الكافرون
අල්-කාෆිරූන් · Al-Kafirun
මක්කී6 පද්ය
1
قُلْ يَا أَيُّهَا الْكَافِرُونَ
(නබිවරය,) නුඹ පවසවු. ”(සමස්ත) ප්රතික්ෂේපකයිනි,
2
لَا أَعْبُدُ مَا تَعْبُدُونَ
නුඹලා නමදින දෑ මම නොනමදිමි.
3
وَلَا أَنتُمْ عَابِدُونَ مَا أَعْبُدُ
තවද මා නමදින දෑ නුඹලා නමදින්නෝ නොවන්නෙහුය. 1
1මිථ්යාදෘෂ්ටිකයින් පිරිසක් තමන් දැනට නැමදුම් කරන ඔවුන්ගේ දෙවිවරුන් සමග අල්ලාහ්ට ද නැමදුම් කිරීමට තමන් සූදානම් බව ද ඒ වෙනුවට නබි මුහම්මද් තුමාණන් ද අල්ලාහ් සමග ඔවුන්ගේ දෙවිවරුන්ට නැමදුම් කළ යුතු බව ද එමගින් දෙපිරිස අතර පොදු එකඟතාවක් ගොඩ නැගිය හැකි වන බව ද යෝජනා කළෝය. එම අවස්ථාවේ මෙම යෝජනාව ප්රතික්ෂේප කරමින් මෙම සූරාව පහළ විය. වැරදි මතයක් පදනම් කර ගත් කිසිදු සම්මුතියකට කිසිවෙකු එළැඹිය නොයුතු බව මෙහි පැහැදිලිව ප්රකාශ කරන ලදී. තවද අනිකුත් ව්යාජ දෙවිවරුන්ට නැමදුම් කරන අතර අල්ලාහ්ට ද නැමදුම් කරන බව ඔවුන් පවසන්නේ මුසාවක් බවද පැහැදිලි කරන ලදී. ‘මා නමදින දෑ නුඹලා නමදින්නෝ නොවන්නෙහුය’ යන ආයතය අල්ලාහ්ව නැමදීමේ දී අන් සියලු දැයින් බැහැර වී ඔහුට පමණක් නැමදිය යුතුයි යන්න පැහැදිලි කරයි. මිථ්යාදෘෂ්ටික අරාබිවරුන් අල්ලාහ්ට නැමදුම් කරන නමුත් අල්ලාහ් සමග වෙනත් දෙවිවරු ආදේශ කරන හෙයින් එය අල්ලාහ්ට පමණක් කරන නැමදුමක් බවට පත් වන්නේ නැත.
4
وَلَا أَنَا عَابِدٌ مَّا عَبَدتُّمْ
තවද නුඹලා නැමදූ දෑ මම (ඉදිරියේ දී පවා) නමදින්නෙකු නොවෙමි, 2
2ප්රතික්ෂේපකයින්ගේ පිළිගත නොහැකි යෝජනාවට නබි මුහම්මද් තුමාණන් තත්කාලීනව ද ඉදිරියේදී ද කිසිසේම එකඟ නොවන බව මෙම සූරාව තහවුරු කරයි.
5
وَلَا أَنتُمْ عَابِدُونَ مَا أَعْبُدُ
තවද මා නමදින දෑ නුඹලා නමදින්නෝ නොවන්නෙහුය.
6
لَكُمْ دِينُكُمْ وَلِيَ دِينِ
නුඹලාට නුඹලාගේ දහමය, මට මාගේ දහමය.” 3
3මෙම ආයතය ඔවුන්ගේ ව්යාජ විශ්වාසය තුළ කි්රයා කිරීමට ඔවුන්ට දුන් අනුමැතියක් නොවන නමුත් ඔවුන් යෝජනා කළ එකඟතාව පිළිගත නොහැකි බව ද ඔවුන්ගේ ක්රියාවන් සඳහා ඔවුන් වගකිව යුතු බව ද මාගේ කි්රයාවන් සඳහා මා වගකිව යුතු බව ද අර්ථවත් වෙයි.