الفيل

අල්-ෆීල් · Al-Fil

මක්කී5 පද්‍ය

أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ

ඇත් සේනාව සමග නුඹගේ පරමාධිපති කටයුතු කළ ආකාරය කෙසේ දැයි නුඹ නොදුටුවෙහි ද? ¹

1යෙමන් රාජ්යයේ කිතුනු පාලකයෙකු වූ අබ්රහා රජු පිළිබඳව මෙහි සඳහන් වේ. මක්කාවේ පිහිටි අල්ලාහ්ව නැමදීම සඳහා ස්ථාපිත කරන ලද මුල් ගෘහය වන කඃබාව වෙත යන වන්දනාකරුවන් තමන්ගේ දේශය වෙත ගෙන්වා ගැනීමේ අරමුණින් ඔහු අලංකාරවත් විශාල දේවස්ථානයක් යෙමන් දේශයෙහි නිර්මාණය කළේය. තම ජනතාව කඃබාව වෙත යෑම වළක්වා ඒ වෙනුවට මෙම දේවස්ථානය වන්දනා කළ යුතු යැයි ඔහු ජනයාට අණ කළේය. මේ ගැන කෝප වූ කුරෙයිෂ් ගෝත්රයට අයත් අයෙකු එම දේවස්ථානය තුළට ගොස් එහි අපවිත්ර කළ අතර තවත් පිරිසක් එහි කොටසකට ගිනි තැබුවෝය. මෙයින් අධික කෝපයට පත් අබ්රහා රජු මෙයට පළි ගැනීමක් වශයෙන් මක්කාවේ කඃබාව විනාශ කර සමතලා කරන බවට දිවුරා සිටියේය. මේ අරමුණ ඉටු කිරීමට විශාල සේනාවක් රැස් කර ඉතියෝපියාවේ අධිරාජයා වන නේගස් විසින් සපයන ලද ඇතුන් සමග මෙහෙයුම දියත් කළේය. ඔවුන් ‘හිජාස්’ ප්රදේශය පසු කරමින් යන විට තමාට හරස් වු ගෝත්ර කිහිපයක්ම පරාජයට පත් කර මක්කාව අසල ‘මග්මාස්’ නම් ස්ථානයේ තාවකාලිකව ලැගුම් ගත්තේය. නබි මුහම්මද් තුමාගේ සීයා වන අබ්දුල් මුත්තලිබ් එකල මක්කා වැසියන්ගේ ප්රධානියා විය. ශුද්ධ වූ කඃබාව ආරක්ෂා කරන ලෙස ඔහු කඃබා දොරටුව මත අත තබා සර්ව බලධාරි අල්ලාහ්ගෙන් බැගෑපත්ව අයැද සිටියේය. පසු දින උදෑසන අබ්රහා රජු කඃබාව දෙසට සේනාව මෙහෙය වූ නමුත් ඇතුන් ඒ දෙසට ගමන් කිරීමෙන් වැළකුණි. ඒ අවස්ථාවේ මුහුද දෙසින් කුඩා කුරුලූ රංචුවක් තම හොටෙහි හා පාද වල පරිප්පු ඇට ප්රමාණයේ කුඩා ගල් කැට තුන බැගින් රැගෙන ආවෝය. එම කුරුලූ රංචුව පියාඹා ගොස් එම ගල් කැට අබ්රහා රජුගේ සේනාව මත හෙළුවෝය. එවිට සෙබළුන්ගේ සිරුරු සිදුරු වී විනාශ විය. මහත් භීතියට පත් ඇත් සේනාව එතැනින් පලා ගියෝය. ඔවුන්ගෙන් විශාල පිරිසක් එම ස්ථානයේම මරණයට පත් වූහ. ඉතිරි පිරිස ආපසු හැරී යන අතරමග මරණයට පත් වූහ. අබ්රහා රජු ද ඔහුගේ සිරුර පුරා විෂ පැතිරී දරුණු රෝගයකට ගොදුරු වී යෙමනයේ ඉතාමත් දුක්ඛිත ලෙස මරණයට පත් විය. නබි මුහම්මද් තුමාණන් උපත ලැබුවේ ද මෙම සිද්ධිය සිදු වූ වර්ෂයේය. මෙම සූරාවෙහි සඳහන් එම සිද්ධිය කරුණු දෙකක් පෙන්වා දෙයි. පළමුව අල්ලාහ්ට එරෙහිව කි්රයා කරන්නන්ට අල්ලාහ් දඬුවම් දෙන්නේ කෙසේ දැ’යි මක්කා වාසින්ට පෙන්වීමය. දෙවනුව එතරම් විශාල සේනාවකින් වුවද ඔවුන් ආරක්ෂාව ලැබුවේ අල්ලාහ්ට පමණක් නැමදුම ඉටු කිරීම සඳහා ස්ථාපිත කළ කඃබාවේ භාග්යය හේතුවෙනි. මෙම නිවස ස්ථාපිත කිරීමේ මූලික අරමුණ වන අල්ලාහ්ව නැමදීමට පටහැණිව ක්රියා කරන්නේ නම් ඔවුහු කිසිදු අනුකම්පාවක් ලැබීමට සුදුස්සන් නොවෙති.

أَلَمْ يَجْعَلْ كَيْدَهُمْ فِي تَضْلِيلٍ

ඔවුන්ගේ කූට උපක්රමය ඔහු ශූන්යභාවයට පත් නොකළේ ද?

وَأَرْسَلَ عَلَيْهِمْ طَيْرًا أَبَابِيلَ

තවද පුළුස්සන ලද (මැටි වලින්) වූ ගල් ඔවුන් මත එල්ල කරන පක්ෂීන් රංචු වශයෙන් ඔවුන් වෙත ඔහු යැව්වේය.

تَرْمِيهِم بِحِجَارَةٍ مِّن سِجِّيلٍ

فَجَعَلَهُمْ كَعَصْفٍ مَّأْكُولٍ

එවිට විකා දමන ලද පිදුරු මෙන් ඔවුන්ව ඔහු පත් කළේය.