الر ۚ تِلْكَ آيَاتُ الْكِتَابِ الْمُبِينِ
අලිෆ්. ලාම්. රා. මෙය පැහැදිලි ධර්ම පුස්තකයේ වදන්ය.
1වැඩි විස්තර සඳහා අල් කුර්ආන් 2:1 පාද සටහන බලන්න.
إِنَّا أَنزَلْنَاهُ قُرْآنًا عَرَبِيًّا لَّعَلَّكُمْ تَعْقِلُونَ
නුඹලා අවබෝධ කර ගනු පිණිස සැබැවින්ම අපි එ(ම අල් කුර්ආන)ය අරාබි භාෂාවෙන් පාරායනය කරන්නක් බවට පහළ කළෙමු.
نَحْنُ نَقُصُّ عَلَيْكَ أَحْسَنَ الْقَصَصِ بِمَا أَوْحَيْنَا إِلَيْكَ هَـٰذَا الْقُرْآنَ وَإِن كُنتَ مِن قَبْلِهِ لَمِنَ الْغَافِلِينَ
(නබිවරය,) මෙම අල් කුර්ආනය නුඹට වහී (දේව පණිවිඩ) පහළ කිරීම තුළින් ඉතා අලංකාර වෘත්තාන්තය අපි නුඹ වෙත දන්වන්නෙමු. මීට පෙර නුඹ (මේ ගැන) නොදන්නන් අතුරින් කෙනෙකුව සිටියෙහිය.
إِذْ قَالَ يُوسُفُ لِأَبِيهِ يَا أَبَتِ إِنِّي رَأَيْتُ أَحَدَ عَشَرَ كَوْكَبًا وَالشَّمْسَ وَالْقَمَرَ رَأَيْتُهُمْ لِي سَاجِدِينَ
(නබිවරය,) “මාගේ පියාණනි, සැබැවින්ම මම තාරකා එකොළහක් ද හිරු ද සඳු ද (සිහිනෙන්) දුටුවෙමි. ඒවා මට සිරස නමනු මා දුටුවෙමි” යැයි යූසුෆ් තම පියාට පැවසූ අවස්ථාව (සිහිපත් කරවු.)
قَالَ يَا بُنَيَّ لَا تَقْصُصْ رُؤْيَاكَ عَلَىٰ إِخْوَتِكَ فَيَكِيدُوا لَكَ كَيْدًا ۖ إِنَّ الشَّيْطَانَ لِلْإِنسَانِ عَدُوٌّ مُّبِينٌ
(එම සිහිනයෙහි යථාර්ථය වටහා ගත් ඔහුගේ පියා) “මාගේ පුතුණුවනි! නුඹගේ සිහිනය නුඹගේ සහෝදරයින්ට නොදන්වවු. එවිට ඔවුන් නුඹට කුමන්ත්රණයක් සැලසුම් කරති. සැබැවින්ම ෂෙයිතාන් මිනිසුනට පැහැදිලි සතුරෙකි.
2නබි යඃකූබ් තුමාණන්ට දරුවන් 12 දෙනෙකු සිටියේය. නබි යූසුෆ් හා බින්යාමීන්(Benjamin) යන දරුවන් දෙදෙනා එක් බිරියකගේ ද අනෙක් දස දෙනා අනෙක් බිරියගේ ද දරුවන් විය. නබි යඃකූබ් තුමාණන් නබි යූසුෆ් තුමාණන් කෙරෙහි දැඩි ආදරයක් දැක් වූ හෙයින් මොහුගේ පියාගේ ප්රථම බිරියගේ දරුවන් මොහු සමග ඊර්ෂ්යාවෙන් පසු වූවෝය. නබි යූසුෆ් තුමාණන් දුටු සිහිනයේ තාරුකාවන්ට උපමාව තම සොහොයුරන් වන අතර හිරු හා චන්ද්රයාගේ උපමාව තම දෙමාපියන් වෙති. මේ සියල්ලන්ම අවසානයේ දී නබි යූසුෆ් තුමාණන්ට ගරු කොට ඔහු උසස් පදවියක් ලබන බව මෙම සිහිනයෙහි යථාර්ථය විය. එබැවින් එතුමාගේ පියාගේ ප්රථම බිරියගේ දරුවන්ට මෙම සිහිනය පිළිබඳව නොදන්වන මෙන් නබි යඃකූබ් තුමාණන් පැවසුවේ ඔවුන් මෙම සිහිනයේ යථාර්ථය දැන ගත්තේ නම් ඔහුට යම් හිංසාවක් කරනු ඇත යන බියෙනි.
وَكَذَٰلِكَ يَجْتَبِيكَ رَبُّكَ وَيُعَلِّمُكَ مِن تَأْوِيلِ الْأَحَادِيثِ وَيُتِمُّ نِعْمَتَهُ عَلَيْكَ وَعَلَىٰ آلِ يَعْقُوبَ كَمَا أَتَمَّهَا عَلَىٰ أَبَوَيْكَ مِن قَبْلُ إِبْرَاهِيمَ وَإِسْحَاقَ ۚ إِنَّ رَبَّكَ عَلِيمٌ حَكِيمٌ
එලෙසින් නුඹගේ පරමාධිපති නුඹව (නබිත්වය සඳහා) තෝරා ගෙන සිහිනයන්හි යථාර්ථය නුඹට උගන්වා දී මීට පෙර නුඹගේ පියවරුන් දෙදෙනෙකු වන ඉබ්රාහීම් හා ඉස්හාක් කෙරෙහි තම වරප්රසාදයන් සම්පූර්ණ කළාක් මෙන් එය නුඹ හා යඃකූබ්ගේ පවුල කෙරෙහි ද සම්පූර්ණ කරනු ඇත (යැයි යඃකූබ් තම පුතු වන යූසුෆ්ට පැවසුවේය). සැබැවින්ම නුඹගේ පරමාධිපති සර්වඥය සර්ව ප්රඥාවන්තය.
3මෙම ආයතයේ “සම්පූර්ණ කරනු ඇත” යන්නෙහි අරුත මොහු නබිවරයෙකු බවට පත් වීම, සිහිනයන් විවරණ කිරීමේ හැකියාව ලැබීම සහ ඊජිප්තු දේශයේ භාණ්ඩාගාරික තනතුර දැරීම යන භාග්යයන් ලැබීමය.
لَّقَدْ كَانَ فِي يُوسُفَ وَإِخْوَتِهِ آيَاتٌ لِّلسَّائِلِينَ
(නබිවරය,) සැබැවින්ම යූසුෆ් හා ඔහුගේ සහෝදරයින් විෂයෙහි (අප නුඹට දැන්වීම තුළින් ඒ පිළිබඳව) විමසන්නන්ට සාධක ඇත්තේය.
إِذْ قَالُوا لَيُوسُفُ وَأَخُوهُ أَحَبُّ إِلَىٰ أَبِينَا مِنَّا وَنَحْنُ عُصْبَةٌ إِنَّ أَبَانَا لَفِي ضَلَالٍ مُّبِينٍ
“අපි ශක්තිමත් කණ්ඩායමක්ව සිටිය දී අපට වඩා (අපගේ කුඩම්මාගේ පුතුන් වන) යූසුෆ් හා ඔහුගේ සහෝදරයා අපගේ පියාණන්ට ඉතා මනාපය. සැබැවින්ම අපගේ පියාණන් පැහැදිලි වරදෙහිය” යැයි (යඃකූබ්ගේ සෙසු දරුවන් වන) ඔවුහු පැවසූ කල්හි,
اقْتُلُوا يُوسُفَ أَوِ اطْرَحُوهُ أَرْضًا يَخْلُ لَكُمْ وَجْهُ أَبِيكُمْ وَتَكُونُوا مِن بَعْدِهِ قَوْمًا صَالِحِينَ
(ඔවුන්ගෙන් ඇතැමුන්) “යූසුෆ්ව ඝාතනය කරවු. එසේ නොමැතිනම් ඔහුව (ඈත) පෙදෙසක විසි කර දමවු. (එවිට) නුඹලාගේ පියාගේ මුහුණ(අවධානය) නුඹලා වෙතම යොමු වනු ඇත. තවද නුඹලා ඉන් පසුව (එම පාපය සඳහා පශ්චාත්තාපයේ යෙදී නුඹලාගේ පියා ඉදිරියේ) දැහැමි පිරිසක් බවට පත් විය හැකිය.” (යැයි පැවසූහ.)
قَالَ قَائِلٌ مِّنْهُمْ لَا تَقْتُلُوا يُوسُفَ وَأَلْقُوهُ فِي غَيَابَتِ الْجُبِّ يَلْتَقِطْهُ بَعْضُ السَّيَّارَةِ إِن كُنتُمْ فَاعِلِينَ
“නුඹලා (ඔහුට යම් හිංසනයක්) කරන්නන්ව සිටියෙහු නම් නුඹලා යූසුෆ්ව මරා නොදමවු. ඔහුව ළිඳක ගැඹුරට දමවු. (එවිට අසලින් යන) සමහර මගියන් ඔහුව (එයින්) ගනු ඇතැ”යි ඔවුන් අතුරින් කෙනෙකු පැවසුවේය.
قَالُوا يَا أَبَانَا مَا لَكَ لَا تَأْمَنَّا عَلَىٰ يُوسُفَ وَإِنَّا لَهُ لَنَاصِحُونَ
(හෙට දින ක්රීඩා කිරීමට යූසුෆ්ව ද රැගෙන යාමට ඔවුන් පියාගෙන් අනුමැතිය අසා ඔහු එය ප්රතික්ෂේප කළ කල්හි,) “අපගේ පියාණනි, යූසුෆ් විෂයෙහි අපව විශ්වාස නොකර සිටින්නට ඔබට කුමක් (වී) ද? සැබැවින්ම අපි ද යහපත පතන්නන් වෙමු” යැයි ඔවුහු පැවසුවෝය.
أَرْسِلْهُ مَعَنَا غَدًا يَرْتَعْ وَيَلْعَبْ وَإِنَّا لَهُ لَحَافِظُونَ
හෙට දින ඔහුව අප සමග යවවු. ඔහු (පලතුරු කමින් සතුටින්) සැරිසරාවි. ක්රීඩා කරාවි. තවද සැබැවින්ම අපි ඔහුව ආරක්ෂා කරන්නන් වන්නෙමු.
قَالَ إِنِّي لَيَحْزُنُنِي أَن تَذْهَبُوا بِهِ وَأَخَافُ أَن يَأْكُلَهُ الذِّئْبُ وَأَنتُمْ عَنْهُ غَافِلُونَ
“නුඹලා ඔහුව කැටුව යෑම සැබැවින්ම මා දුකට පත් කරවන්නේය. තවද නුඹලා ඔහු ගැන අනවධානීන්ව සිටිය දී ඔහුව වෘකයා කා දමනු ඇතැ’යි මම බිය වෙමි.” යැයි ඔහු(යඃකූබ්) පැවසුවේය.
قَالُوا لَئِنْ أَكَلَهُ الذِّئْبُ وَنَحْنُ عُصْبَةٌ إِنَّا إِذًا لَّخَاسِرُونَ
“අපි ශක්තිමත් කණ්ඩායමක්ව සිටිය දී වෘකයා ඔහුව කා දමන්නේ නම් සැබැවින්ම අපි එවිට අලාභවන්තයින් වන්නෙමු.”යැයි ඔවුහු පැවසුවෝය.
فَلَمَّا ذَهَبُوا بِهِ وَأَجْمَعُوا أَن يَجْعَلُوهُ فِي غَيَابَتِ الْجُبِّ ۚ وَأَوْحَيْنَا إِلَيْهِ لَتُنَبِّئَنَّهُم بِأَمْرِهِمْ هَـٰذَا وَهُمْ لَا يَشْعُرُونَ
පසුව (ඔහු සමග යාමට අනුමැතිය ලැබ) ඔවුන් ඔහුව කැටුව ගොස් ළිඳෙහි ගැඹුරට ඔහුව දමන්නට ඔවුහු ඒකමතික තීරණයකට එළැඹුණු කල්හි, (ඔවුහු එසේම කළෝය.) “ඔවුන් (නුඹව) නොහඳුනන්නන්ව සිටිය දී ඔවුන්ගේ මෙම කරුණ පිළිබඳව නුඹ(යූසුෆ්) (දිනක) ඔවුනට දන්වන්නේය” යැයි අපි ඔහුට වහී පහළ කළෙමු.
وَجَاءُوا أَبَاهُمْ عِشَاءً يَبْكُونَ
ඔවුන් හඬා වැලපෙමින් (එදින) රාත්රියෙහි ඔවුන්ගේ පියාණන් වෙත පැමිණියෝය.
قَالُوا يَا أَبَانَا إِنَّا ذَهَبْنَا نَسْتَبِقُ وَتَرَكْنَا يُوسُفَ عِندَ مَتَاعِنَا فَأَكَلَهُ الذِّئْبُ ۖ وَمَا أَنتَ بِمُؤْمِنٍ لَّنَا وَلَوْ كُنَّا صَادِقِينَ
“අපගේ පියාණනි! අපි දිවීමේ තරඟයෙහි නියැළුනෙමු. අපගේ භාණ්ඩ අබියස යූසුෆ්ව අත හැර දැමුවෙමු. එවිට වෘකයා ඔහුව කා දැමුවේය. අපි සත්යවාදීන්ව සිටිය ද ඔබ අපව විශ්වාස කරන්නෙකු නොවේ” යැයි පැවසුවෝය.
وَجَاءُوا عَلَىٰ قَمِيصِهِ بِدَمٍ كَذِبٍ ۚ قَالَ بَلْ سَوَّلَتْ لَكُمْ أَنفُسُكُمْ أَمْرًا ۖ فَصَبْرٌ جَمِيلٌ ۖ وَاللَّهُ الْمُسْتَعَانُ عَلَىٰ مَا تَصِفُونَ
තවද (මෙයට සාක්ෂි වශයෙන්) ව්යාජ රුධිරය ඔහුගේ කමිසය මත (තවරා) ගෙන ආවෝය. නැත (මෙය අසත්යයකි). නුඹලාට නුඹලාගේ ආත්මාවන් යම් (වැරදි) කරුණක් අලංකාර කර පෙන්වා ඇත. එබැවින් (මා කළ යුත්තේ) අලංකාර ඉවසීමකි. නුඹලා (බොරු ගොතා) කියන දෑට එරෙහිව මට උදව් කරන්නා අල්ලාහ්මය.
وَجَاءَتْ سَيَّارَةٌ فَأَرْسَلُوا وَارِدَهُمْ فَأَدْلَىٰ دَلْوَهُ ۖ قَالَ يَا بُشْرَىٰ هَـٰذَا غُلَامٌ ۚ وَأَسَرُّوهُ بِضَاعَةً ۚ وَاللَّهُ عَلِيمٌ بِمَا يَعْمَلُونَ
තවලමක් (එම ළිඳ තිබෙන ස්ථානයට) පැමිණියේය. එවිට ඔවුන් ඔවුන්ගේ ජලය සපයන්නා (ජලය ගෙන ඒම සඳහා) එවූහ. ඔහු තම පනිට්ටුව (ළිඳ තුළට) දැමුවේය. (එවිට එහි සිටි යූසුෆ්ව දැක) “අහෝ සුබාරංචියකි! මෙන්න දරුවෙක්” යැයි ඔහු පැවසීය. (එම ස්ථානයේ සිටි සහෝදරයින් වන) ඔවුන් ඔහුව වෙළඳ භාණ්ඩයක් වශයෙන් (පත් කොට, සැබෑ විෂය) සඟවා ගත්තෝය. ඔවුන් කරමින් සිටින දෑ ගැන අල්ලාහ් සර්වඥය.
4නබි යූසුෆ් තුමාණන් මොවුන්ගේ සහෝදරයා බව ද මොවුන් ඔහුව ළිඳට හෙළු බව ද සඟවා ගිනිමින් “මොහු අපෙන් පැන දිවූ වහලෙකු” යැයි ද “අප මොහුව සොයමින් පැමිණියෙමු” යැයි ද තවලමට පැවසුවෝය. පසුව සහෝදරයින් නබි යූසුෆ් තුමාණන්ව සුළු මිළකට විකුණුවෝය. එම තවලම කුඩා නබි යූසුෆ් තුමාණන්ව මිසර දේශයට ගෙන ගොස් එම දේශයෙහි වාණිජ අමාත්යයවරයාට විකුණා දැමුවෝය.
وَشَرَوْهُ بِثَمَنٍ بَخْسٍ دَرَاهِمَ مَعْدُودَةٍ وَكَانُوا فِيهِ مِنَ الزَّاهِدِينَ
පසුව ඔවුන් ඔහුව සුළු මිලක් වූ රිදී කාසි කිහිපයකට (තවලමට) විකුණා දැමුවෝය. තවද ඔහු විෂයෙහි ඔවුහු අගයක් නොදැක්වූවන්ව සිටියහ.
وَقَالَ الَّذِي اشْتَرَاهُ مِن مِّصْرَ لِامْرَأَتِهِ أَكْرِمِي مَثْوَاهُ عَسَىٰ أَن يَنفَعَنَا أَوْ نَتَّخِذَهُ وَلَدًا ۚ وَكَذَٰلِكَ مَكَّنَّا لِيُوسُفَ فِي الْأَرْضِ وَلِنُعَلِّمَهُ مِن تَأْوِيلِ الْأَحَادِيثِ ۚ وَاللَّهُ غَالِبٌ عَلَىٰ أَمْرِهِ وَلَـٰكِنَّ أَكْثَرَ النَّاسِ لَا يَعْلَمُونَ
මිසරයේ ඔහුව මිල දී ගත් කෙනා(අමාත්යවරයා) තම බිරියට “ඔබ ඔහුගේ නවාතැන ගෞරවයෙන් තබවු. ඔහු අපට ප්රයෝජනවත් විය හැකිය. එසේ නොමැති නම් අපි ඔහුව දරුවෙකු ලෙස (හදා වඩා) ගනිමු” යැයි පැවසුවේය. මෙලෙසම අපි මිහිතලයේ යූසුෆ්ට පහසුකම් සැලසුවෙමු. (අප මෙසේ කළේ) අපි ඔහුට සිහිනයන්හි යථාර්ථය උගන්වා දීම පිණිසය. අල්ලාහ් තම කාර්යයන්හි (සියල්ල) අබිබවන්නෙකි. එනමුත් මිනිසුන්ගෙන් බොහෝ දෙනා (ඒ බව) නොදනිති.
وَلَمَّا بَلَغَ أَشُدَّهُ آتَيْنَاهُ حُكْمًا وَعِلْمًا ۚ وَكَذَٰلِكَ نَجْزِي الْمُحْسِنِينَ
තවද ඔහුගේ වැඩිවියට ඔහු එළැඹූ විට ඔහුට අපි ප්රඥාව ද දැනුම ද ලබා දුනිමු. අප යහපත කරන්නන්ට ප්රතිඵල ලබා දෙනුයේ මෙලෙසය.
وَرَاوَدَتْهُ الَّتِي هُوَ فِي بَيْتِهَا عَن نَّفْسِهِ وَغَلَّقَتِ الْأَبْوَابَ وَقَالَتْ هَيْتَ لَكَ ۚ قَالَ مَعَاذَ اللَّهِ ۖ إِنَّهُ رَبِّي أَحْسَنَ مَثْوَايَ ۖ إِنَّهُ لَا يُفْلِحُ الظَّالِمُونَ
ඔහු කවර කාන්තාවකගේ නිවසේ සිටියේ ද, ඇය ඔහුව (වරදට) පොලඹවන්නට තැත් කර, (නිවසෙහි සියලු) දොරටු වසා දමා “(මා වෙත) පැමිණෙන්න” යැයි පැවසුවාය. “අල්ලාහ් (මා) ආරක්ෂා කරත්වා! සැබැවින්ම (මා මිලට ගෙන හැදූ වැඩූ නුඹගේ සැමියා වන) ඔහු මාගේ ස්වාමියාය. මාගේ නවාතැන ඔහු අලංකාරමත් කර දී ඇත. සැබැවින්ම අපරාධකරුවෝ ජයග්රහණය නොලබති.” යැයි ඔහු(යූසුෆ්) පැවසුවේය.
5ඇය ඊජිප්තුවේ අමාත්යවරයාගේ බිරිය වන zසුලෙයිහා ය. නබි යූසුෆ් තුමාණන්ගේ පුරුෂත්ව අලංකාරයට ආකර්ෂණය වූ හෙයින් ඇය මොහුව වරදෙහි පොළොඹවන්නට තැත් කළාය.
وَلَقَدْ هَمَّتْ بِهِ ۖ وَهَمَّ بِهَا لَوْلَا أَن رَّأَىٰ بُرْهَانَ رَبِّهِ ۚ كَذَٰلِكَ لِنَصْرِفَ عَنْهُ السُّوءَ وَالْفَحْشَاءَ ۚ إِنَّهُ مِنْ عِبَادِنَا الْمُخْلَصِينَ
සැබැවින්ම ඇය ඔහුට ආශා කළාය. ඔහු තම පරමාධිපතිගේ සාධකය නොදුටුවේ නම් ඔහු ද ඇයට ආශා කරන්නට තිබුණි. මෙලෙස (ඔහුට අප සාධක පෙන් වනුයේ) පාපය හා අශික්ෂිත දෑ ඔහුගෙන් අපි පහ කිරීම පිණිසය. සැබැවින්ම ඔහු (විශ්වාස කොට අවනත වීම සඳහා) තෝරා ගනු ලැබූ අපගේ ගැත්තන් අතුරිනි.
6මොහුව පාපයෙන් ආරක්ෂා කළ මෙම සාධකය කුමක් ද? යන්න අල් කුර්ආනයේ සඳහන් වී නොමැත. එහෙත් එම සාධකයන්ට විවිධ විවරණ ඇති අතර ‘පාපයෙහි භයානකත්වය පිළිබඳ ඔහුට හැඟීමක් ඇති වීම.’ එසේ නැතහොත් ‘මොහුගේ පියාගේ හෝ ස්වාමියාගේ ස්වරූපය ඔහු අබියස දිස් වීම.’ විය හැකි බව ඇතැම් විශාරදයින්ගේ මතයයි.
وَاسْتَبَقَا الْبَابَ وَقَدَّتْ قَمِيصَهُ مِن دُبُرٍ وَأَلْفَيَا سَيِّدَهَا لَدَى الْبَابِ ۚ قَالَتْ مَا جَزَاءُ مَنْ أَرَادَ بِأَهْلِكَ سُوءًا إِلَّا أَن يُسْجَنَ أَوْ عَذَابٌ أَلِيمٌ
ඔවුන් දෙදෙනාම (එකිනෙකා අබිබවමින්) දොරටුව වෙත දිව ගියෝය. තවද ඇය ඔහුගේ කමිසය පිටුපසින් ඇද ඉරා දැමුවාය. එවිට දොරටුව අසල ඇයගේ ස්වාමියාව ඔවුන් දෙදෙනා දුටුවෝය. (එවිට) ඇය “ඔබේ බිරියට හානියක් අපේක්ෂා කළ අයට සිරගත කරනු ලැබීම හෝ වේදනීය දඬුවම මිස වෙනත් කවර ප්රතිවිපාකයක් විය හැකි ද?” යැයි පැවසුවාය.
قَالَ هِيَ رَاوَدَتْنِي عَن نَّفْسِي ۚ وَشَهِدَ شَاهِدٌ مِّنْ أَهْلِهَا إِن كَانَ قَمِيصُهُ قُدَّ مِن قُبُلٍ فَصَدَقَتْ وَهُوَ مِنَ الْكَاذِبِينَ
“ඇය විසින් මා (වරදට) පොලඹවීමට තැත් කළාය” යැයි ඔහු පැවසුවේය. තවද “ඔහුගේ කමිසය ඉදිරිපසින් ඉරා දමනු ලැබ ඇත්නම් එවිට ඇය සත්යය පවසා ඇත්තාය. එවිට ඔහු බොරුකාරයින් අතුරිනි. තවද ඔහුගේ කමිසය පසුපසින් ඉරා දමනු ලැබ ඇත්නම් එවිට ඇය අසත්යය පවසා ඇත්තාය. එවිට ඔහු සත්යවාදීන් අතුරිනි.” යැයි ඇයගේ පවුලෙන් සාක්ෂිකරුවෙකු සාක්ෂි පැවසුවේය.
7මෙම අවස්ථාවේ දී නබි යූසුෆ් තුමාණන්ගේ කමිසය පිටු පසින් ඉරී තිබුණා හැර වරද කළේ කවුරුන් ද යන්න හඳුනා ගැනීමට කිසිදු බාහිර සාක්ෂියක් නොවීය. ඔහුගේ කමිසය ඉදිරිපසින් ඉරී තිබුණා නම් එයින් අදහස් වන්නේ මොහු ඇය වෙත සමීප වූ විටෙක ඇය මොහුගෙන් වැළකීමට ඉරා තිබෙනු ඇත යන්නය. එහෙත් එය පිටු පසින් ඉරී තිබුණා නම් ඇය මොහුව ලුහුබැඳ යන විට ඇය මොහුගේ පිටුපසින් ඉරා දමන්නට තිබුණා යන්න මෙහි අදහසය.
وَإِن كَانَ قَمِيصُهُ قُدَّ مِن دُبُرٍ فَكَذَبَتْ وَهُوَ مِنَ الصَّادِقِينَ
“ඇය විසින් මා (වරදට) පොලඹවීමට තැත් කළාය” යැයි ඔහු පැවසුවේය. තවද “ඔහුගේ කමිසය ඉදිරිපසින් ඉරා දමනු ලැබ ඇත්නම් එවිට ඇය සත්යය පවසා ඇත්තාය. එවිට ඔහු බොරුකාරයින් අතුරිනි. තවද ඔහුගේ කමිසය පසුපසින් ඉරා දමනු ලැබ ඇත්නම් එවිට ඇය අසත්යය පවසා ඇත්තාය. එවිට ඔහු සත්යවාදීන් අතුරිනි.” යැයි ඇයගේ පවුලෙන් සාක්ෂිකරුවෙකු සාක්ෂි පැවසුවේය.
فَلَمَّا رَأَىٰ قَمِيصَهُ قُدَّ مِن دُبُرٍ قَالَ إِنَّهُ مِن كَيْدِكُنَّ ۖ إِنَّ كَيْدَكُنَّ عَظِيمٌ
ඔහුගේ කමිසය පිටුපසින් ඉරී තිබීම (සැමියා වන) ඔහු දුටු විට සැබැවින්ම මෙය නුඹගේ කූට උපායකින් යුතුය. සැබැවින්ම (කාන්තාවන් වන) නුඹලාගේ කූට උපාය අති මහත්ය. යැයි ඔහු පැවසුවේය.
يُوسُفُ أَعْرِضْ عَنْ هَـٰذَا ۚ وَاسْتَغْفِرِي لِذَنبِكِ ۖ إِنَّكِ كُنتِ مِنَ الْخَاطِئِينَ
යූසුෆ්! මෙය නොසලකා හරිවු. (යැයි ඔහු පවසා තම බිරිය වෙත හැරී) නුඹ නුඹගේ පාපයට සමාව ඇයැද සිටිවු. සැබැවින්ම නුඹ වැරදිකරුවන්ගෙන් එකියෙකි. (යැයි පැවසුවේය.)
وَقَالَ نِسْوَةٌ فِي الْمَدِينَةِ امْرَأَتُ الْعَزِيزِ تُرَاوِدُ فَتَاهَا عَن نَّفْسِهِ ۖ قَدْ شَغَفَهَا حُبًّا ۖ إِنَّا لَنَرَاهَا فِي ضَلَالٍ مُّبِينٍ
“ඇමතිගේ බිරිය ඇයගේ තරුණ සේවකයා (වරදට) පොලඹවීමට තැත් කර ඇත. ඔහු ද ආදරයෙන් ඇයව ඉක්මවා ගොස් ඇත. තවද ඇය පැහැදිලි නොමගෙහි පසු වන බව ද සැබැවින්ම අපි දකින්නෙමු” යැයි නගරයේ කාන්තාවෝ ප්රකාශ කළෝය.
فَلَمَّا سَمِعَتْ بِمَكْرِهِنَّ أَرْسَلَتْ إِلَيْهِنَّ وَأَعْتَدَتْ لَهُنَّ مُتَّكَأً وَآتَتْ كُلَّ وَاحِدَةٍ مِّنْهُنَّ سِكِّينًا وَقَالَتِ اخْرُجْ عَلَيْهِنَّ ۖ فَلَمَّا رَأَيْنَهُ أَكْبَرْنَهُ وَقَطَّعْنَ أَيْدِيَهُنَّ وَقُلْنَ حَاشَ لِلَّهِ مَا هَـٰذَا بَشَرًا إِنْ هَـٰذَا إِلَّا مَلَكٌ كَرِيمٌ
ඔවුන්ගේ අවලාද ගැන ඇය ඇසූ කල්හි ඔවුන් වෙත (සංග්රහයකට ආරාධනයක්) යැව්වාය. (ඔවුන් සංග්රහයට පැමිණි කල්හි) ඔවුන් සඳහා සැප පහසු ස්ථානයක් ද පිළියෙල කර ඔවුන්ගෙන් සෑම කෙනෙකුටම ඇය (පලතුරු හා) පිහියක් බැගින් ලබා දී පසුව ඔවුන් (පලතුරු කපමින් සිටිය දී යූසුෆ්ට) ඉදිරියට පැමිණෙන්නැ’යි කීවාය. ඔවුහු ඔහුව දුටු කල්හි ඔහුගෙන් තුෂ්ණිම්භූත වී (නොදැනුවත්ව) තම අත් කපා ගත්තෝය. තවද ඔවුහු “අල්ලාහ් පිවිතුරුය. මොහු මිනිසෙකු නොවේ. මොහු ගෞරවනීය මලක්වරයෙකු මිස නැතැ”යි පැවසුවෝය.
قَالَتْ فَذَٰلِكُنَّ الَّذِي لُمْتُنَّنِي فِيهِ ۖ وَلَقَدْ رَاوَدتُّهُ عَن نَّفْسِهِ فَاسْتَعْصَمَ ۖ وَلَئِن لَّمْ يَفْعَلْ مَا آمُرُهُ لَيُسْجَنَنَّ وَلَيَكُونًا مِّنَ الصَّاغِرِينَ
“කවර කෙනෙකු විෂයයෙහි නුඹලා මට අවලාද කිව්වේ ද මේ ඔහුය.” යැයි ඇය කීවාය. සැබැවින්ම මම ඔහුව (වරදට) පොලඹවීමට තැත් කළෙමි. නමුත් මොහු ඉවත් වූයේය. ඔහුට මම අණ කරන දෑ ඔහු නොකළේ නම් ඔහු සිරගත කරනු ලබයි. තවද පහත් අයගෙන් (කෙනෙකු) වනු ඇතැ”යි ඇය පැවසුවාය.
قَالَ رَبِّ السِّجْنُ أَحَبُّ إِلَيَّ مِمَّا يَدْعُونَنِي إِلَيْهِ ۖ وَإِلَّا تَصْرِفْ عَنِّي كَيْدَهُنَّ أَصْبُ إِلَيْهِنَّ وَأَكُن مِّنَ الْجَاهِلِينَ
“මාගේ පරමාධිපතියාණනි, ඔවුන් මා කැඳවන (පාපතර) දැයට වඩා සිරගෙය මට ඉතා ප්රියමනාපය. තවද ඔවුන්ගේ කූට උපායන් මාගෙන් නුඹ නොහැරෙව්වේ නම් ඔවුන් වෙත මා නැඹුරු වී අඥානයින් අතුරින් කෙනෙකු වන්නෙමි” යැයි ඔහු(යූසුෆ්) පැවසුවේය.
فَاسْتَجَابَ لَهُ رَبُّهُ فَصَرَفَ عَنْهُ كَيْدَهُنَّ ۚ إِنَّهُ هُوَ السَّمِيعُ الْعَلِيمُ
එහෙයින් ඔහුගේ පරමාධිපති ඔහු(ගේ ප්රාර්ථනාව)ට පිළිතුරු දුන්නේය. ඔවුන්ගේ කූට උපාය ඔහුගෙන් පහ කළේය. සැබැවින්ම ඔහු සර්ව ශ්රාවකය සර්වඥය.
ثُمَّ بَدَا لَهُم مِّن بَعْدِ مَا رَأَوُا الْآيَاتِ لَيَسْجُنُنَّهُ حَتَّىٰ حِينٍ
(යූසුෆ් නිදොස් පුද්ගලයෙකු බවට) ඔවුන් සාධක දුටු පසු පවා (තම පවුලේ නම්බුව ආරක්ෂා කිරීම පිණිස) “නියමිත කාලයක් දක්වා ඔහුව සිරගත කළ යුතුමය” යැයි ඔවුනට හැඟුණි.
وَدَخَلَ مَعَهُ السِّجْنَ فَتَيَانِ ۖ قَالَ أَحَدُهُمَا إِنِّي أَرَانِي أَعْصِرُ خَمْرًا ۖ وَقَالَ الْآخَرُ إِنِّي أَرَانِي أَحْمِلُ فَوْقَ رَأْسِي خُبْزًا تَأْكُلُ الطَّيْرُ مِنْهُ ۖ نَبِّئْنَا بِتَأْوِيلِهِ ۖ إِنَّا نَرَاكَ مِنَ الْمُحْسِنِينَ
ඔහු සමග තරුණයින් දෙදෙනෙකු ද සිරගෙට ඇතුළු වූවෝය. ඔවුන් දෙදෙනාගෙන් එක් අයෙකු “සැබැවින්ම මම මත්පැන් පෙරනු (සිහිනෙන්) දුටුවෙමි” යැයි පැවසුවේය. අනෙකා “සැබැවින්ම මම මාගේ හිසට ඉහළින් රොටි ඔසවා ගෙන සිටිනු ද එයින් පක්ෂීන් අනුභව කරනු ද (සිහිනෙන්) දුටුවෙමි” යැයි පැවසුවේය. මෙහි යථාර්ථය අපට දන්වා සිටිනු. සැබැවින්ම යහපත් පුද්ගලයින් අතුරින් අපි නුඹව දකින්නෙමු. (යැයි පැවසුවෝය.)
قَالَ لَا يَأْتِيكُمَا طَعَامٌ تُرْزَقَانِهِ إِلَّا نَبَّأْتُكُمَا بِتَأْوِيلِهِ قَبْلَ أَن يَأْتِيَكُمَا ۚ ذَٰلِكُمَا مِمَّا عَلَّمَنِي رَبِّي ۚ إِنِّي تَرَكْتُ مِلَّةَ قَوْمٍ لَّا يُؤْمِنُونَ بِاللَّهِ وَهُم بِالْآخِرَةِ هُمْ كَافِرُونَ
“නුඹලාට දෙනු ලබන ආහාරය නුඹලා වෙත පැමිණීමට පෙර එහි යථාර්ථය මම නුඹලාට දන්වා සිටිනවා මිස එය නුඹ වෙත නොපැමිණෙන්නේය. මෙය මාගේ පරමාධිපති මට ඉගැන්වූ දැයින්ය. අල්ලාහ්ව විශ්වාස නොකරන පරමාන්තය පිළිබඳව ප්රතික්ෂේප කරමින් සිටින පිරිසෙහි වත් පිළිවෙත් මම අත හැර දැමුවෙමි” යැයි ඔහු(යූසුෆ්) පැවසුවේය.
8නබි යූසුෆ් තුමාණන් මෙළෙස පැවසීමට හේතු වූයේ එකළ බොහෝ උදවිය සිහිනයන්ට බොරු විවිරණ පවසමින් සිටි බවත් ඔවුන්ගේ වත්පිළිවෙත් මොහු අනුගමනය නොකරන බවත් පැහැදිළි කිරීමටය.
وَاتَّبَعْتُ مِلَّةَ آبَائِي إِبْرَاهِيمَ وَإِسْحَاقَ وَيَعْقُوبَ ۚ مَا كَانَ لَنَا أَن نُّشْرِكَ بِاللَّهِ مِن شَيْءٍ ۚ ذَٰلِكَ مِن فَضْلِ اللَّهِ عَلَيْنَا وَعَلَى النَّاسِ وَلَـٰكِنَّ أَكْثَرَ النَّاسِ لَا يَشْكُرُونَ
මාගේ පියවරුන් වන ඉබ්රාහීම් ඉස්හාක් යඃකූබ් යන අයගේ වත් පිළිවෙත මම පිළිපදින්නෙමි. අල්ලාහ්ට කිසිවකින් ආදේශ තැබීම අපට නුසුදුසුය. මෙය අප වෙත හා මිනිසුන් වෙත වූ අල්ලාහ්ගේ වරප්රසාදයෙනි. එනමුත් මිනිසුන්ගෙන් බොහෝ දෙනා කෘතඥ නොවන්නෝය.
9අල්ලාහ් හැර අන් දෑ නැමදුම් නොකර සිටීමෙන් ආරක්ෂා වීම අල්ලාහ්ගෙන් ලද ඉමහත් වරප්රසාදයකි. එනම් ව්යාජ දෙවිවරුන් නමැද නිරන්තර දඬුවමට ලක් විය හැකි හෙයින් ඉන් ආරක්ෂා වීම ඉමහත් වරප්රසාදයක් නොවේ ද?.
يَا صَاحِبَيِ السِّجْنِ أَأَرْبَابٌ مُّتَفَرِّقُونَ خَيْرٌ أَمِ اللَّهُ الْوَاحِدُ الْقَهَّارُ
“මාගේ සිරගෙයි සගයිනි, විවිධ බහු දෙවිවරුන් ශ්රේෂ්ඨ ද? නැතහොත් ඒකීය බලපරාක්රම අල්ලාහ් (ශ්රේෂ්ඨ) ද?”
مَا تَعْبُدُونَ مِن دُونِهِ إِلَّا أَسْمَاءً سَمَّيْتُمُوهَا أَنتُمْ وَآبَاؤُكُم مَّا أَنزَلَ اللَّهُ بِهَا مِن سُلْطَانٍ ۚ إِنِ الْحُكْمُ إِلَّا لِلَّهِ ۚ أَمَرَ أَلَّا تَعْبُدُوا إِلَّا إِيَّاهُ ۚ ذَٰلِكَ الدِّينُ الْقَيِّمُ وَلَـٰكِنَّ أَكْثَرَ النَّاسِ لَا يَعْلَمُونَ
ඔහු(අල්ලාහ්) හැර නුඹලා නමදින දෑ නුඹලා හා නුඹලාගේ මුතුන්මිත්තන් තැබූ නාමයන් මිස නැත. අල්ලාහ් ඒවාට කිසිදු සාධකයක් පහළ කළේ ද නැත. විනිශ්චය අල්ලාහ්ටම මිස නැත. ඔහු හැර වෙනත් කිසිවෙකුට නුඹලා නොනැමදිය යුතු යැයි ඔහු අණ කරන්නේය. එයයි ඍජූ දහම වන්නේ. එනමුත් මිනිසුන්ගෙන් බොහෝ දෙනා (ඒ බව) නොදනිති.
يَا صَاحِبَيِ السِّجْنِ أَمَّا أَحَدُكُمَا فَيَسْقِي رَبَّهُ خَمْرًا ۖ وَأَمَّا الْآخَرُ فَيُصْلَبُ فَتَأْكُلُ الطَّيْرُ مِن رَّأْسِهِ ۚ قُضِيَ الْأَمْرُ الَّذِي فِيهِ تَسْتَفْتِيَانِ
මාගේ සිරගෙයි සගයිනි, නුඹලා දෙදෙනාගෙන් එක් අයෙකු නම් ඔහු තම ස්වාමියාට අමෘතය සපයයි. අනෙකා නම් කුරුසියේ ඇණ ගසනු ලැබ පසුව ඔහුගේ හිසෙහි සිට පක්ෂීන් අනුභව කරනු ඇත. නුඹලා දෙදෙනා කවර දෙයක් පිළිබඳව විමසා සිටියේ ද එම කරුණ (එසේ) තීන්දු වී ඇත.
وَقَالَ لِلَّذِي ظَنَّ أَنَّهُ نَاجٍ مِّنْهُمَا اذْكُرْنِي عِندَ رَبِّكَ فَأَنسَاهُ الشَّيْطَانُ ذِكْرَ رَبِّهِ فَلَبِثَ فِي السِّجْنِ بِضْعَ سِنِينَ
ඔවුන් දෙදෙනාගෙන් සැබැවින්ම තමා නිදහස ලබන්නේ යැයි සිතූ අයට “නුඹේ ස්වාමියාට මා ගැන පවසවු” යැයි ඔහු පැවසුවේය. එවිට තම ස්වාමියාට (යූසුෆ් ගැන) මතක් කර දීමට ෂෙයිතාන් ඔහුට අමතක කෙරෙව්වේය. එබැවින් (තවත්) අවුරුදු ගණනාවක් ඔහු සිරගෙයි ලැඟුම් ගත්තේය.
10මෙහි සඳහන් වී ඇති පුද්ගලයා රජුගේ සේවකයෙකි. නබි යූසුෆ් තුමාණන් කිසිදු වැරැද්දක් නොමැතිව ඔහුව සිරිගත කළේ මන්දැ’යි රජුගෙන් අසන ලෙස නබි යූසුෆ් තුමාණන් ඔහුට පැවසුවේය.
وَقَالَ الْمَلِكُ إِنِّي أَرَىٰ سَبْعَ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعَ سُنبُلَاتٍ خُضْرٍ وَأُخَرَ يَابِسَاتٍ ۖ يَا أَيُّهَا الْمَلَأُ أَفْتُونِي فِي رُؤْيَايَ إِن كُنتُمْ لِلرُّؤْيَا تَعْبُرُونَ
(දිනක්,) “කෙසඟ හරක් හත් දෙනෙකු පුෂ්ටිමත් හරක් හත් දෙනෙක්ව කා දැමීම ද සාරවත් කරල් හතක් හා තවත් (හතක්) වියළුණු ඒවා ද මම (සිහිනෙන්) දුටුවෙමි. “අහෝ මාගේ ප්රධානියනි! නුඹලා සිහින වලට විවරණයන් දැන සිටින්නේ නම් මාගේ සිහිනය මට විග්රහ කර දෙනු”යි රජතුමා පවසා සිටියේය.
قَالُوا أَضْغَاثُ أَحْلَامٍ ۖ وَمَا نَحْنُ بِتَأْوِيلِ الْأَحْلَامِ بِعَالِمِينَ
“(මේවා) තේරුමක් නැති සිහිනයන්ය. තවද අපි (මෙවන්) සිහින වලට විවරණය පවසන්නට දැනුම ඇත්තන් නොවන්නෙමු” යැයි ඔවුහු පැවසුවෝය.
وَقَالَ الَّذِي نَجَا مِنْهُمَا وَادَّكَرَ بَعْدَ أُمَّةٍ أَنَا أُنَبِّئُكُم بِتَأْوِيلِهِ فَأَرْسِلُونِ
(එවිට) ඔවුන් දෙදෙනාගෙන් නිදහස ලැබූ කෙනා කලකට පසු (යූසුෆ් පිළිබඳව) මතකයට පැමිණ “මෙහි විවරණය මම නුඹලාට දන්වා සිටින්නෙමි. එබැවින් නුඹලා (මෙහි විවරණය දන්නා යූසුෆ් නැමැති පුද්ගලයා වෙත) මා යවනු” යැයි පැවසුවේය.
يُوسُفُ أَيُّهَا الصِّدِّيقُ أَفْتِنَا فِي سَبْعِ بَقَرَاتٍ سِمَانٍ يَأْكُلُهُنَّ سَبْعٌ عِجَافٌ وَسَبْعِ سُنبُلَاتٍ خُضْرٍ وَأُخَرَ يَابِسَاتٍ لَّعَلِّي أَرْجِعُ إِلَى النَّاسِ لَعَلَّهُمْ يَعْلَمُونَ
(පසුව ඔහු යූසුෆ් වෙත පැමිණ) අහෝ සත්යවන්ත යූසුෆ්! “කෙසඟ හරක් හත් දෙනෙකු පුෂ්ටිමත් හරක් හත් දෙනෙකුව කා දැමීම ද සාරවත් කරල් හතක් හා තවත් (හතක්) වියළුණු ඒවා (ඇතුළත්ව දුටු සිහිනය ගැන) අපට විග්රහ කරවු. මම ජනයා වෙත නැවත යන්නෙමි. (එවිට එම විග්රහය පිළිබඳව) ඔවුනට දැන ගත හැකි වන්නේය.
قَالَ تَزْرَعُونَ سَبْعَ سِنِينَ دَأَبًا فَمَا حَصَدتُّمْ فَذَرُوهُ فِي سُنبُلِهِ إِلَّا قَلِيلًا مِّمَّا تَأْكُلُونَ
නුඹලා අඛණ්ඩව වසර හතක් ගොවිතැන් කරනු ඇත. (පසුව) නුඹලා අස්වනු නෙළන දැයින් නුඹලා අනුභව කිරීමට (අවශ්ය) ස්වල්පය මිස (සෙසු දෑ) කරල් සමග අත හැර දමවු. යැයි ඔහු(යූසුෆ්) පැවසුවේය.
ثُمَّ يَأْتِي مِن بَعْدِ ذَٰلِكَ سَبْعٌ شِدَادٌ يَأْكُلْنَ مَا قَدَّمْتُمْ لَهُنَّ إِلَّا قَلِيلًا مِّمَّا تُحْصِنُونَ
අනතුරුව එ(ම අවුරුදු කිහිප)යට පසුව දරුණු (ඉඩෝර අවුරුදු) හතක් පැමිණෙයි. එ(ම ඉඩෝර සම)ය සඳහා නුඹලා පෙර රැස් කළ දැයින් නුඹලා (වැපිරීම සඳහා) ගබඩා කරන ස්වල්පය මිස (සෙසු දෑ) කා දමනු ඇත. (යැයි ඔහු රජුගේ සිහිනයට විග්රහ කළේය.)
ثُمَّ يَأْتِي مِن بَعْدِ ذَٰلِكَ عَامٌ فِيهِ يُغَاثُ النَّاسُ وَفِيهِ يَعْصِرُونَ
අනතුරුව එ(ම අවුරුදු කිහිප)යට පසුව ජනයාට වර්ෂාව ලබා දෙන තවත් වසරක් පැමිණෙයි. එහි ඔවුන් (පලතුරු වලින් බොහෝ ලෙස) යුෂ පෙරා ගනිති. (යනුවෙන් ද ඔහුට දැන්වුයේය.)
وَقَالَ الْمَلِكُ ائْتُونِي بِهِ ۖ فَلَمَّا جَاءَهُ الرَّسُولُ قَالَ ارْجِعْ إِلَىٰ رَبِّكَ فَاسْأَلْهُ مَا بَالُ النِّسْوَةِ اللَّاتِي قَطَّعْنَ أَيْدِيَهُنَّ ۚ إِنَّ رَبِّي بِكَيْدِهِنَّ عَلِيمٌ
(එම විග්රහය රජුට දැන් වූ කල) “ඔහුව මා වෙත (නිදහස් කොට) ගෙන එනු” යැයි රජතුමා ප්රකාශ කළේය. (ඔහුගේ පණිවිඩය ගෙන ආ) දූතයා ඔහු වෙත පැමිණි කල්හි “නුඹේ ස්වාමියා වෙත නැවත යනු. තමන්ගේ අත් කපා ගත් කන්තාවන්ගේ තත්ත්වය කෙසේ දැ?යි ඔහුගෙන් විමසා සිටිවු. සැබැවින්ම මාගේ පරමාධිපති ඔවුන්ගේ කූට උපාය ගැන සර්වඥය.” යැයි ඔහු(යූසුෆ්) පැවසුවේය.