්තර දඬුවමට නියම වෙති.
وَلَقَدِ اسْتُهْزِئَ بِرُسُلٍ مِّن قَبْلِكَ فَأَمْلَيْتُ لِلَّذِينَ كَفَرُوا ثُمَّ أَخَذْتُهُمْ ۖ فَكَيْفَ كَانَ عِقَابِ
(නබිවරය,) සැබැවින්ම නුඹට පෙර ද රසූල්වරුන් සමච්චල් කරනු ලැබුවෝය. එවිට ප්රතික්ෂේප කළවුනට මා අවකාශය ලබා දුන්නෙමි. පසුව ඔවුන්ව (දඬුවමින්) ග්රහණය කළෙමි. එබැවින් මාගේ දඬුවම කෙසේවී ද?
أَفَمَنْ هُوَ قَائِمٌ عَلَىٰ كُلِّ نَفْسٍ بِمَا كَسَبَتْ ۗ وَجَعَلُوا لِلَّهِ شُرَكَاءَ قُلْ سَمُّوهُمْ ۚ أَمْ تُنَبِّئُونَهُ بِمَا لَا يَعْلَمُ فِي الْأَرْضِ أَم بِظَاهِرٍ مِّنَ الْقَوْلِ ۗ بَلْ زُيِّنَ لِلَّذِينَ كَفَرُوا مَكْرُهُمْ وَصُدُّوا عَنِ السَّبِيلِ ۗ وَمَن يُضْلِلِ اللَّهُ فَمَا لَهُ مِنْ هَادٍ
සෑම ආත්මයක් මතම, ඒවා උපයන දෑ පිළිබඳව භාරකරුවෙකු ලෙස සිටින කෙනෙකු ද? (එනමුත්) ඔවුහු අල්ලාහ්ට (ආදේශයක් ලෙස) හවුල්කරුවන් පත් කරන්නෝය. (නබිවරය,) “(හවුල්කරුවන් වන) ඔවුන්ව නම් කරවු.” යැයි නුඹ (ඔවුනට) පවසවු. එසේ නොමැතිනම් මිහිතලයෙහි ඔහු(අල්ලාහ්) නොදන්නා දෑ ඔහුට නුඹලා දන්වා සිටින්නෙහු ද? එසේ නොමැතිනම් බාහිර (පුහු) ප්රකාශයක් (පමණ) ද? එනමුත් ප්රතික්ෂේප කළවුනට ඔවුන්ගේ කුමන්ත්රණ අලංකාරමත් කර පෙන්වනු ලැබීය. තවද ඔවුහු (ඍජූ) මාර්ගයෙන් වළක්වනු ලැබුවෝය. තවද අල්ලාහ් කවරෙකුව නොමග යෑමට ඉඩ හැරියේ ද ඔහුට යහමග පෙන්වන්නෙකු නැත.”
13එනම් අල්ලාහ් සෑම ආත්මයක් කෙරෙහිම භාරකරුවෙකු ලෙස සිටින අතර වෙනත් කිසිවෙකු හෝ ඔහුට ආදේශ කළ හැක්කෙකු වන්නේ දැ’යි අල්ලාහ් විමසන්නේය.
لَّهُمْ عَذَابٌ فِي الْحَيَاةِ الدُّنْيَا ۖ وَلَعَذَابُ الْآخِرَةِ أَشَقُّ ۖ وَمَا لَهُم مِّنَ اللَّهِ مِن وَاقٍ
මොවුනට මෙලොව ජීවිතයෙහි දඬුවමක් ඇත. තවද මතු ලොවෙහි දඬුවම ඉතා දැඩිය. තවද ඔවුනට අල්ලාහ්ගෙන් (වූ දඬුවමෙන්) ආරක්ෂා කරන්නෙකු නොමැත.
مَّثَلُ الْجَنَّةِ الَّتِي وُعِدَ الْمُتَّقُونَ ۖ تَجْرِي مِن تَحْتِهَا الْأَنْهَارُ ۖ أُكُلُهَا دَائِمٌ وَظِلُّهَا ۚ تِلْكَ عُقْبَى الَّذِينَ اتَّقَوا ۖ وَّعُقْبَى الْكَافِرِينَ النَّارُ
බිය භක්තිකයින්ට පොරොන්දු වනු ලැබූ (ස්වර්ග) උයනේ ස්වභාවය නම් (මෙසේය). ඊට යටින් ගංගාවෝ ගලා බසිති. එහි ආහාර හා එහි සෙවණ සදාතනිකය. මෙය බිය භක්තිකයින්ගේ අවසානයයි. තවද ප්රතික්ෂේපකයින්ගේ අවසානය (නිරා) ගින්නය.
وَالَّذِينَ آتَيْنَاهُمُ الْكِتَابَ يَفْرَحُونَ بِمَا أُنزِلَ إِلَيْكَ ۖ وَمِنَ الْأَحْزَابِ مَن يُنكِرُ بَعْضَهُ ۚ قُلْ إِنَّمَا أُمِرْتُ أَنْ أَعْبُدَ اللَّهَ وَلَا أُشْرِكَ بِهِ ۚ إِلَيْهِ أَدْعُو وَإِلَيْهِ مَآبِ
කවුරුන්හට අපි ධර්ම පුස්තකය පිරිනැමුවෙමුද ඔවුහු නුඹ වෙත පහළ කරනු ලැබූ දෑ පිළිබඳව සතුටු වන්නෝය. තවද (එම) පිරිස් අතුරින් එ(සේ නුඹ වෙත පහළ කරනු ලැබූ දැ)යින් සමහරක් ප්රතික්ෂේප කරන්නන් ද වෙති. (නබිවරය,) “සැබැවින්ම මා අණ කරනු ලැබුවේ අල්ලාහ්ට (පමණක්) මා නමදින ලෙස ද ඔහුට ආදේශ නොතබන ලෙස ද වේ. ඔහු වෙතම මම කැඳවන්නෙමි. තවද ඔහු වෙතමය මාගේ හැරී යාම ඇත්තේ.” යැයි පවසවු.
14මෙයින් පෙන්නුම් කරන්නේ පෙර නබිවරුන්ට පහළ වූ ලේඛනයන් අල් කුර්ආනයෙහි සඳහන්ව ඇති බව දැක අල් කුර්ආනය අල්ලාහ්ගේ වදන් යැයි සැබෑ ලෙස විශ්වාස කළ යුදෙව්වන් හා කිතුණුවන් පිළිබඳවය.
وَكَذَٰلِكَ أَنزَلْنَاهُ حُكْمًا عَرَبِيًّا ۚ وَلَئِنِ اتَّبَعْتَ أَهْوَاءَهُم بَعْدَ مَا جَاءَكَ مِنَ الْعِلْمِ مَا لَكَ مِنَ اللَّهِ مِن وَلِيٍّ وَلَا وَاقٍ
මෙලෙස අපි මෙ(ම අල් කුර්ආන)ය අරාබියෙන් වූ නීතියක් ලෙස පහළ කළෙමු. තවද දැනුමෙන් (දැයක්) නුඹ වෙත පැමිණීමෙන් පසුව ද ඔවුන්ගේ ආශාවන් නුඹ අනුගමනය කළෙහි නම් නුඹට අල්ලාහ්ගෙන් (වූ දඬුවමෙන්) උදව් කරන්නෙකු හෝ ආරක්ෂා කරන්නෙකු හෝ නොමැති වනු ඇත.
وَلَقَدْ أَرْسَلْنَا رُسُلًا مِّن قَبْلِكَ وَجَعَلْنَا لَهُمْ أَزْوَاجًا وَذُرِّيَّةً ۚ وَمَا كَانَ لِرَسُولٍ أَن يَأْتِيَ بِآيَةٍ إِلَّا بِإِذْنِ اللَّهِ ۗ لِكُلِّ أَجَلٍ كِتَابٌ
සැබැවින්ම අපි නුඹට පෙර ද රසූල්වරුන් එවා ඔවුනට අපි භාර්යාවන් හා පරපුරක් ද ඇති කළෙමු. තවද කිසිදු රසූල්වරයෙකුට අල්ලාහ්ගේ අනුමැතියෙන් මිස කිසිදු සාධකයක් ගෙන ඒමට (කිසිදු හැකියාවක්) නොවීය. සෑම කාලයකටම (ආවේණික නීති සටහන්) ලේඛනයක් ඇත.
15එකල ප්රතික්ෂේපකයින් “නබිවරුන් ඉතා උසස් උදවිය හෙයින් ඔවුනට දරුවන් හා භාර්යාවන් අවශ්යය නොවන බව තර්ක කළෝය. එහෙත් මෙයින් පෙන්නුම් කරන්නේ නබිත්වයේ මෙහෙයට දරුවන් හා භාර්යාවන් කිසිදු බාධාවක් නොවන බව ද ඔවුන් ජනයාට යහමග පෙන්වන්නන් හෙයින් දරුවන් හා භාර්යාවන් සමග යහ අයුරින් ජීවත් වී ආදර්ශයක් විය හැකි බවය.
يَمْحُو اللَّهُ مَا يَشَاءُ وَيُثْبِتُ ۖ وَعِندَهُ أُمُّ الْكِتَابِ
අල්ලාහ් අභිමත කරන දෑ (එයින්) මකා දමන්නේය. තවද ඔහු (අභිමත කරන දෑ) ස්ථාවර කරන්නේය. තවද මව් පුස්තකය ඇත්තේ ඔහු අබියසය.
16නබි මුහම්මද් තුමාණන් ගෙන ආ දහම අන් නබිවරුන් ගෙන ආ දහමට වඩා වෙනස් යැයි ඇතැම් යුදෙව්වන් හා කිතුනුවන් තර්ක කරන්නට වූහ. මෙම ආයතය එම තර්කයට පිළිතුරකි. එනම් නබි මුහම්මද් තුමාණන් තම ස්ව කැමැත්තට අනුව කිසිදු නව දැයක් අන්තර්ගත නොකරන අතර අල්ලාහ් තම ඥානයෙන් නොයෙක් දෑ දහමට අන්තර්ගත කරන්නේය. එබැවින් අල්ලාහ් විසින් මීට පෙර නබිවරුන්ට පහළ කළ දෑ මුලිනුපුටා දැමීම, නව විෂයන් අන්තර්ගත කිරීම හා පෙර දහම්හි විෂයන් ලොව අවසානය දක්වා දහම් ගත කිරීම යන සියල්ලම අල්ලාහ්ගේ අභිමතය පරිදි සිදුවන අතර මෙම සියල්ලක්ම “ලව්හුල් මහ්ෆූල්” නැමැති මව් පුස්තකයේ සඳහන් වී ඇත.
وَإِن مَّا نُرِيَنَّكَ بَعْضَ الَّذِي نَعِدُهُمْ أَوْ نَتَوَفَّيَنَّكَ فَإِنَّمَا عَلَيْكَ الْبَلَاغُ وَعَلَيْنَا الْحِسَابُ
(නබිවරය,) අපි ඔවුනට ප්රතිඥා දුන් දැයින් සමහරක් (මෙලොවෙහිම) නුඹට (ගෙනහැර) පෙන්වූව ද එසේ නොමැතිනම් (එයට පෙරම) අපි නුඹව මරණයට පත් කළ ද නුඹ කෙරෙහි (වූ වගකීම) වනුයේ ප්රචාරය කිරීම (පමණ)ය. තවද අප කෙරෙහි වනුයේ විනිශ්චය කිරීමය.
أَوَلَمْ يَرَوْا أَنَّا نَأْتِي الْأَرْضَ نَنقُصُهَا مِنْ أَطْرَافِهَا ۚ وَاللَّهُ يَحْكُمُ لَا مُعَقِّبَ لِحُكْمِهِ ۚ وَهُوَ سَرِيعُ الْحِسَابِ
අපි මිහිතලය එහි පැතිකඩ වලින් ඛාදනය කරමින් පැමිණෙන බව ඔවුහු නොදුටුවෝ ද? තවද අල්ලාහ් විනිශ්චය කරන්නේය. ඔහුගේ විනිශ්චය වෙනස් කරන්නෙකු (හෝ වළක්වන්නෙකු) නැත. තවද ඔහු විනිශ්චය කිරීමෙහි ශීඝ්රය.
17“අපි මිහිතලය එහි පැතිකඩ වලින් ඛාදනය කරමින් පැමිණෙන බව” යන කොටසෙහි අදහස ලොවෙන් ප්රතික්ෂේපය යන පාපය දිනෙන් දින තුරන් වන බවය. තවද විද්යාත්මකව බැලූ කල මෙය “මුහුදු ඛාදනය” පිළිබඳව පවසන බව ද අදහස් කළ හැක. තවද මෙය ලොව විනාශයක් සිදු වනු ඇත යන්නට සාධකයකි. මෙවන් දෑ අල් කුර්ආනයේ සඳහන් වීම පුදුම සහගත දෙයක් නොවේ. මන්දයත් අල් කුර්ආනය පහළ කළා වූ අල්ලාහ් මුළු විශ්වයෙහිම සර්වඥ මැවුම්කරුය.
وَقَدْ مَكَرَ الَّذِينَ مِن قَبْلِهِمْ فَلِلَّهِ الْمَكْرُ جَمِيعًا ۖ يَعْلَمُ مَا تَكْسِبُ كُلُّ نَفْسٍ ۗ وَسَيَعْلَمُ الْكُفَّارُ لِمَنْ عُقْبَى الدَّارِ
මොවුනට පෙර වූවන් ද (තම රසූල්වරුන්ට) කුමන්ත්රණය කළෝය. උපායයන් සියල්ලම අල්ලාහ් සතුය. සෑම ආත්මයක්ම උපයන දෑ ඔහු දන්නේය. තවද ‘(මතු) නිවහනේ (යහ) අවසානය කවරෙකුට දැ’යි ප්රතික්ෂේපකයෝ මතු දැන ගන්නෝය.
وَيَقُولُ الَّذِينَ كَفَرُوا لَسْتَ مُرْسَلًا ۚ قُلْ كَفَىٰ بِاللَّهِ شَهِيدًا بَيْنِي وَبَيْنَكُمْ وَمَنْ عِندَهُ عِلْمُ الْكِتَابِ
ප්රතික්ෂේප කළවුන් “නුඹ රසූල්වරයෙකු නොවේ” යැයි පවසති. (නබිවරය,) “මා අතර ද නුඹලා අතර ද සාක්ෂිකරුවෙකු වශයෙන් අල්ලාහ් සහ ධර්ම පුස්තකය පිළිබඳව දැනුමැත්තන් ප්රමාණවත් යැ”යි පවසවු.
18මෙයින් පෙන්නුම් කරන්නේ නබි මුහම්මද් තුමාණන්ගේ සම්ප්රාප්තිය පිළිබඳ සඳහන් පෙර නබිවරුන්ගේ ලේඛනයන් ගැන දැනුමැති අවංක පුද්ගලයින් පිළිබඳවය.