الكوثر
අල්-කව්සර් · Al-Kawthar
මක්කී3 පද්ය
1
إِنَّا أَعْطَيْنَاكَ الْكَوْثَرَ
1 සැබැවින්ම අපි ‘කව්සර’ ය නුඹට පිරිනැමුවෙමු. 2
1අල් කුර්ආනයේ ඉතා කුඩාම සූරාව මෙයයි.
2‘කව්සර්’ යන වදනේ භාෂාමය අර්ථය ‘අධික වූ හොඳ දෑ’ ය. තවද එය ස්වර්ගයේ තිබෙන දිය තටාකයක් බව ද එහි ජලය නබි මුහම්මද් තුමාණන් යටතේ පවරන ලද්දක් බව ද අල්ලාහ් කෙරෙහි විශ්වාසය තබන්නන්ට පමණක් එතුමා එයින් පානය සඳහා බෙදා දෙන බව ද හදීසයක සඳහන් වී ඇත. එහෙයින් මෙම අර්ථ දෙක මගින් පැහැදිලි වන්නේ අල්ලාහ් ඔහුගේ නබිවරයාට අධික වූ හොඳ දෑ හා ස්වර්ග නදිය පිරිනමන බවය.
2
فَصَلِّ لِرَبِّكَ وَانْحَرْ
එබැවින් නුඹගේ පරමාධිපතිට සලාතය ඉටු කරවු. තවද (සතුන්) කැප කරවු. 3
3මෙම ආයතයෙන් අදහස් කරන්නේ නබි මුහම්මද් තුමාණන්ට පිරිනමන ලද දායාදයන් වෙනුවෙන් කෘතවේදී වනු පිණිස අල්ලාහ්ට අධික ලෙස නැමදුම් කරන ලෙසය. විශේෂයෙන් සලාතය ඉටු කිරීම මගින් ද සතුන් කුර්බාන් දීම මගින් ද එම නැමදුම ඉටු කරන මෙන් අල්ලාහ් අණ කර ඇත.
3
إِنَّ شَانِئَكَ هُوَ الْأَبْتَرُ
සැබැවින්ම නුඹගේ සතුරා වන ඔහුය (සියලු යහපත් දැයින්) කපා හරිනු ලද්දා. 4
4නබි මුහම්මද් තුමාණන්ට උපන් පිරිමි දරුවන් වැඩිකල් ජීවත් නොවු හේතුවෙන් ආස් ඉබ්නු වාඉල් වැනි ඇතැම් ප්රතික්ෂේපකයින් එතුමාට ‘අබ්තර්’ යන යෙදුම පරපුරක් නොමැත්තා යන අදහසින් ඇමතුවෝය. එතුමාට පසුව පිරිමි දරු පරම්පරාවක් නොමැති හෙයින් දහම් ප්රචාරය එතුමා සමගම අවසාන වන බව ද පැවසුවෝය. නබි මුහම්මද් තුමාණන් සහ එතුමාගේ දහම් ප්රචාරය අවසන් නොවී සදාකල් පවතින බව ද ‘අබ්තර්’ බවට පත් වනුයේ එතුමාගේ සතුරාම බවද ඉන් පසු ඔහුව කිසිවෙක් සිහිපත් නොකරන අතර ඔහු පිළිබඳව කිසිඳු යහපත් සිතුවිල්ලක් කිසිවෙකුට ඇති නොවන බවද මෙම ආයතයෙන් පිළිතුරු දෙයි.