المسد
අල්-මසද් · Al-Masad
මක්කී5 පද්ය
1
تَبَّتْ يَدَا أَبِي لَهَبٍ وَتَبَّ
අබූ ලහබ්ගේ දෑත් විනාශයට පත් වේවා! ඔහු ද විනාශයට පත් වේවා! 1
1අබු ලහබ් නමැත්තා නබි මුහම්මද් තුමාණන්ගේ මහප්පා කෙනෙකි. අල් කුර්ආන් 26:214 මගින් තම ගෝත්රයට ඉස්ලාමය කරා ඇරයුම් කරන ලෙස නියෝගය ලැබු විට නබි මුහම්මද් තුමා ‘සෆා’ නම් කන්ද මත නැග එම යුගයේ සතුරු උවදුරක් පිළිබඳව අනතුරු අඟවන ආකාරයෙන් තම ගෝති්රක ජනතාවට ඇරයුම් කළේය. සියලු දෙනාම එතැනට රැස් වූ පසු ”නුඹලාට පහර දීම සඳහා සතුරු සේනාවක් සූදානම් වන බව මා පැවසුවේ නම් නුඹලා එය විශ්වාස කරන්නෙහු ද?” යනුවෙන් විමසුවේය. ඔවුන් සියලු දෙනාම එයට ‘එසේය’ යැයි පිළිතුරු දුන්නෝය. එවිට නබි මුහම්මද් තුමාණන් (නුඹලා පිළිම නැමදුමෙහි තවදුරටත් නිරත වන්නේ නම්) ‘මම බලවත් වේදනාකාරී දඬුවමක් ගැන දැන්වීමට නුඹලා වෙත එවනු ලැබු අවවාදකරුවෙක්මි’ යැයි පැවසුවේය. එවිට අබු ලහබ් ‘නුඹ විනාශයට පත්වේවා! අප මෙතැනට රැස් කළේ මෙය පවසන්න දැ?’යි බැණ වැදුණේය. මෙම සිදුවීම පසුබිම් කර ගෙන මෙම සූරාව පහළ විය.
2
مَا أَغْنَىٰ عَنْهُ مَالُهُ وَمَا كَسَبَ
ඔහුගේ ධනය ද ඔහු ඉපැයූ දෑ ද ඔහුට ඵලක් නොවීය. 2
2මරණයෙන් පසු වේදනාවක් ඇති බව සත්යය නම් තමා ආරක්ෂා කරගන්නට තමාට ඕනෑ තරම් දරුවන් ද ධනය ද තිබෙන බව අබු ලහබ් අහංකාරයෙන් පැවසුවේය. ඔහුගේ මෙම අහංකාර ප්රකාශයට පිළිතුරක් වශයෙන් මෙම ආයතය පහළ විය.
3
سَيَصْلَىٰ نَارًا ذَاتَ لَهَبٍ
ඔහු දලූ ලා ඇවිළෙන ගින්නට පිවිස දැවෙනු ඇත.
4
وَامْرَأَتُهُ حَمَّالَةَ الْحَطَبِ
දර උසුලන්නියක් වූ ඔහුගේ (දුෂ්ට) බිරිය ද (දැවෙනු ඇත). 3
3අබු ලහබ්ගේ බිරිය උම්මු ජමීල්ය. තම සැමියා මෙන් ඇය ද නබි මුහම්මද් තුමාණන්ගේ පරම සැතිරියකි. ඇය කැලෑවෙන් කටු සහිත අතු රැස් කර ගෙනැවිත් නබි මුහම්මද් තුමාණන් ඇවිදින මාර්ගයේ අතුරා තබයි. ඇයට ‘දර උසුලන්නිය’ යන කියමන යෙදුණේ මේ නිසාය. තවත් විචාරකයින් පවසන ආකාරයට ජනතාව අතර බොරු කේලාම් කියා භේදය හා සතුරුකම සිදු කරන අයට අරාබි බසින් ‘දර උසුලන්නා’ යනුවෙන් ව්යවහාර වී ඇත. ඇය ද නබි මුහම්මද් තුමාණන්ට එරෙහිව කේලාම් කියමින් එතුමාට එරෙහිව ද්වේෂය ඇති කරන්නට හේතු වුවාය. මෙහි ඇයව ‘දුෂ්ට බිරිය’ යනුවෙන් සඳහන් කර ඇත්තේ මේ හේතුවෙනි.
5
فِي جِيدِهَا حَبْلٌ مِّن مَّسَدٍ
ඇයගේ ගෙලෙහි කෙඳි වලින් ඇඹරූ කඹය(ක් මෙන් වූ යකඩ දම්වැල)කි. 4
4මතු නැගිටුවනු ලබන දිනයේ මෙම කාන්තාව නැගිටුවනු ලබන්නේ මේ ආකාරයෙනි.