الهمزة
අල්-හුමසා · Al-Humazah
මක්කී9 පද්ය
1
وَيْلٌ لِّكُلِّ هُمَزَةٍ لُّمَزَةٍ
(නැති තැන) නුගුණ කියන හා (ඇති තැන) අවමන් කරන සෑම කෙනෙකුටම විනාශය අත්වේවා! 1
1‘හුමzසා’ යනු කෙනෙක් නැති තැන ඔහු ගැන නුගුණ කීම වන අතර ‘ලුමzසා’ යනු කෙනෙක් සිටිනා තැන ඔහුගේ මුහුණට ඇනුම් පද කීම, සමච්චල් කිරීම සහ බැණ වැදීම වේ. තවත් විග්රහයකට අනුව ‘හුමzසා’ යනු කේලාම් කීම යනුවෙන් ද ‘ලුමzසා’ යනු ඇස් කොණින් සමච්චල් කිරීම යනුවෙන් ද සඳහන් වී ඇත. මක්කාවේ ජීවත් වූ මිථ්යා දෘෂ්ටිකයෝ මෙම පාපයන් නබි මුහම්මද් තුමාණන්ට එරෙහිව සිදු කළෝය. මෙම ආයතය ඔවුනට අනතුරු අඟවන අතර අපට ද එවැනි පාපයන් හි නොයෙදෙන ලෙස අවවාද කරයි.
2
الَّذِي جَمَعَ مَالًا وَعَدَّدَهُ
ඔහු කවරෙකු ද යත් ධනය රැස් කර එය ගණන් කරමින් සිටින්නාය. 2
2ධනය උපයන්නට පමණක් තම කාලය වැය කරන නමුත් ඒවා දිළින්දන් අතර බෙදා දීම හෝ අල්ලාහ් වෙනුවෙන් වියදම් කිරීම යන තම වගකීම ඉටු නොකරන මක්කාවේ ධනවත් පුද්ගලයෙක් පිළිබඳව මෙම ආයතය සඳහන් කරයි. නමුත් මෙය පොදුවේ සෑම කෙනෙකුටම අදාළ ආයතයකි.
3
يَحْسَبُ أَنَّ مَالَهُ أَخْلَدَهُ
ඔහුගේ ධනය ඔහුව සදාතනික කරනු ඇතැයි ඔහු සිතන්නේය.
4
كَلَّا ۖ لَيُنبَذَنَّ فِي الْحُطَمَةِ
එසේ (ඔහු සිතන පරිදි) නොව සැබැවින්ම ‘හුතමා’හි ඔහු හෙළනු ලබන්නේය.
5
وَمَا أَدْرَاكَ مَا الْحُطَمَةُ
තවද ‘හුතමා’ යනු කුමක් දැයි නුඹව දැනුවත් කළේ කුමක් ද?
6
نَارُ اللَّهِ الْمُوقَدَةُ
(එය නිරයෙහි) මොළවනු ලැබූ අල්ලාහ්ගේ ගින්නය.
7
الَّتِي تَطَّلِعُ عَلَى الْأَفْئِدَةِ
එය හදවත් වෙත එබිකම් කරන්නකි.
8
إِنَّهَا عَلَيْهِم مُّؤْصَدَةٌ
සැබැවින්ම එය ඔවුන් වෙළා ගනු ලබන්නකි.
9
فِي عَمَدٍ مُّمَدَّدَةٍ
(එය) පුළුල් වූ කුලූනුහිය.